INVENTAR

Këtë javë (12 Nëntor – 19 Nëntor).

1. U prodhuan 15 (pesëmbëdhjetë) materiale të reja gjenetike. Prej këtyre, 8 (tetë) me tregues riprodhimi pozitiv dhe 7 (shtatë) me tregues riprodhimi negativ.

2. U prishën për shkaqe të ndryshme (përpara kohe) dhe në mënyrë të pariparueshme 12 (dymbëdhjetë) materiale gjenetike.

shkaqet si më poshtë:

a) aksidente automobilistike 6 (gjashtë) materiale gjenetike.
b) konfrontim fizik brenda familjes 4 (katër) materiale gjenetike.
c) arsye të tjera 2 (dy) materiale gjenetike.

3. U skadoi afati i funksioneve jetike për shkaqe natyrale 3 (tre) materialeve gjenetike.

4. U përftua bashkëpronësia me shtete të tjera perëndimore e 5 (pesë) materialeve gjenetike.

nga këto:

a) bashkëpronësi me Italinë 1 (një) material gjenetik.

b) bashkëpronësi me Shtetet e Bashkuara të Amerikës 2 (dy) materiale gjenetike.

c) bashkëpronësi me shtetin e Kanadasë 2 (dy) materiale gjenetike.

5. U tjetërsua (gjak-prishësua) pronësia e 2 (dy) materialeve gjenetike ndaj shtetit grek.

6. Këtë javë, kanë hyrë në territorin legjitim të materialeve gjenetike shqiptare 2135 ( dy mijë e njëqind e tridhjetëepesë) materiale gjenetike, dhe kanë lënë territorin (besohet përkohësisht) 1540 (një mijë e pesëqind e dyzet) materiale gjenetike.

Shënime të përgjithshme: Ritmi i prodhimit të materialeve gjenetike gjendet në nivele të kënaqshme, megjithëse mendohet se mund të bëhet më shumë. Ritmi i firasjes është gjithsesi, në nivele shqetësuese, dhe u kërkohet organeve kompetente që të marrin masa. Si pasojë e të dytës, rendimenti i prodhimit gjenetik, është ulur. Kërkohet që ky problem t’u adresohet instancave përgjegjëse.

Shënime të veçanta: Ndër kompeticionet sportive në mbarë Evropën, u detektua një material gjenetik që si pasojë e performancës ka fituar vendin e tretë në popullaritet në lidhje me materialet e huaja gjenetike. Gjithashtu, në të njëjtat kompeticione, 2 (dy) materiale gjenetike u vlerësuan për performancën e tyre fizike në shënim golash. Nga 1 (një) gol, për secilin material gjenetik. U zbulua gjithashtu, 1 (një) material gjenetik i rrallë, që sipas shtypit të ditës, ka marrë diplomë MBA në universitetin e Texas-it (SHBA).

Shënime të tjera: nuk ka.

Nuk ka komente

  1. Jemi nje mall bio me date skadence shume te afert, per aresye se kerkimet shkencore akoma nuk kane shpikur kimikatin konservativ per zgjatjen e kllockezimit te ngrohjes e celjes se jeteses ne rezidencen fillestare.

    Mbase keni zgjedhur javen me te mire statistikisht ne firosjen ( jo firasjen) e prodhimit gjenetik, pasi kane fryre erera te forta brukseliane qe kane prishur plasmasin e serave me ngrohje, duke ndikuar ne faktoret e tjere ndihmes (plehrime) politike, gjeopolitke, ekonomike e financiare qe ndikojne direkt ne rritjen e rendimentit dhe uljen e kostos.

    Ndersa nga kompeticionet sportive nuk keni informacionin e duhur e te sakte, pasi ne percollem me hap rreshtor eshtrat e monarkut te vetem pa himnin kombetar ( pa pesuar autogol) dhe i kemi shenuar shqipones se zeze ne flamur nje pend (gol) jashte kohes se rregullt (jashte ligjit). Dhe kjo e ka zanafillen se sherbimet tona sekrete ishin perqendruar ne ruajtje fizike te materialit baze gjenetik (doktorit) duke harruar kunderveprimin e spiunazheve te huaja qe kane nderhyre fort per te kthyer AK-ne ne AiA.

    Megjithate. shkenca jone gjenetike ecen ballelart nga fitorja nr fitorje…

    Jemi ne pritje te inventarit te javes pasardhese nga revizore te fushes perkatese qe i nxjerrin statistikat nga maternitetet partiake…

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: