Në një shoqëri me pluralizëm politik normal, ose pjesë të kulturës politike, lufta e ashpër mes palëve dhe kompromisi ose marrëveshja janë dy anë të së njëjtës veprimtari politike, e cila ka në themele komunikimin.
Natyrisht në Shqipëri nuk flet dot për pluralizëm si pjesë të kulturës politike, pasi ky sot për sot nuk është veçse një kostum alla frënga i dasive kryesisht të vjetra e ndonjëherë të reja mes shqiptarëve, e sidomos mes të fortëve të shqiptarëve.
Në këto rrethana, edhe diskursi politik mbetet vetvetiu përjashtues, ose monologjik.
Më tërhoqi vëmendjen një pasazh nga fjala e kryeministrit Berisha dje në seancën plenare të Kuvendit, e cila u zhvillua, siç dihet, pa deputetët e opozitës.
Tha ndër të tjera Berisha, duke iu referuar opozitës socialiste [theksimi im, 2Xh]:
Lobe të caktuara dhe grupe të caktuara ushqejnë sofizma antishqiptare në të gjitha format, por ne mbetemi të vendosur që procesin e anëtarësimit në BE, ta kemi një proces të bazuar në performancën tonë.
Edhe një herë, kryeministri përdor në debatin politik kartën kombëtariste, duke i akuzuar kundërshtarët e vet si “antishqiptarë”; çka vetvetiu ia jep atij dhe forcës politike që ai përfaqëson atributin e atdhetarizmit total.
Sipas kësaj logjike, kundërvënia midis PD-së dhe PS-së në arenën politike shqiptare është, në thelb, kundërvënie midis atdhetarëve dhe tradhtarëve të atdheut.
Për mua, ky lloj diskursi politik është aq primitiv sa duhej të ishte dëbuar prej kohësh prej pallateve të politikës shqiptare. Duke e bërë të vetin, kryeministri shqiptar i shfaqet publikut si relike çuditërisht vitale, e një hipokrizie që i ka rrënjët në interregnum-in Alia.
Vetëm dy ditë më parë, ndodhi incidenti gjatë vizitës së deputetëve socialistë për të inspektuar gjendjen e tunelit Thirrë-Kalimash. Siç raporton gazeta “Koha Jonë”:
Banoret e pranishem ne viziten e zyrtareve te partise me te madhe ne opozite, duke i akuzuar deputetet si antikombetare dhe kundershtare te kesaj vepre madhore, qe bashkon kombin shqiptar dhe se e po e perdorin edhe kete rruge per show politik, i kane perzene deputetet socialiste nga tuneli dhe nuk i kane lejuar te futen ne te.
Duket sikur kryeministri shqiptar është vënë në krye të një lëvizjeje të opinionit publik, e cila ka për qëllim ta likuidojë pluralizmin politik në Shqipëri në emër të kombëtarizmit.
Vini re tonin që përdor “Koha Jonë” për të përshkruar reagimin e banorëve të Thirrës – këta, si njerëz të tabanit dhe patriotë të natyrshëm, i japin vetes të drejtën të akuzojnë deputetët si “antikombëtarë” dhe “kundërshtarë” të tunelit; çka vetvetiu e shndërron tunelin në një lloj përmendoreje vigane të PD-së dhe politikave të saj!
Ja si u shpreh një fshatar i Thirrës, i identifikuar nga “Koha Jonë” si Banori 1:
Une personalisht si banor i kesaj zone, per here te pare sot pashe nje cudi te madhe, qe disa deputete, te quajtur deputete se akoma sot s’e kane marre mandatin dhe jane persona, te cilet jane jashte politikes se elektoratit qe i kane votuar. Kane ardhur per te mohuar vepren me te madhe qe eshte bere ne historine e kombit shqiptar, qe kjo veper nuk u sherben vetem zones sone, por i sherben te gjithe kombit shqiptar pa dallim politik. Eshte arteria e kombit shqiptar.
Natyrisht, Banori 1, jo vetëm është identifikuar nga gazeta si dikur figurantët në listat e personazheve të pjesëve teatrale, por edhe po reciton sipas një skenari të gatshëm, meqë në fjalët e tij përmblidhet krejt strategjia e hartuar dhe e praktikuar nga PD-ja dhe Berisha vetë, për të luftuar bojkotin socialist.
Këtu nuk ndonjë gjë për t’u alarmuar; dhe në të vërtetë askush nuk pret nga Banori 1 ndonjë sqarim kushedi çfarë për situatën politike ose për shkaqet që i shtynë deputetët socialistë të inspektojnë vendin ku ishte shembur tuneli. Përkundrazi, është për t’u alarmuar natyrshmëria me të cilën ky figurant i politikës partiake të PD-së akuzon deputetët e një force politike kundërshtare si antishqiptarë. Përgjegjësia për këtë akt të shëmtuar i mbetet Berishës, meqë ai duket se po e nxit dhe e përpunon një diskurs të tillë në jetën politike shqiptare.
Nëse socialistët bëjnë mirë që refuzojnë të hyjnë në Kuvend, kjo duhet diskutuar më vete; sikurse duhet diskutuar më vete mënyra si u trajtua, nga institucionet, protesta socialiste për votën e qershorit. Të gjitha këto janë ngjarje të padëshiruara për jetën politike të një vendi me halle të mëdha si Shqipëria; por janë ngjarje që nuk e përligjin, kurrsesi, transpozimin e debatit politik në kontekste të së drejtës penale, ose të krimit kundër kombit, popullit dhe atdheut.
Dashur pa dashur, Berisha po bën një gabim sa elementar, aq edhe dramatik; që do t’i kushtojë atij vetë sikurse do t’i kushtojë jetës politike në Shqipëri – identifikimin e interesave politike të vetat dhe të PD-së, me interesat kombëtare. I amplifikuar nga mediat dhe i banalizuar deri në nivel tabloidësh, ligjërimi politik i Berishës është ligjërim që vë në pikëpyetje vetë ekzistencën e pluralizmit, si parim themelor i jetës politike në një Shqipëri që kërkon me çdo kusht të bëhet pjesë e Europës:
Zotohem para jush për të ndërmarrë çdo reformë, do paguajmë çdo çmim, në mënyrë që të konsolidohet çdo ditë dhe ne të afrohemi me BE-në. Ne jemi të vendosur që me seriozitet e me vendosmëri të kapërcejmë çdo lloj pengese.
Deklaroi kryeministri shqiptar, me sintaksë të hallakatur, gjatë të njëjtit fjalim.
Kush te konsolidohet? Zotimi, reforma, cmimi, afrimi me BEne, apo BEja? Ajo fjali s’ka pike gramatike, xhaxhai i qan hallin sintakses.
”””Duket sikur kryeministri shqiptar është vënë në krye të një lëvizjeje të opinionit publik, e cila ka për qëllim ta likuidojë pluralizmin politik në Shqipëri në emër të kombëtarizmit.”””
Si dashamires i filologjise me linden pyetjet ; a mund te percaktohet nderkombetaristi si antikombetar ( internacionalisti si antikombetar) ?
Sa larg eshte te qenit nder-/inter- , ndaj te qenit kunder-/anti-?
Per te qene intenacionalist, c’qendrim duhet mbajtur ndaj kombit ?
A i intereson nje intenacionalisti forcimi i ndjenjes kombetare?
Falemnderit paraprakisht per sqarimin.
Unë besoj se ndërkombëtaristi mund të përcaktohej si antikombëtarist.
Përndryshe, një internacionalist mund të besojë se e ardhmja më e mirë për kombin e vet është integrimi në bashkësinë ndërkombëtare.
Internacionalistit mund t’i interesojë taktikisht forcimi i ndjenjës kombëtare, nëse i duket se ky forcim u shërben qëllimeve/politikës/kredos së tij.
Unë gjithashtu besoj se kjo pyetje jotja, Vajtues, nuk ka ndonjë lidhje me temën; t’u përgjigja vetëm për mirësjellje, sikurse do të isha përgjigjur po të më pyesje se ç’ndryshim ka midis rokadës së vogël dhe rokadës së madhe në shah.
“Duke e bërë të vetin, kryeministri shqiptar i shfaqet publikut si relike çuditërisht vitale, e një hipokrizie që i ka rrënjët në interregnum-in Alia”.
Ekzakt : Ramiz Alia perdorte asokohe temin “forcat e erreta”.
”””Internacionalistit mund t’i interesojë forcimi i ndjenjës kombëtare, nëse i duket se ky forcim u shërben qëllimeve/politikës/kredos së tij.”””
Forcimi i ndjenjes kombetare ka sjelle,sjell e do te sjelle forcimin e barrierave mes kombeve, cila eshte kjo kredo/politike/qellim intenacionalist qe perputhet me forcimin e barrierave mes kombeve ?
”””një internacionalist mund të besojë se e ardhmja më e mirë për kombin e vet është integrimi në bashkësinë ndërkombëtare;”””
Varet se c’nenkuptohet me integrim, meqe edhe nacionalistet flasin per integrim, vetem se duhet sqaruar se i kujt niveli eshte integrimi,per te mos e lene te pergjithesuar, politik/ekonomik/kulturor/fetar etj.
””Unë besoj se ndërkombëtaristi mund të përcaktohej si antikombëtarist.””’
Atehere meqe kombetaristi eshte i perqendruar mbi kombin te jesh kunder tij, vetvetiu je kunder kendveshtrimit te tij mbi kombin, nuk ke nje alternative qendrimi ndaj kombit, perndryshe nuk do kishim anti- por alternative. Nderkaq percaktimi si nder- lejon supozimin se ka nje qendrim alternativ.
Marrim psh Statutin e partise se Milos, per ilustrim te qendrimit alternativ. Aty thote qe ne parti mund te hyje cdo nenshtetas i Shqiperise, pa dallim kombesie.
A i mbron kjo parti interesat e Kombit, persa kohe qe eshte parti multietnike?
Pra alternativa e internacionalisteve ne qendrimin ndaj kombit eshte multietniciteti.
Kuptohet vetiu se forcimi i ndjenjes kombetare nuk eshte aspak ne interes te internacionalistit. Vetvetiu cdo aspekt publik qe synon ngritjen e dickaje (teorie,rruge,qendrimi social etj) per qellime kombetare, nga ana internacionaliste do pengohet.
Qe te leme menjane rrokadat e te vijme tek tema, ne rastin e rruges,tek banori ne fjale; nese socialistet jane internacionaliste atehere kritikat e tyre ndaj rruges mund te jene fare mire pasoje e deshires/ideologjise/parimeve te pengimit te ngritjes se dickaje per qellime kombetare.
Kuptohet qe tek masat ky pengim i deshiruar mund te perndjesohet si gjest anti- e jo si gjest alternativ .
Nderkaq atje ku prodhohet teoria politike, hasen problematika te medha nese kemi te bejme me anti- apo me nder- (alternative) dhe zgjidhja deri me tash ka qene zgjedhja e anti-.
Kuptohet qe ka dicka qe nuk e ploteson teorikisht kriterin e antit- , por anti eshte me i thjeshte, sesa hallakatja e nder-it.
Partia e Milos nuk mund te quhet shqiptare, meqe hecen me parimin e multietnicitetit, por vetem Parti e Shqiperise.
Ata te PS-se jane me te rezervuar ne kete drejtim, u pelqen mjegulla, ashtu sikunder u pelqen mjegulla shumices se partive te Shqiperise dhe nderkombetaristeve.
Strukturat linguistike te prodhuara ne kohen e diktatures jane te veshtira per tu shembur tashme qe jane trupezuar per disa. Teksa shoh ato fragmente te fjales se Berishes, gjithkush e ka te thjesht te identifikoje parrullat e nje kohe te shkuar qe identifikonte armiq imagjinare per te mbajtur ne kembe vigjilencen e tribuse.
ASh.
Mos po perpiqeni te hiqni gje Berishen??
Ju vrasin shqiptaret per te.
Per inatin tuaj do votojne per te edhe ne VARR qofte sikur te mos hyjne edhe ne BE.
Larg qofte ! U perpoq ndonje nga ne te hiqte Enverin ??
Te vrisnin shqiptaret per te.
Per inatin tone, e votuan edhe ne VARR, qofte sikur dhe bar te hanin !
😉
Stalker,
Shqiperia eshte fyell me nje vrime. Me ne vrime e paten pellazget dhe nuk qe i zoti as skenderbeu, as zogu, as enveri dhe as saliu qe ti hapte te pakten nga nje secili dhe do ishte sot me nja tre a kater.
Po e di se kush nuk i linte ata qe te hapeshin vrima te tjera?
Shqiptaret vete -:)))))))
Duhet te shihet edhe gjuha e Edvinit, se mos flet me paster ai…
Ndoshta je ti, Realist, që duhet të vish pak më shpesh këtu, para se të fillosh të japësh direktiva se çfarë duhet parë.
Xhaxha, nuk e di si është kjo puna cilësimit të kundërshtarëve politikë si antikombëtarë në vende të tjera (Evropë, Azi etj), por ama në Amerikë është një dukuri normale. Republikanët në mënyrë konstante i akuzojnë Demokratët për “antiamerikanizëm”, “tradhëti”, “shitje të interesave kombëtare”, “shoqëri me terroristët” (Palin duke iu referuar Obamës). Fjala “liberal”, që në Evropë (dhe në gjithë botën) me sa di unë shënon një lloj rryme apo mendimi politik të caktuar, kur përdoret nga Republikanët këtu merr gjithmonë nuancat e një sharjeje si “armik”, “idiot” apo “qelbanik”. Sa më djathtas të jetë përdoruesi, aq më e madhe është edhe forca e sharjes. Këtë parantezë e bëra për të dale këtu: është kjo dukuri një shenjë e mendësise autoritare (nuk di a mund të përkthehet kështu ne shqip)? Më duket se po, sepse Dulla ynë e bënte vazhdimisht këtë gjë, Republikanët në Amerikë jane goxha “authoritarians”, po ashtu Le Pen në Francë, që e përdor këtë metodë, dhe kjo është vënë në dukje edhe për Berishën në Shqipëri. Mesa duket është nje metodë e përdorur nga ekstremistët e çdo ngjyre. Do të isha i interesuar që dikush të na ndriçonte se si qëndron ky problem në Evropë.
Ju lutem shënoni edhe një fjalë të re në gjuhën shqipe.
Sepse nuk besoj ta ketë folur ndonjëherë shqiptari qysh nga koha e Buzukut e deri dje.
Fjala është AFRIMITET…
E ka përmendur Berisha dje në Kuvend.
Ja paragrafi përkatës:
Lëvizja e lirë në Europë i jep fund brengës familjare dhe të pamerituar, familja merr një konsolidim të merituar. Por lëvizja e lirë është gjithashtu një mundësi e jashtëzakonshme punësimi dhe shkollimi për fëmijët tuaj. Është, mbi të gjitha, afrimitet.
Për më shumë: http://www.rilindjademokratike.com/RD%2020%20nentor/editorial.htm
A ka mundësi të na sqarojë ndokush rrënjën e kësaj fjale të “gjuhës mirëfilli të keqe”?
A