SI U BËRA ARTIST

Të premteve unë zakonisht eksperimentoj me artin bashkëkohor, i frymëzuar nga motoja: yes, you can.

Në vijim, një shembull i thjeshtë, por kuptimplotë, i metodës sime artistike.

Shapka ime (rubber on marble)

Kjo është natyrisht shapka ime; jo ekzaktësisht një objet trouvé, sepse unë ende e përdor atë dhe nuk dua që të përfundojë në një galeri.

Dhe që këtej:

Peter van der Linde: Haldol 2 mg, 3 x per diem (rubber & paper on marble)

Te kompozimi im i befasishëm, të cilin unë e kam quajtur Haldol 2 mg, 3 x per diem.

E kam paraqitur për konkurrim në bienalen e artit në Kathmandu, të Nepalit, ku jam paraqitur me pseudonimin Peter van der Linde – emër i përshtatshëm për një artist të sëmurë, që e qëmton artin në shkretëtirën e mpirjes së tij psikofarmakologjike.

Më mungon vetëm një letër nga Oliviero Toscani, të cilën jam duke e shkruar vetë ndërkohë.

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: