Sapo pashë fjalimin që ka mbajtur kryeministri shqiptar Berisha në Parlament; dhe ende nuk kam arritur ta orientoj në lidhje me ndonjë sistem referencial të diskursit politik.
Fragmenti që pashë unë në BalkanWeb, prej gati 20 minutash, përqendrohej i gjithi në personin e kryetarit të PS-së dhe të opozitës Rama; duke kërcyer nga thashethemi në thashethem, për ta pikturuar Ramën si mishërim antivlerash morale, seksualisht të degjeneruar dhe devijues, përbuzës të traditave familjare, vampir të së majtës shqiptare.
E gjithë kjo ishte stolisur me një garniturë akuzash që iu bënë kryetarit të Bashkisë së Tiranës dhe bashkëpunëtorëve të tij, për koluzion me interesa të mafias dhe të atyre që folësi i quajti “punistë”, e që duhen kuptuar, besoj unë, si një koleksion agjentësh të sigurimit të shtetit, familjarë të anëtarëve kupolës komuniste dhe njerëz të pompuar nga regjimi komunist në momentet kur ky po jepte grahmat e fundit.
Nuk është hera e parë që kryeministri Berisha përdor një gjuhë të tillë, duke iu drejtuar publikut dhe institucionit të Parlamentit. Për fat të keq, sjellje të tilla nuk rregullohen dot nga kushtetuta e sotme shqiptare dhe normat e komunikimit politik europian – meqë i përkasin një tjetër kodi, një tjetër tradite dhe një tjetër kohe.
Politikisht, këto improvizime të kryeministrit Berisha i shërbejnë acarimit të klimës politike në Tiranë dhe e rëndojnë edhe më krizën e konfrontimit jashtëparlamentar midis koalicionit qeveritar dhe PS-së, që ka refuzuar të marrë pjesë në parlament. Meqë opozita nuk ishte e pranishme në këtë show të paparë të kryeministrit, oratori përdhosi me fjalën e vet jo vetëm institucionin të cilit i drejtohej, por edhe të gjithë deputetët e vet, që e dëgjuan në heshtje dhe e duartrokitën në mbyllje.
Nga pikëpamja antropologjike, kjo performance e kryeministrit ma konfirmon se regjimi parademokratik që i është imponuar me forcë shoqërisë shqiptare është i predispozuar të përftojë karikatura groteske të demokracisë. Të shfrytëzosh foltoren e një institucioni që përfaqëson vullnetin politik të mbarë qytetarëve, për të sulmuar kreun e opozitës në hollësi të jetës personale të cilat, e përsëris, nuk kanë të bëjnë drejtpërdrejt me veprimtarinë e tij politike as si PS-ist, as si kryetar të Bashkisë së Tiranës, është njëlloj si t’i deklarosh publikut, partisë sate dhe të gjitha institucioneve që tek ti referohen, se ti nuk je në gjendje ta ndash publiken nga privatja dhe shoqëroren nga personalja; dhe se nuk ngurron ta zhvendosësh truallin e betejës politike në një hapësirë që nuk qeveriset nga ligjet, normat publike dhe procedurat formale, por vetëm nga stili i njeriut, shpirtmadhësia dhe vetëkontrolli.
Me fjalën e vet në parlamentin e gjymtuar, kryeministri shqiptar Berisha tregoi, madje vërtetoi, se ky parlament nuk përfaqëson shoqërinë shqiptare, por një karikaturë të kësaj shoqërie, e cila ka ngecur në një nivel zhvillimi parashtetëror e paraqytetar, dhe nuk është në gjendje të përftojë administrim publik, por vetëm forma imorale të mllefit ndaj kundërshtarit.
Kur kemi diskutuar më parë për këtë harlisje të patolerueshme të kreut të PD-së në jetën private të një qytetari, vetëm e vetëm ngaqë ky qytetar qëllon që kërkon ta rrëzojë Berishën nga posti dhe t’ia zërë vendin si kryeministër, jemi habitur edhe për kontrastin e thellë midis gjuhës së keqe të kryeministrit shqiptar dhe traditës malësore për fjalën e burrit, për të cilën dikur të ikte deri edhe koka. Teksa dëgjoja ç’thuhej në sallën e parlamentit shqiptar kundër Ramës, nënës së tij, gruas së tij të parë, gruas së tij të dytë, babait të tij, djalit të tij, shëndetit të tij – prej të cilëve askush nuk më rezulton të ketë ndonjë lidhje me PS-në ose Bashkinë e Tiranës, as të ketë marrë pjesë në tendera, afera, allish-verishe, shitblerje dhe marifete për të cilat përgojohen zakonisht politikanët – më shkoi mendja se, për njerëz të tillë si Berisha, që ende nuk e kanë bërë kapërcimin drejt komunikimit publik të qytetëruar, ndoshta dalja nga strukturat kanunore shoqërohet vetvetiu me patologji sociale, për shkak të kolapsit të super-egos tribale gjatë zhvendosjes kulturore drejt qytetit.
Nga ana tjetër, ndoshta nuk kam fare nevojë për spekulime psikanalitike, për të shpjeguar çfarë më panë sytë dhe më dëgjuan veshët, meqë kryeministri shqiptar Berisha është produkt besnik i jetës politike shqiptare, që dallohet nga turma vetëm ngaqë manifeston hapur gjithçka që përndryshe mbahet me kujdes e fshehur gjetiu. Nëse politika e sotme në Tiranë, si art i komunikimit mes palëve, nuk është veçse maja e një ajsbergu i cili, në masë të madhe, konsiston në një konglomerat të ngrirë ujërash të zeza, shantazhesh e kundër-shantazhesh, skandalesh seksuale, përgjimesh e regjistrimesh, vjedhjesh, dosjesh të hapura e të mbyllura e të zhdukura e të redaktuara, mashtrimesh e falsifikimesh, korruptimesh e korrupsionesh, parash të agjenturave të huaja e kështu me radhë, atëherë trupi i kësaj politike është gangrenizuar tashmë përfundimisht dhe nuk meriton të ushqehet më me vëmendje nga publiku.
Ndryshe nga ata politikanë dhe komentatorë, që vijuan të bëjnë thirrje për arbitrazhin e të huajve, për t’i dhënë një zgjidhje konfrontimit të tanishëm, unë besoj se zgjidhja e vetme e pranueshme, kësaj krize, do të mund t’i vijë vetëm e vetëm nga parlamenti, ose institucioni ku ajo u lakua së fundmi në forma nga më të pahijshmet. Përndryshe është e kotë që të vazhdojmë ta quajmë krizë; meqë komë e pakthyeshme do të ishte ndoshta termi më i përshtatshëm. Dhe kur them parlamenti, kam parasysh të gjithë ata burra dhe gra që ishin të pranishëm në fjalim madje edhe që e duartrokitën në fund, por që ende janë të vetëdijshëm se zgjedhësit nuk ua kanë dhënë mandatin për t’i përfaqësuar përpara kreut të partisë së tyre ose edhe kreut të koalicionit që po qeveris vendin. Fatet e kësaj republike janë në duart e tyre.
Do ishte me interes për publikun të shikonte zhvillimin e diskutimit shqipja totalitare në gjuhën e përdorur pas viteve ’90-të… nga mediat në përgjithësi e nga nomenklatura në veçanti.
Të prirur siç jemi për të zgjedhur të keqen më të vogël, pakkush besoj se do të preferonte shqipen totalitare të sotme.
Edrus, në rastin konkret, kam frikë se obsesioni me çështje private me ngjyrim të fortë seksual të një personi të papranishëm është trashëguar nga mbledhjet e organizatës bazë të PPSH-së (ku kryeministri i tanishëm ka marrë pjesë për shumë vjet me radhë, si anëtar i thjeshtë dhe si sekretar). Unë nuk kam qenë komunist, por se ç’diskutohej në ato mbledhje e sidomos si diskutohej, ma kanë thënë të tjerët. Për fat të mirë të shqipes, mbledhjet e organizatës bazë në ato kohë ishin sekrete dhe të mbyllura për joanëtarët; them “të mirë”, sepse ashtu masa e të papartive ende kujtonte se në ato mbledhje flitej me gjuhën deklamative të “Zërit të Popullit” dhe e respektonte dallimin midis ligjërimit publik, solemn dhe libror, dhe thashethemeve “të grave”, të cilat zakonisht i bënin burrat; mëkatari i thjeshtë mësohej të priste që Partia t’i fliste në mënyrë burokratike pak të mërzitshme, por gjithnjë të mirësjellshme. Prandaj, e reja në monologjet e kryeministrit të tanishëm ka të bëjë me lehtësinë e kalimit nga privatja në publike, ose me njëfarë nudizmi ligjërimor që paralelizon daljen çipllak në plazhet nudo të shpirtrave të lirë, eksperimentalë, ekzibicionistë/voyeurë ose ekscentrikë; fundja edhe me inkursionin e tifozit lakuriq bardhosh në fushën e regbisë, mespërmes lojtarëve kaleshë e të përbaltur; ose atij momenti kur individualiteti i ndrydhun dikujt vjen e gjen shprehje si irreverencë ndaj rregullave ose publikut (për ta thënë me një fjalë të madhe) ose rrugaçëri (për ta thënë me një fjalë të vogël); por ta marrësh këtë si emblematike për tranzicionin nga diktatura në liri, është njëlloj sikur ta marrësh shembjen e murit të Berlinit (atë që do të festohet në Tiranë në 8 dhjetor), si akt të thjeshtë vandalizmi, ose indisiplinimi, në një konvikt studentësh të fesë.
ah xha xha, po mos të kishim, do të të “kishim shpikur”…
respekt.
shumë respekte biles…
“Prandaj, e reja në monologjet e kryeministrit të tanishëm ka të bëjë me lehtësinë e kalimit nga privatja në publike…”-Xha Xhai
Nuk besoj se eshte e re. Madje jo vetem per Berishen por edhe per mendesine e shqiptareve. Mjafton te vezhgosh nje bashkebisedim te dy shqiptareve qe takohen per here te pare, per te kuptuar sesa lehtesisht kalojne drejt e tek jeta private e tjetrit me apo pa deshiren e ketij te fundit.
Ajo qe eshte e habitshme eshte se si ka mundesi qe ne 20 vite pervoje ne liri, populli vazhdon te votoje e ricikloje te njejtin tip politikani, ne mos edhe me keq. Kjo eshte nje ceshtje qe kerkon nje trajtim shumeplanesh se asnjehere nuk eshte gjetur vendi midis dy udheheqesve kaq psikopatologjik sa sot…
Nuk kam degjuar, dhe takuar, deri me sot nje individ, te mendoj dhe flas si Krye Ministri S. Berisha, pamvarsisht se ai po i jep ze mendesise qe mban peng zhvillimin, kulturen dhe qytetarine ne Shqiperi.
Zgjidhjet e ketij ngerci tribal, lene plage Gerdeci kudo.
Edhe nji here behet e qarte se kush detyron qytetaret e atij vendi te largohen pa shprese per kthim, se tribute infektojne jeten e perditshme te rendit.
Uroj qe Edi Rama te ket fituar imunitetin e duhur per te rezistuar ne kete klime jo te qytetruar politike.
Kryeministri aktual i Republikes se Shqiperise eshte nje njeri regresist dhe destruktiv (eshte aq destruktiv sa dhe nje tunel “madheshtor” qe beri, u kthye ne nje kurth vdekjeprures per ata qe mund te kalonin me automjetet e tyre aty), por qe ne zgjedhjet parlamentare i shfrytezoi shume mire gabimet politike qe beri kryebashkiaku, i cili, per mendimin tim, do t’i jepte nje te drejtuar te mire “shtylles kurrizore” te lakuar te ketij shteti, sic ia dha asaj te Tiranes 9 vjet me pare, kur mori ne dore celsat e zyres se kryetarit te bashkise. Fatkeqsisht ineksperiencen e kryetarit te bashkise ne fushen politike, e paguan tani populli i gjore, i cili duron cdo forme shfrytezimi pushtetar. Nuk shkohet ne zgjedhje pa aleate politikisht te fuqishem. Rama e beri kete gabim, edhe pse qellimi i tij ishte pastrimi i politikes shqiptare nga personazhet arkaike pseudo-moderne te saj.
Nuk dua te behem bajat duke permendur raste, por ne Shqiperine e vitit 2009 kush nuk ka pushtet, ose njerez te cilet jane ne pushtet, eshte i vetem ne mes te kater rrugeve. Duke shtuar dhe dicka te fundit, po ju them qe une nuk i perkas aspak kohes se diktatures se proletariatit, por kam pershtypjen se me komunist te rendomte se ai qe sot eshte ne krye te vendit dhe te partise pseudo-te djathte me elektorat te majte ekstremist, nuk ka! Mjere ne qe jetojme ne kete vend.
Akuza publike nuk mund te jete monolog. Aq me shume kur per te gjitha ato qe permendi Doktori, si gazetaret ashtu edhe ata qe bejne moral, jane ne dijeni dhe artikulojne kafeneve te njejtin qendrim. Vetem se me titujt e urdheruar ata shfaqen me cinike. Duke iu referuar mbledhjeve te se shkuares, atyre qe tani jane bere publike, eshte e qarte se e reja e Berishes ne kete veprim te fundit nuk eshte kalimi nga privatja ne publike (per krahasim: Nuk e dinim ne kush ishte Beqir Balluku nje mut muti ? Fejesa e vajzes se Mehmet Shehut me vajzen e… Fiqreti u lidh me Mehmetin me urdher te Dushanit…etj etj), por vendosja e Kryefjales ne akuze, pra Rikthimi i UNIT ne theniezimin publik. (Une jam Sali Berisha, Une mbaj Fjalen time. Provoje po ta mbajti)
Ne kete kendveshtrim, Berisha po ridimensionon ligjerimin publik me nje sens permiresimi bazuar ne procesin retrograd; Ligjerimi nuk eshte me abstrakt pse ai lidhet shume me realitetin, ngjashmeria e ligjerimit totalitar me derivatin e dyte te analizes matematike ka humbur te pakten nje shkalle. Ne fund fare, e kush mund te thote ketu se Berisha flet nje shqipe te drunjte, me emerzime apo perdorim monoton te emrave prejfoljore ?
Jo. Akuza eshte direkte, e personalizuar dhe ne mes te sheshit. I akuzuari le t’i drejtohet Prokurorise per shpifje. Ndersa politikisht ai le te prese dhe shpresoje te vota e qytetarise.
Dosja e Rames nuk eshte ajo me te dhena personale; publikimi i fotove nudo te tij para zgjedhjeve lokale nuk dha asnje efekt. Prandaj te kerkosh te sulmi i Berishes nje perpjekje shantzhuese qe bazohet te deviacioni seksual i Rames eshte ne mos nje pozicionim politik, nje keqkuptim per shkak te distances nga zhvillimi.
“Cila eshte lidhja jote me Aldo Baren z. Rama? Ky ishte vetem dhembi i pare. Mos u merzit, mos u shqeteso. Pas dhembit vjen nofulla”.
Reagimi i Rames: Predikim moralizues, burimi i te cilit do kerkuar vetem te frika. Frika e nje politikani qe kerkoi politiken e Forces. Tani le ta mbaje dhe ta heqe vallen.
Ketu kemi nje akuze direkte dhe Prokuroria mund te nise hetimin Kryesisht. Por…por…komunikimi sapo ka nisur. Po kerkohet marreveshja urgjentisht se zullumi u trash shume.
Shkruan:
Po ku e gjete ti, që unë kërkoj “te sulmi i Berishës një përpjekje shant[a]zhuese”? Shantazhi ka efekt sa kohë që informacioni përkatës (qoftë edhe dosja vetë) mbetet privat – më fal, por këtë e di edhe bufi. Në momentin që informacioni bëhet publik, atëherë nuk flitet më për shantazh; sepse shantazhi në vetvete, edhe po të kish ekzistuar më parë, tashmë ka dështuar, nuk e ka arritur efektin, ose nuk e ka penguar tjetrin të bëjë atë që pala shantazhuese po përpiqej ta ndalonte. Prandaj të lutem më sqaro pak për këtë pohim, se bën vaki edhe të të kem keqkuptuar, ose të mos jem shprehur unë mirë.
Shkruan:
Pse vallë nuk mund të jetë monolog? Si e quan ti këtë akuzë të artikuluar në një parlament të zbrazur nga çdo lloj opozite ose oponence; ku asnjë prej deputetëve, duke përfshirë edhe ata të LSI-së, nuk gjeti arsye ose kurajo për të objektuar ndaj shoë-t të kryeministrit; qoftë edhe duke u ngritur nga vendi e duke braktisur sallën? Thua se këto dihen dhe artikulohen kafeneve… Të besoj, sepse nuk kam dyshim që je i informuar mirë për çfarë artikulohet kafeneve. Por kafenetë nuk duhen ngatërruar me Parlamentin – është fjala për dy institucione të ndryshme. Shumë gjëra artikulohen kafeneve, por kjo nuk legjitimon sjelljen e tyre në parlament dhe përdorimin e tyre si armë kundër kundërshtarit politik. Ta zëmë se Berisha do të kish dalë me kostum banjoje në foltoren e Parlamentit; atyre që do të lemeriseshin nga kjo shkelje e etiketës në komunikim vallë ti do t’u përgjigjeshe se në plazhet e Shqipërisë të gjithë dalin me kostum banjoje?
Thua:
Ti kërkon, me fjalë të tjera, që lufta politike, e cila kryhet nëpërmjet debatit publik, të zhvendoset në sallën e gjyqit? Kam frikë se kështu do të cenohej rëndë vetë procesi demokratik në Shqipëri; sepse nuk është detyrë e gjyqësorit të arbitrojë konfliktin politik! Përkundrazi, kur ndodhin zhvendosje të tilla gjetiu, flitet gjithnjë për krizë institucionale…
“Rames i hapet dosja”.
A eshte ky titulli i artikullit tuaj ? Besoj se po. Po cfare duhet te kuptoje njeriu pas ketij togfjaleshi? Qe dikush, dikur vendos te beje publik veprimtarine e dikujt tjeter ne emer te informimit te publikut, zgjidhjes se disa dilemave dhe pikepyetjeve qe e qarkojne mendjen e ketij te fundit dhe dhenies fund te spekullimit. Por hapaj e dosjes ne vetvete ridimensionon permasen e nje ngjarjeje, nje figure, e sjell ate si te thuash ne kufijte e objektivitetit. Tani ky proces qe paska bere Berisha, sipas titullit tuaj dhe qe merr si lende kryesore agresionin verbal te kryeministrit per jeten personale te z. Rama, vetiu sendergjohet si shantazh. Sipas kuptimesimit qe ju i beni Sepse, pas ketyre grimcave akuzatore dhe aluduese te Kryeministrit qendron edhe skepticizmi i shumekujt; “He mo se genjen ky legeni”, mund te thote dikush. Prandaj keshtu si e sjell ti, dosja presupozon nje element shantazhimi sepse i terheq vemendjen subjektit drejt “fakteve” qe mund te jene p.sh video, fotografi, regjistrime etj integriteti i te cilave si prove materiale eshte i pakundershtueshem.
Per sa i perket argumentit te dyte; akuza ka nje audience, ka nje adrese, ka nje permbajtje, ajo ka tabelen e qitjes. Ajo ka jehonen e vet dhe qe ta fiksosh mire edhe ti; AJO KA KONSENSUSIN E VET NE SHQIPERI. Te kuptohemi – per hir te diskutimit dhe jo sepse me duhet te jem neutral si zotrote – nuk nenkuptoj se akuzatori mund te kete te drejte. E drejta e tij eshte elastike, perkundrazi gabimi ne kete rast, pra shpifja eshte e serte, ajo nuk mund te tolerohet. Jemi perballe akuzave personale, jemi ne Shqiperi (une te pakten). Tre rruge ka perballe ketij te shkalluari; 1. Ta rrahesh ose ta vrasesh, 2. Ta padisesh per shpifje, 3. Te heshtesh.
Cfare na sugjeron Demokracia ? Une mendoj se na sugjeron gjyqin, padine, aty ne mund te gjejme nje fije te drejte edhe pse “a na beson Bota?”. Po pra, ç’do te thote Bota? Jemi pra perpara nje momenti kur thashethemi, familja jone, te dashurit tone i perfshin politika, ashtu sikunder kundershtari yne ka zgjedhur te beje. Por ka nje ndryshim, i akuzuari ne kete rast u eshte shitur shqiptareve si Mesia, si misionari i nje ndryshimi, ai do te duhet ta perligje kete.
“Flitet per krize instuitucionale…”
Mos u hiq si naiv. Po kerkon zgjedhje te reja per Nderin e Humbur ? Ne krize eshte morali i nje opozite e cila nuk mund te mbrohet as nga pena te mprehuara mire si ju qe perpos te tjerave e kane shpetuar moralin nga ndotja e Mememdheut.
PS: Ironia juaj per kafenete eshte e goditur. Por eshte bere shume standarde. Eshte bere si puna e Kallepit per nje takem lexuesish.
Titulli i shkrimit është: Ramës i rihapet dosja.
Sa për përmbajtjen e fjalës së kryeministrit, e përsërit se mua nuk më intereson nëse është e vërtetë apo jo, në tërësi apo pjesë-pjesë; por vetëm fakti që kryeministri shqiptar mendon se gjëra të tilla duhet t’ia servirë publikut. Ky dallim ka rëndësi të madhe, sepse përndryshe po i biem legenit. Një shpifje mund të përgënjeshtrohet, një shtrembërim mund të drejtohet, një pasaktësi mund të saktësohet; por akti publik i kryeministrit, në cilësinë e vet si kryeministër nuk zhbëhet më.
Dakord, gabimi im per titullin. Nuk e dija qe dosja e Rames qenka hapur edhe njehere. Komisioni Hetimor nuk quhet hapje dosjeje, megjithate ju jeni autori dhe zgjidhni titullin tuaj.
Per aq sa kane lexuar te gjithe eshte e njohur se reagimi i Berishes ka marre shkas nga pergojimi i familjareve te tij, me te gjitha akuzat penale, por edhe me cinizmin karakteristik te politikes. Keshtu ndodhi edhe kesaj radhe. E bukura e kesaj historie eshte qe vete z. Rama, ai qe korrekton te gjitha fjalimet dhe deklaratat e deputeteve te vete, keta qenie numerike te kandarit te tij partiak, nuk e ze ne goje edhe njehere te vetme kete fjale, pra Familja Berisha. Sejmenet e tij Po, madje e kane bere moto politike. Nuk thuhet me p.sh akti korruptiv i zj. Argita Malltezi, por per Interesa te Familjes. Termi Familja eshte hedhur keshtu ne qarkullim pak a shume si peremri “Keta”, dikur per Bllokmenet. Me nje term te vetem, qe sherben si magnet i mekateve, te qena e te paqena, opozita e z. Rama po kerkon te thjeshtoje materializimin e pakenaqesise drejt nje komponenti biologjik te Kryeministrit. Dhe korrupsioni kur receptohet si familjar, pra si nje dukuri shkaku i te ciles jane pak, a shume 4 ose 5 vete, ai kondeson te njerezit urrejtje. Kjo i duhet Rames se keshtu krijon materialin e gatshem per mitingje dhe pse jo ndonje goditje te befasishme.
Po si e realizon ai kete gje e cila flet per mjerimin ideor te opozites, alternativa e vetme e se ciles eshte vetem Berisha ?
Me censure, me nje censure te tipit Koleka. I gjithe seti mediatik i kontrolluar prej tij aplikon dizinformim ne mase, deformim irritues dhe mbyllje hermetike. Kunder ketyre mediave ka pasur ankesa kohet e fundit edhe nga SHBA, nga njerez, prania e te cileve ne publicistiken shqiptare eshte e nje cilesi.
Pra kuotimi publik i dikujt po gjen zbatim permes perbaltjes se Familjes dhe krijimit te nje le te themi emertese unike e qe infekton kujtesen e publikut dhe Kujdesjes per nje imazh serioz per veten. A ka hipokrizi me te madhe, tallje me te madhe me paditurine e njerezve sesa kjo loje ndyre e cila edhe pse po skualifikohet jo me shume rregull dhe etike, ne finale ka nje vlere me te madhe sesa vijimi i saj ?
Nuk te intereson permbajtja, por fakti se kryeministri ia serviri publikut keto gjera. Une thems se te pakten keshtu opozita do merret me politike dhe jo me rrugaceri mediatike. Ja sot dolen dhe i kerkuan Presidentit ndihme.
Ketu me poshte, komentuesi pifto rikujton shprehjen e Berishes ndaj nje deputeti socialist.
Kjo pjese u dha nga te gjitha televizionet dhe mediat, ajo eshte ne youtube, por Berisha i fitoi zgjedhjet, u votua. Cfare d.m.th kjo se ata qe e votuan as nuk u rruhet per familje dhe moral ?
Dhe sa per ate deputetin qe i shkerdhehet motra moteleve – kjo eshte ne fakt nje kronike policie e dokumentuar dhe pastaj eshte sjelle ne Parlament. Dua te them qe te pakten ketu nuk ka shpifje.
Para se te reagonte Berisha keshtu ja se cfare tha deputeti, qe e ka nisur karrieren duke mbajtur valixhet e Fatos Nanos: Diskutohej per emrin e ri te ministrit te shendetesise mos gaboj.
“Kryeministrit i ka plasur sherri ne shtepi sepse vajza e tij kerkon qe te zere vendin tani…”.
Ka ardhur koha qe “cunave qytetare”, atyre qe perveshin menget dhe shesin mend me diplomat e marra jashte shtetit dhe qe borderoja e pare e te cileve nuk dihet kush eshte qe te ndryshojne sjelljen. Ka ardhur koha, qe kjo semundje e lige, ky precipitim i tranzicionit te marre fund. 30 vjecare me miliona euro qe apelojne per nje moral te ri, te strukur ne qoshen e ngrohte te partive kakarisin per ndryshim dhe tregojne me gisht te vjetren, kur qenia e tyre Pellet per qelbsirllekun qe bartin.
Nese kerkon te fshihesh pas cipes civilizuese te Demokracise atehere perballu me rrugen zoteri.
UPP, kam përshtypjen se je duke ekuivokuar.
Dihet se PS-ja dhe mediat e afërta me të kanë kohë që kanë vënë në qendër të vëmendjes familjen Berisha, duke e përmendur dhe përgojuar për spekulime financiare, me kontrata dhe tendera, shitblerje dhe allish-verishe të tjera; marifete të ndryshme me tokat, kapjen e sektorëve kyç të ekonomisë e kështu me radhë.
Unë nuk jam në gjendje të them sa të vërteta janë këto akuza, por jam në gjendje të them se në çdo vend të botës qeveritarëve dhe pushtetarëve u bëhen akuza për nepotizëm. Vetëm pak javë më parë, bie fjala, presidenti francez Sarkozy u akuzua se kishte ndikuar, qoftë edhe vetëm tërthorazi, që i biri të emërohej në një post të rëndësishëm ekonomik. Në SHBA, gjatë kohës kur George W. Bush-i ishte president, gjithnjë flitej për marrëdhëniet e tij me të jatin; ose me ndihmën që mori prej të vëllait guvernator të Florida-s etj.
Natyrisht, mediat shqiptare dhe forcat politike e kanë ekzagjeruar zhurmën në këtë drejtim, por nuk mund të them se kanë shkelur në truall të virgjër, meqë në vende të vogla, ku pushtetin politik dhe ekonomik shpesh e kanë grupe parakriminale, tribale dhe të korruptuara, nepotizmi është dukuri reale; dhe familja përfaqëson një realitet politik të mirëfilltë, para se të bëhet protagoniste e tabloidëve dhe e bisedave në kafenetë.
Familjarët e Berishës, me sa kam parë e dëgjuar unë në mediat, janë akuzuar për korrupsion dhe shkelje të ligjit, duke përfituar nga statusi i tyre si familjarë të njeriut më të fortë të PD-së dhe kryeministrit të vendit; çka është akuzë politike e drejtpërdrejtë. Në rrethanat kur gjyqësori shpërfilli një akuzë relativisht solide, si ajo për korrupsionin në rrugën Durrës-Kukës, do të ishte e kotë të shpresoje se PS-ja duhej ta kishte paditur familjen Berisha në gjykatë, në vend që të merrte megafonin në mediat.
Përkundrazi, çfarë tha Berisha në parlament për Ramën dhe zakonet e tij seksuale dhe sjelljen e tij të supozuar me nënën e vet, gruan e parë, vjehrrën, gruan e dytë, djalin etj., i përket një diskursi tjetër; sepse edhe sikur Rama t’i ketë bërë vërtet ato për të cilat e akuzoi dhe e përgojoi kryeministri shqiptar në parlamentin e Republikës, sjelljet e tij nuk janë përcaktuar nga pozita e tij politike, as mund të thuhet se janë favorizuar prej kësaj pozite.
Mediat e majta dhe propaganda përkatëse e kanë përgojuar familjen Berisha si të përzier në afera korruptive; përkundrazi, kryeministri shqiptar e përgojoi familjen Rama vetëm e vetëm për të goditur kreun e PS-së dhe të opozitës. Në fakt, askush nuk do ta besonte që kreu i PD-së dhe i qeverisë shqiptare shqetësohet për figurën morale të kreut të opozitës; sepse edhe hipokrizia ka kufi.
U zgjata pak në këto gjëra të ditura për shumëkënd, sepse nuk do të dëshiroja të kalonte kaq lehtë një ekuivokim i tipit: “edhe ata ia kanë përgojuar familjen Berishës”.
Secili eshte i lire te besoje ate qe doje, te beje sikur nuk kupton apo edhe te ndjeke nje qendrim heshturazi, edhe kur e verteta eshte aty dhe kerkon ngritjen e zerit.
Eshte bere zakon qe t’u referohemi te huajve si model dhe shpesh harrojme se keta duhet t’i ndjekim ne shume gjera, por pa dhene doreheqje nga ajo qe jemi, pra shqiptare.
Me ben nje kunderkoment qe ngjan si alibi e qendrimit te PS. Po, dakord edhe une nuk do te votoja kurre nje njeri si Sali Berisha, sepse jam deshmitar i shume ngjarjeve qe kane firmen e tij ne kete vendin tone. Por kurrsesi nuk mund te rend pas nje opozite qe e ngre linjen e vet permes nje shabllonizmi ne veprim, nje korruptimi moral qe edhe mitingashet i ble tek Ura e Lanes dhe aq me shume te nje perlyerje e te rinjve me te vjetrit qe te ndjell krrupe. Sali Berisha eshte i ikur, madje ai kishte rene qe perpara 28 qershorit; ishte Edi Rama ai qe nuk diti te fitoje. Kete e dime te gjithe dhe nuk ka pse gabimet e tij te na fshihen sot duke na inskenuar nje lider te se majtes tashmne, pas nje lideri te marketingut sorosian dje. Kjo loje vdiq, nuk e beson me njeri. Dhe aq me teper kur ky njeri kerkon te shfaqet si lider i dores se forte. Me fal por tualeti eshte nje domosdoshmeri.
Kaq per kroniken politike.
Me thua qe akuza ndaj Berishes dhe familjareve lidhet me perfitimet nga pushteti, teksa ato qe ai ben ndaj Rames nuk kane te bejne me kete.
Ne fakt mesazhin apo akuzen e vertete te Berishes e kane lexuar shume pak njerez rreth Rames dhe une e sjell edhe njehere ne vemendje;
Cilat jane lidhjet tuaja me Aldo Baren z. Rama?
Ky eshte ankthi dhe shantazhi i vertete, ky eshte sulmi, kjo eshte DOSJA qe po i vjen verdalle ketij politikani te narkotizuar nga korrupsioni. Por kjo do te shihet ne vijim…
Si provincial qe jam ndjek internetin dhe lajmet nga Dynjaja.
Seksualiteti i njerezve publike mesa kuptoj une eshte Interes Publik, ashtu si bindjet fetare apo edhe Familja. Kete nuk mund ta mohojme keshtu qe edhe z. Rama qe eshte aty ne emer te interesit publik dhe si perfaqesues i nje komuniteti qe beson te Familja dhe vlerat e tjera duhet te deklaroje shumecka qe ka te beje me personin e tij aq me shume qe rete e spekullimit qendrojne mbi te. Do te ishte normale, apo jo.
PS: Keto komentimet per sovranitetin dhe “popullin kujdestar” te hapin barkun. Deshtake kronike qe pasurojne historine e Esadizmit dhe haxhiqamilizmit ne kete vend. Gen i shprishur tutkunesh qe me ngjajne si spekulante fotografish edhe te tabelave te nderit te dikurshme. Per ta thene troc per ate qe thote se ne nuk dime te qeverisemi; duku njehere ketej te zdrukthosh sjelljen.
Respekte xha xhai edhe pse sikunder ju edhe mua nuk ma ze goja ta shkruaj kete pseudonim, sepse provokon. 🙂
Ka një problem me këtë sugjerimin për ta kallëzuar Sali Berishën për shpifje apo për fyerje, ngaqë ky fyerjen publike kundër Ramës e kryen në vijim të funksionit të tij shtetëror si Kryeministër i Republikës dhe njëkohësisht si deputet i Kuvendit. Në këtë kuptim Berisha gëzon imunitet dhe mënyra se si ai i drejtohet Rames si kundërshtar politik mbetet pjesë e aktivitetit politik të Berishës. Natyrisht që ka një varg viktimash të tjerë në këtë histori si për shembull gratë e familjes Rama apo djali i Ramës dhe këtu vërtetë që mund të ketë hapsirë për t’i dhënë zhvillimit një lloj relevance penale.
Por edhe këtu lindin disa probleme të tjera. Berisha në rastin e fundit të gjithë sulmin mbi anëtarët e familjes Rama i ka përdorur për të diskredituar kundërshtarin e tij politik dhe karakterin e tij moral të komprometuar. Është Rama “burri i poshtër” prandaj ju bie “taksirati” atyre grave të telendisen në atë mënyrë. Dobësi morale të personave të tretë në konfliktin politik Rama – Berisha përgojohen botërisht për një qëllim të lartë e publik; atë të diskreditim të politikanit kundërshtar si autor i amoralitetit të përfolur.
Ky zhvillim është thelbësisht i ndryshëm nga rasti i disa muajve më parë kur Berisha po në Parlament ju drejtua një kundërshtari politik më fjalët: “nëna dhe motra yte shkërdhehen nëpër motele”, fakt ky, që sikur të ishte i vërtetë nuk ka të bëjë fare më aktivitetin politik të të sulmuarit. Në këtë rast fyerja e bërë botërisht – pra edhe me rrethana rënduese – nuk mbulohej dot nga imuniteti parlamentar, sepse një gjë është t’i thuash kundërshtarit politik, se “ty të mungon integriteti politik e moral, ngaqë privatisht ke bërë këto njëmijëenjëqind të zeza” (rasti Rama) dhe një gjë tjetër është t’i thuash që “unë nuk pajtohem me mendimin tënd politik dhe me që po më jepet rasti për të tu drejtuar më duhet të të them edhe se ku dhe me kë shkon në krevat nëna apo motra yte”.
Problemi tjetër me bërjen e kallëzimit penal është se ka shumë mundësi që praktika juridike shqiptare ta shikojnë denigrimin verbal të një personi të tretë të gjinisë femërore gjate një konflikti midis dy burrave jo si cenim të të drejtave të grave të përgojosura por gjithnjë si një sulm kundër kundërshtarit direkt (burrit tjetër/Ramës). Ka shumë mundësi që në një proces gjyqësor (imagjinar) të vijnë etnologe e sociologë, psikologë e kush e di se çfarë priftërinjsh të tjerë dhe të thonë, se sulmi verbal kundër grave të farefisit të palëve konfliktuese ne diskursin shqiptar nuk shënon në të vërtetë një sulm kundër tyre, pasi këto gra nuk janë subjekte të së drejtës dhe se dinjiteti i tyre është deleguar tek mashkulli palë dhe në fakt objekt i konfliktit. Në këtë kuptim mënyra se si Berisha i trajton ato gra në sulmin e tij kundër Ramës është një veprim i tolerueshëm dhe i përfaqësueshëm i shoqërisë shqiptare. Denigrimi i figurës së një gruaje është mjet i komunikimit publik midis njerëzve në skenën politike dhe këtu ka shumë mundësi që që gjykata t’i bëjë dot një interpretim ngushtues dispozitave për fyerje dhe shpifje duke ju referuar zakoneve shqiptare, që kur shprehet botërisht një mendim negativ mbi një grua në drejtim të një mashkulli, ky është një veprim simbolik i cili ka për objekt vetëm mashkullin.
Problemi tjetër që lind me bërjen e kallëzimit penal kundër Kryeministrit të Republikës për shkak të fyerjes dhe të shpifjes së kryer botërisht ka të bëjë jo edhe aq me heqjen e imuniteti, se kjo të paktën teorikisht është e realizueshme dot, por me faktin se në rast se vërtetë një gjykatë do të duhej të gjykonte mbi përgjegjësinë penale të Berishës, kjo do të duhej që për hir të disa rrethanave sa impertinente aq edhe imperative me nismën e vet të urdhëronte konstatimin e përgjegjësisë penale të Berishës dhe gjasat nuk janë të vogla që ai të dalë i papërgjegjshëm penalisht për shkak të gjendjes së tij psikike.
Unë kam përshtypjen se Berisha nuk ka dashur ta fyejë Ramën apo të shpifë kundër tij. Sigurisht që çdokush tjetër që do t’i drejtohej dikujt publikisht në atë formë do të kishte konsumuar të paktën gjysmën e dispozitave penale që mbrojnë integritetin moral të qytetarit, por mua më duket se subjektivisht Berisha nuk është i ndërgjegjshëm për relevancën penale të veprimeve të tija në këtë drejtim, pra veprës penale i mungon dashakeqësia kriminale apo thënë më teorikisht ana subjektive. Këtë ide ma përforcon edhe fakti se gjuha e përdorur prej tij nuk përputhet aspak me rrethanat dhe epokën. Lidhja e Berishës me realitetin është shumë e dobët, ndërkohë që vetëm instinkti i pushtetit dhe i forcës është motori i tij e vetëm lëvizës politik. Fjalori i tij dhe mënyra impulsive për të shfarosur kundërshtarin politik i përket një sistemi politik të vdekur e varrosur, i cili mua më duket se shtrihet jashtë kufijve të Shqipërisë politike të viteve ’70 e përfundon atje diku nga Kamboxhia e Pol Potiti dhe e Khmerve te Kuq. Dhuna verbale e Berishës është një urrejtje e pafrenueshme sa orientale-provinciale aq edhe periferike e mesjetare. Nga ana tjetër gjithçka është paradoks, sepse atë dhunë verbale aq të pasofistikuar nuk e gjen tek asnjë Diktator bashkëkohor apo demagog i të djeshmes duke filluar nga Goebbels e deri tek E. Hoxha, ndërkohë që këtij i duket së është duke e bërë në rregull punën e tij. Në këtë kuptim çështjes i duhet qasur ndryshe dhe këtu është pak a shumë problemi, se sa këllqe mund të ketë për shembull Presidenti i Republikës për t’i veshë Berishës këmishën e forcës.
Zoti Pifto.
Duke qene se cfare po ndodh me politiken shqiptare per mua ngjan me nje abses qe ne nje fare menyre duhet mjekuar e s`duhet lene te sherohet vete, sepse trupi i politikes shqiptare s`ka anticorpe te mjaftueshme per ta luftura, mu me duket se rruga ligjore do te ishte menyra me e mire per t`iu afruar problemit. Madje ky mund te ishte nje rast testimi i sistemit ligjor shqiptare ne te gjitha nivelet e tij, i cili mund te krijoje kushte o per te zbuluar pikat e veta me te dobeta, ose per te care nje rruge te re ne njohjen, pranimi dhe zbatimin e ligjit ne vend.
Do kisha nje pyetje.
(E di qe ka dhe te tjere ne kete blog qe e njohin ligjin dhe sistemin juridik shqiptar, si teorikishit ashtu edhe praktikisht, por per arsye me se te kuptueshme opinioni i tyre mund te jete i kushtezuar.)
Ne kushte ideale, kush do te ishte rruga me e mire legale per ta trajtuar gjithe kete impas politik?
Nuk ka asnjë rruge ligjore brenda sistemit shqiptar.
Problemi është se kuadri ligjor për zgjidhjen e problemit nuk mungon, por ky kuadër është i rremë, ai i është imponuar realitetit politik forcërisht nga jashtë në kuadrin e demokratizimit të importuar e faktikisht pa substancë të realiteteve politike shqiptare. Shqipëria gjendet në një periudhë mesjetare, feudale, Shqipëria gjendet në të njëjtën agoni si edhe gjatë gjithë shekullit të XX, ku gjithçka ishte e ngritur mbi një iluzion, komunist, monarkist, demokratik, por në fakt pa asnjë lidhje me realitet politike apo sociale shqiptare. Ne ushqejmë shpesh iluzionin se jemi vërtetë evropianë të zakonshëm, sepse lexojmë disa gazeta, disa libra e shikojmë disa pjesë teatrale apo filma si edhe bashkëkontinentalasit evropianë. Fatkeqësia është se të tillë janë aq pak, sa nuk i japin dot asnjë impuls shoqërisë shqiptare në një drejtim progresiv. Intelektualët e sqaruar e modestë janë një pakicë e papërfillshme. Pjesa tjetër që e drejton dhe e popullon atë vend është një substance sociale mesjetare, feudale e patriarkale. Me këtë kompleks të tmerrshëm inferioriteti tundimi për të gënjyer veten behet dominues. Në këtë kuadër vijojnë reforma, zgjedhje demokratike, zgjidhen parlamente, politikanë dekorojnë njëri – tjetrin, gjithçka bëhet duke kopjuar keq një model të fqinjëve, të cilët vetëm pak më mirë se ne i dreqosin punët e tyre. Në fakt gjithçka është e rremë, shumë më e rremë se 1990 – 1991, kur iluzionet kishin një farë perspektive.
Mendimi im për zgjidhjen e problemeve politke në Shqipëri nuk është shumë korrekt politikisht dhe sigurisht që i formuluar shpejt e shpejt nuk ka ndonjë kuptim të mirëfilltë. Unë nuk e shikoj zgjidhjen e problemeve shqiptare jashtë nevojës së zgjidhjes së problemeve të ngjashme të të njëjtës natyrë në Botën e Tretë, ku padyshim Shqipëria gjendet në bash të vendit.
E drejta ndërkombëtare publike duhet t’i përshtatet nevojave të kohës si dhe domosdoshmërisë së zgjidhjes së krizave në vendet labile, të cilat mund të kërcënojnë rajone në nivel ndërkombëtar.
Dalngadalë duhet rishikuar nevoja e sovranitetit të disa shteteve të cilat për arsye të ndryshme nuk janë në gjendje të vetëqeverisen. Shqiptarët e Republikës së Shqipërisë nuk janë në gjendje të vetëqeverisen sipas standardeve që përgjithësisht vlejnë në Evropë. Në këtë rast duhet krijuar mundësia, që bashkësia ndërkombëtare për një periudhe 20 – 50 vjetësh; mbase edhe me faza, suspendon sovranitetin e Republikës dhe ja kalon atë një këshilli arbitrash, të cilët zgjidhen diku tjetër pa vullnetin politik të shqiptarëve vetë, të cilëve ju mungon pjekuria e nevojshme për ta ushtruar atë në mënyre konstruktive e funksionale.
Klasa politike shqiptare detyrohet të largohet nga pushteti dhe Republika qeveriset nga një Princ, Regjent, një lloj UNMISH-i, Pelikani apo le të quhet si të dojë vetë. Njëkohësisht vijon një proces intensiv i arsimimit të popullsisë lokale duke u fokusuar kryesisht në shkenca ekzakte.
Partitë politike le të vazhdojnë të ekzistojnë për arsye të tjera përveç atyre që kanë të bëjnë me ndarjen e pushtetit politik.
Shqipëria futet menjëherë në Bashkimin Evropian me kushtin e vetëm, që qeverisja e saj të mos kryhet prej shqiptarëve. Për ata shqiptarë me ambicie politike për të qeverisur mund të krijohet një rezervat diku në veri-lindje të vendit, ku njerëzit mund të bëjnë si të duan në një hapësirë të caktuar, të rrethuar me tel me gjemba apo me një mur, i cili me kalimin e kohës mund të shfrytëzohet edhe për qëllime turistike.
Shqipëria shpallet një lloj protektorati ndaj vetvetes.
Pra unë e shikoj mundësinë e vetme të zgjidhjes së krizës vetëm nëpërmjet një modeli të ngjashëm me atë të 1997, ku ndërhyhet fillimisht me force dhe me ushtri nga jashtë për të neutralizuar klasën politike shqiptare me ambicie për pushtet dhe pastaj hap pas hapi fillon një lloj procesi i një rehabilitimi institucional, gjithnjë nën kontrollin vetëm nga jashtë.
Për mendimin tim çdo nismë tjetër është vetëm humbje kohe. Megjithatë siç e shkrova edhe më sipër, këto janë disa mendime të “gërricur” shpejt e shpejt virtualisht ne këtë blog nën efektin e tmerrshëm të fjalimit të fundit të Kryeministrit të Republikës ne parlamentin shqiptar.
Ky transferimi i legjitimitetit të pushtetit politik mund të kryhet në disa mënyra. Njëra për shembull do të ishte që ai t’i hiqej fare shqiptarëve (siç e shpjegoja më lart) dhe këta të mbaheshin larg nga qeverisja e vetvetes.
Një mundësi tjetër do të ishte, që një këshill arbitrash të vendoste se cilat mund të ishin 50 – 70 problemet kryesore të shoqërisë shqiptare për një periudhe legjislative. Partitë politike shqiptare mund të vazhdojnë të qeverisin vendin, por deputetet zgjidhen jo nga shqiptarët, por nga një popull tjetër, si danezët apo suedezët.
Komuniteti ndërkombëtar përpunon një sistem të tillë elektoral, që shoqëri pa pjekurinë e nevojshme për të zgjidhur dilemat e veta politike ngarkojnë me këtë një “popull kujdestar”, të cilit i delegojnë vullnetin e tyre politik për zgjedhjen e parlamentit dhe më pas qeverisë. Partitë politike shqiptare japin llogari përpara një elektorati të huaj, bëjnë fushatë elektorale në atë vend, zgjidhen në pushtet nga një popullsi me eksperiencë demokratike dhe e sqaruar qytetarisht dhe politikisht në bazë të programeve të tyre politike për ato 50 – 70 pikat e mësipërme.
Qëllimi do të duhej të ishte, që shqiptarëve t’u hiqej një herë për një herë mundësia praktike për të vendosur krejtësisht mënyrën se si ata e qeverisin veten, sepse shqiptarët nuk janë të aftë për ta përballuar këtë sfidë sipas nevojave faktike të vendit.
Në fakt, duket paradoksale që, sot për sot, sovraniteti i Shqipërisë të jetë, de jure, më i fortë se i Francës ose i Italisë, të cilat shpesh i kanë duart të lidhura për shkak të përkatësisë në Bashkimin Europian.
ahahaha. Mirë postimi i parë, po me këtë pjesën e dytë, më duket u teprua ca, megjithëse shumë argëtues teprimi.
Jo, jo nuk do të ishte keq parimisht. Më duket e pamundur ama… Mbase e para edhe bëhet… ndërsa kjo tjetra…
Një mënyrë tjetër është aplikimi i demokracisë direkte, pas periudhës regjente nën arbitrat e huaj. Kështu partitë ndryshojnë formë nga përmbajtja ideologjike në atë menaxhuese-teknokratike. Si punë e Zvicrës pak a shumë… Prioritet duhet të jetë me gjithë mend arsimimi i popullatës. Madje mungesa e arsimit është arsyeja pse shohim në parlament performanca të tilla.
Një pjesë e elitës së sotme, duke qënë e ndërgjegjshme për profilin që ka dhe masës të cilës i drejtohet, nuk i intereson që masa të civilizohet, se nuk i voton më. Këto gabime të së sotmes, janë kosto për të ardhmen.
Një pyetje: Si i bëhet në mënyrë ligjore t’i kërkojmë Evropës të na qeverisë drejtpërdrejt? Ndonjë referendum?
Po pse o njeri e shkruan shqipen aq keq, e lexon aq keq dhe shkruan pastaj ashtu si shkruan. Kaq e vështirë qenka xhanëm për të shkruar të paktën një gjuhë si është për të qenë? Pastaj pse do të duhet pa tjetër të thuash edhe ti një mendim, kur një dreq e di se si e ke dhe pse e ke, se unë nuk të kuptova dot asgjë për të qenë nga ç’më the.
Dhe mësoji ca gjëra (elementare) siç janë- pra për të qenë – se në mos të florinjta të paktën të “ergjënta” do të jenë dyert që do të të hapen. Padija është një institut i të drejtës civile. Kallëzimi është mbase ai që do të thuash.
Berisha donte te bente te qarte, edhe njehere, qe ndaj Rames ‘njeri’ dhe ‘politikan’, i cili sipas tij perfaqeson ‘te keqen’ ka per te zbatuar tolerancen zero, si kryeministri ligjor i vendit.
Tani mund te debatohet gjate ne eshte apo jo parlamenti vendi i duhur, por rrethanat e sotme mendoj se e bejne parlamentin (e bojkotuar) vendin e duhur.
Rama nuk e njohur kete parlament dhe po e kercenon parlamentin, pas bojkotit me eufemizma dhune, prandaj parlamenti eshte kthyer ne institucion ‘te interesuar’ e ‘te shqetesuar’.
Meqe kryeministri eshte kreu i ekzekutivit, po e qeteson kete parlament shumepartiak.
Nuk arrij te kuptoj perjashtimin e familjes si objekt politik, sigurisht qe familja eshte objekt i politikes, do ishte politike e cunguar ajo qe sdo kishte per objekt institucionet sociale, ku familja ze vendin e pare.
Politika nuk ka per objekt vetem individin dhe institucionet qe bazohen tek ai, por gjithcka qe eshte krijuar prej njeriut e per njeriun. Asgje nuk qendron jashte politikes.
Ne Itali pas skandalit Berkuskoni, qe pa edhe ndarjen nga gruaja, plasi skandali Marrazzo, kuptohet qe te dyja palet i dhane jehone skandaleve per arsye politike.
Nuk besoj se ata jane te civilizuarit ndersa shqiptaret veprojne per arsye antropologjike.
Mund te diskutohet ne Berisha shpifi ndaj Rames, por gjithsesi Rama eshte i mbrojtur nga ligji ndaj shpifjeve, mund ta hedhe ne gjyq Berishen per shpifje e te thote qe ska fjetur me ‘dashin’ apo ‘deshet’, qe ka nxjerre gruan lakuriq, qe ka akuzuar babane per ‘incest’ etj.
Dikur shprehje te tilla i paguaje me koke, sot do perballesh me ligjin.
Po ashtu edhe persa i perket lidhjeve me krimin, Rama mund ta hedhe ne gjyq Berishen fare mire per shpifje, sepse keto jane akuza te renda per nje politikan, sidomos kur ky eshte kreu i opozites, pra nje kryeminister potencial.
Politika i mbulon te gjitha keto, perderisa keto gjera shqetesojne pjese te ndryshme te zgjedhesve. Mbase ne Hollande a Norvegji nuk shqetsojne kend e kane dale jashte politikes, por nje Shqiperi fakti qe perbejne shqetesim nder zgjedhes deshmon per nevojen qe ka ende shoqeria, qe politika te mbuloje edhe keto aspekte te jetes.
Persa i perket gjuhes, Berisha ai ka qene, ai eshte, ai do jete, nuk ka pse te perbeje ende skandal ‘e folura troc’…. mund te beje per te qeshur.
Sinqerisht e ke që do ta kthesh parlamentin në një platformë ku të diskutohet se me kë ka vajtuar në krevat ish-gruaja e kreut të opozitës përpara 20 vitesh?
Sinqerisht e ke që Berisha është duke e qetësuar parlamentin kur ju tregon deputetëve të Republikës se si i ndërton marrëdhëniet pasbashkëshortore kreu i opozitës në lidhje më detyrimin për ushqim dhe të tjera banalitete juridiko-civile të karakterit privat?
Ke shkruar akoma:
” Nuk arrij te kuptoj përjashtimin e familjes si objekt politik, sigurisht qe familja është objekt i politikes, do ishte politike e cunguar ajo qe sdo kishte per objekt institucionet sociale, ku familja ze vendin e pare.
Politika nuk ka per objekt vetem individin dhe institucionet qe bazohen tek ai, por gjithcka qe eshte krijuar prej njeriut e per njeriun. Asgje nuk qendron jashte politikes.”
I shkruan gjë në jerm këto gjëra? Natyrisht që familja është objekt i punës parlamentare, por jo jeta private e një personi apo marrëdhëniet e tij me familjen e vet. Në ç’vrimë të botës paske përfunduar, sepse këtu ku jam unë dhe nja 2000 kilometra rreth meje për këto gjëra nuk shkruajnë as gazetat bulevardeske ndonjëherë?
Skandali Berlusconi kish të bënte me faktin se sa ishte e prekur politika italiane aktuale nga marrëdhëniet seksuale jashtëmartesore të kryeministrit aktual të republikës, i cili sipas gjasave ishte duke ofruar favore politike në shkëmbim të marrëdhënieve seksuale. Rasti i marrëdhënieve familjare të Ramës është krejtësisht privat dhe shqyrtohet dot në rast nevoje vetëm përpara këshillit të kujdestarisë apo gjykatës së familjes.
Tani, nese ti ‘te shkretin’ Berluskon qe mbrohet ‘se nuk eshte shenjtor’ ( ndersa e majta imorale ) dhe ‘te shkretin’ Marrazo qe jep doreheqje per te mos i prishur pune te majtes dhe ‘i kerkon falje Papes’ , i quan te pakrahueshme me ceshtjen e moralit te Rames, me ben te mbeshtes serisht perfundimin se ti ke probleme te medha me moralin politik dhe raportin midis moralit ne pergjithesi me politiken.
Po ashtu konceptin ‘legjitimimin’ e ke te mjegullt fare, aq me teper kur i shton edhe politik dhe krijon konceptin ‘legjitimim politik’.
Meqe ti pohon se je pervojimtare teorike dhe praktike e komunikimit , nese ke kohe a mund te me ndricosh ?
DI , te lutem mund te me thuash cfare ka sipas kuptimit tend te pamoralshme ne vetvete jeta e Rames (eshte edhe me irracionale qe ne kete kohe po merren me te kaluaren e tij) per ta vene ate ne proporcion me skandalet e Berluskonit ne Itali?
Ki parasysh vetem nje detaj: per Berluskonin jane ankuar viktimat e tija, dmth Gruaja dhe cupat e reja te cilave Berlusconi u premtonte/jepte pune dhe dhurata te shtrenjta ne kembim te haremeve apo krevatit, nje gje kjo qe automatikisht quhet e pamoralshme dhe jokorrekte.
Skandalet e berlsuconit jane aktuale, te dites. Per Ramen eshte kerkuar dhe gerryer historia e jetes personale dhe mbi te kryeminstri i vendit i serviri gjithe publikut shqiptar ne menyre surprize skandale te llojeve te ndryshme njera me “impresiounese” se tjetra.
Eshte kollaj te dalesh jashte kontekstit dhe te heqesh paralele me raste te ngjashme jashte vendit tone , por ky do te ishte spekulim i paster per hir qendreses ne pozicionin e zgjedhur dhe sigurisht mospasjes se argumentave.
Përqasja e argumentit në lidhje me mbledhjet e bazës së partisë, është interesante. Sidomos nëse marrim parasysh se edhe Berisha vetë, dikur ka marrë pjesë në spektakël duke qënë ndër duartrokitësit e rradhës. Nuk bën çudi që në mendjen e tij, kjo situatë konsiderohet normale, madje normale janë dhe duartrokitjet e vartësve të vet tashmë. Spektakël grotesk ku duhet duartrokitur kllouni edhe kur ky i fundit nuk të bën aspak për të qeshur.
Pasi e pashë dhe dëgjova fjalimin, por edhe reagimet, jo vetëm të duartrokitësve parlamentarë, por edhe atyre virtualë, e vetmja gjë që dua, është të shkëputem njëherë e mirë nga mikrobi i interesimit për atë vend dhe realitetin aty. Nuk dua të bëhem pjesë e maskaradës. Aty u dashka duartrokitur kllouni dhe u dashka kthyer në klloun… dhe për çfarë?
Kostoja e jetesës në Shqipëri qenka shumë e madhe, dhe vlera e saj shumë e vogël.
””’Kostoja e jetesës në Shqipëri qenka shumë e madhe, dhe vlera e saj shumë e vogël.””’
Ej po ate kafen ne Apolloni do e pime ne apo jo, paguaj une si ekonomikisht ashtu edhe politikisht ?
Pse e prish gjakun kaq shume ti nga ping-pongu i ‘dy te forteve te politikes’ ?
Zhurma legjitimiste, nuk ka pse te rrembeje trurin, se truri i thote ‘po’ Ligjit. Kerkesat legjitime merren parasysh atehere kur nuk bien ndesh me Ligjin.
E ke parasysh ti, qe kur nje gjykate jep nje vendim te le 2 jave kohe a 15 dite te ankohesh.
Ti diten e 16 mund te besh kerkesen tende per apelim se vendimi eshte komplet jashte ligjit, dhe eshte kerkese legjitime, por ja qe ligji thote qe sado legjitime te jete kjo kerkese nuk eshte brenda ligjit, nuk mund te procedohet me legalisht.
Tani gjithe kjo zallamahi qe te ben te thuash keto fjale buron pikerisht prej nje kerkese legjitime por jashte ligjit.
Po ne fakt eshte normale per shqiptaret, se ne nuk na pelqen Ligji, por ajo cka mendojme se eshte e drejte.
Mua me beri pershtypje shume Prec Zogaj qe e lexova me shume i shtyre nga xha xhai, sesi arriti me ane te akrobacise intelektuale te nxjerre se mohimi i Ligjit eshte nevoje e drejtesise.
Berishen merre me te qeshur per gjuhen e perdorur, se sdo ndryshoje ne pleqeri, por analizo me vemendje ne po mbron ate cka kemi nevoje apo jo….
Une mendoj se per kapricot politike te Rames te cilave Berisha i pergjigjet me tonin e njerkut, nuk ka pse te deshperohemi deri ne masen tende.
Kafen do e pimë. Ndërsa për ato dy parametrat, do duhet të bëjmë kompromis :P.
Ti thua pse e prish gjakun, unë të them ata bëjnë të famshmin LIGJ aty. Kur mua smë bëhet t’i respektoj, atëherë do më duhet të shpall veten si të paligjshëm.
Tani vetëm kjo më sipër vlen për të shpjeguar çka thua më poshtë. Ti je gabim në idenë se ligji është mbi të gjitha, siç sugjeron mes rreshtash, se puna është që palët e kanë bërë ligjin. Pra janë ligjvënës. Dhe njëri prej tyre si komponent i ndërtimit të ligjit, ka të drejtën e vet të mos e respektojë. Këtu është konfuzioni. Nuk kemi konfuzion subjektesh poshtë ligjit hierarkisht, por kemi konfrontim gjykatësish.
Pastaj, pas çdo konfrontimi të tillë, që çdo herë është i dhimbshëm, shoqëria ose fiton, ose humbet (kuptimi i revolucionit). Kështu që unë, qoftë për çështje ideali, do të isha pro provës së sistemit. Kjo do të garantonte në të ardhmen zgjedhje dhe ligje më të mira. Ndërsa refuzimi i provës – që bën Berisha, më e pakta na lë vend numëro. Madje sjelljen agresive, unë kështu ia shpjegoj. Ai është vendosur përpara një provimi dhe nuk i pëlqen pozicioni nga i duhet të luftojë e mbrohet. E keqja e rradhës, është se provimin do e japë jo tek populli, por te ndërkombëtarët. Ai gjithashtu e di se statusi i tij dhe demokracisë (parë nga ndërkombëtarët) në Shqipëri është i dyshimtë. Këta të fundit do të ishin më shumë pro një prove më shumë, në mungesë të kompromisit.
Stresimi nuk vjen prej diçkaje sipërfaqësore si lufta e gjelave në një kotec, po prej mungesës së parimeve të politikëbërjes. Shikoj krahasimisht fjalorin e përdorur atje, fjalorin e përdorur këtu ku jam. Shikoj argumentat këtu, argumentat atje. Unë për pesimizmin, nuk ia hedh fajin gjendjes, që nuk ndryshon gjë. Jam në atë pikë vallahi, sa tia hedh fajin vetes dhe interesimit se çka ndodh. Sinqerisht më duket e tepërt të merrem me këto banalitete (më parë madje ia kam hedh “fajin” dhe Xha xhait për mungesën e durimit në ca shkrime, tani e kuptoj ca më tepër).
Ti thua Saliu ashtu është, unë të them na iku rinia me Sali… Saliu është i njëjti i 92′ i 97′ po mbase dhe shumica e njerëzve kanë ngel të njëjtët. Meqë është i tillë, ai nuk duhet të jetë aty ku është. Duhet të kishte dalë në pension me kohë. Saliu është simboli i tranzicionit. Është njëkohësisht ish sekretar i PKSH, i dërguari i Ramizit gjithashtu, kryeshtetari i parë i postkomunizmit dhe tani pioneri i modernizmit dhe evropianizimit. Poliedrik, tha. Tamëm si xhaxhi. Kështu që po më the ai rri, unë iki.
Me mire nje e gabuar e ligjshem se sa nje e drejte e paligjshme… thoshte ( me duket) Kleoja.
””’Ti kërkon, me fjalë të tjera, që lufta politike, e cila kryhet nëpërmjet debatit publik, të zhvendoset në sallën e gjyqit? Kam frikë se kështu do të cenohej rëndë vetë procesi demokratik në Shqipëri; sepse nuk është detyrë e gjyqësorit të arbitrojë konfliktin politik!””’
Aspak xha xha, nese ka shpifje cenohet integriteti moral i njeriut para se politikanit. Kushdo eshte njeri para se te jete politikan. Lufta politike e perfshin ad hominem, ska lufte politike pa ad hominem, por kur kapercehet ne shpifje, atehere i interesuari i drejtohet gjykates ashtu si cdo qytetar i vendit dhe kerkon demet morale dhe ekzistenciale.
Pekundrazi toleranca ndaj shpifjeve eshte ajo qe nxit perhapjen e shpifjeve dhe qe e degradon luften politike.
Gjyqesori nuk arbitron konfliktin politik, por shkeljen e ligjit dhe ato akuza per nje shqiptar normal jane shume te renda per tu kaluar si produkt normal i luftes politike .
Perkundrazi, meqe sot ato akuza kane mbushur gazetat e opozites, po sherbejne si arme politike, prandaj nuk besoj ne kete justifikim te arbitrazhit.
Rames vete i intereson te hidhet ne kundersulm, as i intereson fare te hedhe ne gjyq shpifesin, jo vetem sepse gjyqi do ishte shume kompromentues per te, por edhe sepse nuk do kish korrur sukses tek mbeshtetesit e tij, cka i intereson me teper sesa integriteti i tij moral.
Sikur keto akuza , sidomos ato mbi lidhjet me krimin qe bejne te dyja palet, do kishin shkuar ne gjykate, procesi demokratik ne Shqiperi do ish ne rruge te mbare prej kohesh.
Mua me behet qejfi qe u ndez edhe ne kete pike dhe sot shikoj se Rama mund te hidhet ne gjyq per shkelje te ligjit.
Shpresoj qe kesaj radhe fitili te jete ndezur dhe paria e Tiranes te haje koken e vet neper gjyqe, po kam frike se i perket shantazhit politik, rri urte se ti nxorra te palarat ne gjyq.
Mua zgjidhja nëpërmjet gjyqit më duket me kosto shumë të lartë politike. Mundësia për ta çuar tjetrin në gjyq duhet të shërbejë si deterrent, jo si instrument praktik për vazhdimin, transferimin ose edhe likuidimin e konfliktit. Përndryshe, politika vetë është e pamundur, sepse palët do të ngecin në moçalet e proceseve gjyqësore.
Aq më tepër që, në rrethanat kur sulmi ad personam (e quaj kështu, për ta dalluar nga ad hominem) është bërë tashmë armë konvencionale në arsenalin e çdo politikani “agresiv”, gjyqi është i pafuqishëm; në kuptimin që zgjidhja nëpërmjet gjyqit mund të funksiononte në një klimë komunikimi të sunduar nga mirësjellja dhe respekti sado formal për tjetrin, jo në një atmosferë të ngopur me cërka pështyme.
Përsëri, çfarë më skandalizon mua nuk është që kryeministri shqiptar Berisha shpif, por më tepër që ky kryetar qeverie mund të ketë thënë disa të vërteta atje, që i referohen jetës private të kundërshtarit të tij dhe kreut të opozitës; të vërteta të cilat nuk duhet t’i interesojnë askujt, sepse nuk kanë të bëjnë as me opozitën, as me figurën politike dhe veprimtarinë e kreut të saj.
Me fjalë të tjera, sistemi politik që ka adoptuar shoqëria shqiptare – demokracia, pluralizmi, të drejtat e njeriut, ndarja e pushteteve, etj. – nuk mund të funksionojë vetëm nën garancinë e gjykatave; kërkohet edhe një lloj qytetarie në komunikim, e cila shkon më thellë se frika, hipokrizia dhe dëshira për t’u miratuar nga padronët përkatës; dhe pa këtë qytetari, vetë sistemi politik shndërrohet në një guaskë pa përmbajtje, ose në një ritual të cilit i ka humbur kuptimi prej kohësh (nëse e ka pasur ndonjëherë); dhe institucionet e rëndësishme të shtetit, p.sh. parlamenti, katandisen në salla të teatrit komik.
””’Ti je gabim në idenë se ligji është mbi të gjitha, siç sugjeron mes rreshtash, se puna është që palët e kanë bërë ligjin. Pra janë ligjvënës””
Po sigurisht qe palet jane ligjvenese, po nese ne nuk mesohemi me idene qe ;
Ligji duhet te sundoje sovran,
atehere nuk kemi per te pasur kurre demokraci te tipit perendimor.
Cdo qeverisje ka nevoje per sundimin e Ligjit, sepse tek ligji , perkrahesit e sistemit , bazojne ekzistencen e tyre. Po the shtet ke thene ligj. Po the shtet demokratik ke thene ligje demokratike.
Ne komunizem sundonte ligji, ligji komunist dhe cte sunduar se. Kaq mire u strukturua komunizmi ne legjislacionin shqiptar saqe vertet edhe cdo krim shteteror ishte i mbeshtetur ne ligj, ose nese mungonte ligji do behej.
Te njejten gje duhet ta bejme ne demokraci, por me ligjet demokratike, nese ekziston nje ligj ai zbatohet me perpikmeri. Ngjela ka shkruar e thene gjera shume interesante ne kete pike, se eshte edhe i zanatit.
Nderkaq tek ne eshte krijuar BINDJA dhe ne su tundemi bindjeve, se Berisha eshte Ligji, se Nanoja ishte Ligji, se Meta ishte Ligji.
Keshtu ne ndersa de facto ata jane Ligji, ne ua miratojme, pranojme qe jane Ligji, pra i legjitimojme.
Ja edhe ne rastin tone eshte i njejti proces paradoksal.
Rama i thote Berishes, Ti je ligji, ty te takon te hapesh kutite.
Berisha pergjigjet, Une sjam Ligji, dhe do bej c’eshte e mundur qe ligji te respektohet.
Tani te gjithe ata te PS-se, jane te bindur se Sala eshte Ligji, prandaj meqe eshte Ligji, duhet te hape kutite.
Po Sala mund te pergjigjej edhe: Meqe ju pranoni se une jam Ligji, atehere Ligji (dmth ai) thote se kutite nuk hapen.
Pra jemi ne nje situate absurde ne kulm, ku spo dallohet fare mes de facto-s dhe de jures.
Kjo eshte shume e demshme, sepse ne nga njera ane legjitimojme Salen si Monark Absolut, meqe i themi se ai eshte Ligji, pra edhe vete Shteti, por nga ana tjeter kerkojme qe ai te RESPEKTOJE LIGJIN.
”””Meqë është i tillë, ai nuk duhet të jetë aty ku është. Duhet të kishte dalë në pension me kohë. Saliu është simboli i tranzicionit.””’
Salen aty e la PS-ja, qe te vidhte sipas qejfit. Une kam dale ne 1997 cdo dite, edhe kallashin e kam shkrehur me gezim te madh kur Sala dha doreheqjen, po ja qe na e late peshqesh ju nanoisto-edvinianet.
Tani po e trajtoni edhe si Monark Absolut, rrofshi.
Më duket se e ke kuptuar gabim punën e kërkesës që i adresohet Saliut. Kërkesa për hapjen e kutive, nuk është antiligjore, se nuk ka ligj që të ndalojë parlamentin të hetojë mbi çdo çështje, përfshirë kutitë e votimit.
Përveç kësaj, meqë janë ligjvënës, ata mund të bëjnë ligj. Bën një ligj parlamenti me miratimin e shumicës për rikontrollimin e zgjedhjeve. Mundësitë për këtë, Saliu i ka. Dhe nuk është çështje mbi dhe nën ligjore, është çështje karrigeje. Këtë e di dhe bufi, gjithë të tjerat që thu ti janë sofizma.
Dhe ta them unë pse: Ligji mund të jetë si “an upside-down, backward, Chinese, braille bible with half the pages missing…does it still count?”
shijoje këtu:
http://www.youtube.com/watch?v=hWiBt-pqp0E&feature=related
Meqë përmende monarkun, më kujtove një ngjarje interesante para disa vitesh. Përpara zgjedhjeve vendore të 2007′ Saligji i dha birit të pseudombretit, ish pronën e vet – ish hotel Dajti duhet të ketë qënë. Edhe e shpjegoi në këtë mënyrë: Do ia jap unë, dhe letrat i bëjmë pastaj, se atë do ia jap unë atij, i takon.
Sali dhe ligj të respektueshëm, nuk do kesh ndonjëherë ti miku, ta jap unë me firmë. Stë thashë kot, që jam i paligjshëm më lart. Ligji që respetohet, po të shtrydhet, nxjerr gjak, se me atë është ngjizur dhe ka fituar respektin. Kshu që “there will be blood.”
Shkruan :
“Tani te gjithe ata te PS-se, jane te bindur se Sala eshte Ligji, prandaj meqe eshte Ligji, duhet te hape kutite”.
Me duket se paske “harruar” se si e perplasi kemben ne KQZ Zamira Subashi (Ligji !) per hapjen e kutive te Beratit. Dhe nuk ishte vetem, ishin DY, siç e donte LIGJI ! Dhe nuk u hapen. Dhe Kolegji Zgjedhor vendosi te njeten gje…
Prandaj, per te perifrazuar xha xhai-n (fjalet ne kllapa jane te mijat) : “…sistemi politik që ka adoptuar shoqëria shqiptare – demokracia, pluralizmi, të drejtat e njeriut, ndarja e pushteteve, etj. – nuk mund të funksionojë vetëm nën garancinë e gjykatave (Ristanit, Kolegjit Zgjedhor…); kërkohet edhe një lloj qytetarie në komunikim, e cila shkon më thellë se frika, hipokrizia dhe dëshira për t’u miratuar nga padronët përkatës (dmth nga Berisha).
Je i qarte tani ??
Edi Rama eshte kryetar i PS, partise me te madhe opozitare; kryetar i bashkise se kryeqytetit, kandidat potencial per kryeminister i vendit.
Pavarsisht platformes dhe fjalorit qe zgjodhi Berisha per te shpalosur opinionin e tij per Ramen, si mund te themi qe veprimet/mosveprimet morale apo shendeti mendor apo te qenet apo jo nen influencen e droges nuk paskan lidhje me funskionet politike?
Nese Rama vertete eshte kuruar 12 vjet rresht per skizofreni, nese vertete ka nxjerre nenen e vet me pizhama tek shkalla, nese vertete eshte perdorues i droges, nese vertete eshte treguar i pamoralshem me bashkeshortet e veta, nese vertete ka lidhje me klane kriminale, nese vertete eshte i korruptuar etj etj….a nuk duhet PS-ja e para bashke me elektoratin e vet, por edhe pjesa tjeter e shqiptareve qe eventualisht mund te kene per kryeminister Ramen neser, te shqetesohen se cfare njeriu do drejtoje vendin?
Aspektet personale jane personale sa kohe Rama eshte qytetar privat. Kur del ne skenen pollitike me pretendimin qe te drejtoje nje vend te tere, cdo aspekt i shendetit te tij mendor dhe moral jane prone publike, te hapura per diskutim. Format, menyrat, platformat e diskutimit jane ceshtje qe edhe mund te diskutohen.
Pa tjeter qe cdo gje mund te diskutohet. Por, kur nje kryeminister ne fuqi, me shume police dhe sherbime sekrete nen urdherat e tij, beson ne (apo di) gjerat qe thote, ai duhet te veproje ne menyre te ligjshme dhe ta arrestoje ate person qe i perket mafies, qe vjedh toka, etj. Nese ai i di keto gjera dhe nuk zbaton ligjet, atehere kryeministri duhet te jape doreheqjen dhe te lejoje dike qe ka kellqe te zbatoje ligjet. Ama, nese kryeministri po merret me thashetheme (dhe ndofta genjeshtra) ne instancen me te larte te shtetit, ne parlament, atehere ai duhet te perndiqet ligjerisht per shperdorim detyre dhe shperdorim te fondeve te taksapaguesve shqiptare per nje hakmarrje te ulet vetjake. Me duket se kryeministri e ka vene veten ne nje qoshe nga ku nuk dilet lehte…
LG kur lexoj konkluzione kaq diletante, siperfasore si na i rendit ti te tipit Nese , nese, nese , nese…, shokohem dhe deshperohem sepse mendoj se gjithe mbeshtetsit e berishes sidomos per kete rast, patjeter i bie te jene edhe me shume injorante dhe te paorientuar se vete ai..
Mund edhe te analizohet e te filozofohet si me lart, kaq kthjelltesishte e mencurisht … si ju …Por a ka me vlere?
Kam mbetur pa fjale mbreme tek e degjoja pa mundur te largoj femijet e mi nga ato 20 min marrezie?
Edhe pse nuk jam genjyer asnjehere se mund edhe te kishte ndryshuar…shqyej syte dhe mendjen nga habia sa here shfaqet I Tille dhe sidomos habitem e deshperohem per ate shpure te gjore parlamentaresh…
Si eshte e mundur qe askush prej tyre , as edhe nje i vetem, nuk e coi nder mend te braktiste sallen dhe karrigen e atyre minutave te turpshme, ne shenje proteste kundrejt perdhosjes e shnderimit…
Si eshte e mundur???????????????
Problemi është e ardhmja. Cfarë na pret nesër që do të jetë pas 10 vjetësh, 20 vjetësh, 50 vjetësh? Po ndoshta ajsbergët dhe do të kemi politikan të shëndetshëm nga trutë dhe nga shëndeti.
Në Shqipëri rrinë e grinden si gjelat, kurse ne Copenhagen diskutohen gjëra më të mira, në mbrojtje të planetit. Sa larg janë interesat midis klasës politike shqiptare dhe politikanëve të huaj…
Problemi është e ardhmja… e ardhmja!
…”Në Shqipëri rrinë e grinden si gjelat, kurse ne Copenhagen diskutohen gjëra më të mira, në mbrojtje të planetit. Sa larg janë interesat midis klasës politike shqiptare dhe politikanëve të huaj… ”
Gjithe derrat nje fytyre kane, asnjan’s.
Mund te lexosh me poshte per gjerat e mira dhe mbrojtjen e planetit qe e kane aq per zemer politikanet e huaj.
http://blogs.telegraph.co.uk/news/geraldwarner/100018034/climategate-%20%20e-mails-sweep-america-may-scuttle-barack-obamas-cap-and-trade-laws/
Ju lutem, diskutimi për klimën dhe Copenhagen-in nuk e ka vendin këtu.
Pifto tha:
Shume d’accord! Modeli i Kosoves: i pavarur por jo sovran do ishte lehte i aplikueshem, dhe ndoshta me nje sistem gjygjsor te varur nga Brukseli.
Sidoqofte, nuk mund te presim gje nga Brukseli derisa situata te shkoje ne nje anarki te pergjithshme si ajo e vitit 1997.
Sot lexova nje artikull te Krist Malokit, shkruajtur ne Graz ne vitin 1934. Ai shtron nje problem per te cilin duhet vrare mendja fort:
””Sinqerisht e ke që do ta kthesh parlamentin në një platformë ku të diskutohet se me kë ka vajtuar në krevat ish-gruaja e kreut të opozitës përpara 20 vitesh?””’
Berisha nuk e hodhi per diskutim ne parlament se me ke flinte Rama apo ish-gruaja e tij, mos i ngaterro gjerat. Tjeter gje eshte hedhja per diskutim.
””’Sinqerisht e ke që Berisha është duke e qetësuar parlamentin kur ju tregon deputetëve të Republikës se si i ndërton marrëdhëniet pasbashkëshortore kreu i opozitës në lidhje më detyrimin për ushqim dhe të tjera banalitete juridiko-civile të karakterit privat?”””
Ajo eshte vetem nje pjese e diskutimit, te cilen Berisha e pa te arsyeshme ta ndante me parlamentaret.
Diskutimi i tij kish per qellim qetesimin e parlamentit, se ai si Kryeminister i dale prej atij Parlamenti, do e kryente detyren e vet ne respekt te ligjit, pra do mbronte edhe Parlamentin nga cdo lloj perpjekjeje jolegale.
2 pika pa te arsyeshme:
1- Rama qe kercenon Parlamentin eshte specie me vete mes shqiptaresh, pra qe ai nuk eshte i tolerueshem, sepse i rrezikshem, pasi nuk do as familjen e vet.
Pra Rama sipas Berishes perfaqeson rrezikshmeri morale, dmth eshte kunder rendit te gjerave.
Psikologjia i jep te drejte deri diku, ne kete teori te rrezikshmerise.
2- Rama qe kercenon Parlamentin eshte kryemafioz, ka lidhje me Aldo Baren etj.
Pra Rama perfaqeson edhe rrezikshmeri ligjore.
Meqe diskutimi i tij lidhej me nje shqetesim te justifikueshem per perdorimin e dhunes ne permbysjen e pushtetit, pra edhe ne permbysjen e Parlamentit, atehere mendoi se nje analize teresore e individit Rama, ku ky del moralisht dhe ligjerisht i rrezikshem per ‘Rendin e Gjerave’, ishte e nevojshme per te justifikuar ‘gjuhen e ashper’ dhe demostrimin verbal te Forces se Ligjit.
””’I shkruan gjë në jerm këto gjëra? Natyrisht që familja është objekt i punës parlamentare, por jo jeta private e një personi apo marrëdhëniet e tij me familjen e vet. Në ç’vrimë të botës paske përfunduar, sepse këtu ku jam unë dhe nja 2000 kilometra rreth meje për këto gjëra nuk shkruajnë as gazetat bulevardeske ndonjëherë?””
Se ne c’vrime kam perfunduar nuk ta them .
Familja eshte objekt i politikes, kete kam thene une, dhe kur thuhet se familja eshte objekt i politikes, nenkuptohet qe ka vota qe vijne apo qe ikin si pasoje e statusit familjar te individit dhe jetes private te tij.
Ti mos bej si i trashe, se e di edhe bufi, qe ne shume shtete, perfshire Ameriken, keshillohet qe politikani te shfaqet ne publik, si familjar i mire, njeri me integritet moral te padiskutueshem, edhe sikur kjo paraqitje te jete kulmi i hipokrizise.
Ashtu sikunder Rama perdori djalin gjate fushates per te treguar sa baba i mire qe eshte, apo kur foli per Kodin Etik te Familjes shqiptare, i cili ishte shkelur sipas tij nga Berisha.
Prandaj vizioni jot qe ngushton rrezen e politikes, nuk mund te mos i jete i demshem ne procesin e demokratizimit te vendit, pasi mbeshtet cenimin e parimit te perfaqesimit.
”””Me duket se paske “harruar” se si e perplasi kemben ne KQZ Zamira Subashi (Ligji !) per hapjen e kutive te Beratit. Dhe nuk ishte vetem, ishin DY, siç e donte LIGJI ! Dhe nuk u hapen. Dhe Kolegji Zgjedhor vendosi te njeten gje…””’
Shume bukur, pse nuk u ankuan ne Gjykate per shkeljen e ligjit, por vajten e votuan ne unanimitet per ‘mbylljen e kutive’ dhe nxjerrjen e rezultateve perfundimtare, prej nga doli edhe Parlamenti ?
Ja ta them une psene ty. Sepse ato kuti duhet te sherbenin per te justifikuar zallamahine e sotme, per te gjetur nje shkak qe Shqiperia te ishte ne krize politike sa me shume te ishte e mundur.
Parlamenti i sotem e ka legalitetin nga vota unanime.
Parlamenti eshte i ligjshem, Kryeministri eshte i ligjshem, Presidenti eshte i ligjshem.
Rama le ti drejtohet Gjykates ne ka gje per te thene mbi ligjshmerine e institucioneve, jo Kryeministrit.
Kryeministri nuk zgjidh konflikte te natyres juridike.
””’meqë janë ligjvënës, ata mund të bëjnë ligj. Bën një ligj parlamenti me miratimin e shumicës për rikontrollimin e zgjedhjeve. Mundësitë për këtë, Saliu i ka.””
De facto i ka, po ligji nuk ka fuqi retroaktive i nderuar, edhe kete duhet ta dije bufi qe permend ti.
Nuk ka asnje ligj per rihapjen e kutive pasi jane vulosur,e per me teper ka dale Parlamenti e Kryeministri.
Teorikisht ato duhet te digjeshin brenda 2 muajve, pikerisht per te menjanuar keto traplliqe qe ndodhin sot.
Parlamenti nuk mund te beje asgje, une do thoja tre fjale per situaten: Ligji Foli, Bindu.
”””Me fjalë të tjera, sistemi politik që ka adoptuar shoqëria shqiptare – demokracia, pluralizmi, të drejtat e njeriut, ndarja e pushteteve, etj. – nuk mund të funksionojë vetëm nën garancinë e gjykatave; kërkohet edhe një lloj qytetarie në komunikim, e cila shkon më thellë se frika, hipokrizia dhe dëshira për t’u miratuar nga padronët përkatës;””’
Duhet te funksionoje nen garancine e ligjit, prandaj jane gjykatat.
Fakti qe ekzekutivi ne Shqiperi ja ka shkulur dhembet gjykates, nuk duhet te na shtyje te miratojme kete varesi te thelle.
Mendoj se sikur ne Shqiperi te plaste ndonje tangjentopol, askush nuk do merakosej pse gjykatat cenuan politiken.
Superioriteti i thelle i politikes eshte i papranueshem, kur ky superioritet supozon shkeputjen e klases politike nga ligji.
Pse klasa politike na qenka e paprekshme nga ligji, mos valle teoria e demokracise e mbeshtet kete pohim?
Nuk eshte se dua te bej legalistin radikal, edhe une si te gjithe ketu e shkel nje sy, hec mo se per Shqiperine po flasim, por jemi ne nje situate ku nese nuk therrasim Ligjin, rrezikojme per 20 vjet te tjera te kemi zallamahi te tilla.
Berisha u tregua deri diku i matur me deputetet e Dushkut, e gelltiti fregaturen qe i futi Tosi, Tosi ishte i zoti, i futi nje ‘fregature demokratike’.
Pse Rama se pranon tani qe i erdhi radha te paguaje papjekurine e tij politike?
Fjalimi historik i Berishës në parlament është i dokumentuar; dhe kushdo mund t’i konstatojë vetë përpjesëtimet atje midis sulmeve ndaj njeriut, politikanit, familjarëve dhe bashkëfajtorëve.
Pyetja histrionike e kryeministrit, për lidhjet e supozuara të Ramës me Aldo Baren, është tashmë pjesë e stilit të këtij oratori, i cili ka njëzet vjet që e përdor foltoren publike për të lëshuar akuza të tilla ndaj kundërshtarëve.
Sa prej këtyre akuzave, që prej vitit 1991, janë ndjekur penalisht dhe kanë çuar në dënimin e të akuzuarve?
Megjithatë, pasazhi i Aldo Bares mua nuk më intereson, meqë tek e fundit, nëse Rama ka bashkëpunuar vërtet me një kriminel, meriton të hetohet dhe të dënohet nga ligji. Nëse kryeministri ka të dhëna për këto gjëra, atëherë është detyrë e tij të nxitë organet e drejtësisë, që t’i shkojnë çështjes deri në fund.
Për fat të keq, publiku shqiptar është mësuar tashmë me këtë lloj retorike politike, kur kundërshtarit i përsiaten gjithfarë krimesh mafioze, korruptimesh dhe vjedhjesh, në bashkëpunim me kriminelë vendas dhe ndërkombëtarë; prandaj edhe nuk duhet të habitemi, kur të tjerë e ndërmarrin edhe një hap më tej dhe arrijnë në përfundimin se shtetin shqiptar e ka kapur krimi i organizuar.
Prandaj unë kam bindjen se krime të kësaj natyre, nëse dyshohen, i duhen raportuar prokurorisë dhe t’u lihen organeve të rendit që t’i hetojnë dhe gjykatave që t’i gjykojnë. Zhvendosja e diskursit juridik në politikën e përditshme nuk i bën mirë as ligjit as politikës.
Por kjo është çështje tjetër. Krejt tjetër nga ç’po diskutojmë në këtë hapësirë. Prandaj, le të mos turbullojmë ujërat kot, ju lutem.
Kur thashë që Ramës i rihapet dosja, nuk kisha parasysh Aldo Baren; ndryshe nga Berisha, unë preferoj që punët e prokurorisë t’ia lë prokurorisë. Kisha parasysh dosjen e jetës private të Ramës, marrëdhëniet e tij me gratë, nënën, të birin; zakonet e tij seksuale; marrëdhëniet e tij me trupin e vet, e kështu me radhë. Kjo përmasë e diskursit politik nuk ka lidhje me hapësirën juridike; është dhunim i personit si individ, përtej raporteve që ky person ka vendosur me politikën.
Kryeministri i një shteti që ende nuk më rezulton të ketë zbardhur krimin e rrahjes së egër politike të Edi Ramës dikur, përgojon një rrahje që ky, pas gjase, ia ka bërë së shoqes në sy të personaliteteve nga Kosova.
Ma mi faccia il piacere, thoshte Totò-ja…
Pasi dëgjova fjalën e kreut të qeverisë shqiptare, u përpoqa të gjej ndonjë paralelizëm me jetën politike amerikane. Disa skandale të njohura, si ai i Monikës dhe presidentit Clinton; ose tani vonë i senatorit Edwards me një asistente të vetën, nuk më duket se i afrohen, për nga vlera trash, tablosë sinoptike të Berishës.
Përkundrazi, m’u kujtuan dy kryeura të fushatës së nëndheshme të së djathtës ekstreme amerikane kundër presidentit të tanishëm Obama; njëra prej të cilave vë në dyshim certifikatën e lindjes së Obamës – meqë, po të vërtetohet se ky nuk ka lindur në truallin amerikan, kjo do ta bënte të pazgjedhshëm si president; tjetra ka të bëjë me një marrëdhënie homoseksuale të këtij me njëfarë Sinclair.
Materiale për të dy këto akuza gjen sa të duash në Internet, të garantuara siç janë nga e drejta e fjalës.
Megjithatë, nuk do të përfytyroja dot, bie fjala, McCain-in që t’i sillte këto fakte në tryezë, gjatë debateve të fushatës presidenciale, për t’i përdorur kundër Obamës.
Kjo s’ka të bëjë fare me vërtetësinë e tyre; por me disa rregulla të zotnillëkut politik, të cilat mundësojnë funksionimin normal të debatit publik, në një shtet që kërkon të jetë i qytetëruar.
Një politikan që nuk udhëhiqet nga sensi i masës, është i dënuar të kalojë nga skandali në skandal, dhe të udhëheqë jo me urtësi, por me pështymë.
Tani edhe një notë tragjike. Sot lexova në “Panorama” se edhe ministri i Shëndetësisë, dr. Vasili, ishte i mendimit se lideri i opozitës “është njeri i gjesteve të drunjta dhe të pagdhendura”. Tha pastaj dr. Vasili:
Obobo! Rama nuk ia paska dhënë dorën dr. Vasilit? Po si vallë nuk i paska shkuar mendja sekretarit të përgjithshëm të LSI-së, se ky refuzim për të dhënë dorën mund të ketë lidhje me porositë e lëshuara prej atij vetë si ministër Shëndetësie, për të kufizuar përhapjen e gripit të derrit në mjedise publike?
””’Kur thashë që Ramës i rihapet dosja, nuk kisha parasysh Aldo Baren; ndryshe nga Berisha, unë preferoj që punët e prokurorisë t’ia lë prokurorisë. Kisha parasysh dosjen e jetës private të Ramës””’
Tani nese po thua, se ke parasysh analizen e pjesshme, kjo per shkak te cungimit se objektivitetit qe ushtron e pjesshmja, mund te me mundesoje te mendoj se kjo teme nemos nga tendencioziteti , vuan nga njeanshmeria.
Sigurisht qe nese analizoj se c’lidhje ka ana tjeter e krevatit te Rames me Parlamentin dhe gjendjen e jashtezakonshme ne vend, do me dale budallek.
Por nese kjo eshte brenda nje konteksti te gjere, ku pjesa nuk mund te kuptohet pa te teren, dhe e tera e mundeson logjiken e perfshirjes se krevatit te Rames, atehere mua nuk me rezulton budallek.
Me fal po une nuk besoj te cmenduria qe i vesh Rama Berishes, dhe ta shkepus pjesen qe ti jap te drejte Rames apo kujdoqofte.
”””Në këtë rast duhet krijuar mundësia, që bashkësia ndërkombëtare për një periudhe 20 – 50 vjetësh; mbase edhe me faza, suspendon sovranitetin e Republikës””’
Ky qe e krijon kete mundesi, duhet te kaloje ne ca kufoma nder te cilat edhe timen dhe sigurisht e keshilloj ta mase mire menderen.
“””Deshtake kronike qe pasurojne historine e Esadizmit dhe haxhiqamilizmit ne kete vend. Gen i shprishur tutkunesh qe me ngjajne si spekulante fotografish edhe te tabelave te nderit te dikurshme. Per ta thene troc per ate qe thote se ne nuk dime te qeverisemi; duku njehere ketej te zdrukthosh sjelljen.”””
Xha xha, pse lejohet kjo gjuhë në blog?
Ç’është ky parrullori që me një të rënë të lapsit bën profil psikologjiko historik? Çfarë lidhjesh ke me psikologjinë ti mik? Apo çtë ka thënë Berisha tye? Sala po prodhon kombarsë vetëm duke folur, lëre më të bënte edhe ndonjë gjë tjetër. Ai dentist, ky na dilka “mjeshtër i punës me dru”
Fajin e kam unë – dje m’u desh të largohem për një kohë të gjatë nga laptopi dhe i lashë komentet të kalonin të pamoderuara, meqë m’u duk se kishte interes për temën… thashë mos t’ia prisja hovin.
Shyqyr qe u gjet edhe faji.
“Për fat të keq, publiku shqiptar është mësuar tashmë me këtë lloj retorike politike, kur kundërshtarit i përsiaten gjithfarë krimesh mafioze, korruptimesh dhe vjedhjesh, në bashkëpunim me kriminelë vendas dhe ndërkombëtarë…”
Kjo vlen per te dy palet, keshtu qe kur kemi te bejme me te ketille njerez duket i kote edhe ky debat. Plehra jane ne fund te fundit dhe fundja kur te gjithe e dime kete pse duhet te shqetesohemi se plehrat shkartisen mes tyre ?
Apo nuk na rri rehat pa marre ndonje pozicion ?
Obobo qenkan lemerisur shqiptaret nga gjuha e Berishes, familjaret i kane zene veshet femijeve, burrat kane mbyllur grate ne dhoma, adoleshentet kane fjetur te detyruar heret sepse doli kafhsa na cmendi. Pallavra, a thua nuk jetojme ketu. xh xh ben kritika per nje shoqeri te semure dhe pastaj ligjeron si pozitiv gjyqin e saj moral ndaj ketyre incidenteve edhe pse zedhenesit e kesaj proteste jane pocaqisur koke e kembe per vete.
Me duket se problemi eshte me i thjeshte se kaq; zgjedhjet jane prova e moralit, t’i presim se aty edhe vertetesia e kesaj zhurme do te dale ne drite. Ja ndodhi Gerdeci, u bene zgjedhjet, fitoi Saliu aty. C’ do me thoni, qe ata katundaret nuk marrin vesh ? Apo qe nuk e duan jeten ?
Sa per ate ankesen e bere me lart nga disa komentues qe flasin ne emer te shqiptareve se “kane nevoje per popull kujdestar” etj si keto, edhe une nuk detyrohem per asnje falje sepse kjo eshte nje fyerje ku e ku me e madhe sesa problemet politiko – seksuale te z. Kokaina ne Tirane qe paskan vene ne levizje shoqerine.
Ne nuk do vazhdojme akoma me parrullen “Neno mos ki frike se ke djemte ne Amerike” dhe te mbyllim syte kur te tjeret flasin.
Më është dukur gjithnjë i habitshëm një reagim i tillë, që ndodh rëndom pasi hapet puseta. Ka gjithnjë duar si ky më sipër që ka shkruar këto rreshta, që i duket detyrë mbi detyra të llangosë gjithçka me jashtëqitje.
Hë mo se të gjithë kështu janë…
Më e habitshme akoma, është kur do të marrësh në telefon zjarrfikësen me targa EU, për të larë këto llagëme, atëherë si shpërblim të ngjyejnë me ca ofendime më shumë.
Mbase zgjidhjen ky miku e shikon te lëpirja e njeri tjetrit. Mbase edhe pastrohemi kështu, nuk i dihet.
Në fakt është iluzion më vete të mendosh se Shqipëria është sovrane dhe qeveriset prej shqiptarëve. Qeveria ndjek politikat dhe kufizimet e EU që tani, madje me ndihma mbahet ai shtet në këmbë se do ishte rrëzuar me kohë. Shqipëria është një vend ku fjala e ambasadorit amerikan dëgjohet më shumë se e presidentit. Madje edhe reagimi i Berishës, është në funksion të qëndrimit të evropianëve mbi të, se mbarë popullin e vet, e mbushi me të pëgëra, por që çuditërisht na sugjerohen se nuk janë gjë e madhe. Akoma më i çuditshëm ndaj “të huajve” është fakti se këtyre u ka rënë restoja që të shuajnë zjarret e politikës saliste gjatë këtyre viteve.
Por ne megjithatë, dimë të qeverisemi.
Cfare do te thuash, apo me mire cfare do te nxjerresh ?
Qe ti dhe ca si puna jote keni kapur fillin e progresit dhe jemi ne te tjeret qe ju pengojme ? Kete do te thuash ? Se po te jete kjo, ja ke blogun ketu dhe bej nje shfryrje intelektuale, qe edhe ne mjeranet te sodisim, se coc na mbetet ne koke. Sa here llomotit Saliu dalin ca si puna jote qe fjalet Evrope, EU e ca si keto i kane bere abetare dhe thone “nuk behemi ne”, “ja cfare populli”.
Kryeministri i vendit perdori cfare fjalesh i desh trapi para te gjithe opinionit dhe as qe i hyri gjemb ne kembe. Ngrihu ti, eja ne Tirane protesto, qe te na ike kjo e keqe. Ja sot nje kolegu yt ne ide dhe pikepamje, por qe ka ndryshimin nga ty se urdherohet dhe merr lekete nga ambasadori amerikan shkruante: “Sali Berisha, Adolf Hitleri i Demokracise”.
Apel per proteste radikale, krahasim me emblemen e djallit, cohu popull shqiptar ta shporrim qelbesiren.
Si une edhe ti e kuptojme fare mire se te perdoresh karta te tilla eshte veteasgjesuese per opoziten dhe ate pjese te opinionit qe ka kaluar moralisht me te se Berisha perdori ca fakte me te cilat qesh nje TIrane e tere.
Une dua te bej ketu nje pyetje qe ka rendesi, si per te kuptuar cfare themi, por edhe per te kuptuar une vete sa vend kam ketu ne kete debat.
Kush ishte viktima e ketij agresioni te Berishes ?
Opinioni apo Edi Rama ? A mund te quhet ky i fundit viktime ?
Dhe nje tjeter ketu per pronarin ekskluziv te blogut, por jo per mendimet qe shprehen ketu.
Berisha akuzoi hapur dhe i beri thirrje zj. Koleka, nenes se Edi Rames, se ky i fundit eshte kuruar 10 vjet per skizofreni, duke i kerkuar asaj qe ta publikoje kete fakt ne funksion te interesave te vendit.
Po kjo a ka interes publik, apo edhe ketu ky kafsha spekullon dhe nderhyn ne jeten private ?
Sulmi i Kryeministrit, i perllogaritur mjaft mire nga cdo pikepamje eshte i denueshem. Nese ti mendon se une jam pro tij, atehere zoti Evropi nuk ke kuptuar gje. Por e rendesishme eshte edhe fakti se trajtimi moral ne kete rast po i sjell perfitime serish Berishes, sepse ne kete pike Rama nuk mund te beje apologji. Une e thashe, rruget jane te kufizuara dhe kreu i opozites cfare zgjedh; normalisht rrugen me te lehte, ate me pak dinjitozen ate me pak kurajozen. Me kete logjike qe flitet ketu, Berisha e than edhe nje mandat tjeter zoteri. Sepse ketu te gjithe apelojne “me keqardhje them se ne nuk kemi institucione demokratike”, ose “e meritojme …”, intelektuale te veteshpallur qe nenshkruajne kapitullimin.
Enver Hoxha ishte nje njeri qe e tufezoi kete popull, doli mbi te pra si te thuash, e nenshtroi fatkqesisht tharmin intelektual te tij. Por nje shprese u hap serish. Puna eshte se edhe Berisha po e nenshtron kete tharm te rigjetur, por kesaj radhe jo me dhune por me korruptim. Kush eshte fajtor kesaj radhe ? Apo prape, nuk behemi ne !
Une dua te kujtoj se te akuzosh miletin per gabim eshte ne vetvete nje FAJ. Sepse te flasim drejt, ju jeni Intelektuale. Por a nuk u publikuan fotot e Edi Rames dhe serish ky xhibilet – milet i tha JO kesaj loje te ndyre ?
Kur valle ky njeri do marre nje pergjegjesi ne kete jete ?
Mesim Pune Kalitje ti thua:
“Berisha akuzoi hapur dhe i beri thirrje zj. Koleka, nenes se Edi Rames, se ky i fundit eshte kuruar 10 vjet per skizofreni, duke i kerkuar asaj qe ta publikoje kete fakt ne funksion te interesave te vendit.
Po kjo a ka interes publik, apo edhe ketu ky kafsha spekullon dhe nderhyn ne jeten private ? ”
Pergjigja: nese s’perton shko ne google dhe shkuaj “schizophrenia”, aty do te mesosh gjera kaq shume interesante per kete semundje mendore dhe vetvetiu do kuptosh se sic e the edhe vete : kafsha spekullon dhe nderhyn ne jeten private.
Merr ti një përgjegjësi dhe më dorëzo një çertifikatë të gjendjes tënde mendore.
Pasi ta kesh bërë, të përgjigjem unë.
“Mësim – punë – kalitje”, të paktën ti e ke zgjedhur pseudonimin tënd me më shumë fantazi se kolegu yt “Mbrojtja e Seksit – Detyre mbi Detyrat”… Nejse.
Antiamerikanizmi yt dhe urrejtja karshi Evropës janë tepër domethënëse. Nuk e di se pse kam ca javë që nuk po e dëboj dot më nga koka dyshimin, që shqiptarët në 1990 – 1991 ishin shumë më perëndimorë se sot…
Shkruan:
“Ja sot nje kolegu yt ne ide dhe pikepamje, por qe ka ndryshimin nga ty se urdherohet dhe merr lekete nga ambasadori amerikan shkruante: “Sali Berisha, Adolf Hitleri i Demokracise”.”
Sinqerisht e ke gjë?
Pyet:
“Une dua te bej ketu nje pyetje qe ka rendesi, si per te kuptuar cfare themi, por edhe per te kuptuar une vete sa vend kam ketu ne kete debat.
Kush ishte viktima e ketij agresioni te Berishes ?
Opinioni apo Edi Rama ? A mund te quhet ky i fundit viktime ?”
Viktima e agresionit jam unë, je ti, është e gjithë hapësira publike shqiptare, në të cilën dhuna – për hir të dinamikës hidraulike të saj – do të shpërndahet në të gjithë drejtimet. Do të jenë njerëz, të cilët konfliktet ndërmjet tyre do t’i zgjidhin duke sharë, duke sulmuar personalisht, duke u rrahur me njëri-tjetrin. Apo duke rrahur gratë. Apo duke rrahur fëmijët. Këto janë veprime primitive dhe e pengojnë “integracionin euroatlantik” të atdheut tonë të dashur. Na bëjnë njerëz me bisht fillimisht karshi vetes (se kjo është ajo që më intereson më shumë) dhe pastaj karshi fqinjëve evropianë, familjes të të cilëve duam t’i përkasim pa tjetër; madje të kemi qenë ndër të parët që ta kemi krijuar. Si të duket kjo ty? Pak?!
Edi Rama është sigurisht viktimë, sepse po e shajnë me libër shtëpie në parlament. Nuk e di se çfarë kuptimi ke ti për viktimën, por kjo përcaktohet kryesisht nga vëllimi i të drejtave që i janë cenuar. E kupton dot këtë (nëse jo lërë këtë punë më mirë). Vëllimi i të drejtave personale ka të bëjë edhe me paprekshmërinë fizike si dhe paplagosshmërinë e integritetit moral, dinjiteti dhe reputacionit publik. Edi Rama mund të jetë një politikan i diskutueshëm, por përse i përdor Edi Rama organet e tij gjenitale – nëse gjithçka ndodh me konsensusin e paleve te prekura të cilat kanë përjegjësinë e nevojshme juridiko-civile për të vepruar, pra edhe për të disponuar mbi organet e tyre gjenitale – ne të tjerëve s‘na duhet gjë dhe nuk na mbetet tjetër, veçse, ose të merremi me organet tona gjenitale (mbi to mund të disponojmë lirisht si fizikisht ashtu edhe verbalisht) ose – nëse kjo nuk e ka gjë atraksionin e dëshirueshëm – le të merremi me diçka tjetër.
Tjetër gjë. E përmend nënën e Edi Ramës me mbiemrin e vajzërisë, që kjo me siguri e ka përdorur për herë të fundit përpara 50 vjetësh. Do të aludosh lidhjen familjare të Edi Ramës me ish-anëtarin e Byrosë Politike të PPSH-së? Nuk të kërkoj dot të falur as për hipokrizi kur do të më duhet të të them, se kjo marrëzi – apo e thënë në shqip “bullshit” – është mendësia bizantine e Partisë së Punës apo orientale e periudhës Otomane, apo e të dyjave bashkë, që mund të kenë qenë edhe e njëjta gjë.
Ty po t’u dogj gjë barku për t’i bërë biografinë Edi Ramës mbase duhet të rishikosh kriteret se si e bën, sepse sipas kësaj logjike të duhet që të shkosh ti dhe të rrihesh me Berishën që ka qenë komunist e anëtar i PPSH-së, si dhe shumë të tjerë në PD, të cilët ishin edhe anëtarë të Komitetit të saj Qendror përpara se të bëheshin demokratë.
E fundit. Ka një etikë mjekësore, të cilën Berisha do të duhej ta dinte për shkak të profesionit të tij fillestar, që e kishte goxha të mirë falë Partisë së Punës së Shqipërisë. Nëse Rama vërtetë vuan nga ndonjë sëmundje mendore sa i çmendur duhet të jetë njeriu që t’i kërkojë publikisht nënës së tij nga foltorja e Parlamentit, që kjo ta konfirmojë publikisht këtë fakt?
Ca sugjerime që i dhashë një kolegut tonë në këtë blog mund t’i aplikosh edhe ti në mënyrë analoge. Mos shkruaj përsëri më mirë. Fare. Rri këtu, mos ik, por mos u ndje një herë për njëherë. Ca gjëra që shkruhen këtu janë vërtetë shumë të vlefshme dhe mund të mësosh shumë.
pifto, pifto, pifto. Sa capken qe je, merr si pushka e jevgut.
A ja vlen qe nje njeriu si ty – te kam ndjekur ne blog – t’i pergjigjesh per te gjitha pyetjet qe ngre, te cilat ne mos burojne nga mosinformimi e pakta gjejne kuptim vetem ne koken tende ?
Meqenese ti ketu ne blog operon zhurmshem nen okelion autoritare te Atij, une kam detyrimin moral, qe buron nga vleresimi personal, qe te te pergjigjem.
Merr persiper te me etiketosh si antiamerikan dhe antievropian. Paraprakisht te pyes: Mos eshte gje krim nje prirje e tille ?
Se dyti nuk kam qene as ne Amerike dhe as ne Evrope qe te mund te isha bere i tille, pra nje Anti. Ajo qe dua te them eshte fakti se kjo puna e Integrimit, Evropes na eshte bere si Revolucioni Kulturor, po na nginj me dokrra. Ne kuptimin politik flas. Por kjo eshte ceshtje bindjeje dhe ketu se cfare thua ti as qe me plas fare. Kam po aq te drejte te mendoj dhe te ndjej sa kushdo tjeter.
Pyes a ishte viktime Edi Rama ? Ti vrapon te thuash qe PO. Une mendoj se nuk ishte dhe nuk eshte i tille. Ai thjesht eshte PALE ne kete konflikt, qe per shkak te tensionit ka kaluar ne shina te tjera diskutimi. Por une kete pyetje nuk ta bera ty fare.
Mbimerin e vajzerise e solla ketu si nje riprodhim te deklarates origjinale te Berishes, qe nuk e kam gje, sepse jam nga Zona e Pare Operative.
Edi Ramen nuk e shau njeri me liber shtepie. I evidentuan publikisht prirjen e vet seksuale (ketu qendrimi qe mbahet eshte personal) dhe iu rreshtuan nga Berisha disa fakte, dokumentimi i te cilave eshte bere nga bashkepuntori me i afert i Rames, z. Mero Baze ne gazeten e tij.
Them edhe njehere; KUR KA SHPIFJE AJO PERGENJESHTROHET TE PAKTEN.
Me ben ketu nje analize te zgjedhjeve. Perpiqesh te me sugjerosh se cili eshte konflikti aktual politik. Si tha ai ” Gezohesh me kot”.
Konflikti politik ka marre fund qe ne nisje.
PD fitoi ne Gerdec dhe ketu nuk sherbeu LSI, per arsye sepse Ilir Meta edhe mandatin e vet ne Tirane mezi e mori. Pra kapi kuoten per qime si i thone.
POr ketu ka nje problem moral shume te madh nga ana e opozites.
Ne 15 mars ndodhi shperthimi – ne 21 prill Edi Rama i jep Berishes shansin me te madh ne karrieren e tij; nje marreveshje politike qe perfundon me ndryshimin e Kushtetutes ku sanksionohet; mocioni i mosbesimit per Kryeministrit mund te futet ne veprim nese pala iniciuese deklaron 71 firma per emrin e ri. Praktikisht kjo e la Berishen Kryeminister ne nje kohe qe largimi i tij ishte i pashmangshem. Kjo u be edhe me llogarine e Rames per te garantuar veten kur te vinte ne pushtet. Pefitimi i tij nga ky pazar qe nxori ne shitje 26 te vrare ishte Kodi Zgjedhor si e deshi vete, plai urbanistik i Kodrave te Liqenit dhe perqindjet nga shitja e Armos te cilen kujtohet sot pas dy vjetesh ta denoncoje.
Cila eshte transparenca e zgjedhjeve ?
Kerkesat per rinumerim jane rrezuar nga Gjykata e Apelit, e cila varet nga aleati i PS, Presidenti Bamir Topi.
Pertej ketij sanksioni juridik qendron vetem nje rruge; ankimimi ne Gjyakten Kushtetuese, te cilin ankimim PS nuk e ndermori, sepse i intereson kriza.
SOt per shkak te Edi Rames nuk jane me deputete ata qe cirren kot rrugeve, pra Skender Gjinushi, Paskal Milo dhe Erjon Veliaj.
Kuptove ti tani ? Nuk i shkon njeri Edi Rames mbas sa here te doje ai; ka 12 vjet qe zhvillon nje karriere qe ia ka borxh te tjereve. Sot i detyrohet Gramoz Rucit p.sh. Apo je kunder ti edhe ketu. E di ti sa fitoi viktima Edi Rama ne zgjehdjet e bera brenda PS se fundmi ? Ta them une, 94 %.
Duket se Zakoni na perndjek te gjitheve me Metafiziken e tij qe ne Shqiperi ze fill te Revolucionarizimi.
Keshtu dikur Pushteti persekutoi ne emer te luftes se zakoneve parapanike, sot ai godet ne emer te “teprimit ne perparim?
Te jete Progresi ne Menopauze valle ? Simptomat qe deshmon ti dhe shumekush ketu e dokumentojne kete. Progresin ore, se mos nxehesh prape ?
J. cfare kerkon certifkaten e gjendjes mendore ? Mos po nderhyn ore ne jeten private se je liberal i madh ti ?
PS: Administrator miratoje JU LUTEM komentin vetem per gjatesine tek e fundit.
Ti ca gjëra nuk i kupton, ndoshta edhe sepse ti je i paditur. Po të përgjigjem shkurt, megjithëse po pendohem që në fillim, ngaqë ndjej se është sikur t’i flasësh murit.
Shkruan:
” Merr persiper te me etiketosh si antiamerikan dhe antievropian. Paraprakisht te pyes: Mos eshte gje krim nje prirje e tille ? ”
Krim nuk është aspak por është gomarllëk. Madje shumë i madh. Shqipëria ka vetëm një të ardhme dhe ajo është diku në perëndim.
Shkruan akoma:
” Pyes a ishte viktime Edi Rama ? Ti vrapon te thuash qe PO. Une mendoj se nuk ishte dhe nuk eshte i tille. Ai thjesht eshte PALE ne kete konflikt, qe per shkak te tensionit ka kaluar ne shina te tjera diskutimi. Por une kete pyetje nuk ta bera ty fare. ”
Dikush që është palë në konflikt mund të jetë njëkohësisht edhe viktimë. Në një konflikt palët shërbehen në një retorikë apo në mjete të tjera edhe më intensive duke ruajtur një një farë korelacioni dhe proporcionaliteti. Kush i kapërcen këto kufij nuk është më palë por dhunues duke e shndërruar palën tjetër automatikisht në viktimë. Rama tha :”ti ke vjedhur votat” apo “familja yte ka kapur shtetin” ky tjetri i tha: “ti ke fjetur më një dhi” apo të ngjashme këto. Në këtë moment Rama është shndërruar në viktimë, sepse a fle ai me një dhi, me mua apo me ty, nuk ka të bëjë fare me politikën shqiptare por është një sulm që synon vetëm për denigrimin personal të Ramës. Ti po nuk e kuptove dot këtë gjë, bëje të lutem me zor, sepse sinqerisht kështu është.
Shkruan akoma:
” Them edhe njehere; KUR KA SHPIFJE AJO PERGENJESHTROHET TE PAKTEN.”
Ku e gjete këtë? Shpifja nuk ka nevojë të përgënjeshtrohet, sepse koncepti vetë e klasifikon informacionin e përcjellë si të rremë. Një akuzë mund të përgënjeshtrohet, por edhe kjo duhet provuar më përpara. Tagri (barra) i provës bie mbi akuzuesin. Ky është një parim bazë që vlen në botën e civilizuar (perëndimore). Nuk të sqaroj dot më gjatë në këtë pikë sepse do të duhej që të humbisja shumë kohë, që në fakt më duhet për gjëra të tjera.
Shkruan akoma:
” Kerkesat per rinumerim jane rrezuar nga Gjykata e Apelit, e cila varet nga aleati i PS, Presidenti Bamir Topi. ”
Po këtë ku e gjete? Presidenti i Republikës u zgjodh në atë funksion vetëm pasi PD bleu disa vota të PS nëpërmjet Nanos. Politika e Ramës ishte ta bojkotonte atë president, i cili po ja kthen këtij me të njëjtën monedhë sot.
Gjykata e Apelit nuk varet prej askujt. Ndoshta e ngatërron me faktin që zgjedhja e anëtarëve të saj bëhet edhe me miratimin e Presidentit, por kjo është tjetër gjë. Kur ata janë në funksion nuk varën më prej kërkujt.
Shkruan akoma:
” Te jete Progresi ne Menopauze valle ? Simptomat qe deshmon ti dhe shumekush ketu e dokumentojne kete. Progresin ore, se mos nxehesh prape ?”
Duke besuar se e ke fjalën për progresin e demokracisë në Shqipëri mua më rezulton se fëmija ka lindur e vdekur që përpara 20 vitesh. Unë nuk i kuptoj shumë këto gjërat e obstetrikës e gjinekologjisë por nga eksperienca private që kam me një qene të sterilizuar më dukat më shumë se demokracia shqiptare është në rastin më të mirë të saj një shtatzëni histerike me komplikime të rënda për të gjitha proceset e tjera psikike.
E lëmë më mirë këtë muhabet dhe shiko e bëj ndonjë shkollë të mirë gjëkundi në perëndim, se nuk është edhe aq keq këtej.
U përmend këtu çështja e “skizofrenisë” së Ramës, të cilën sapo e nxori taze nga dosja (kartela) përkatëse mjeku Berisha.
Piftoja e vuri re mirë se është në kundërshtim flagrant me etikën e mjekut të bëjë publike informacione shëndetësore private; aq më tepër kur këto i ka siguruar me rrugë konfidenciale.
Duhet të shtoj, në këtë kontekst, edhe se skizofrenia është sëmundje relativisht e rëndë dhe që zakonisht nuk e lejon të sëmurin të marrë pjesë aktivisht në jetën publike, e aq më pak në jetën politike, si titullar.
Por nëse ka një fushë ku shqiptarët shquhen për padije këmbëngulëse, kjo është fusha e sëmundjeve mendore. Janë shumë të paktë ata mes nesh, që e dinë se çfarë është pikërisht skizofrenia, dhe çfarë e dallon, bie fjala, nga depresioni, mania dhe neurozat.
Si mjek që është, Berisha hyn në kategorinë e atyre të paktëve që, se çfarë është skizofrenia, e dinë; prandaj me siguri është në gjendje të kuptojë se, kur e diagnostikon publikisht kundërshtarin e vet si skizofren, është duke blofuar; dhe është duke blofuar, sepse e di që, për publikun e vet, fjala skizofreni ka kuptimin “lunacy” (“pazzia”) por jo më shumë se kaq.
Duke u nisur nga konteksti i përgjithshëm i fjalimit të kryeministrit, po lejohem të nxjerr përfundimin se ky e ka përdorur referimin te diagnoza në fjalë si mjet për ta poshtëruar kundërshtarin e vet edhe më; ose si armë të së njëjtës kategori me homoseksualitetin, keqtrajtimin e grave dhe paranojat brenda-familjare të atësisë.
Me fjalë të tjera, kryeministri po i flet atij publiku që e konsideron “skizofreninë” si stigmë sociale, ose si të keqe që meriton të mbahet larg; dhe po i flet ashtu sepse shpreson që ashtu jo vetëm t’ia komunikojë publikut diagnozën, por edhe t’ia katalizojë përbuzjen përkatëse.
Kjo, për mua, don të thotë që kryeministri përforcon një paragjykim gati mesjetar ndaj të sëmurëve mendorë në përgjithësi, dhe skizofrenëve në veçanti, i cili paragjykim i pikturon këta si rrezik për paqen sociale, fëmijët, nënat dhe motrat etj.; ose si kërcënim për rendin publik.
Më vjen keq ta përsërit, por kryeministrit të një vendi që kërkon të përligjë kulturalisht, me fakte, përkatësinë e vet gjeografike në Europë, nuk i lejohet të ushqejë paragjykime të tilla, as t’i përdorë për t’u solidarizuar me publikun e vet të paditur e ndonjëherë të pagdhendur.
Skizofrenët janë fatkeqë, që vuajnë vetë por sidomos shkaktojnë vuajtje ndër familjarët dhe të afërmit e tyre dhe nuk arrijnë dot të integrohen në kontekste sociale. Thelbi i skizofrenisë nuk është sjellja e dhunshme, por disocimi i të menduarit brenda për brenda dhe në raport me emocionet, perceptimet dhe ndjenjat.
Nuk më ka shpëtuar, në kontekstin e këtij debati, edhe që Rama vetë dhe të tjerë eksponentë të së majtës e kanë cilësuar Berishën si “të marrë”, ose janë shprehur se “e ka humbur mendjen” etj.; madje cilësimi i kryeministrit shqiptar si “i çmendur” ka kohë që qarkullon informalisht në Tiranë dhe kudo gjetiu ku mblidhen shqiptarë së bashku.
Mua as kjo nuk më duket etike; edhe pse në këtë rast cilësimi “i marrë” përsëri nuk është i barasvlershëm me cilësimin si “skizofren”; sepse i dyti është teknik, madje edhe atëherë kur përfundon në gojë të dikujt që nuk ia di kuptimin; por është teknik sidomos ngaqë shqiptohet nga njerëz që pritet që kuptimin t’ia dinë.
Përkundrazi, “i marrë” është një cilësim popullor gati folklorik, i cili përdoret sa herë që për sjelljen e dikujt nuk gjendet dot ndonjë shpjegim racional; me fjalë të tjera, “marrëzia” lexohet më shumë si cen karakteri, ndërsa “skizofrenia” mbahet si cen kognitiv, i një shkalle krejt tjetër; pa folur pastaj për stigmën totale në mendjet e të paditurve.
Si përfundim, skizofrenia nuk është diçka që mund të maskohet; të diagnostikosh një person publik si “skizofren” është njëlloj sikur ta diagnostikosh si “paralitik” – nuk ka nevojë të jesh mjek, për ta verifikuar këtë farë diagnoze.
Ne fakt Xhaxha, edhe nder ata te pakte qe e dine se c’eshte skicofrenia, ka nje mori te tere problematikash, te tilla qe edhe midis tyre, skicofrenia eshte etikete provizore dhe jo semundje e diagnostikueshme si, fjala vjen, kanceri, apo diabeti.
Ne fakt te tilla jane shumicat e semundjeve mendore, gje qe nuk do te thote kurrsesi se te gjitha crregullimet mendore jane vetem produkt i shoqerise dhe jo i biologjise se individit.
Dhe kjo jo vetem per sa i perket diagnozes se ketyre semundjeve, por edhe prognozes. Keshtu, shenohen si faktore sherimi te skicofrenise, shpresa, zgjidhja, fuqizimi, perfshirja shoqerore, suksesi, etj.
Me nje llaf, edhe sikur Rama te jete diagnostikuar vertete dikur ne adoleshencen e vete me nje semundje mendore aq te kontestueshme nga mjekesia sa c’eshte edhe skicofrenia, fakti qe sot per sot eshte nje nga njerezit me te fuqishem, me te suksesshem te politikes shqiptare, i perfshire ne pothuaj te gjithe aspektet e kesaj shoqerie, me shpresen per te qene njeriu me i fuqishem ne Shqiperi, dhe fakti qe eshte pikerisht kjo shprese ajo qe ka zgjedhur, e bejne cdo diskurs mbi skicofrenine e tij te pavlefshem.
Nuk mbetet vec stigma e semundjes, qe Berisha e shfrytezon per qellime politike.
Sa per krahun tjeter, repliken e Rames, se Berisha “ka humbur mendjen,” ky nuk ishte vecse gjykim i nje akti te vecante, pikerisht gjykim mbi ligjerimin e cmendur te Berishes nga podiumi i Kuvendit, dhe shprehje politike e te njejtit shqetesim publik qe po diskutohet edhe ketu.
Sa per mishin e huaj ne PTF, nga diskutimi mbi etiken e ligjerimit publik, tek permbajta e ketij ligjerimi, apo per militantizmin, nuk kam c’te them, pervcse t’i ve ne dukje DIse, se t’a shash robin nga familja nuk besoj se do ishte ai lloj fokusimi i te djathtes tek familja qe ka ndermend. Familja sigurisht eshte e shenjte, por t’i konsiderosh percudnime te tilla per qellime pushteti si pjese e te teres, si pjese e shenjterise, me duket se t’a bejne krejt kerkesen per fokus tek familja thjesht demagogji, ne mos, naivitet skolaresk. Ky naivitet, budallallek, apo demagogji jotja vihet re edhe tek kerkesa e prere qe ben nga nje krahe mbi privaten, dhe nga krahu tjeter duartrokitja qe fal kur kjo privatesi, sic eshte ajo e familjes, perdhunohet publikisht.
Thote Kur Hidheshin Themelet:
“KUR KA SHPIFJE AJO PERGENJESHTROHET TE PAKTEN.”
Nuk eshte puna eshte apo s’eshte shpifje kjo? Problemi eshte qe gjithe evidenca e Berishes ne parlament nuk ka dhe nuk duhet te kete asnje rendesi ne lidhje me jeten politike shqiptare. Tjeter kur flasim per shpifje ne lidhje me korrupsionin, shpifje qe ne qofshin te tilla, duhet Berisha t’i pergenjeshtroje ne lidhje me familjaret e vete, pergenjeshtrim ky qe nuk ezaurohet duke permendur tendencat seksuale te oponentit, por duke u ballafaquar me proceset e drejta gjyqesore.
“Mbrojtja e Seksit – Detyre mbi Detyrat” më duhet të ta them diçka si direkt, por pseudonimi yt është një idiot dhe tradhton një mungesë fantazie fatale. Shpresoj që të mos jesh duke më keqkuptuar, pasi jam duke thënë vetëm se pseudonimi është i tillë, se ti mbase mund të jesh një njohës i të gjithave dialekteve të ilirishtes, të shkruara edhe në gjuhën e të verbërve të epokës.
Mbase edhe për të të prerë diçka hovin, por shkruaj të lutem diçka që ka përmbajtje dhe kur ke gjë për të thënë, ngaqë formulime të llojit:
” Kjo vlen per te dy palet, keshtu qe kur kemi te bejme me te ketille njerez duket i kote edhe ky debat. Plehra jane ne fund te fundit dhe fundja kur te gjithe e dime kete pse duhet te shqetesohemi se plehrat shkartisen mes tyre ?
Apo nuk na rri rehat pa marre ndonje pozicion ?”
është pa kuptim, pa përmbajtje ose nëse të duket si e tillë mund ta inserosh në ndonjë mur WC-je publike, pasi në këtë blog tangërllëku i njerëzve është shumë i lartë për ato që presin të lexojnë. Ç’kuptim lipset të ketë pohimi yt:
“plehrat do të shkartisen ndërmjet tyre”,
që ka një alternativë të tretë, të mirë, që do të triumfojë mbi të keqen? Ku dhe kur vallë? Pse jo tani?
Shkruan akoma:
“Me duket se problemi eshte më i thjeshtë se kaq; zgjedhjet jane prova e moralit, t’i presim se aty edhe vertetesia e kesaj zhurme do te dale ne drite. Ja ndodhi Gerdeci, u bene zgjedhjet, fitoi Saliu aty. C’ do me thoni, qe ata katundaret nuk marrin vesh ? Apo qe nuk e duan jeten ?”
Ka dy gjëra që një dreq i di se nuk i ke marrë vesh akoma:
1. Konflikti bëhet pikërisht për zgjedhjet, të cilat ka shumë mundësi të kenë qenë aq të manipuluara, sa t’i jepnin dot shumicës aktuale numrin e nevojshëm të votave për të krijuar qeverinë. Nëse është kështu, atëherë qeveria nuk është e legjitimuar nëpërmjet zgjedhjeve të lira. Gjëra të tilla verifikohen me shumë transparencë. Të paktën në botën e civilizuar. Kjo po i kërkohet Berishës. Ke ndonjë problem ti me verifikimin e zgjedhjeve?
2. Në Gërdec nuk ka fituar PD. Ka mundësi që koalicioni i sotëm qeveritar te ketë në atë zonë një shumicë votash, sepse njerëzit votuan LSI dhe kjo premtoi se po luftonte për heqjen e Berishës. E kupton dot këtë? Ajo shumicë rezulton nga mbledhja e dy të kundërtave, që vetëm në Shqipëri dhe në mendjen tënde japin dot një të tretë të barabartë (konkretisht mbase edhe më të madh) se shumica absolute të vlerave fillestare.
Konkretizim viziv: 3 + -1 = 5
Ke shkruar akoma:
“Ne nuk do vazhdojme akoma me parrullen “Neno mos ki frike se ke djemte ne Amerike” dhe te mbyllim syte kur te tjeret flasin.”
Do të të kisha dërguar me kohë në dreq përpara nja 10 vjetëve kur nuk e kisha realizuar akoma aq mirë se në ç’gjendje të tmerrshme po degradonte mendimi i artikuluar shqiptar, por tani se bëj dot, se me vjen të shkrehem në vaj kur të lexoj.
Bëji një nder vetes dhe:
1. Rri këtu!
2. Lexo çdo gjë që shkruhet në këtë bllog!
3. Qepe gojën për ca vjet, ose të të paktën për aq kohë sa të kuptosh se ç’marrëzi ke thënën sot.
4. (fakultative) Bëj urgjentisht diçka në drejtim të humorit.
Cfare te thuash? berisha perserit e riciklon vetveten e ne pas tij riperseritemi duke u perpjekur te injektojme gjykimin e shendoshe ne nje fjalim qe shpartallon krejt cdo Kod sjelljeje, cdo standart etike, cdo te drejte bazike te lidhur me jeten intime , personale, teresisht private. pa e egzagjeruar ky me duket te jete Topfjalimi i berishes ne vite.
A nuk ishte ky perparimtari berisha para pak muajsh qe deklaroi tu thote Po me ligj martesave homoseksuale ne vend?, e tani ne mes te parlamentit denoncon me force zakonet sekuale dhe boten hormonale te kundershtarit te tij?!!
Eshte e kote te perseris edhe une ketu se eshte absolutisht nje sjellje e ulet dhe jashte cdo konteksti te perdoresh parlamentin e vendit per te pergojuar ose edhe me keq per te Keq / Mire/ whatever gjykuar jeten private e cila eshte e destinuar per cdo njeri te ngelet e tille. Eshte e dhimbshme sigurisht dhe e papranueshme te behet biografia e nenes (per te cilen ne fakt berisha kishte respekt ):? dhe pse ajo vinte nga nje backgorund i dyshimte)?) ; mardhenieve personale me ish grate apo qofte edhe me burra nese ka pasur. Eshte e tepert te besh per gjynah publikisht femijen apo familjen kujdoqofte (ne rastin tone i perkasin Rames, se ka qene edhe nje rast tjeter ne parlament me motren e nje deputeti socialist me duket);
Nuk di se si mud te jene festuar festat kombetare keto dite atje ne Shqiperi, me duket se edhe ajri eshte intoksikuar ne ate vend. Ka shume gjera urgjente qe duhen bere, por ndoshta KODI i SJELLJES del te jete me emergjenti nga te gjitha. A ekziston ndonje kod sjelljeje per deputetet ne parlament? e kam fjalen te kete nje lloj kodi ku percaktohen kriteret standarte te asaj cka pritet nga deputeti ne diskutim, te vendosen limitet; cka lejohet dhe cfare nuk lejohet …qe kur te marrin fjalen ne ate tempull te vertetash sic na thote Xhozefina, te mos fjalosin e damkosin thashemtheme si grate neper e mehallave.
“the goverment is best which governs least” thoshte Thoreau ne ” On duty of the civil disobedience” apo me e mira do te ishte vazhdon me tej autori ajo qeveri e cila nuk qeveris fare.
Kuptohet qe Thoreau ketu ka pasur ndermend njerzit me shkallen me te larte te ndergjegjes si nga qeveria ashtu edhe nga te qeverisurit sepse ne rastin konkret ne kontekstin shqiptar qeverisja me e mire eshte ajo qe i fut me shume hundet ne punet e individit dhe qe i jep atij zgjidhje te gatshme dhe jo ajo qeveri e cila e le te lire dhe i krijon mjedisin e pershtatshem per ushtrimin e potencialeve.
Me vjen keq te pohoj se ne si popull e meritojme ate lloj qeverisje ashtu siò italianet e meritojne berluskonin apo amerikanet merituan Bushin pasi qeverisja si konstruk njerezor per mbarevajtjen e puneve dhe berjen e politikave te nje vendi rrjedh nga njerzit dhe nuk eshte nje formacion jashtetokesoresh i pajisur me shkopinj magjike te cilet i perdorinsi te duan.
Problemi me ne eshte se ende nuk arrijme ta kuptojme kete gje si nuk arrijme te kuptojme shume gjera te tjera ne funksionimin e nje sistemi demokratik. Kalbja morale qe po pesojme eshte e parikuperueshme ne afat te shkurter dhe humbja prej saj eshte katastrofike. Perpara se te ndertojme institucionet demokratike duhet te ndertojme ato moralushqyese perndryshe çdo perpjekje ka per te qene e kote .
Fatkeqsia është se të gjithë flasin si SB në qeverinë e tij. Me gjithë atë llum që kreu i një qeverie hodhi mbi kreun e opozitës, i cili mori 64 vende në parlament, unë kuptoj se kultura, etika dhe takti në të folur, mungon shumë dhe do të mungojë për disa vite të tëra.
“Provoje po ta mbajti!”- kjo është një klithmë njerëzish që cyten nëpër mejhane lagjesh ku rakia avullon nga poret e lëkurës.
“Do ta tregoj vendin unë ty!”- një klithmë për të traumatizuar një fëmijë që është çapkan, i hedhur dhe nuk lë dy gur bashkë.
“Po kush je ti mor…”- në fakt mund edhe të thuhet, por do ishte më e drejtë… ‘po kush jeni ju more zotëri’. Por siç duket SB akoma nuk e flet shqipen qartë, apo ndoshta me pleqërinë po i ikën pak memorja, apo ndoshta i ngarkuari me punë pranë tij si ndërmjetës me mediat nuk e di për vete shqipen.
Ka edhe episode të tjera, sidomos ato nënkuptimet e trasha mbi shijet seksuale të Edit. Po a nuk ishte SB që donte të shpallte martesat ndërmjet burrave dhe në Shqipëri? Prandaj nuk ka pse e përdor si argument këtë pikë, se nëse je vend i Natos apo i BE, duhet të pranosh edhe homoseksualët, eteroseksualët transeksualët, extraseksualët etj. Pra të gjithë e kanë vendin në demokraci. Për mendimin tim shoqata gay/ lesbike duhet ta kallëzojnë në gjykatë kreun e qeverisë për gjykim mbi shijet seksuale të një individi, se SB foli si një shofer skodash që shkonin në Fushë Arrëz për të ngarkuar dru…
Dikush ka thënë që, “shpërthimi i barbarisë i paraprinë kohërave moderne”. Dmth ka arsye të shpresojmë, pasi këtij shpërthimi kryeministror!
Ju lutem komentuesve të mos ndërrojnë pseudonim sa herë që shkruajnë nga një koment të ri brenda së njëjtës temë. Ndërrimi i pseudonimit për arsye “retorike” ua bën të vështirë të tjerëve të ndjekin fillin e debatit, duke krijuar konfuzion të panevojshëm.
Nëse vërej tash e tutje se dikush po e ndërron pseudonimin përsëri, brenda të njëjtit debat, do t’ia bllokoj komentet – nëpërmjet IP-së. Komentet e bllokuara me filtër nuk dalin në listën e komenteve për t’u moderuar, prandaj as moderatori nuk do t’i lexojë dot. Thjesht përfundojnë të bluara nga nofullat e mullirit të entropisë.
Natyrisht ka mënyra për ta kapërcyer këtë lloj censure sipas IP-së. Por jam i sigurt se komentues aq të ngeshëm e të ditshëm sa t’i përdorin ato mënyra, nuk do ta poshtërojnë veten deri në atë pikë sa t’i përdorin këtu.
Nuk eshte ndonje humbje e madhe. Dhe ta kishe theksuar me te zeza kete, “te bluara ne nofullat e mullirit te entropise”.
Cila eshte marredhenia jone ketu zoteri ? Qe te themi c’do ti te degjosh ? Kush e tepron, normalisht sipas rregullit te njohur dhe te pranuar, censurohet. Aq, sa te kuptoje se, nuk ka ketu mjedisin e pershtatshem.
Nderkohe, kjo puna e pseudonimit eshte kryekeput arbitare dhe ai qe poshteron veten ketu do kerkuar tjeterkund. Thate diku me lart se nuk keni qene anetar partie – vura re aty nje ndjenje krenarie per kete biografi te paster. Shume mire, bravo.
Por kjo puna e urdherimit per identitet konstant ne blog, cfare eshte; nje nevoje per te plotesuar aktin e demaskimit ne mbledhjet e organizates dhe qe ju nuk e perjetuat dot ?
Cili eshte kuptimi i kesaj ? Komentimi dhe kunderkomentimi lidhet me leximin ne teresi dhe nuk ka arsye per te humbur fillin. Aq me teper qe ketu per te rrahur gjoksin si me shume inteligjenti ka nje gare te hapur.
Vuani per duartrokitje ? Vuani nga bezdia kibernetike ?
Pse valle merziteni ? Edhe vete Edi Rama nuk do e mbronte me mire veten sesa komenti juaj qe e shtrydhte fjalen e Berishes duke kerkuar qofte edhe nje pike melhem per sikzofrenin. Nga shyrtimi i aktit publik te Kryeministrit erdhem te ndarja dhe rreshtimi, tek analiza politike dhe ajo tekstuale; ja ju p.sh nuk mund ta mohoni se jeni (u bete) me Ramen. Apo jo ? Kurthi i debatit ndoshta, ku i dihet ? Krahu na jepet sipas interpretimit publik te qendrimeve tona dhe jo nga arsyet e qendrimeve.
Problemi juaj fatkeqesisht percjell simptomen e turmes kur vjen puna te politika. Ju se bashku me te tjere ketu iu eshte mbushur mendja se Berisha eshte kafsha, maloku, ish-sekretari dhe per pasoje nuk ka mbrojtje ai. Kete mjet po kerkon edhe deshtaku i akuzuar. Ne fakt politika do marre ne dinamike, sepse me keto argumente dhe menyre te pari ia dhame edhe nje shans te dyte Kafshes. Po prit mos merr edhe te tretin.
Si kishte thene dje ? Po ka nevoje per njerez ne mitingje Edi Rama ne e ndihmojme, mjafton te jene paqesore.
Shkruan KI:
Kësaj pyetjeje unë nuk di si t’i përgjigjem. Me cilësinë e administratorit të blogut, unë kujdesem që ta bëj këtë sa më të lexueshëm për vizitorët. Përdorimi i pseudonimeve të ndryshme, nga i njëjti person, në të njëjtën temë, e pengon këtë lexueshmëri. Ergo, paralajmërimi im.
Por ka edhe diçka tjetër këtu. Shoh që ke përdorur vetën e parë shumës, duke iu referuar vetes si “ne”. Pse vallë? Në emër të cilit grup je duke folur? Çfarë të pengon kaq shumë të përdorësh vetën e parë njëjës, të thuash “unë”, fundja edhe të identifikohesh me një pseudonim të vetëm?
Lodra me pseudonimet do të kishte kuptim sikur pseudonimet të shërbenin si maska për personazhe të ndryshme, bie fjala, si karakteret në një dialog sokratik, të cilat janë aty si etiketa për të përfaqësuar pozicione të ndryshme në diskutim e për ta çuar bisedën përpara. Por në rastin tënd, unë nuk e vërej këtë – sepse ti jo vetëm shkruan nga i njëjti IP, por edhe thua të njëjtat gjëra, nisur nga të njëjtat premisa.
Pseudonimet ndryshojnë, por thelbi i ndërhyrjeve të tua jo.
Pikërisht kjo më detyroi mbrëmë të ndërhyja për t’u lutur që t’i jepej fund kësaj charade, meqë po cenohej rrjedha e natyrshme e debatit, për një temë që unë e gjykoj të rëndësishme.
Pseudonimet në blog funksionojnë si hallka për ankorimin e ideve. Nëse ti e ndërron hallkën sa herë që merr mundimin të shkruash, po dëmton diskutimin; jo vetëm duke pështjelluar lexuesin, i cili u referohet emrave të tu veç e veç, sepse është mësuar me tjetër lloj integriteti në blog; por edhe duke krijuar përshtypjen se ka një masë lexuesish (“ne”), që i përfaqësojnë ato pikëpamje – çka është gënjeshtër.
Sa për pjesën tjetër të komentit tënd, nuk po zgjatem; ke shkruar gjepura, shpresoj që ashtu të të duken edhe ty, kur të të dalë pija.
Shprehi gjuhesore, asgje me shume. Mos i ler endrrat e vjetra per grupazh te te erresojne gjykimin.
Rrjedha e natyrshme e diskutimit cila eshte? Ajo qe i meshon te njejtes linje gjykimi? Une nje koment kam bere zoteri, te tjerat kane qene replika. Dhe fyerjet personale, ne stilin Berisha nuk i iniciova une.
Ke bere se fundmi 4 shkrime me karakter politik ku thua te njejten gje. Dhe komentojne te njejtet njerez. Pse duhet te vendosesh kete murin e paragjykimit kur nuk te pelqen dicka ? Apo sepse blogu eshte i juaji ?
Se fundmi; nuk besoj se te acaron edhe aq loja e pseudonimit sesa ajo cfare kam thene. Keshtu edhe disa ketu, perndryshe nuk do e hidhje ne qarkullim togfjaleshin e panatyrshem per zoterine tende te “nofullave te mullirit te entropise”.
Ishte komenti i fundit.
Shkruan:
Ku qenkan këto 4 shkrime? Apo llogarit aty edhe shkrimin e Pishakut? Megjithatë, prapë 3 bëhen. Ku është i katërti? Ma sqaron të lutem?
Harrove çfarë ndodhi këtu vetëm një javë më parë, me shkrimin për Hazretin Lenin?
Thua “komentojnë të njëjtët njerëz”. Edhe për këtë përgjegjësia më mbetet mua? Po të kisha mundësi, do të të ftoja të vizitoja seksionin “trash” të faqes administrative – por do të të duhej maskë kundërgazi për t’u futur atje.
Përndryshe, asgjë dramatike nuk ka ndodhur me komentet. Kush ka dashur, ka shkruar. Edhe ti, që ke shkruar më shumë se kushdo tjetër.
Dhe nuk të është censuruar asgjë. Megjithë dëshirën tënde të çuditshme, që të të censurohej patjetër diçka.
Meqë e përmende – mua nuk më pëlqen kur një komentues që e merr këtë punë seriozisht, si Piftoja, gabohet dhe u drejtohet pseudonimeve të tua si të ishin dy persona të ndryshëm.
Kjo e falsifikon debatin. Nuk është serioze, dhe sidomos në rrethanat kur unë si administrator dhe të tjerët në blog të kanë trajtuar ty me seriozitet dhe respekt, edhe kur nuk kanë rënë dakord me ty.
””’Me kete logjike qe flitet ketu, Berisha e than edhe nje mandat tjeter zoteri.””
Vallaj, e than e qe cke me te. Une habitem si mund te ezaurohet me vetedije nje opozite brenda anti-t e te kaloje ne opoziten e tekave.
Folen edhe nderkombetaret qe aq shume merakosin nje takem homo sapiensish dhe thane, zgjidhni krizen qe opozita te hyje ne parlament, nuk thane beni zgjedhje te reja apo shkelni ligjin.
Opozitat me destruktive keto 18 vjet i ka bere PS-ja ne 1996 e sot, po ndersa ne 1996 destruktivizmi i opozites ishte i domosdoshem per shkak te vjedhjes se votes, sot eshte shfaqje e qarte e pagdhendurise politike te Rames, i cili e koncepton politiken si fusha ku tekat e tij jane
motorri i politikeberjes ne Shqiperi.
Mire PS-ne, e morem vesh qe e ktheu ne tapetin fluturues te tekave te tij, po nuk e marr vesh nga i vjen kjo bindje qe mund te dale jashte PS e te ushtroje te njejtin presion mbi shoqerine shqiptare.
Asnjehere nuk e kam marre vesh identitetin e tij politik, ashtu sikunder nuk e kam kuptuar pse Nanoja,vertet hajdut klasi po edhe politikan i mirefillte, e la PS-ne, ne duart e nje druvari te politikes.
Cfare kontributi do lere ne analet e politikes Rama ? Per cfare do kujtohet ne librat e politikes ?
””’A nuk ishte ky perparimtari berisha para pak muajsh qe deklaroi tu thote Po me ligj martesave homoseksuale ne vend?, e tani ne mes te parlamentit denoncon me force zakonet sekuale dhe boten hormonale te kundershtarit te tij?!””’
Po, eshte mese paradoksale dhe perben nje nga problemet madhore qe ka e djathta shqiptare si pasoje e relativitetit te skajshem parimor e ideologjik te PD-se.
PD-ja eshte kazan i stermadh ku riciklohet cdo ide o parim i djathte, cka i garanton edhe Sales nje fleksibilitet te papranueshem per logjiken por funksional ne politike, te pakten deri me sot.
Kuptohet qe sikur zgjedhesit te udhehiqeshin me shume nga logjika, PD-ja do merrte shume me pak vota.
Sala perdori para Parlamentit nje argument legjitim te konservatorizmit kombetar, sipas te cilit individi i shendoshe, ne familje te shendoshe.
Kuptohet qe individi me familje te ligesht sipas kesaj pikepamje nuk arrin te pervetesoje teresine e vlerave te domosdoshme per nje udheheqes te nje shteti-komb.
Keshtu nje individ i shendoshe, sipas kesaj teorie do e trajtonte publikun shqiptar,theksoj me ‘kombesi’ shqiptare, si te ishte pasqyrim i familjes dhe problemet publike me te njejten deshire per mirekuptim qe gjendet brenda nje familjeje te shendetshme kur has ne probleme.
Kuptohet qe ky eshte modeli ideal, i pamundur ne realitet por qe mund te aspirohet, keshtu te frymezoje politikeberesit per nje qendrim me korrekt.
Nga ana tjeter ky model, perjashton absolutisht cdo lloj mundesie qe familja te formohet nga 2 individe te se njejtes gjini. Keta mund te formojne cift, por kurrsesi familje.
Keshtu Sala, perfiton duke perdorur argumentin konservator para Parlamentit dhe argumentin liberal per ceshtjen e martesave.
Sic e thashe ky fleksibilitet i papranueshem per logjiken eshte funksional ne rrethanat shqiptare, ku politika me logjiken, ka lidhje te dobeta.
Perderisa njerezve u erren syte perballe nje argumenti qe mbeshtetet gjeresisht nga studime socio-psikologjike, pervecse qe ndodhet ne rendin e gjerave, atehere normal qe te dyja palet ne Shqiperi , si Sala ashtu edhe Rama, do perfitojne nga kjo erresire per ta thelluar akoma me tej , duke shtuar varesine ndaj llafeve te tyre, ku cdo budallek e genjeshter merr vetvetiu ngjyren e se vertetes.
Ti DI, diagnozën e jep drejt, edhe shkakun, vetëm mikrobin ua lë të tjerëve në derë.
Ja ku e ke:
“”PD-ja eshte kazan i stermadh ku riciklohet cdo ide o parim i djathte, cka i garanton edhe Sales nje fleksibilitet te papranueshem per logjiken por funksional ne politike, te pakten deri me sot.””””
Ja dhe më poshtë:
“””Sic e thashe ky fleksibilitet i papranueshem per logjiken eshte funksional ne rrethanat shqiptare, ku politika me logjiken, ka lidhje te dobeta.””””
e megjithatë, fajin e kanë të tjerët që nuk heqin dot Salën…
***
Unë do e hedh një gur… Nuk e di nëse e keni të kuptueshme dot, se më afër shumica, ndihet me Salën, sesa me Ramën.
Se ndryshe nuk shpjegohet të marrësh për zotësi gjeste, artikulime, veprime, të ulëta e pa llogjikë.
Ai miku tjetër thoshte: Po do njerëz për miting, ia jap unë. Edhe ky tipi e merr për krderrllëk kët muhabetin. Me “shiko si ia futi”, apo “hallall i qoftë Salës që vjedh vota, shan nga parlamenti” etj.
Përgjithësisht, siç duket shqiptarëve u duket i përshtatshëm një profil potent, despotik madje në antipod të atij që kishim. Sala është ilaç… Enveri që i ka munguar gjysmës tjetër.
DI , ky kokteili yt i teorise konsevatore dhe liberale mbi ciftezimin dhe familjen , i perdorur me zgjuarsi nga Sala, sepse ashtu ia dikton politika…te ben po aq per te vjelle sa edhe fjalimi i Berishes.
Une uroj qe ti apo njerzeit e familjes tende, shoqeria dhe gjithe farefisi te jeni njerez Model, ti trajtoni mire grate, tu qendroni besnik, mos te kete ne jeten tuaj tradhetira apo ndarje e zenka; te kujdeseni dhe sakrifikoni per femijet ashtu sic ka bere Sala; kujdes te vecante prinderve , sidomos nenave se mos u bertisni dhe vendosni te jetoni ndaras apo edhe me keq ti nxirrni krejt nga shtepia se nusja s’shkon me vjerren, do ua plagosni zemren e keto sjellje edhe zemren e Saliut tuaj do e inatosnin shume…; ju uroj gjithashtu shume fat qe natyra mos tu dhuroje ndonje femije apo nip / mbese homoseksuale ne rrethin tuaj.
Gezojeni Saliun, dhe demokracine, hic mos u shqetsoni se s’ka burre qe t’ua marre kete parajse juve.
“””J. cfare kerkon certifkaten e gjendjes mendore ? Mos po nderhyn ore ne jeten private se je liberal i madh ti ?”””
Si mund të ndërhyj në jetën tënde private duke të kërkuar çertifikatë të gjendjes mendore? Po ngatërron konceptet, dyshoj se je autist.
Unë nuk të akuzoj, po të kërkoj. Është e domosdoshme madje për ecurinë e blogut, si pjesëmarrës që je, duhet të vërtetosh që je në rregull mendërisht. Mendo sikur katër pesë veta këtu në blog të të kërkonin të njëjtën gjë. Ti do ndiheshe i alienizuar besoj, i shtrënguar të vërtetoje këtë gjendje. Ndryshe do të të dilte nami. Apo nuk është kështu?
Të duhet të paktën ta përgënjeshtrosh, se nuk je autist.
***
Si të duket ajo më lart?
Të njëjtën lojë që luan me Ramën, po luaj dhe unë me ty. Shumica e shkrimeve të tua, përmbajnë aludime të pavërtetuara gjëkundi, shoqëruar me kërkesën për vërtetim nga pala e akuzuar.
Që të mos i marrësh për dokrra herë tjetër, çfarë të thonë për Evropën po të them dy gjëra të thjeshta:
– E para, vërtetimin e akuzës, duhet ta bëjë pala akuzuese, jo i akuzuari. Dhe ky i fundit në shoqërinë e civilizuar, nuk ka asnjë barrë përsipër.
– E dyta, çdo individ në një shoqëri që ka besim te vetja, konsiderohet si i pafajshëm pa iu vërtetuar akuza. Kështu që ti e Berisha nuk e tejkaloni konceptin e përgojimit dhe llafet e kafeneve.
– E treta, vënia në dyshim e integritetit moral të dikujt, pa vërtetim, është në vetvete argument llogjik fallco dhe mungesë etike. (ka term latinisht për këtë, që nuk më kujtohet)
Unë me këtë metodë, mund të vë në dyshim çfarë të dua.
Mund të bëj pyetje të tilla si: A je ti në rregull mendërisht? A je i ndershëm? A të tradhëton gruaja?
Pyetje si të mësipërmet, e kanë fajin brenda dhe të vendosin ty në pozicionin e të mbrojturit nga to. Për t’i riprodhuar gjerësisht në publik, nuk më duhet shumë, veç të gjej dy tre shokë të mi, si puna jote që të “hapin llafet vërdallë”.
Për tu përgjigjur dhe pyetjeve të tjera, unë nuk pretendoj të bëj gjë më shumë sesa po bëj, dmth të them mendimin tim. Kaq.
Më pas ti pyet, kush është viktima?
Viktima është edukata, etika, morali dhe shumë të tjera si këto, që më duket se nuk i vë fare në kandar se nuk e ditke që mungojnë. Këto janë të nevojshme që unë të besoj në integritetin e njeriut që përfaqëson vendin tim. Të besoj në qëllimin e mirë që ka dhe në progres. Pa mirëbesim nuk ndërton dot gjë të hajrit. Është kjo ajo që ngjiz një shoqëri të shëndetshme të cilën nuk e kemi atje.
Më pas ti justifikon Berishën në pushtet me votat e fshatarëve të Gërdecit dhe reagimit të opozitës. Unë jam jashtë sistemit tëndit dhe të atij. Ti je brenda dhe të jap të drejtë që me themelet e kësaj ndërtese, fiton ai që bërtet më shumë, shan më shumë dhe më fort, mbledh më shumë mitingashë në shesh, shantazhon më shumë, vjedh më shumë vota etj. Po të futem brenda këtij sistemi, unë e di që nuk fitoj dot.
Megjithatë, ne dimë të qeverisemi. Të na gënjejnë, të gënjejmë dhe të gënjehemi.
[Këtu e më poshtë po përkthej, lirisht, nga kjo faqe interneti.]
J., në latinishte fallacy-në në fjalë e quajnë plurium interrogationum; ose një pyetje e cila mbështetet mbi një supozim ose premisë të diskutueshme, të gënjeshtërt, ose që lidhet vetë drejtpërdrejt me pyetjen.
Në anglishte këtë dukuri e quajnë zakonisht loaded question.
Shembulli klasik i kësaj është “Have you stopped beating your wife?” (“Nuk po e rreh më gruan?”), e cila parakupton që tjetri ta ketë rrahur gruan dikur, sikurse parakupton që tjetri është i martuar dhe ka grua.
Si mund t’i përgjigjesh kësaj pyetjeje?
Nëse thua: Po, atëherë ke pranuar, tërthorazi, se dikur po e rrihje gruan.
Nëse thua: Jo, atëherë ke pranuar, tërthorazi, se ende po e rreh gruan.
Pyetje të tilla janë ndërtuar në mënyrë të tillë që, sido që t’u përgjigjesh, do të detyrohesh të pranosh diçka të gënjeshtërt, ose diçka që së paku ti përndryshe do ta mohoje.
Kete ecurine e blogut mos e bej ceshtje edhe tenden se komentues je. Po akuzon administratorin per mungese vigjilence apo per menaxhim cinik ? Aq me teper qe komenti i tij i fundit deshmoi edhe njohurite per shendetin mendor. Apo ke nevoje qe te shtosh ketu edhe pervojen tende ti ?
Cilat jane aludimet e mia te pavertetuara ?
Ne te gjithe ketu diskutojme mbi ate qe u tha ne parlament, po mbajme qendrimet tona. Cilat jane aludimet pra a mund te ma thuash ?
Mos bej teorizime per Evropen, sepse eshte shume antipatike kjo poza jote ketu. Njerez qe thone fjalen e fundit.
1. Vertetimin e akuzes duhet ta bej ai qe akuzon.
Brenda akuzes se bere kishte si elemente te shpifjes ashtu edhe elemente te akuzes penale. Tani perballe jane dy njerez te politikes apo jo ? Une e rithem, shpifja si e tille kur nuk pergenjeshtrohet merr karakterin e nje gjysme te vertete ne syte e publikut. Do te duhet qe i Akuzuari te deklaronte distancimin dhe te saktesonte prere se Kryeministri i ketij vendi shpif, shpif, shpif per jeten familjare dhe seksuale te dikujt tjeter. Ai po cenon permes cilesive te veta politike te drejtat e njeriut, hapesiren private etj. Por pse nuk e be kjo a mund ta ma thuash, por u publikua nje shellire retorike sa per te lare gojen ? Cfare pervelon pas deklaratave dhe akuzave ? Ky eshte problemi mendoj une. Nese i akuzuari me te vertete do te ishte viktime e nje sulmi te verber, atehere opinioni i tere do ishte me te, por… ja qe nga keto akuza imuniteti i tij eshte i dobesuar shume.
2. Kur e thashe une qe Rama eshte fajtor ? Kur? Sepse jo per gje, por nuk mund te jete fajtor nje njeri per prirjen e vet seksuale apo marredhenien ne cift.
Akuza penale e siperpermendur nga Berisha ka dy elemente politike; e para ajo eshte e perllogaritur dhe nuk ngriohet kuturu se serish do te kishim te benim me shpifje. E dyta perballe nje te dhene te tille publike ka nje reagim te vetem ; padi. Tani ti mund ta quash nje pretendim tekanjoz, por PS dhe z. Rama nuk bene asnje deklarate per ekstradimin e te shumekerkuarit dhe kjo heshtje eshte minimalisht nje gabim qe ushqen propaganden e kundershtarit. Nga ana tjeter lidhur me kete akuze, Prokuroria e Torinos ka publikuar biseda telefonike per te cilat z. Rama ka refuzuar hapur te pergjigjet. Por une serish theksoj: NUK KAM THENE QE AI ESHTE FAJTOR. Por ai po hesht, po mundohet te transferoje debatin, ne nje kohe qe kjo ceshtje e ndjeshme mund te ishte shume mire nje mjet shume emancipues.
3. Ka nje kunderthenie ne ate qe thua. Ti permendesh tjetrit seksualitetin a perben valle nje venie ne dyshim te integritetit moral ? Sepse me metrin e ghykimit qe ndiqet ketu kjo gje nuk mund te cilesohet e ketille. Atehere ky sulm i ardhur nga Berisha thjesht i faturohet ketij te fundit si gabim dhe ai do e paguaje kete kosto. U permend nena e z. Rama, e shoqja, vjehrra. Pse nuk dalin keta njerez publikisht dhe te thone : Qepe Gojen, sepse keshtu te gjithe do i mbeshtesin. Ne fund te fundit nga ky rast personal po hapet nje spirakle debati qe perfshin te gjithe shoqerine.
Dhe se fundi per Gerdecin.
E thashe edhe ne komentin tjeter; edhe ketu ku pretendohet se kontribuohet si te thuash nga Jashte, pra me mendim dhe pa emocion militanti u krijuan serish dy pale. Ku e pe ti qe e Justifikova Berishen une ? Apo te evidentosh disa fakte konkrete qenka nje integrim ne sistem ? Ajo qe une dua te nenvizoj eshte fakti se nuk fitoi Berisha se nuk fitonte dot, HUMBI RAMA. Fitorja ishte me afer se asnjehere dhe kete radhe nuk mund te akuzoje kurrkush per manipulim.
Shiko se cfare thote politikani i shquar Rama; “Ne nuk kerkojme ndryshimin e rezultatit, por hapjen e kutive. Ne nuk kerkojme rinumerim, por transparence”. Me fal, ky eshte politikan apo shejtan budalla?
Nese hapja e kutive evidenton probleme cili do te jete qendrimi ? Apo le te vazhdoje ky por mos thoni pastaj qe une humba ?
Pse nuk hapen edhe ne Berat, sepse ndoshta del deputet z. Veliaj? Pse nuk kerkon hapje kutish ne Vlore se ndoshta del edhe ndonje andej nga PSD ? Te kerkosh sot hapje te kutive, pasi komisioneret e tu kane firmosur dhe pasi ti ke shmangur qellimisht Gjykaten Kushtetuese do te thote te destabilizosh vendin.
Thashe pak me lart se vetem per manipulim nuk mund te flitet sot? E di c’kuptim ka kjo ? Qe te dyja si PS edhe PD jane pjese e barabarte e deformimit sepse kane pasur pjesemarrje te barabarte ne administrimin e zgjedhjeve. Dhe kete e ka te sanksionuar ligji.
Zoteri ka 20 vjet qe Sali Berisha dominon ne politike. Po pse valle, sepse eshte i zoti shume ? Jo, jo dhe JOOO. Sepse elektoratin e ka nxjerre ne shitje disa here dikush tjeter qe tani shpreson tek ambasadori amerikan qe ka marre pjesen e vet ne Gerdec. Aludime te pavertetuara ? Aq me keq qe edhe me te ketilla po fiton i njejti.
Ske kuptu gjë ti miku… po hiç fare. Të uroj shëndet.
Këto akuzat e Berishës për bi-seksualizmin real apo të pretenduar të Ramës lëshuar në sfondin e vlerave të “familjes” të habisin pa masë po të kujtojmë se ishte vetë Berisha që i vuri shkelmin traditës shqiptare të familjes me propozimin e tij për martesat dele-me-dele ose dash-me-dash vetëm dy javë pas zgjedhjeve…
Le të mos përmendim madje se kjo temë ka vetëm minimumin e mbështetjes në botë – sikurse duket në pakicën e madhe të vendeve/shteteve që e kanë miratuar qoftë në Evropën e Bashkuar apo në SHBA.
Shume nga katundaret qe humben jeten kane ne perberjen e mbiemrit te tyre fjalen ‘deli’, ashtu si dhe fajtori. “Deli” ne turqisht do te thote ‘i cmendur’.
Mua me ngjan se ne kete diskutim ngaterrohen dy pjese te problemit. Njera eshte a duhej kryeministri te shpaloste ato akuza nga foltorja e parlamentit me ate lloj gjuhe? Dhe pergjegjigja patjeter qe eshte absolutisht JO. Per te gjitha arsyet qe u shtjelluan gjere e gjate ketu.
Por duke debatuar kete pike, nuk kuptoj, nga c’vende jane debatuesit, ku kane pare e degjuar qe nje kandidati per kryetar shteti dhe aktualisht kryetar bashkie i kryeqytetit nuk ju diskutuakan publikisht shendeti mendor e moral. Ne rastin me te pare gazetaret e yshtur ose jo nga kundershtaret politike do ja benin patjeter pyetjen “a jeni kuruar per semundje mendore?” “a keni perdorur droge?” “a eshte e vertete qe bashkejetuesja juaj eshte shtruar ne spital me brinje te thyera nga dhuna qe keni ushtruar ju?” Ai jep shpjegimet e tij. Dhe pastaj dalin ekspertet e deshmitaret etj. etj. dhe i shpjegojne popullit injorant dallimet midis kesaj e asaj semundje mendore e pasojat e efektet qe ka ose s’ka per qeverisjen e ardhshme, apo provojne a pergenjeshtrojne incidentet e perfolura, e keshtu me rradhe. Dhe mileti ose ndricohet dhe e voton, ose nuk ndricohet dhe nuk e voton.
Mos me thoni qe s’ka c’i duhet miletit a e rrahu gruan kryetari i bashkise, a ka semundje mendore, a perdor droge etj. Mbase prirjet seksuale edhe nuk i duhen, por une nuk di qe nje person publik te jete pyetur publikisht edhe per prirjet seksuale dhe te jete pergjigjur “s’ka c’ju duhet juve.” I del per zot zgjedhjeve te tij dhe pret diten e votimeve per te pare se si e ka gjykuar opinioni.
Halli ne Shqiperi eshte se gjerat nuk zgjidhen ne rruge normale, por ose ne forme thashethemesh kafenesh e fletushkash tabloide ose me ulerima ne parlament ose ne shesh.
””’DI , ky kokteili yt i teorise konsevatore dhe liberale mbi ciftezimin dhe familjen , i perdorur me zgjuarsi nga Sala, sepse ashtu ia dikton politika…te ben po aq per te vjelle sa edhe fjalimi i Berishes.”””
Zogu e paske stomakun delikat, hiqi nga dieta ushqimet pikante, trahanane dhe imam bajalldine.
””’e megjithatë, fajin e kanë të tjerët që nuk heqin dot Salën… ””
Shiko J. Sala nuk eshte budalla apo i sapomberritur, por ka plot 18 vjet ne politike, 9 ne pushtet, ka kaluar cdo faze perfshire edhe rrezikun per jeten.
Dua te them qe ai e njeh elektoratin e vet, e njeh shume me mire se c’njeh Rama te vetin, me e rendesishme njeh edhe besnikerine e elektoratit (25% ne 1997 nuk jane pak ).
Ai kur flet , e di(n) konkretisht se kujt i flet, nuk i intereson te jete simpatik per te gjithe, luften e ben qe te perfshije te djathtet qe s’votojne, por edhe per kete e ndihmon gjeresia e se djathtes, ne kuptimin qe mund te sillet si i se djathtes popullore, si i se djathtes liberale, si nacional-konservator, sot e ke qe mbron me llafe sipermarresit, flet per taksa te uleta qe te nxiten bizneset, neser e ke te flase per nevojat e popullit, uljen e taksave, rritjen e rrogave, pasneser per nevojat e kombit e me the e te thashe.
Ai u flet konkretisht te djathteve , pavaresisht se genjen si dreqi; kjo eshte ceshtja, i ka duart teper te lira. Pra (me dallimin e Marksit) struktures antikomuniste, i perkon edhe nje mbistrukture e gjere , vertet kaotike po ashtu i intereson atij.
Ndersa Rama nuk ka mbistrukture, ka vetem strukture populiste; populli vuan per faj te Berishes, sot ashtu si dje, ashtu si neser, une jam shpetimtari i Tiranes dhe i gjithe Shqiperise. Ketu ndal gjithcka ne PS, ky eshte ngerci i PS-se.
Po ku do vesh me kete mendje, a te besojne ata qe jane ne medyshje ? Sigurisht qe jo, se ai qe eshte ne medyshje ka si parim baze; te gjithe nje m.t jane, dmth strukturat e PS e PD, shumezohen me zero.
Pra ai ne medyshje kerkon ‘mbistrukturen’ dhe fitoi mbistruktura ‘primitive’ por njekohesisht e vetme ne Shqiperi, ajo e Sales.
Kjo “mungesë mbistrukture”, ose ky “ngërç i PS-së”, ku tjetër do të pasqyrohej, veç zgjedhjeve!?! A mund të pranohet si provë për teorizimin tuaj të këtushëm, një proces për të cilin kontestimi nuk ka përfunduar ende? Por edhe sikur të pranohej, në favor të cilës tezë flasin shifrat, sipas jush?
Për këtë teori të DI, kishte një shkrim Artan Lame para disa kohësh me titullin: Sa larg jemi.
Shkrimi dhe komentet më duken të lidhura me temën në fjalë dhe gjenden këtu:
http://www.peshkupauje.com/2009/11/sa-larg-jemi
””’t’i ve ne dukje DIse, se t’a shash robin nga familja nuk besoj se do ishte ai lloj fokusimi i te djathtes tek familja qe ka ndermend.””’
O babi popull, Berisha me shau me liber shpie !!! Babi popull duhet ti jepte nje shpulle surratit, ashtu si babai i drejte i jep femijes se vet kur ky ankohet se po e shan shoku i lojrave, sigurisht duke i bertitur qe nuk duhet te zihet.
Po babi popull eshte baba gangsterr qe e ka mendjen per sherr, ky eshte problemi ketu.
Sidoqofte Berisha nuk tha qe Kristaqi ka qene burre i keq, se i perkiste nomenklatures komuniste qe ka vra e pre dhe qe i biri e mori mendesine e dhunes nga i Ati.
Jo, perkundrazi tha qe Kristaqi ishte burre i mire, por i akuzuar padrejtesisht prej te birit.
Po ashtu parashtroi respektin per grate e familjes/ve Rama dhe tha qe ka qene Rama ai qe ka abuzuar me to.
Se ku e sheh sharjen nga robte e shpise ketu, une se di, vesh kam une, vesh ke ti, mendje kam une mendje ke ti, dhe njeri nga ne ka probleme. Ja po e ridegjoj edhe njehere….
Rezultantja e vektoreve berishiane mua me del, Rama eshte ‘familiopat’ (sociopatia eshte dyshim imi personal, ndersa anomia si karakteristike e Rames eshte vene re prej kohesh), nuk me del se Berisha e shau Ramen nga familja.
Pra te shash Ramen se eshte ‘familiopat’ nuk me duket aspak e barazvlefshme me te shash Ramen nga robte.
Ky barazim jologjik te con ne perfundimin e gabuar:
””kerkesa e prere qe ben nga nje krahe mbi privaten, dhe nga krahu tjeter duartrokitja qe fal kur kjo privatesi, sic eshte ajo e familjes, perdhunohet publikisht.””
Une e kritikova gjuhen e perdorur, sepse tek gjuha verehet dhuna, nderkaq argumenti ne vetvete eshte i vlefshem politikisht dhe mund te permendet edhe para parlamentit ne raste te jashtezakonshme.
Do me pelqente qe te perdorte dhunen e argumentit dhe jo gjuhen e dhunshme, pasi dhuna e argumentit do i bente me shume deme pretendimeve te Rames , sesa c’beri gjuha e dhunshme, e cila sherbeu si katalizator per babin popull gangsterr.
“””Pra ai ne medyshje kerkon ‘mbistrukturen’ dhe fitoi mbistruktura ‘primitive’ por njekohesisht e vetme ne Shqiperi, ajo e Sales.””””
Sa larg është primitivja nga injoranca?
“””Po babi popull eshte baba gangsterr qe e ka mendjen per sherr, ky eshte problemi ketu.””””
Nuk është gangster, është impotent. Më e keqja e të gjithave është kjo… Ajo shprehja “mirë ia bëri” ka brenda një impotencë të fshehur, ka nënshtrim, ka mungesë krenarie, ka mungesë revoltimi dhe ka një përputhje të sëmurë me “garipin”, pa qënë vetë populli garip. Është një “fiction” kjo.
Po t’i futemi anës psikologjike, që e ngacmuam ca te tema e Leninit. Të djathtët, unë i ndaj në dy kategori: Ata që vërtet të mbështetur mbi fuqinë e tyre intelektuale, monetare apo dhe trupore, besojnë në konkurencë dhe në instiktin e të pasurit pushtet. Këta janë pjesa më e vogël. Ka dhe një pjesë tjetër që identifikohen me kategorinë e parë, pa patur takat t’i arrijnë. Shumica e popullit shqiptar është e tillë (për mendimin tim).
Si dhe të majtët, ka që vërtet besojnë në barazi në mënyrë të pavarur prej statusit që kanë në shoqëri. Ka dhe nga ata që detyrimisht janë të majtë për shkak të statusit. Edhe Lenini psh… kërkonte të nxirrte mbi sipërfaqe të parët. Dhe thoshte që partia komuniste duhet prezantuar politikisht, nëpërmjet intelektualëve të saj, ideologëve.
DI, shiko dhe një dhuratë të vogël, meqë e përmendët Xha xhai dhe ti, gjykimin marksist, që të pret si brisk:
“”Unë gjykoj se qëndrimi tim, është një detyrim madhor moral dhe një mbrojtje e nënës, e vajzës, e motrës, e gruas shqiptare. Absolutisht, nuk ka dhe nuk mund të ketë qëllim tjetër. Por zëri im, absolutisht nuk do të mund të heshtte para akteve të tilla.”””
“””Në këtë kontekst, unë kam bërë detyrën time. Kam mbrojtur, në 10-ditëshin e luftës kundër dhunës në familje, nënën, motrën, bashkëshorten, gruan, vajzën shqiptare dhe do të vazhdoj ta mbroj, nuk ka rrugë tjetër.”””””
“”””Nuk ka pozicion më fatkeq për një femër sesa prostitucioni, por edhe kjo nuk ndodh kështu. Është skllavëri e vërtetë, është gjëja më e dhimbshme, por prapë se prapë nuk ndodh në plazhe publike, siç ka vepruar kryetari i bashkisë dhe kryetari i Partisë Socialiste. Absolutisht nuk ka socialist shqiptar që e pranon këtë standard. Njeriu primitiv nga njeriu i qytetëruar, ka filluar të ndahet nëpërmjet veshjes, në fillim përmes mbulimit të pjesëve të turpit.”””
Nga hundët sikur e ka nxjerrë ai tjetri…
të gjithë e ke këtu:
http://www.peshkupauje.com/2009/11/konference-per-shtyp-e-kryeministrit-ber
Xha xhai e mbylli shkrimin e tij me nje thirrje per parlamentin: “fatet e vendit jane ne duart tuaja”.
Pak, ose aspak, u diskutua per kete problem, i cili eshte kryesori per mendimin tim. Trimi yne i marre ka shoke shume, madje me duket se gjithe trimat e marre ne Shqiperi kane shoke shume. U levdua ketu me sa kam fiksuar edhe marria e Edit, si e vetmja qe mund t’i beje balle asaj te antipodit te tij “politik”. Edhe Enveri me shoke shume ishte s’i beri vetem me Nexhimijen hidrocentralet, luften e klasave, burgjet.
Shqiptari , nga militanti pro-Ed ne rruge, deri te deputeti pro–Sale ne parlament ka humbur cdo lloj respekti per vetveten. Meriton apo jo Edi te pergojoset nga Saliu, eshte nje nanoproblem ne krahasim me faktin qe ne Shqiperia papunesia eshte shume e madhe, qe shteti funksionon si rezervat e dikurshme 12-she, etj. A ka projekte e qellime per te realizuar ajo klase politike vecse te tallet me njeri-tjetrin? Cila eshte strategjia e re e PD-se per te mos injoruar PS-ne e PS-ja per te mos injoruar PD-ne jo per te arritur ne nje konsensus mbi nivelin e dekolteve te grave apo dashnoreve, por per te ngritur nivelin ekonomik, kulturor, arsimor, teknik, e ku di une te vendit te tyre? Pse elektorati mitingjeve nuk flet per te tilla probleme e te injoroje fjalime vajtojcash histerike? C’do te sjelle ikja e Sales nga pushteti? Uljen e socialisteve ne parlament dhe daljen e demokrateve. Ky s’quhet shtet, thjesht me gjuhe popullore te ndotur ca me fjale te huaja: han me dy porta. Per mua eshte e qarte se forcat politike arriten ne fund te rezervave te tyre mendore, kjo e krijon krizen e vertete, as fyerjet e as vjedhjet e votave. Zoti na ruajte nga ndonje ekstremizem qe pjellin te tilla situata.
Nese dikush ua di anen peticioneve per te kerkuar varesi nga ndonje princ qe di c’eshte kushtetuta, te drejtat e njeriut, nja dy-tre gjera mbi dialogun, diku ne bote, me kenaqesi do ta firmosja.
””Sa larg është primitivja nga injoranca? ””
Ti kerkon ta shtrosh ndryshe ceshtjen duke kerkuar lidhjen me injorancen, ne fakt e ke pike fikse te qendrimit tend ndaj te djathtes, ashtu sikunder pjesa derrmuese e te majteve qe njoh.
Primitive ne kete rast ka kuptimin e atij me nje sy qe eshte mbret ne vendin e te verberve.
Nese do pohoja se kjo mbistrukture primitive eshte produkt i injorances atehere mungesa e mbistruktures ne krahun tjeter do ishte produkt i shtazerise.
Une e shikoj primitiven ketu si perpjekje per t’ju larguar kaosit, dmth futjen brenda disa rregullave apo parimeve.
Pra me teper se primitive si pasoje e injorances e shoh si perpjekje te logjikes per te mposhtur kaosin, si rreze drite ne erresiren shqiptare.
Demokracia si sistem qeverisjeje besohet apo merret e mireqene, qe eshte menyra me e mire per t’ju afruar te mires se perbashket, meqe ne ndryshim nga sistemet e tjere perfshin me shume njerez dhe per kete arsye e mira e perbashket duket me lehtesisht e arritshme.
Po ashtu ne qe mbrojme demokracine, jemi te prirur te mendojme apo besojme se e mira e perbashket eshte edhe e Verteta, qe na mban mbledhur, tek e cila besojme per nje shoqeri me te mire. Po te besonim se nuk eshte e Verteta, atehere per c’arsye do te na sherbente demokracia ? Per c’arsye do mbrohej e Genjeshterta apo e Paverteta ?
Por per te mberritur tek e verteta, kemi nevoje te perdorim arsyen, logjiken, inteligjencen.
Pra per te realizuar demokracine kemi nevoje qe politika dhe logjika jo vetem te mos jene ne konflikt, por qe logjika te ushqeje politiken dhe politika te qendroje sa me larg shfaqjeve te saj jologjike.
Turma, sheshi eshte nje shfaqje jologjike e politikes e cila vlen vetem atehere kur forca e logjikes ia le vendin logjikes se forces. Pra eshte nje shfaqje e jashtezakonshme e politikes ne pergjithesi dhe vecanerisht e politikes ne demokraci.
Por ka edhe shume shfaqje jologjike te politikes, sheshi eshte forma e skajshme qe thirret atehere kur klasa politike jep spektakel te mungeses se logjikes ne sjellje.
Ne kete kendveshtrim mungesa e nje mbistrukture eshte edhe mungese e logjikes, apo vleresimi negativ te logjikes nga klasa politike. Ajo kerkon te jete plotesisht e lire nga gjykimi racional i zgjedhesit.
Kete e arrin nese struktura e saj ka model populist, ku Udheheqesi eshte shpetimtari.
Keshtu struktura e PD-se, antikomunizmi, ben te mundur qe Sala te shikohet si shpetimtari nga komunizmi.
Nderkaq struktura e PS-se, antiberishizmi ben te mundur qe Edi te shikohet si shpetimtari nga Berisha.
Modeli populist nuk eshte model racional, sepse kerkon kontaktin e drejtperdrejt popull-udheheqes, ku ndikojne forma jologjike te terheqjes, si karizma apo retorika.
Dihet qe retorika nuk synon te verteten por vetem miratimin popullor qe vjen nga mposhtja e kundershtarit.
Keshtu tek ne nje nga pengesat kyce ne rrugen e demokratizimit, jane vete strukturat e PD-se e PS-se, te cilat e mohojne rolin e logjikes ne politike. Ne rastin e PS-se, mungesa e mbistruktures,( mungese e natyrshme meqe nuk mund te ngrihet mbistrukture nga anti-individi) tregon per prapambetjen e thelle te PS-se si force politike, biles do thoja qe eshte force e paparaqitshme ne sistemin demokratik, ku kerkohet realizimi i se mires se perbashket.
Pra besoj se eshte e qarte nevoja te dalim nga kaosi, fillimisht do shkojme tek primitivja e pastaj do kemi ngritje te natyrshme, sepse ngritja eshte ne rendin e gjerave.
Dalja nga kaosi eshte e veshtire, por e domosdoshme pasi si ne rastin tone nje force politike ne kaos, rrezikon te sjelle kaosin edhe ne vend.
Vazhdon botimi i Dosjes Rama në shtypin partiak…
http://www.rilindjademokratike.com/RD%202%20dhjetor/dossier.htm
Kam frike se nuk do te artikulohem dot aq qarte dhe bindshem sa DI por gjithsesi besoj se pas publikimeve te copezave nga jeta e Rames (nuk do kish efekt po te dilte e gjitha), nuk do te kete me diskutime mbi rilevancen e “bemave” te kryetarit te opozites. Pra, nje personazh publik, i cili kerkon protesta mbarepopullore ne emer te moralit, te pastertise se mekanizmit te votes ka nje te kaluar te tille irracionale dhe deri edhe psikopatike.
Duke u nisur nga kjo, besoj se ja vlen te diskutohet ne nje drite te re heshtja e Rames mbi faktet e paraqitura dhe sidomos per lidhjen me krimin. Ne nje diskutim qe pata me nje mikun tim profesionist te politikes, i cili anon nga e majta shqiptare, edhe pse jo domosdoshmerisht nga Rama, patem nje debat te gjate mbi idete dhe mbi taktikat politike si dhe mbi mungesen e nje shtrese te popullates qe te mundesoje nje debat me te formezuar ne ceshtje te perditshmerise. Ne fund rame dakord qe po te kishim qene ne ne vend te Rames, ne rastin tim edhe nese do isha i “carmatosur” nga faktet, instinktivisht por edhe racionalisht do te ishim pergjigjur zjarrit me zjarr. Kjo per nje arsye shume te thjeshte te njohjes se mentalitetit te pergjithshem ne Shqiperi. Mungesa e ketij reagimi quhet dobesi. Kryetari i opozites po ta lexosh deklaraten e tij nuk beri asnje perpjekje per te mohuar akuzat. A thua te jene te verteta dhe nese po c’do te thote kjo per turmen e madhe te shokuar te intelektualeve te cilet nuk e duruan dot kryeministrin malok kur dhunonte verbalisht kryebashkiakun e kulturuar(qe rreh grate e veta)? A ka frike Rama dhe prej kujt? Pse nuk i pergjigjet Berishes me te njejten monedhe duke qene qe e akuzon si hajdut dite e nate (pra presupozohet qe ka fakte te tilla edhe kunder Berishes)? Nese jo sot kur do t’i nxjerre Rama faktet per Shkelzenin, Argiten, Rrahmanin dhe rrethin vicioz qe i bashkon me familjen? Nese Rama ka frike, pse jo Erion Veliaj? Keto pyetje besoj une jane interesante per tu diskutuar.
Sapo pashe nje reagim disi me te sforcuar te Edi Rames dhe kunderpergjigjen e Berishes ne Top Channel. Me poshte po vendos linkun e konferences per shtyp te Berishes dhe te deklarates pa pyetje te Rames.
Berisha
http://www.km.gov.al/?fq=brenda&m=news&lid=12276
Rama
http://www.top-channel.tv/video.php?id=10413
Kush ka sy sheh, tha.
Politicus, meqenese ke sy te lutem lexo se politikanet nuk ndiqen se kane nje jete seksuale brenda normave te shoqerise. Duhet shume me teper per te qene ne krye te nje vendi qe s’la kufi te poshtem statistikash evropiane pa levruar. Sala me Edin bejne c’duan me ate vend se nuk ka dike tjeter qe te kete nje program per t’i terhequr zgjedhesit me vete. Mjaft u ngazellyet me sharje reciproke, uluni e gjeni nje rruge per te kenaqur qytetarin qe paguan taksat e rrogat e pushtetareve, pavaresisht nga bindjet e tij politike.
politicus,
Thelbi i postimit që nisi krejt këtë rrjedhë mesazesh nuk kish të bënte me “…rilevancën e “bëmave” të kryetarit të opozitës.“
Nëse komenti yt i drejtohet vërtet intelektit dhe arsyes sonë duhej pasur parasysh që:
Për sa kohë që protesta ka të bëjë me një pandehmë për manipulim të zgjedhjeve, unë e quaj të drejtë. Si qytetar nuk më intereson nëse ai që e ideoi shkon në plazh i veshur apo i zhveshur. As nuk besoj se pozita do të ishte sjellë ndryshe sikur kjo protestë të udhëhiqej nga cilido i papërlyer.
T’i përgjigjesh zjarrit me zjarr në këtë rast do të thotë të biesh në kurthin e ngritur nga pozita: spostim i vëmendjes, asgjë më shumë. Ah, do të thoshte edhe ushqim i mëtejshëm i rrugëve informale të gjasme zgjidhjes së probleme politike, e quajtur ndryshe “me mjetet e rrugës”.
bujku shkruan:
“Për sa kohë që protesta ka të bëjë me një pandehmë për manipulim të zgjedhjeve, unë e quaj të drejtë. Si qytetar nuk më intereson nëse ai që e ideoi shkon në plazh i veshur apo i zhveshur. As nuk besoj se pozita do të ishte sjellë ndryshe sikur kjo protestë të udhëhiqej nga cilido i papërlyer.”
Kjo e fundit eshte spekulim edhe pse afermendsh sot per sot na duket si e vertete e kulluar. Po per sa i perket protestes per pandehme votash, nuk ka vend ku votimet te mos te jene te kontestuara, dhe per kete ka rregulla te cilat ne rastin me te mire vendosen bashkarisht. Pikerisht ky eshte rasti i zgjedhjeve te fundit. Ne momentin qe nuk i pelqeu rezultati Rama thote hap kutite. Ku ta dijme ne se pas kutive nuk kerkon ndonje gje tjeter, e pastaj tjeter etj. etj?
“T’i përgjigjesh zjarrit me zjarr në këtë rast do të thotë të biesh në kurthin e ngritur nga pozita: spostim i vëmendjes, asgjë më shumë. Ah, do të thoshte edhe ushqim i mëtejshëm i rrugëve informale të gjasme zgjidhjes së probleme politike, e quajtur ndryshe “me mjetet e rrugës”.
Jemi keqkuptuar, une zjarrit me zjarr do ti isha pergjigjur per akuzat kunder familjes, sic e thashe edhe sikur te isha i menderosur. Kjo do te thonte qe duhej t’i thonte “nena ime Aneta Koleka Rama eshte nje njeri i nderuar dhe ti o gojeqelbes nuk ke dhembe per ta perfolur, Matilda ka qene gruaja ime e nderuar dhe ti o gojeqelbes qe je mesuar me thashetheme Tropoje nuk di se si i trajton familja rama grate… etj”. Ky eshte karakteri im por edhe i shumices se shqiptareve, te cilet kane mentalitetin se tek familja nuk preket. Nderkohe argumenti im shkon edhe me larg. Nje politikan racional do te kishte aktruar nje reagim te tille sepse i sjell perfitim (te jesh i/e bindur qe shumicen e reagimeve Berisha i ka te aktruar perfshi edhe fjalimin ne Parlament). Rama edhe kur foli dje ishte si i sforcuar, sikur i kishin thene qe duhet te reagosh fort, apo me ngerdheshje jo besimngjallese.
Sic e thashe edhe me siper ne nje diskutim tjeter, nese duam te gjykojme realitete politike intelekti ne vetvete nuk vlen pa te dhena empirike. Pra diskutimi duhet bazuar ne disa realitete, te cilat mua me duket se nuk i gjej te pasqyruara ketu.
Ripohoj qëndrimin tim që zjarre të tilla nuk i duhen më shoqërisë shqiptare, për hir të fokusimit me të tëra energjitë dhe përpjekjet te thelbi, te ajo çka do të ishte pozitive për vetë shoqërinë.
Përfytyro për një çast se si do të dukej ky shkëmbim zjarri pas 30 apo 40 vjetësh. Unë besoj se është mundësia që ky (dhe të tjerë) shkëmbim zjarri të shihet që sot si shpërdorim absurd i energjive. Të paktën nga pjesa më e kultivuar e shoqërisë. E këta nuk duhet të harrojnë detyrën morale ndaj pjesës më pak të kultivuar. Përndryshe kot që qahen se (pjesa e pakultvuar) u është bërë ferrë në këmbë në rrugën e tyre drejt europianizimit.
Mundet edhe që të dhënat emipirike të atyshme të jenë në favor të argumentimit tënd. Por mundet edhe të sillen si kundërargument të dhëna empirike nga jashtë arenave të Tiranës, ose shqiptare prej periudhash të tjera, për të treguar se sa e rëndë ishte furtuna parlamentare në fjalë.
Bujk,
politikanit i intereson vetem kohezgjatja e te qenurit ne pushtet, jo vetem ne Shqiperi por ne gjithe boten. Nje analize me e thelluar e sistemit amerikan te politike-berjes (policy making) te tregon se sa jo efikas dhe i koklavitur behet ky i fundit nga sendertimi i interesave te vogla zgjedhore te individeve apo grupeve te ndryshme. Mjafton te shohesh reformen ne shendetesi apo edhe vendimin qe mori Obama per afghanistanin. Per shembull, Sen Mc Cain i cili eshte pyetur vecanerisht per strategjine e re dhe e ka patur objektiv te fushates se tij presidenciale rritjen e vemendjes dhe mbeshtetjen e trupave ne Afghanistan, per arsye politike gjen nje menyre dhe e kritikon politiken e re te rritjes se trupave duke thene perse ke vendosur date kthimi. Eshte absurde te mendosh se politikani mendon se pari per te miren e popullit e pastaj per tu rizgjedhur, ne fakt eshte e kunderta.
Per sa i perket elitave, eshte tjeter diskutim. Te mos na genjeje mendja qe elitat shqiptare nuk jane te perfaqesuara ne qeverisjen e vendit. Jane qe cke me ate pune, edhe pse ne menyra here te dukshme e here te padukshme. Ne sistemin demokratik ( e kuptoj qe shume ketu arsyetojne nga larg se Shqiperia eshte ne stad parademokratik por kjo kerkon diskutim te zgjeruar teorik mbi natyren e sistemeve demokratike etj.) eshte e pamundur te qeveriset pa mbeshtetjen e elitave. Kjo ndodh edhe ne Shqiperi, dhe ndofta sidomos ne Shqiperi. Elitat shqiptare nuk perfaqesohen vetem nga ata qe dalin ne TV apo shkruajne ne gazeta, perkundrazi une mendoj se ka shume me teper anetare te elitave qe shkruajne ne kete blog se sa jane figura publike te njohura ne Shqiperi. Nese pastaj do diskutojme mbi natyren e elitave, ekonomike, politike, te nderthurura apo kulturore, perseri do ndeshemi me nje konvergim te tyre drejt pushtetit dhe me nje perfaqesim te tyre ne pushtet ose ne opozite (e cila me qe ra fjala ka shume me teper pushtet se sa mendohet). Pra, rotacioni politik u jep te drejten elitave te jene ne pushtet here pas here, dhe cdo vendim i qeverisjes merr parasysh interesat e tyre me doemos.
Tani nese do te argumentosh qe elitat ne Shqiperi nuk e kane kryer rolin e tyre institucional dhe strukturor sepse nuk e kane modernizuar mendesine apo nuk e kane shfrytezuar potencialin ekonomik per ngritjen e nivelit te jeteses e te tjera si kjo, eshte nje argument neo-marksist i cili ha diskutim. Por nuk besoj se ka njeri qe mendon se ne Shqiperi elitat jane te paperfaqesuara.
Politicus,
Më lejo t’i kthehem një përgjigjes tënde të 3 Dhjetorit, ora 3:09pm.
Ti e quan spekulim pohimin tim se “…nuk besoj se pozita do të ishte sjellë ndryshe sikur kjo protestë të udhëhiqej nga cilido i papërlyer.” Ndoshta do të të dukej më larg spekulimit, nëse rikujton edhe njëherë 26 dhe 28 Majin e 1996-s, atëherë kur Edi Rama nuk kish pozita partiake dhe pushtete që ka sot. Mund ta konsiderosh fare mirë të papërlyer në atë kohë, kurse pozita e sotme parlamentare është thuajse e njëjta* me të atëhershmen, e bashkë me të edhe thelbi i reagimeve të saj.
* – Deputetet e LSI-së aty kanë treguar se janë veç garniturë
parlamentare.
Politicus,
thua:
politikanit i intereson vetëm kohëzgjatja e të qenurit në pushtet, jo vetëm në Shqipëri por në gjithë botën.
(Kam theksuar veçanërisht fjalën “vetëm”.) E pak më poshtë:
Është absurde të mendosh se politikani mendon së pari për të mirën e popullit e pastaj për t’u rizgjedhur, në fakt është e kundërta.
Që në Shqipëri, në shumicën e rasteve, ky përshkrim përputhet plotësisht me tablonë politike, kjo nuk do kallauz. (E për ta pasuruar dhe thelluar njohjen time mbi këtë temë, para ca muajsh, më vinte shpesh në mendje t’i kërkoja Xh2 të hapte një temë me titullin “Sa reaksionare është politika dhe shoqëria shqiptare?”)
Do isha kureshtar të dija në të duket ogurzi ky reduktim. Reduktim më shfaqet, kur e krahasoj me përkufizimin e politikanit si person i sprovuar në artin apo shkencën e qeverisjes, apo kur e krahasoj me shembujt më të mirë të politikëbërjes dhe pjesëmarrjes në politikë. Nga sa thua mbi elitat, e po qe se të kam kuptuar drejt, duket sikur realiteti shqiptar që prodhon kësi reduktimesh, paska edha bekimin e pjesëmarrjen e elitave. Kjo do ta bënte edhe më ogurzi.
A më rekomandon ta pranoj e t’i përulem?
Ester, i vendose te dy ne te njejten prizem. Une besoj se kushdo qe ka sy sheh se Berisha ben konferenca per shtyp ku i behen pyetje edhe te renda si psh, pse nuk permend Zamir Manen, Sander Frangajn dhe Bashkim Ulajn si perfitues nga Mafia e tokave?” ndersa Edi Rama ka tre vjet qe nuk merr pyetje nga gazetaret pervec atyre qe i fut vete paraprakisht, dhe ne klipin qe solla une thote ‘naten e mire” nderkohe qe nje mori zerash duan ti bejne pyetje. gazetaret e terrenit ne Shqiperi, edhe ata qe kronikat i bejne ashtu sic ua con Rama me SMS (Berisha te pakten ngarkon vartesit), kane nje mungese te theksuar respekti dhe besimi tek personazhi Rama. Por kete fatkeqsisht s’ta provoj dot se asnje prej tyre nuk del hapur.
”””A mund të pranohet si provë për teorizimin tuaj të këtushëm, një proces për të cilin kontestimi nuk ka përfunduar ende? Por edhe sikur të pranohej, në favor të cilës tezë flasin shifrat, sipas jush?””’
Po patjeter qe jane zgjedhjet prova, dhe zgjedhjet kane mbaruar, KQZ dha vendimin dmth jemi ne rregull.
Kontestimi nuk ka baza te argumentuara mire, qe te merret parasysh teorikisht, aq me teper qe behet fjale per vota qe edhe sikur te kalojne 100% ne anen e Ps-se, s’mund ta ndryshojne dot (numerikisht) faktin qe Rama humbi, PS-ja humbi.
Nje kontestim i kontestueshem nuk mund te kontestoje asgje, brenda kontekstit logjik. Ne radhe te pare duhet te zoteroje pakontetueshmerine e vet, para se te sherbeje si prove konstestimi.
Teza ketu eshte vetem nje, keshtu qe nese pranohet prova, atehere kjo nuk mund te provoje ndonje teze alternative inekzistente, por thjesht tezen te ciles i sherben si prove.
Teza ishte që PS-ja, për mungesë mbistrukture ishte në ngërç. Tani, se si mund të stigmaztizohet si “në ngërç” një forcë politike që, edhe duke hedhur poshtë kontestimin e zgjedhjeve, fitoi 65 mandate kundrejt 68 të PD-së, unë nuk di ta shpjegoj me arsyetim të zakonshëm. Veç në më dhënsh leje ta shpjegoj thjesht si kacavarje tënden, në kuptimin botanik të kacavarjes: i qepemi një postimi e harlisemi aq shumë sa nuk duket më as pema e as frutat.
Mund te me korrigjohen 2 gabime lart, (pakontestueshmerine e vet dhe prove kontestimi) meqe gabimet e pakujdesshmerise s’mund ti korrigjoj dot vete ?
”” Për këtë teori të DI, kishte një shkrim Artan Lame para disa kohësh me titullin: Sa larg jemi. ””’
Ska lidhje fare J. Ky zoteria tek shkrimi abuzon ne menyren me cinike me te djathtet dhe nuk e sheh ceshtjen nga pikepamja intensive por nga ajo ekstensive.
Dihet qe ne komunizem qyteti ishte i privilegjuar, po ashtu dihet se se ata me shkolle te larte civile apo ushtarake, banonin ne qytet (mesuesit e fshatit rendom ishin me te mesme pedagogjike), po ashtu dihet qe pjesa me e madhe e tyre u bashkuan me PS-ne. Po ashtu punetoret e qyteteve e kishin nje te mesme industriale, punetori i kooperatives ishte ne pjesen derrmuese me 8-vjecare.
Tani pjesa nostalgjike ngeli me PS-ne, ish-parite besnike ne qytete e fshatra po ashtu.
Po te permendesh kete fakt eshte te shprehesh cinizmin e gjalle qe karakterizon shtresen e vjeter me shkolle te larte, e cila ne vend te shkonte drejt demokracise, parapelqeu te mbante qendrim pozitiv ndaj diktatures, pra ceshtje egoizmi edhe pse dolen tmerret e diktatures ne shesh. Kete lloj cinizmi mund ta kursejne te majtet ne vend qe ta mbajne si flamur.
Tjetra eshte shtrimi i ceshtjes ne forme ekstensive. Ai flet gjeresisht per cfare perfshihet ketu e aty, ky me ate, ky me kete, me teper informon per terrenin (per strukturat) si te thuash ai hedh faren ne siperfaqe te madhe dhe thote te dale cte dale neser.
Kurse une u mora me dicka specifike, strukturen e te dyja paleve dhe fola per pamjaftueshmerine e tyre per te perfshire te pavendosurit dhe nevojen e nje mbistrukture qe sipas meje eshte vete ardhmeria (il divenire).
Eshte paradoksale qe mbistrukturat e majta e te djathta te jene neser, nevoje per te peshkuar te pavendosurit, meqe bien ndesh me logjiken e mbistruktures e cila duhet te jete vijim logjik i parimeve te majta e te djathta dhe nje forme e edukimit politik, por ja qe ne Shqiperi ku ‘ne sje me mua je patjeter kunder meje’ kjo eshte normale.
Gjithë kjo teoria jote bie me një fakt të thjeshtë: Në vitet e para të tranzicionit, ishte e djathta që kishte mbështetje qytetare shumë të fortë. Madje i mbaj mend edhe sot zgjedhjet e para pluraliste të 91′ ku PD fitonte në qytete dhe PPSH e atëhershme në fshatra.
Kështu që disa gjëra vërtet mund të “dihen”, por duhet të shpjegohen. Shpjegimi yt është shumë i mangët. Nuk mund të shpjegohet me flamurin idiot më duhet ta them, të antikomunizmit, sesi qyteti dryshoi kursin e vet pas dhjetë vjetësh. Është interesante të shihet sesi ka lëvizur vota. E djathta dikur, i kishte qytetet, tani nuk i ka më. Nga dhjetë bashkitë kryesore ka vetëm dy.
Shumë më afër shpjegimit tim janë edhe argumentet se Berisha i drejtohet atij 50%-çi në “gjuhën e vet”, që nuk është gjuhë e qytetarëve.
Po përveç kësaj, shtresa qytetëse ka dhe karakteristika të tjera, si është më e ndjeshme ndaj ndryshimeve dhe udhëzon ecurinë e zhvillimeve në vend.
p.s Që kur kshu ti, kundër elitave?
Të them dhe dy fjalë për zgjedhjet… Top-channel kishte bërë një reportazh para disa ditësh ku kishte marrë në pyetje banorë të Bulqizës, për praktikën që ndiqej në fushata zgjedhore. Aty u zbulua se vota shitej. Po, po, shitej. Sa një thes miell. Në formën e “ndihmave sociale”.
Unë kam përshtypjen se edhe shumicën në zonat rurale nuk i ka e djathta, veç aty mund të vidhet dhe kompromentohet më lehtë.
Vërtetësia e zgjedhjeve të lira pa provë, e bën kontestimin moralisht të ligjshëm.
””’Teza ishte që PS-ja, për mungesë mbistrukture ishte në ngërç. Tani, se si mund të stigmaztizohet si “në ngërç” një forcë politike që, edhe duke hedhur poshtë kontestimin e zgjedhjeve, fitoi 65 mandate kundrejt 68 të PD-së, unë nuk di ta shpjegoj me arsyetim të zakonshëm.””’
Te besoj qe nuk di, sigurisht qe te besoj.
PS eshte ne ngerc si parti politike sepse i humbi zgjedhjet atje ku humben, tek te pavendosurit .
Loja politike ne Shqiperi nuk behet qe Rama ti mbushe mendjen bujkut ta votoje se ai e di qe bujku do e votoje, edhe sikur Rama te shtrohej ne spital psikiatrik.
Politika e sotme edhe ne perendim po shkon drejt asgjesimit te ‘partive masive’ ne favor te partive pigliatutto, partive zgjedhore dhe partive prone.
Pra po asgjesohen strukturat e brendshme, ska me edukim politik per bazen, po rriten roli i kryetarit etj dmth spo kujdeset me njeri si dikur per anetarin se eshte vote e sigurte.
PS ja ne nje vend demokratik eshte e paparaqitshme si force qe synon pushtetin, vete Italia dei Valori ne Itali qe i afrohet, meqe e ka me Berluskonin eshte tek 10%, po edhe ajo ka nje fryme legaliste, jo vetem parrulla armiqesore.
Persa i perket kontestimit te thashe qe kontestimi i kontestueshem nuk eshte prove ne kontekstin e logjikes.
Popullorce, nese te ngrefet ty mendja te kontestosh eshte problemi jot, teka jote, quaje cte duash. Kontestimi qe te hyje ne kontekstin e logjikes ka nevoje per argumente te forte.
Nese do te me zvarritesh ne nje kontekst jologjik po ta garantoj se duhet te me shash.
J. 1992 nuk eshte ne loje, as 1994 e as 1997. Se si kane qene keto zgjedhje dihet, manipulimet e shumta dhe faktore trondites nuk ta lejojne teorine e kalimit te qytetit nga djathtas-majtas, te pakten jo shtresa meso-larte dhe ish-elitat.
Struktura antiberishiane e PS-se eshte ‘di stampo’ nostalgjiko-tosko-antiballiste, qe pastaj u zhvillua fale ‘tiranise’ se Berisha 1, dhe tani e ka fshehur zanafillen e vet dhe duket si produkt i progesizmit.
PS-ja eshte e pashprese, Nano e dinte fare mire qe i duhej Berisha, jo vetem si gogol por edhe si e vetmja gje qe mban ne kohezion(nenkupto symbyllur ndaj pislleqeve te Nano&co) socialistet.
””’Shumë më afër shpjegimit tim janë edhe argumentet se Berisha i drejtohet atij 50%-çi në “gjuhën e vet”, që nuk është gjuhë e qytetarëve.””
Me pelqen me shume Borebardha e 7 xhuxhat, ne versionin per te rritur.
””’Vërtetësia e zgjedhjeve të lira pa provë, e bën kontestimin moralisht të ligjshëm.””
Po as shalqirin sta shet me njeri me prove mor bir 😀 Apo mos e do nusen me prove 😀
Kontestimi ne vetvete eshte legjitim, shkeputur prej kohes e rrethanave, ka pasur nje parregullsi procedurale, por ky lloj kontestimi qe po shohim nuk ka pike logjike brenda dhe nuk buron nga parregullsia procedurale pasi per kete do ishte bere ne kohen dhe menyren e duhur, por nga kapricoja e nje individi qe s’pranon te digjet edhe politikisht.
A ç’ia fut kot dhe ti.. dhjetë vetë administrim i bashkive kryesore, nuk qenkan në lojë!! Jo po do jetë në lojë “superstruktura” jote.
Zgjedhjet e 91′ ishin më të lirat, sipas mendimit tim.
Pastaj në fillim pohon se shumica qytetare është e të majtës, ndërsa tani thua “e ka fshehur”. Ë mirë mirë…
Ëhë, po të flasim hapur fare, po fare ama… ti beson sinqerisht se këto zgjedhje ishin të lira? E di sa u vonua numërimi për disa zona? Një javë pas votimit, akoma nuk kishte dalë rezultati.
Zgjedhjet kurdoherë kanë qënë të vështira për manipulim në qendrat urbane, se plaste skandali, madje gjithnjë kjo, edhe në 92 edhe 97. Nuk manipuloje dot. Shumë vëzhgues, shumë njerëz, binte shumë në sy. Nëpër zonat rurale është bërë kërdia. Aty ku “kuptojnë më shumë bacën”.
E majta shqiptare, është shumë më progresiste se e djathta. Si në ndërrimin e kryetarëve, demokracisë brendapartiake, parimit një anëtar një votë, si në bashkëjetesën midis figurave të njohura të saj etj. Ishte një moment kur Nano, Meta dhe Majko jetonin nën të njëjtën çati, madje për shumë vjet. Këtë gjë baca nuk e realizonte dot.
Tjetri dogji Shqipërinë dhe është kryeministër edhe sot, Rama katër vjet ka në krye të PS, sepse konteston zgjedhje të manipuluara do digjet politikisht?
Mire o J. do shikojme se ne c’vit do e marre pushtetin socialistja, se keto pune kerkojne kohe qe te verifikohen.
Persa i perket zgjedhjeve sa te lira ishin, une besoj se ishin me te mirat deri me sot, pavaresisht vjedhjeve te vogla por te koordinuara mire nga PS e PD, ne dem te partive qyqare, aq sa u duheshin per te marre deputetin.
Sa per ate periudhen idiliake qe permend, te kujtoj se kryetari ishte Nano, qe e flinte gjumin top ne hotelet e kazinove, jo Rama qe se ze gjumi nga frika se mos del ndonje qe mund te behet rrezik serioz.
Nano e beri Meten kryeminister, Rama e hodhi ne krahet e Sales.
Ja beje llogari ti ku ka perfunduar demokracia e brendshme dhe komunikimi politik brenda se majtes shqiptare.
””’Tjetri dogji Shqipërinë dhe është kryeministër edhe sot, Rama katër vjet ka në krye të PS, sepse konteston zgjedhje të manipuluara do digjet politikisht?””’
Kenedi fitoi me nderhyrjen mafioze, Bushi e beri nje pisllek andej nga Florida, po nuk me duket se Amerika rrezikoi zjarrin nga keto nderhyrje kirurgjikale negative.
Mbase u duhej nje si Rama, qe tu tregonte se c’eshte demokracia e vertete. Lum si ne qe e kemi. Po kemi ‘burra’ qe sua ben syri terr, qe japin edhe jeten per voten e popullit te vuajtur e te rreckosur.
Shiko dy gjëra të fundit dhe e mbyllim:
Ishte Nano më pas që u prish me Metën, por kjo nuk ka shumë lidhje. Dhe kur flasim për fitore të së djathtës duhet të kemi parasysh katër deputetë të këtij të fundit në koalicion.
Dhe tjetra, sado inat ta kesh Ramën, mbase se është nja dy gisht më i gjatë se ty, përsëri nuk e krahason dot me bacën, se ky i fundit ka gjynahe që “nuk i lajnë as 40 hale” thuhet në fshatin tim.
Dhe e ardhmja nëse do punojë për të mirën tonë, do na ofrojë lider si lloji i Ramës sa më shpejt. Baca jeton në një kohë të perënduar tashmë. Sa më shpejt tranzicioni në lidhje me profilin e liderit, aq më mirë për ne mendoj unë.