FALCITATE

 

Eppur niente si muove.
– Galileo Galilei, pasi vështroi qiellin për herë të parë me teleskop.

Sfidat e jetës i kam pritur gjithnjë ballëlart.
– Zinedine Zidane

Pikësëpari, duhen rregulluar çatitë, se po na bien tjegullat kokës.
– Pirroja i Epirit, në mbledhjen e bashkisë së Argosit

Kur të vdes, rrëzomani statujën.
– Enver Hoxha

Ich bin ein Hamburger.
– J. F. Kennedy, menjëherë sapo e qëlluan në Dallas.

Ich bin, du bist, er ist/ sie… whatever the heck she ist.
– G.W. Bush, para vizitës së parë në Gjermani.

S’pyet Kanuni për Lek, as Leku për Kanun.
– Lek Dukagjini (apokrife)

Vasil Laçi ishte nga minoriteti grek.
– Nga një letër private e Sali Berishës, drejtuar Silvio Berlusconit.

Kur vjetërohen veteranët, u vjen radha veterinerëve.
– Bamir Topi

Prej kohësh kam dashur të shkruaj një këngë për Mujin dhe Halilin.
– Elton John, intervistuar nga “Mapo”

Unë e futa macen në katror.
– Albert Einstein

Një telefon mund ta kishe bërë.
– Gjergj Kastrioti, Hamzait

Di edhe pak turçe, por nuk e përdor.
– nga Curriculum Vitae Georgii Castriotis, zbuluar tani vonë në arkivat e Vatikanit

Opiumi është feja e popullit.
– Karl Marx

Populistët janë opiumi i fetarëve.
– Benito Mussolini

Socialistët janë opiumi i populistëve.
– Bettino Craxi

S’më thoje asgjë, në letër, për pensionin e invaliditetit.
– Gjergj Elez Alia, duke iu përgjigjur Bajlozit.

Në kohën time nuk kishte sadistë.
– Marquis de Sade

Nuk e shpjegoj dot këtë pasion që më ka hipur kohët e fundit për futbollin.
– Qemal Stafa

Mumjet s’kanë nevojë për piramida.
– V.I. Lenin

Piramidat s’kanë nevojë për mumje.
Mumjet ishin një gabim i egjiptianëve të lashtë.

– Ramiz Alia

Piramidat kanë nevojë për nobelistë.
– Ismail Kadare

 

7 Komente

  1. une do ta blija albumin me kengen per Mujin dhe Halilin. po dicka me thote qe zanat ne kengen e Eltonit do te zevendesohen me Zota.

  2. koha është flori
    Por floriri ti errëson syte dhe të bën të humbasësh kohën kot (s’e di nëse ishte ky rasti)

  3. koha është flori
    ——————-

    Eh mer daj. I ka hik koha floririt qe kur Nixon hodhi ne kosh Bretton-Woods. Tani parja eshte kohe.

  4. po bej prove:

    “Jam bere kaq vjece, dhe nuk me ka share njeri burrin deri tani”
    – Donika Kastrioti

    “Rrofte lapsi dhe letra”
    – Kurt Cobain

    “Demokracia ben pis. Diktatura eshte njelloj higjiene”
    – John Lehman, Sekretari i Marines Amerikane, 1981-1987

    “Te jetojme, te mendojme dhe te punojme si ne rrethim”
    – Genc Ruli, energjitist.

    “Martesa nuk eshte ajo qe kujtojne te gjithe, por gjeja me produktive qe me ka ndodhur ka qene fryt i saj”
    – Mari Kyri

    “Sa ka shku euroja?”
    – D. Hoxha, pronar i Top Chanel

Komentet janë mbyllur.

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: