KLINIKA DHE ETIKA

HipokratiDiskutimi i fundit që patëm rreth etikës së profesionit, dhe veçanërisht të profesionit të mjekut, më bëri të pyes veten se çfarë u kërkojmë të gjithë ne, si shoqëri, disa figurave profesionale kyçe: mësuesve, mjekëve dhe gjykatësve.

Mirë do të ishte, natyrisht, që edhe punëtori i shtrimit të rrugëve, edhe shoferi i furgonit funeral, edhe shefi i rojeve të sigurimit në një hotel në Las Vegas të kishin profil etik të përsosur; por edhe sikur ky t’u mungonte, nuk do të na dilte gjumi natën të shqetësuar.

Mjekut, përkundrazi, i qasemi në mënyrë ambivalente: e duam të luajë rolin e një prindi virtual dhe të na nxjerrë, duke na tërhequr për dore, nga tmerri i sëmundjes që na ka kapur; por edhe i druhemi si të ishte kasneci, ose së paku zëdhënësi kobtar i vdekjes.

Si rrallë herë na ndodh me profesione të tjera, mjekut i kërkojmë të jetë më i mirë se ç’jemi ne vetë.

Këtë vetë mjekët e dinë, jo vetëm ngaqë edhe ata shkojnë te mjeku, por edhe ngaqë janë pjesë e shoqërisë dhe ashtu kanë qenë prej mijëvjeçarësh. Tradita e urdhrave profesionalë ndër ta ka dhënë rezultate të admirueshme, mes të cilave edhe i mirënjohuri dhe aq shumë i imituari betim i Hipokratit.

Një mjek që shquhet për ndjeshmëri, empati (ose aftësi për të ndier së bashku me ty), mençuri dhe përkorë (si e kundërta e grykësisë) do të hynte vetvetiu ndër mjekët etikë, pavarësisht nga jeta e tij private dhe raportet që vendos me Hyjninë.

Megjithatë – dhe kjo është një ‘megjithatë’ e madhe – mjekësia e sheh veten në qendër të disa prej polemikave dhe përplasjeve etike nga më të ashprat që përjeton bota sot, e që kanë të bëjnë me çështje të tilla si aborti, planifikimi familjar, eutanazia, trajtimi i dhimbjes, kontrolli i popullsisë e, më në fund, kostoja e papërballueshme e disa trajtimeve dhe terapive jetëshpëtuese.

Janë këto tema madhore që i bëjnë mjekët të ballafaqohen, dashur pa dashur, me fenë dhe qëndrimet e institucioneve fetare; por edhe që vërtetojnë se, thellë-thellë, krejt veprimtaria e mjekut në marrëdhënie me të sëmurët nuk është veçse një proces i analizës dhe i zgjidhjes së dilemave etike nga më të ndryshmet.

Në SHBA, konflikti midis mjekëve dhe pacientëve nga njëra anë, fesë dhe besimtarëve nga ana tjetër, shprehet ndonjëherë në mënyrë dramatike. Herë pas here lexon në lajmet për ndonjë mjek ose punonjës të klinikave të abortit që përfundon viktimë e fanatikëve anti-abort; por edhe për farmacistë që refuzojnë t’u japin klientëve barna kontraceptive, meqë kjo bie ndesh me etikën e tyre prej besimtarësh.

Në më të shumtën e herëve, konflikti midis etikës profesionale dhe besimit shtjellohet i tëri, si dramë me një personazh, në mendjen e mjekut vetë: i cili është edhe profesionist edhe besimtar; por në vendet perëndimore prej profesionistit presim që t’i bindet deontologjisë së vet profesionale, jo precepteve të fesë që ka përqafuar.

Prandaj prej mjekut duam që konflikte të tilla t’i përballojë me arsye, jo me besimin në Zot; sepse arsyeja është ajo që na bashkon të gjithëve, pavarësisht nga raca, gjinia, mosha, bindjet fetare, shijet estetike dhe pikëpamjet politike.

Për fat të keq, mjekut i duhet ndonjëherë të autorizojë vendime të dhimbshme për atë vetë, të sëmurin, ose të afërmit e tij: të ndërpresë jetën e një të sëmuri në komë të pakthyeshme (“t’ia heqë prizën”), të ndërpresë mjekimin agresiv të një të sëmuri terminal me kancer, të autorizojë abortin e një embrioni përndryshe të shëndetshëm në një trup të shëndetshëm, por përndryshe të padëshiruar nga nëna, e kështu me radhë.

Për të vepruar drejt, mjekut i duhet, në rrethana të tilla, një etikë e tillë që ta ngushëllojë duke i shpjeguar se edhe vdekja edhe jeta e Tjetrit janë pjesë e të njëjtit proces, dhe kanë nevojë për të njëjtin lloj dinjiteti.

Nga ana tjetër, mjekët janë po aq viktima sa edhe ne të tjerët, të prirjes për t’i medikalizuar problemet në shoqëritë perëndimore – që nga kulti i rinisë dhe trajtimi i pleqërisë si sëmundje, e deri te çështjet që kanë të bëjnë me obezitetin, drogat, kriminalitetin, psikiatrinë dhe barnat psikotrope, kirurgjinë plastike e, më në fund, shndërrimin e shëndetit nga të drejtë të individit në mall që blihet në treg.

Prandaj nuk bën ta ngatërrojmë figurën etike të mjekut në përgjithësi, me pisllëqet dhe parazitët që i ngjiten pas profesionit mjekësor, në rrethanat e një shoqërie që e modelon veten sipas tregut. Këto rrethana janë të tilla që i korruptojnë të gjitha profesionet, pavarësisht nga profilet etike të individëve që bëjnë pjesë në to, dhe deontologjitë profesionale përkatëse.

Madje edhe kleri vetë, në Perëndim, rezulton i krimbur në gjithfarë skandalesh, nga të cilat ato me natyrë seksuale janë gjithnjë pikante dhe e gjejnë rrugën për në kryetitujt e lajmeve; por nuk duhet të na bëjnë të humbasim prej syve skandalet e tjera njëlloj të turpshme.

Kush do ta kish besuar, se në krye të trafikut të organeve midis New Jersey-t dhe Izraelit do të kishte edhe rabinë, prej të cilëve publiku pret zakonisht urtësi të pashoqe dhe udhërrëfyese? Askush, aq më tepër që trafikun e organeve, duke filluar nga “vjelja” e paligjshme e veshkave, jemi mësuar ta përshoqërojmë, në fantazitë tona, me mjekë të paskrupullt…

Gjithsesi, përplasja midis mjekësisë dhe fesë, në luftën për të shpëtuar trupat dhe shpirtrat e njerëzve, është një nga ato konflikte madhore që përcaktojnë vetë natyrën e epokës që jetojmë. E vërteta është që çështjet e jetës dhe të vdekjes, por edhe ato të lumturisë personale, dhimbjes shpirtërore dhe fizike, riprodhimit dhe të identitetit vetjak po diskutohen gjithnjë e më rrallë në tempujt e fesë e gjithnjë e më shpesh në studiot e mjekëve, në klinikat e në spitalet.

Por kjo nuk do të thotë aspak që mjeku duhet të zëvendësojë priftin, dhe as që mund ta përballojë rolin e ri që i kërkohet nëpërmjet besimit në Zot.

Deontologjia profesionale, ndjeshmëria, empatia dhe përkora mjaftojnë.

14 Komente

  1. Besimet fetare ishin doktrina qe mbanin shoqerine dhe ja qe erdhi koha te zevendesohen nga ligji i parase. Ka patur shume faktore qe kane sjelle nje shperngulje te tille.

    Mjeku i dikurshem mund te mos besonte te zotat por ne thelb ai kishte moralin qe e kishte mare gjate viteve te shkollimit dhe ushtirmit te praktikes; bazuar ne moralin e ndihmes ndaj atij qe lengon, pa patur si qellim kryesor fitmin. Kemi lexuar mjaft se si mjeket kane vdekur ne te njejtin mjerim ashtu si edhe pacientet e varfer qe ata kane kuruar. Kush mendon se nje mjek sot vdes ne mjerim?

    Dhe ne fund do te jepja mirenjohjen time per perdorimin e drejte te fjales “empati”.

  2. Per mua duhet trajtuar dhe aplikuar se pari raporti: profesioni dhe ligji – puna e secilit thjesht te jete e kontrollueshme, e matshme dhe e percaktuar, ne raport me veprimin shume te forte te ligjit. Ketu fillon kthesa dhe shpresa.

    1. Po te flasesh per futjen e ligjit ne shendetesi, ne garen per ta bere ate sa me efikase, Amerika ka qene ne pararoje te saj, krahasuar me vendet e tjera dhe shiko se si eshte katandisur sot. Nje nga rregullat e futjes se sherbimit shendetsor ka qene “mal-practice insurance” dhe eshte pikerisht ajo qe pengon refomimin e sigurimit shendetesor sot ne kete vend.

  3. Ah..vertet ,gjekan shqiptaret vend per filozofi ne kte katraure shoqerore-politike e tru apatik , eshte vertet per tu admiruar !!!!!
    Sot kur , qerrja shqiptare drejt civilizimit vazhdon te hec edhe pa rrota , analog me kte koment’ imin, qe duken si fjale jashte Teme, te kota !!!
    Sidoqofte me plot rrespekt ndaj pejsazhit te fjales e vet autorit te temave ktu ne kte blog, un s’mund te mohoj se lexioni sociologjik eshte nji variant Inspirues ne Fund-Jave .

    Shqiptaret te pakten jetojne virtualisht kte Bote kjo eshte padyshim dhe nji Opcion interesant i jetes Shqiptare.

    salve.

  4. Ah..vertet ,gjekan shqiptaret vend per filozofi ne kte katraure shoqerore-politike e tru apatik , eshte vertet per tu admiruar !!!!!
    Sot kur , qerrja shqiptare drejt civilizimit vazhdon te hec edhe pa rrota , analog me kte koment’ imin, qe duken si fjale jashte Teme, te kota !!!
    Sidoqofte me plot rrespekt ndaj pejsazhit te fjales e vet autorit te temave ktu ne kte blog, un s’mund te mohoj se lexioni sociologjik eshte nji variant Inspirues ne Fund-Jave .

    Shqiptaret te pakten jetojne virtualisht kte Bote kjo eshte padyshim dhe nji Opcion interesant i jetes Shqiptare.

    salve. ”””””””””””””””””’
    Perfjithesim i fuqishem.
    Te pakten,disa prej shqiptareve ketu jetojne ne vende shume te zhvilluara dhe mendimi i tyre nuk ka lidhje aspak me gjendjen e qerres Shqiptare,ne kete teme,por me nji problem qe e kane ne kurrizin e tyre,si bashkeqytetaret e tyre amerikane,italiane etj.
    Ketu shkruhet e komentohet nga ta qe deshirojne te kene nje ide te caktuar,mundesisht sa me te sofistikuare,mbi nji nje drejtim te caktuar qe eshte e lidhur ngushte me jeten tone fizike e mendore.
    Ketu,te pakten une synoj te mbush ate pjese bosh te mednjes time dhe jo te zbraz ato qe kam,ose me keq akoma te dua zbrazjen time,dhe aq me shume te bashkekombesve te mi.
    Shume mendime te thjeshta,ndoshta e kane burimin tek propaganda fetare,qe zoti eshte filozofi,i pasuri eshte filozofi,x-komb eshte filozofi ndersa te tjeret jane bajga.
    Filozofia ka lind nga praktika jetesore ku eshte kerkuar te zberthehen dukurite qe kane lidhje te pazgjidhme me ekzistencen tone.Kane pasur lidhje me percaktimin e kohes sepse kishte lidhje me te mbjellat,me sherimin e plageve qe shkatoheshin gjate punes dhe luftes,me sherimin e semundjeve te mendjes qe vinin nga frikerat e se panjohurave e te tjera.Filozofia,per sa i perket trajtimit te shendetit njerezor,nuk ndryshon shume ne kohe.Ndryshon teknollogjia,sistemi ose evolucioni i njohjes sone,por nuk ndryshon qellimi.Kur ky qellim deformohet ne rrugen e tij,nga sistemi,ose nga pakicat qe e uzurpojne ate,atehere futet ne skene filozofia armikja me e tmerrshme e tyre.Ne filozofi nuk ka me thenie “keni ju kohe te merreni me filozofi..ju te varferit…ju te pzhvilluarit…ju me karroca”.Keto shprehje dalin vetem nga armiqte e filozofove dhe jane produkte dhe nenprodukte te edukimit te deformuar si pasoje e deformimit te sistemit.Filozofia ka cuar njerezimin deri ne nivelin qe jemi sot.
    Ndersa sot nje amerikan nuk ka diferenca te medha ne formimin e tij edukativ me nje shqiptar,por ka diferenca te medha ne kuptimi aplikativ te dijeve njerezore.
    Por ndodh qe ata me karroca jane me lumtur se sklleverit me makina,te cilat sistemi u ka garuantuar me makine per te pasur me te madhe mundesine e rrjepjes dhe jo te rritjes se mireqenies.
    Po keshtu dhe mjekesia,kur kalon nga shinat e filozofise se saj,mundohet ti semuri njerezit fillimisht,qe me pas te sheroje per te arritur fitimin nga hici.

  5. Cfar kuptimi do te kishte nji Flozofi nqs ajo nuk do te kishte terren per tu aplikuar ne praktike ? pra ne jeten e perditeshme te nji populli ,apo ndoshta thjesht , si nji ndjenj vetkenaqsie e brendshme si Trofe e Trurit ?!
    Un mendoj i nderuar ( me te drejt i apasionuar mbas Filozofise) Orakul , se ktu ne rastin tone si Shqiptar , ka dicka qe nuk shkon ne sensin e asja qe ,te gjith flasim studiojme shkollohemi sidhe bota , por nderkoh qe “Bota” ate qe studion pra ate Filozofi e Aplikon ne Praktike (shif sot zhvillimet shoqrore dhe orintimet e Europianeve te cilet kan arritur ta jetojne Filozofine ne praktik ) pra udhehiqen nga ajo Filozofi sepse ja ka arritur te jet e zonja ta Aplikoje ,ne Shqiperi eshte e pamundur kjo dukuri .
    Nqs themi pra dhe mendojme e pranojme qe Filozofia eshte drita e mendjes njerezore , ather un nuk arrij te kuptoj perse i sherben ajo Shqiptareve ,vec te tjerash ,thjesht si nji Roman apo me dal ne TV e shkrujt Libra pa kuptim si ben ndonji i vetquajtur Filozof ne Shqiperi , thjesht per snobizem !
    Si mundet te kuptohet nji Filozofi e cila perjashton komunitetin tend ose ai e perjashton ate !

    Sidoqofte un nuk kerkoj te kap macen e zeze ne erresiren Shqiptare por klikoj (->) te klikoj ne ate absurditet te 1 permase gjigande.

    salve.

  6. Ah..dhe dicka do ti shtoja komentit te mesiperm ,ne rrespekt te Filozofise po dhe kultures ne komunikim e debat , te marrim nen kontroll me pare se te shkruajm nji dicka sidhe vet gjendjen emocionale gjat te shkrujturit ,e kam fjalen ke perdorimi i ndonji fjale te pavend gjat debatit , perndryshe s’mund te bejme fjal e diskutojme per Filozofi apo jo !

  7. Se pari,une e shikoj filozofine si nje palester ku bej fiskulturen e trurit dhe nuk marre ne konsiderate faktore sekondare si ai p.sh se sa bashkekombesit e mi e zbatojne pergjithesisht ate.
    Filozofia,per mua, eshte shkeca meme e perdorimit me eficence t’trurit njerezor,e cila nga ana e saj ka pjelle(polli) gjithe shkencat e tjera.
    Por,une e kapa me ju,thjesht ne sensin frenues qe hodhet me frazat tuaja.Nuk mund te ndalohet cdo individ te filozofoje ose nen filozofoje ne shkencat perkatese per arsye te natyres sekondare dhe te shkaqeve negative te perkohshme qe e shoqerojne nji komb.Biles qendron e kunderta.Kudo,ne nje menyre te caktuar duhet qe disa ti shprehin ne menyre te tille qe ti rifreskojne kujtesen,ti shkundin dhe tu therasin mendjes se te tjereve qe duhet te zbatojne regullat e mrekullueshme te arsyes njerezore.Pra.duhet te jemi te hapur dhe ndoshta per rastin shqiptar te gjitha keto duhet “t’jua bertasim ne vesh me sa fuqi qe kemi ELITES shqiptare”.Nese ajo nuk degjon me,eshte shurdhuar tingellsisht dhe menderisht atehere,sic thuhet dhe ne kushtetuten amerikane,i lind e drejta disa te te tjerev ti shkulin fizikisht e brutalisht nga froni ku rrine e vegjetojne ne menyre te padrejte.
    Por,filozofia nuk merret vetem me eliten shqiptare,por edhe me cdo elite.Nuk perjashton as ate te Gjermanise ose Amerikes.
    Nese ne Gjermani,e zeme si shembull ne fushen e sigurimit shendetesor,pasi lind nje femije,shteti i jep asistence familjes se femijes jo vetem me para por edhe me mjeke te specializuar qe ndjekin rigorozisht fazat e zhvillimit shemdetesor dhe japin perkujdesje te drejperdrejte,ne Amerike kjo nuk ndodh.
    Ne amerike,karroces se sigurimit shendetesor,jo vetem i mungojne rrotar,por i ishte instaluar nje mekanizem zevendesues qe shtyp dollare.Pas kompanive te naftes,kompanite e sigurimi shendetesor zene vendin e dyte ne Amerike per nga sasia e fitimit neto vjetor.

  8. Duke sqaruar qe ne fillim se jam dakort me shtejllimin e thelbit te artikullit midis raportit mjeksesi-etike-fe dhe problemeve ne kete raport….

    Megjithate,

    “Tradita e urdhrave profesionalë ndër ta ka dhënë rezultate të admirueshme, mes të cilave edhe i mirënjohuri dhe aq shumë i imituari betim i Hipokratit.” -Xha xhai

    Nuk jam njohes i mire i historise se mjekesise por sidoqofte nuk mendoj se etika e profesionit te mjekut dhe e cdo profesioni tjeter zhvillohet ne vakum. Aq me teper nuk formohet duke u bazuar vetem tek arsyeja. Pra nuk kemi zhvillim te etikes profesionale pa pasur me pare nje etike shoqerore qe percohet ne shume menyra tek profesionistet. Nje nga keto menyra eshte edhe feja. Dhe ketu eshte veshtire te ndash nga ana historike fene dhe etiken sepse ne cdo dokument historik etika eshte e lidhur ngushte me fene aq sa mendimi i shume shkollareve eshte se eshte feja ajo qe lindi etiken.

    Xha Xhai vazhdon;

    “Prandaj prej mjekut duam që konflikte të tilla t’i përballojë me arsye, jo me besimin në Zot; sepse arsyeja është ajo që na bashkon të gjithëve”

    Nuk jam fort i sigurte per kete. E para, dyshoj shume se eshte arsyeja ajo qe na bashkon te gjitheve. E dyta, sepse une mendoj si edhe shume te tjere se nga mjeku presim ne rradhe te pare humanizem me shume se cdo gje tjeter. Dhe humanizmi permban arsyen brenda por nuk eshte thjesht arsye. Madje eshte shume here me teper se kaq dhe shpesh shkon perkunder arsyes.

    “Nga ana tjetër, mjekët janë po aq viktima sa edhe ne të tjerët, të prirjes për t’i medikalizuar problemet në shoqëritë perëndimore – që nga kulti i rinisë dhe trajtimi i pleqërisë si sëmundje, e deri te çështjet që kanë të bëjnë me obezitetin, drogat, kriminalitetin, psikiatrinë dhe barnat psikotrope, kirurgjinë plastike e, më në fund, shndërrimin e shëndetit nga të drejtë të individit në mall që blihet në treg.” Xha Xhai

    Pikerisht ky paragraf eshte nje tregues se mjeket nuk jetojne ne boshllek. Ata jane pjese e nje kulture te caktuar, e nje etike te caktuar dhe e nje strukture vlerash te caktuara. Kulti i rinise, eleganca ne kundershtim me obezitetin etj. jane pasqyrim i vlerave aktuale te shoqerise perendimore.

    Dhe se fundi nje mendim rreth konfliktit mjekesi-fe qe vihet re ne ditet e sotme kryesisht ne perendim. Pervec shtjellimit te autorit te shkrimit une do te thoja se ka edhe nje faktor tjeter i cili e ben me te prekshem kete konflikt. Ky eshte fakti se sot shkenca ecen shume shpejt, dmth ritmet e saj jane shume here me te shpejta se c’eshte futja e saj ne kornize etike, fetare etj. Shoqeria nuk mund t’i pergjigjet vrapimit te shkences. Kjo sepse formimi i etikes eshte ne pergjithesi nje proces jo shume i shpejt. Ne shekujt e kaluar kjo nuk ishte shume evidente sepse zhvillimet shkencore nuk kishin kete vrull. Kjo nuk do te thote se nuk ka pasur konflikt porse ky konflikt nuk ka qene kaq i thelluar sa c’eshte sot. Prandaj eshte edhe shume e veshtire sot qe ceshtjet etike te mjeksise te trajtohen ne ambientet fetare (ashtu sic e cek edhe shkrimi). Sidoqofte mesa jam ne dijeni disa nga fete kryesore jane duke hedhur hapa ne kete drejtim duke marre gjithmone e me teper mendimin e studiuesve te fushes te cilet jane njekohesisht edhe besimtare.

  9. Orakul , eshte gjithcka ok ,un nuk mendoj se nxitja qe un i bera debatit kishte perqellim mohimin e Filozofise apo te njof definicionin e saj ,edhe pse pyetja e komentit tim te pare ne “dukje” te le te mendosh “lehtesisht ” ate qe u perceptua nga ai koment ,edhe pse me shume ishte provokuse debati nejse .
    Ajo se ne c’kend veshtrim e shof un Filozofine e ksaj Bote eshte per mua i pashkeputur e ne raport me vendn tone te origjines Shqiperine , megjithate ajo qe mua me pelqeu ketu ne kte debat eshte ajo shprehja : Ti bertasim …ELITES .etj..deri ne perfundim te ksaj fjalie , etj .
    Shpresoj qe kjo nderhyrje spontane imja mos te ket kushtuar keqkuptime te panevojshme rreth temes . salve .

  10. ””Dhe ketu eshte veshtire te ndash nga ana historike fene dhe etiken sepse ne cdo dokument historik etika eshte e lidhur ngushte me fene aq sa mendimi i shume shkollareve eshte se eshte feja ajo qe lindi etiken.””’
    Nese duam te ecim para ne etike,pikerisht duhet te bejme ate qe bene ata qe zhviluan boten 3 shekujt fundit;shkeputjen e etikes nga feja dhe kthimin e saj ne nje shkence qe studjohet sot nen emra te te ndryshem percaktues ne universitetet me ze.
    Etika eshte shume me e gjere se feja dhe ndryshon ne sensin pozitiv ne ngritje ne shoqerine njerezore.
    Feja ka pjesen e saj ne etike,ndersa etika ka pjese te tjera qe nuk nuk futen ne rethin mbulues fetar.Ne duhet respektojme ate pjese pozitive te fese,ose dhenien e saj etike pozitive drejt njerezeve,por nuk mund te ngelemi vetem me aq.Mua,pa dashur te ofendoje kerkush,kjo faqe e tike e fese me eshte ndjere si marketingu i saj ne drejtim te njerzve.Me eshte ndjere gjithashtu si nje hipokrizi per te mbuluar nje sundim ekonomik te nje klase te caktuar perndarake e dinstike.Megjitate,faleminderi per ndikimin qe a pasur tek ata qe kete hipokrizi,sipas times,e kane marre ne sensin e dukshem pozitiv pjesor.
    Persa i perket konflikteve te tjera,feja sot nuk ka vetem konflikt me mjekesin por dhe me shkenca te tjera .
    Ne thelb feja aty ku synon te jete e pandryshueshme dhe e padegjueshme me zhvillimin,aty tregon dhe kufirin e saj, deri se ku vete,ose me sakte,deri se ku shkoi.
    Kur fillon e sulmon direkt e indirekt,mendim te ndryshem ,vecanti kjo sidomos e fese myslymane dhe ortodokse dihet se drejt cfare rruge mbrihet.
    Ngrirja e mendimit ne nje shkalle te caktuar,pa dyshim do te bjere ne kundershtim me evolimin e tij ne kohe.
    Frika ime nga fete,e then hapur,ka qene dhe eshte;ne thelb rezultantja ndikuese e saj ka si ndikim kryesor tek besimtaret prodhimin e diktatoreve dhe diktaturave,nga njera ane dhe sklleverve te cfaredolloj forme,nga na tjeter.

    1. Orakull!

      Une thjesht doja te shprehja qe etika eshte veshtire te ndahet nga feja edhe nga ana historike. Pra qe marrdhenia midis te dyjave eshte shume e forte pavaresisht se cila e ka lindur ke. Pra edhe nese nje mjek vepron ne baze te nje etike te caktuar, ka shume mundesi qe kjo etike te kete ndikim fetar brenda. Dmth qe etika ne vetvete eshte komplekse dhe nuk eshte thjesht nje transmetim vertikal brezash te se njejti profesion.

      Une do te doja te besoja ashtu si dhe ju qe etika mund te qendroj e ndare nga feja. Por nuk jam i sigurte per kete. Vetem kaq.

      Sa i perket te tjerave qe permend, une i mirekuptoj pavaresisht se nuk bie dakort me to sepse me duken thjeshtezime ne pershkrimin e fese. Aq me teper shikimi i fese nga pikepamja e teorise se konfliktit (dmth majtist) si prodhuese sunduesish e te sunduari…
      Te gjitha keto do te perbenin nje teme tjeter interesante ketu ne kete blog besoj.

Komentet janë mbyllur.

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: