Të dashur lexues të Peizazheve të fjalës, që gjendeni këto ditë në Tiranë,

Të shtunën 7 maj, në orën 11 paradite, do të prezantohet në mjediset e Dada Bar në Tiranë (Rruga “Brigada e VIII”, afër Sky Tower) libri im i fundit, Ndërhyrjet e zotit Shyti (Botimet Dudaj, 2016), i cili ka dalë para pak javësh në qarkullim.

Lajmërimin për këtë event e kam shpërndarë tashmë, por ndonjë nga të interesuarit mund të mos e ketë parë.

Pjesë nga ky libër i kam nxjerrë herë pas here në faqen time në Facebook, dhe m’u duk se u pritën aq mirë, sa u binda se kish aty potencial për një roman, në kuptimin post-modern të këtij termi.

Tani libri është në duar të lexuesit, së bashku me fatin e tij të mëtejshëm.

Shpresoj, pra, të shihemi dhe të bisedojmë së bashku.

Ardian