GJUHË E KEQE (II)

Shumë prej jush do t’i kenë ndjekur debatet në shtyp për regjistrimin e popullsisë në Shqipëri që po planifikon administrata e tanishme e Berishës.

Palët në debate kanë sjellë shumë argumente pro dhe kundër, të cilët meritojnë të shqyrtohen veç e veç dhe me hollësi, nga ekspertët e së drejtës ndërkombëtare, të të drejtave të njeriut, të marrëdhënieve të fesë me shtetin, nga sociologët e kështu me radhë.

Në vijën e këtyre debateve, më bëri përshtypje një intervistë e djeshme me historianin mesjetar dhe politikanin Pëllumb Xhufi, i cili duke folur për këtë çështje, ndër të tjera, thotë:

[Nismën e qeverisë për regjistrimin e popullsisë mbi baza etnike dhe fetare] e konsideroj tradhtinë e radhës ndaj interesave të vendit, një lëshim të turpshëm ndaj presioneve të qarqeve nacionaliste greke, zyrtare e jo zyrtare, që kërkojnë të zbatojnë deri në një projektin nacionalist të tjetërsimit të Shqipërisë së Jugut (“Vorio-Epiri”).

Dhe më tej:

[D]uke marrë në konsideratë edhe të tjera punë të errëta që qeveria Berisha ka kryer gjatë këtyre viteve (marrëveshja e kufirit detar, protokolli për varrezat e ushtarëve grekë, hapja e shkollave greke në vende nevralgjike, si Himarë, Korçë etj.), gjykoj se kemi të bëjmë me një shitje të interesave të vendit, e pra me një shkelje tjetër të rëndë të Kushtetutës. Diku e kam quajtur edhe “tradhti kombëtare”, dhe e tillë është.

Për të përfunduar kështu:

përgjegjësia e autoriteteve shqiptare do të jetë e jashtëzakonshme: me një regjistrim të tillë ato i bëjnë një atentat të rëndë kohezionit shoqëror e moral të popullit shqiptar.

Në këto deklarata spikatin së paku dy çështje: së pari, nëse përbën vërtet “tradhti kombëtare” vendimi i qeverisë Berisha për të regjistruar popullsinë e Shqipërisë edhe sipas përkatësisë etnike dhe fetare të shtetasve; së dyti, nëse është gazeta “Shekulli”, ose mediat në përgjithësi, vend i përshtatshëm për një qytetar që të akuzojë kryeministrin për “tradhti kombëtare”.

Po nis të përgjigjem nga pyetja e dytë – deklarata të tilla në mediat nuk kanë ndonjë vlerë; janë si të shtënat me fishekë manovre, trembin trumcakët dhe laraskat e rastit, krijojnë përshtypjen e shqetësimit politik, teksa përvijohen, për këto që lexon mes radhëve, si një tjetër instancë e papërgjegjshmërisë së fjalës, për të cilën po shquhet politika e sotme në Tiranë.

Në qoftë se Xhufi, ose kushdo tjetër, besojnë vërtet se kryeministri shqiptar Berisha po kryen tradhti kombëtare, atëherë është detyra e tij që ta denoncojë kryeministrin për këtë në gjykatë. Tradhtia kombëtare është krim i rëndë, ndaj të cilit kodi penal shprehet pa ekuivoke.

Nëse është kështu, atëherë pse vallë nuk i drejtohet gjykatës Xhufi dhe të tjerët që kanë shprehur akuza të ngjashme? Sepse nuk u ka shkuar në mendje? Sepse është më fotozhenike të dalësh në televizion dhe në gazetë dhe të hedhësh shashka si këto? Sepse kanë frikë nga Berisha? Sepse besojnë që gjykata nuk bën dot asgjë, përballë kapjes së shtetit nga PD-ja dhe Berisha vetë?

Natyrisht, një gazetar profesionist do t’ia kishte bërë këtë pyetje menjëherë të intervistuarit tonë: pse nuk e denonconi këtë tradhtar, z. Xhufi? Pse nuk ua jepni në duar organeve të drejtësisë, që këto të bëjnë punën për të cilën ekzistojnë? Ka detyrë më të shenjtë, sesa të mbrosh atdheun nga tradhtitë, veçanërisht kur këto i kryen vetë Kryeministri?

Po bëj edhe unë si shumë pyetje… edhe pse vetë e kam të qartë se kësi deklaratash, të cilat i dëgjon çdo javë, se ky është tradhtar, ky ka shitur vendin, ky ka vrarë, ky ka vjedhur miliona, ky është agjent i serbit, ky tjetri i grekut e kështu me radhë janë më tepër trash talk, broçkulla që boksierët i thonë njëri-tjetrit në vesh, para se të fillojë matçi.

Sikurse e kam të qartë, gjithashtu, se një akuzë për ‘tradhti kombëtare’ drejtuar kryeministrit të vendit nga faqet e një gazete nuk mund të jetë veçse bullshit, ose profkë e klasit të parë; sepse i përket një ligjërimi që kërkon të tërheqë vëmendjen e publikut ndaj ligjëruesit vetë.

Po atëherë pse një njeri i mençur dhe i kënduar si Xhufi pozicionohet në mënyrë të tillë të pambrojtshme?

Ndoshta sepse kjo është e vetmja rrugë, për ligjëruesin politik në Tiranë, që t’i dëgjohet zëri në mes të rrokopujës, sharjeve nga nëna, fjalëve të ndyra dhe pisllëqeve të tjera që janë grumbulluar në hapësirat të diskursit publik të atjeshëm.

Normalisht Xhufi mund të kishte thënë:

regjistrimi i popullsisë sipas përkatësisë etnike dhe fetare mund të shoqërohet me disa rreziqe për integritetin politik, shoqëror dhe moral të Shqipërisë dhe të popullit shqiptar madje vetë sigurinë kombëtare, prandaj e ftoj kryeministrin Berisha dhe specialistët e tij të census-it, që të reflektojnë mirë për pasojat para se t’i futen kësaj ndërmarrjeje.

Asgjë më tepër se kaq. Argumentet që sjell teksti i intervistës mjaftojnë për të krijuar dyshime në lidhje me regjistrimin – sado që unë mendoj se regjistrimi i popullsisë sipas përkatësisë etnike dhe fetare mund të krijojë probleme taktike, por përndryshe nuk përbën asnjë shkelje të së drejtave të njeriut (edhe pse kjo është temë tjetër, e cila nuk duhet të ngatërrohet me temën që po diskutoj unë në këtë shkrim).

Mirëpo çfarë gjuhe përdor i intervistuari?

Flet për “ëndrrën e vjetër greke për marrjen e territoreve shqiptare”, “lëshime të turpshme”, “projekti nacionalist [grek] i tjetërsimit të Shqipërisë së Jugut”, “marrëveshjen për faljen e hapësirës detare”, “shitje të interesave të vendit”, “Shqipëria detyrohet… nën presionin grek”, [po të kryhej regjistrimi dhe të rezultonte pastaj një minoritet i madh grek Shqipëria] “do të detyrohej të paguante me buxhetin e shtetit helenizimin e shqiptarëve të vetë-deklaruar si grekë”, “do të duhej të kishte grek presidentin ose kryeministrin…”, “grekë të thekur të tipit Bollano e Ksera, që janë gati të fshijnë nga harta jo më Jugun, por gjithë Shqipërinë”, “një regjistrim i tillë […] do t’i jepte dorë krejtësisht të lirë qarqeve antishqiptare brenda dhe jashtë Shqipërisë për të mbjellë ndasi, mëri, armiqësi mes vetë shqiptarëve” etj.

Kjo është gjuhë e keqe,  po aq e keqe sa ajo e kryeministrit Berisha, kur përgojon nga foltorja e Kuvendit kreun e opozitës; është gjuha e kujt nuk ka për qëllim të bëjë politikë dhe të zgjidhë probleme duke shërbyer me ekspertizën e tij profesionale dhe përkushtimin qytetar, por përkundrazi, e kujt kërkon të ndërkryejë turmat duke ua ndezur pasionet elementare e duke i futur në panik, nëpërmjet fjalëkodit greku, greku, greku

Ju ftoj ta lexoni me kujdes intervistën e Xhufit, duke kaluar përtej orkestrimit nacionalist; do të gjeni aty argumente të mira, të denja për penën e një historiani të përgatitur mirë; të cilat mund të jenë të diskutueshme, por jo të këqija në vetvete. Për fat të keq, të gjitha këto argumente i dëmton, madje i zhvlerëson retorika, e cila konsiston në variacione naive rreth temës së “tradhtisë kombëtare”, e cila, në thelb, komprometohet në atë masë që akuza përkatëse keqpërdoret, duke u lëshuar dhe artikuluar në një kontekst të papërshtatshëm.

Çështjet e integritetit dhe të sigurisë kombëtare janë tepër të rëndësishme, për t’u përdorur si armë politike në betejat mes opozitës dhe partisë në pushtet. Edhe pse mua vetë rreziqet që përmend Xhufi e që ka përmendur më parë Godoja më duken të ekzagjeruara, ose së paku të shmangshme nëpërmjet një formulimi të përshtatshëm të pyetjeve të pyetësorit, jam gati të pranoj se për këto çështje edhe Xhufi edhe Godoja janë më të informuar se unë dhe të pozicionuar më mirë se unë, për të gjykuar drejt dhe paanshëm. Çfarë nuk pranoj dot, është banalizimi i këtyre çështjeve dhe hedhja e akuzave si trash talk, sepse ashtu, para së gjithash, desensibilizohet opinioni, ose përftohet indiferencë.

Shënim: ju lutem që komentet rreth këtij shkrimi të mos përqendrohen në çështjen e regjistrimit vetë; sepse shkrimi im nuk ka për synim të kontribuojë me ndonjë argument të veçantë në këtë çështje. Kush prej lexuesve dëshiron që ta hapë, në PTF, temën e regjistrimit të popullsisë, le të më dërgojë privatisht një kontribut të vetin, të cilin do ta konsideroj menjëherë për ta nxjerrë si shkrim kryesor.

Nuk ka komente

  1. Me lejoni nji pyetje naive. Pse pranon Xhufi se ka “minoritet grek” ne Shqiperi kur nuk ka statistila te mjaftueshme per t’u shprehur keshtu? Let me refrase that. Nga del se greket, ne qofte se pranojme se ekzistojne ne Shqiperi, jane “minoritet” sipas Xhufit dhe jo, fjala vjen mazhorance? Provokative? Jo deri sa te kemi regjistrim te popullsise (le te kujtojme se regjistrimi me i plote ka qene per here te fundit me 1989).

  2. Xha xha, marrim nje fakt dhe e analizojme; pagesat qe shteti grek u ben grekeve te Shqiperise, te bazuara ne kritere jorigoroze meqe perfshijne sic dihet edhe mjaft shqiptare.
    A hyn kjo tek logjika e fqinjesise se mire ?

    Marrim nje rast hipotetik.
    Shqiperia paguan shqiptaret e Malit te zi duke perfshire me ane te kritereve jorigoroze (te udhehequra nga ideja se malazezet jane shqiptare te sllavizuar) mjaft malazeze.
    A nuk do tregonte ky gjest se Shqiperia ka synime te qarta jo vetem mbi territorin e shtetit malazez te banuar nga shqiptare por edhe mbi territoret sllave te Malit te zi te banuara nga malazezet (ajo pjese e Malit te zi e banuar nga serbet nuk perben logjikisht interes) ?

    Ne rastin hipotetik Shqiperia nuk zbaton logjiken e fqinjesise se mire, keshtu qe ne rastin real ….

    Tani Xhufi flet per Ultimatumin e Micotaqisit dhe 6 pikat e tij, e meqe Xhufi ka qene ne pushtet e di per cfare dokumenti flet (une se kisha degjuar me pare) dhe cfare domethenie ka nje dokument qe synon te fuse hundet ne punet e brendshme te nje shteti.

    Ne kete pike, duke pare vendosmerine zyrtare dhe mundesine reale qe ka ekzekutivi per te permbushur piken e 6 te Ultimatumit te Micotaqisit, krahut kundershtar te kesaj permbushjeje, nuk i ngelet gje tjeter pervecse fuqia parandaluese e opinionit publik.

    Mirepo opinionin publik per ceshtje delikate me karakter mbarekombetar, nuk mund ta kapesh dot me diskurse akademike, domosdoshmerisht do shfrytezosh platformen retorike te politikes, por e rendesishme kur shfrytezon retoriken eshte te thuash gjera qe mbartin vertetesi dhe kjo e Xhufit mban te verteta (te pakten per mua).

    Perballe nje rreziku te madh nuk ka rendesi gjuha, kane rendesi faktet.
    Tradhtia kombetare eshte togfjalesh i rende (te pakten me aq sa kam verejtur ) por mjaft efikas, meqe cdokush stepet (sadopak) perballe nje akuze te tille, por jo per arsye ligjore, por morale dhe nje togfjalesh i tille kerkon ti jape nje goditje te rende integritetit te personit te akuzuar.

    Ne jemi perballe nje dukurie politike me interes te vecante.
    Qeverisja e re e Berishes u perball 2 here me opinionin publik (rasti i martesave te panatyrshme dhe ceshtja kufitare) dhe ne te dyja rastet u terhoq (perkohesisht apo jo, ska rendesi).
    Ne te dyja rastet, mbeshtetja e ulet qe mori nga te tijet dhe terheqja deshmoi per fuqine nderhyrese te opinionit publik.
    Ne kete pike te shohim me kete ceshtje ne opinioni publik do jete me i forte se Berisha apo jo, dhe nese eshte duhet ta pranojme si nje risi mjaft e dobishme qe mundeson presion real ndaj ‘Bllokut’ apo parise se Tiranes.

  3. Ka gjera interesante verdalle;shpall ultimatumin e tij Myftaraj:

    ”””Nëse qeveria shqiptare merr vendim të mbajë regjistrimin e popullsisë mbi baza fetare dhe etnike, atëherë qeveritarët shqiptarë me këtë e kapërcejnë vijën e kuqe, që e ndan sferën legjitime institucionale, brenda së cilës shtetasi është i detyruar t’ i respektojë vendimet dhe veprimet e qeverisë dhe institucioneve të tjera shtetërore. Me regjistrimin e popullsisë mbi baza fetare dhe etnike, qeveritarët hynë në terrenin shetasit e përgjegjshëm legjitimohen t’ i pengojnë ata ta bëjnë këtë gjë, me të gjitha mjetet deri tek armët. Ka një kufi çdo gjë. Në këtë rast është mirë që çdo zyrtar i shtetit shqiptar do të ketë të bëjë në një mënyrë apo në një tjetër me këtë çështje, që nga Genc Pollo, i cili duket se e kam marrë me shumë entusiazëm këtë punë, ta ketë të qartë se ve kokën në rrezik. Unë nuk hezitoj të them se çdo shqiptari që do të më pyesë se ç’ duhet bërë në këtë rast, t’ i them se duhet të gjejë një armë nëse nuk e ka, dhe të jetë gati për ditën e kësaj beteje të madhe për mbrojtjen e kombit dhe të shtetit. Më mirë të vriten 20 apo 200 zyrtarë bastardë, se të shpërbëhet kombi dhe shteti shqiptar.”””

  4. ””’Let me refrase that. Nga del se greket, ne qofte se pranojme se ekzistojne ne Shqiperi, jane “minoritet” sipas Xhufit dhe jo, fjala vjen mazhorance? Provokative? Jo deri sa te kemi regjistrim te popullsise””’

    Nuk te duket se refrazeja nenthote qe lexuesit jane idiote ?
    Provokative? Jo pasha zotin, provokacioni ligjerimues ka domethenie, stimulon mendimin, kjo eshte ofensive ndaj inteligjences duke filluar qe nga kuocienti 71 (70 e poshte fillon idiotesia, te pakten ne cdo vend te Europes).

    Ti ke frike, ty sta mban te hidhesh nga dritarja- eshte nje model propagande qe shqiptaret se hane me prej kohesh.

  5. Gjuha e ashpër nuk është domosdoshmërisht “e keqe”, sikurse pretendon autori. Tek përralla e Borëbardhës me shtatë xhuxhat, pasqyra nuk i kishte faj mbretëreshës së keqe pse e paraqiste atë ashtu siç ishte.
    Pëllumb Xhufi shprehet me guxim qytetar dhe me ashpërsi për disa shqetësime reale dhe shumë delikate në këtë etapë të zhvillimit të vendit.
    Asnjëherë shteti shqiptar, gjatë ekzistencës së vet 98 vjeçare, nuk i ka bërë lëshime të tilla qarqeve shoviniste të diasporës greke dhe atyre ekstremiste të qeverisë greke sikurse ia ka bërë administrata e Berishës.
    Nuk ka pasur ndonjëherë varreza ushtarësh grekë në Shqipëri. Italianët i morën eshtrat e tyre dhe i varrosën në Itali. Përse grekët i duan ato në Shqipëri? Aaa, sepse, sikurse thoshte ish-ministrja Bakojani, na qenka “premtim elektoral”?? Mirëpo Berisha është kryeministër i Shqipërisë dhe përgjigjet për premtimet elektorale para zgjedhësve të vet, dhe jo për të tjerë.
    Të marrim shkollat greke në Korçë e Himarë. Eshtë e vërtetë se shkolla të tilla ka patur gjatë pushtimit otoman të Shqipërisë. Ato synonin shkombëtarizimin dhe helenizimin e popullsisë vendase. Shteti modern shqiptar ka detyrim të nxisë shkollat shqipe në mbarë vendin dhe të ndihmojë sistemin arësimor në Dropull dhe Vurg më politika arësimore që mbrojnë të drejtat kulturore dhe nxisin integrimin e minoriteteve në jetën e vendit, dhe jo të shkombëtarizojë shqiptarët.
    Shembuj të tjerë të “ultimatumit Micotaqis” janë zyrtarizimi që i bëri qeveria Berisha ardhjes së Janullatosit në krye të Kishës Autoqefale Shqiptare, një akt ky i pashembullt në historinë e shtetit modern shqiptar. Apo vendosjen si prefekt të Gjirokastrës të një pjestari të minoritetit grek – çka ka ndodhur vetëm në kohën e famëkeqit “Epir autonom” në 1914, shoqëruar me masakrat dhe krimet e përbindshme të andartëve “vorioepirotë”.
    Po ashtu, regjistrimi i popullsisë sipas parimeve “bizantino-otomane” paraqet probleme reale, dhe Pëllumb Xhufi i analizon ato shumë saktë në intervistën ekskluzive tek Shekulli. Atje Xhufi sjell edhe deklaratën e harruar të Berishës se “Partnerët ndërkombëtarë na kanë këshilluar ndryshe, megjithatë unë kam dhënë fjalën e do ta bëj regjistrimin e popullsisë me përcaktim të kombësisë e të fesë, kjo është vendosur”(!)
    Kjo deklaratë është shumë problematike. Kujt ia ka dhënë fjalën Berisha? Kush e paska vendosur këtë? A i shërben Kryeministri i Shqipërisë interesave të shtetasve të tij dhe a përgjigjet ai para tyre, apo si është puna?
    Nëse këto veprime qëndrime të Berishës [6 të tilla plus marrëveshjen detare] janë apo jo tradhëti, gjithsecili mund ta gjykojë vetë dhe nuk ka pse të anatemohet Pëllumb Xhufi që e shpreh mendimin e vet haptazi. Duke u kthyer tek analogjia me Borëbardhën, nuk ka kuptim të thyhet pasqyra; mbretëresha e keqe mbetet e tillë pavarësisht prej pasqyrës.
    Po ashtu, argument i autorit se Xhufi apo të tjerë duhet t’i drejtohen gjykatës nuk qëndron, për arësyen e thjeshtë – për të përmendur vetëm një – se me ndjekjen penale merret prokuroria.
    Së fundi, pa dashur ta quaj si shembull të “gjuhës së keqe”, karakterizimi që autori i bën Pëllumb Xhufit si “historian mesjetar” as nuk qëndron, dhe as nuk është i denjë për vetë autorin.

    1. Maks shkruan:

      Gjuha e ashpër nuk është domosdoshmërisht “e keqe”, sikurse pretendon autori. Tek përralla e Borëbardhës me shtatë xhuxhat, pasqyra nuk i kishte faj mbretëreshës së keqe pse e paraqiste atë ashtu siç ishte.

      E quajta gjuhë të keqe, sepse është gjuhë që nuk i shërben komunikimit, por denigrimit; dhe drejtpërdrejt politikës në stilin e vjetër, si të ishte pamflet bolshevik, i stilit leninist. Unë këtë gjuhë edhe në një pretencë prokurori nuk di a do ta përballoja dot.

      Prandaj thashë se Xhufi duhet ta kishte moderuar gjuhën në intervistë dhe t’i ishte drejtuar gjykatës për zgjidhje të çështjes (nëse Berisha ka kryer apo jo krimin e tradhtisë kombëtare).

      Maks:

      Nëse këto veprime qëndrime të Berishës [6 të tilla plus marrëveshjen detare] janë apo jo tradhëti, gjithsecili mund ta gjykojë vetë dhe nuk ka pse të anatemohet Pëllumb Xhufi që e shpreh mendimin e vet haptazi. Duke u kthyer tek analogjia me Borëbardhën, nuk ka kuptim të thyhet pasqyra; mbretëresha e keqe mbetet e tillë pavarësisht prej pasqyrës.

      Jo, unë nuk besoj se ‘gjithsecili’ mund të gjykojë vetë nëse ka tradhtuar kryeministri shqiptar apo jo. Kjo çështje është tepër serioze për t’ia lënë gjithsecilit në dorë – për këtë punë bota e qytetëruar përdor gjykatat, të cilat i kanë instrumentet dhe njerëzit e përshtatshëm për të gjykuar.

      Xhufin nuk e anatemoi kush – madje edhe kjo shprehje e jotja këtu është e keqe; po aq e keqe sa edhe analogjia që bën me Borëbardhën, meqë këtu flasim për komunikim dhe të dy skajet e komunikimit janë reale. E kotë të përsërit se shqetësimi im në shkrimin më lart ka të bëjë me mënyrën si komunikohet politikisht në Tiranë – sa për akuzën për tradhti kombëtare, në atë masë që ajo nuk bëhet nëpërmjet kanaleve të përshtatshme, për mua nuk është veçse një shashkë, ose një batare me fishekë manovre.

      Po ashtu, argument i autorit se Xhufi apo të tjerë duhet t’i drejtohen gjykatës nuk qëndron, për arësyen e thjeshtë – për të përmendur vetëm një – se me ndjekjen penale merret prokuroria.

      Kjo “arësye e thjeshtë” e jotja këtu, Maks, më kujtoi një korrigjim të një mësuesi gjerman dikur: “Tragjedinë ‘Hamleti’ nuk e ka shkruar Shekspiri, por një burrë i quajtur Shekspir.”

      Në fakt, pavarësisht nga përshtypja që mund të jetë krijuar, unë e di që me ndjekjen penale merret prokuroria; por nëse dikush ka tradhtuar apo jo, këtë e vendos gjykata – prokuroria nuk vendos asgjë. Prandaj kur thashë ‘duhet t’i drejtohet gjykatës’ kisha më tepër parasysh forumin që i jep zgjidhje kësaj akuze, jo organin që e ndjek.

      Së fundi, pa dashur ta quaj si shembull të “gjuhës së keqe”, karakterizimi që autori i bën Pëllumb Xhufit si “historian mesjetar” as nuk qëndron, dhe as nuk është i denjë për vetë autorin.

      Këtë nuk e kuptoj mirë… si duhej ta kisha quajtur? Veprat e historianit Xhufi me Mesjetën merren. Kam frikë se e ke keqkuptuar ti – mbiemri ‘mesjetar’ aty është përshkrues, jo gjykues.

      1. o XHA XHA, ketu eshte puna, tek pasqyra e borebardhes. Mbase pasqyra nuk eshte Xhufi me retoriken e tij nacionalkomuniste, por vete regjistrimi i popullsise, qe me shifra e fakte, do te na e bertase ne fytyre gjakun e paster pellazgjiko-shqiptar. Pooor, ndoshta e njejta pasqyre do te na thote te mos kemi frike se minoritet tona jane teper te vogla per te qene kercenues. Ama ka ardhur koha te dijme se sa boshnjake, serbe, malazeze, gorane, egjiptiane, rome, maqedonas, bullgare e greke kemi ne perberjen e popullsise. Etniciteti eshte nje tip identiteti kulturor, e si i tille eshte ceshtje zgjedhjeje, na pelqen ne apo jo. E megjithate, Xhufi ne vend se te akuzoje per tradheti (duke e nxjerre veten per pasoje si mesia shpetimtar i kombit), le te thote se cili eshte koncepti i tij i etnicitetit, e le te mblidhen ekspertet e te percaktojne kriteret e regjistrimit. Kaq.

        1. Etniciteti eshte nje tip identiteti kulturor, e si i tille eshte ceshtje zgjedhjeje

          Dmth mund te me japesh nje ekuacion qe shpjegon zgjedhjen, sic bejne rendom ‘behavioral economists’, qe desh na bene hatane me assumptions tip ‘gjithe njerezit jane te arsyeshem’? Te ftoj te rikonsiderosh kete besim tendin. Plus qe me duket po ngaterron ‘zgjedhjen’ me ‘zgjidhjen’ ne kete pohim fantazmagorik tendin. Sidoqofte, ke shume shoqeri nder departmentet e sociologjise(ndonese mua me duket qe ata asnjehere nuk perdorin termin ‘zgjedhje’ po thjesht ‘fluiditet’)

          1. I dashur arnaut,
            ketu eshte problemi, qe disa terma te cilat i perdorin ekonomistet, ne ua ngjisim atyre si te kishin pronesi mbi cdo kuptim tjeter te mundshem. Keshtu me termin zgjedhje, nuk kisha aspak ndermend kuptimin ekonomik te saj (njeriu, per shkak te deshirave te pakufizuara dhe resurseve te kufizuara, eshte i detyruar te zgjedhe, per te maksimizuar kenaqjen e deshirave te tij – aksioma e ekonomiksit tipik neoliberal, miti i njeriut ekonomik). Perdorimi i fjales zgjedhje kur behet fjale per zgjedhjet politike, nuk eshte si ai ekonomik, edhe pse mund te kete ngjashmeri.
            Une kam takuar njerez, prinderit e te cileve kane folur vetem maqedonisht ose bullgarisht (edhe kjo ceshtje zgjedhjeje eshte – A jane maqedonet bullgare valle? Ata thone se jo dhe te gjithe duhet ta respektojne kete, ky konflikt ka per t’u pasqyruar edhe gjate regjistrimit tone). Por keta njerez me te cilet kam folur, me jane shprehur se ndjehen tamam shqiptare, dhe qe sinqerisht nese do te vinte puna per te regjistruar etnine, do t’u vinte shume keq e vetem pse prinderit e tye kane qene konsideruar maqedonas, ata te vazhdojne te quhen maqedonas. Pervec nje ndjenje pozitive qe ata kishin per maqedonasit, nuk ndjenin asnje lloj atashimi identitar ndaj tyre. Ketu kemi te bejme tamam me ceshtje zgjedhjeje, nje zgjedhje qe bazohet ne elementin me te rendesishem te etnicitetit, qe eshte veteidentifikimi. Personat ne fjale nuk behet fjale te kene deshira te cuditshme per tu shpallur italiane e amerikane, por ne momentin qe ata ndjehen realisht shqiptare, pse ne duhet t’ua mohojme kete?
            Mund te kete njerez te komunitetit egjiptian, qe nuk do te duan te regjistrohen si te tille, por si shqiptare. Atehere pse jo? Apo sepse etnia ka te beje me gjakun e adn? Te jemi pak serioze, keto nuk qendrojne me ne asnje teori shkencore sociologjike, filozofike, antropologjike e historike. Fenomeni i akulturimit nuk eshte i njohur sot nga shkenca, dhe fjala akulturim do te thote pikerisht kete, qe etniciteti eshte identitet kulturor i ndryshueshem. Dhe dakord jam edhe me fluiditetin, lengshmerine, etj. Perdoret shume dhe termi negotiation of one’s identity, po jam kunder ketij, pikerisht se me kujton economic man.
            Te lutem, perpiqu t’i evitosh fjalet e tipit fantazmagorik. flm

            1. Shume mire. Athere, c’i duhet shtetit te kuantifikoje krizen ekzistenciale te nje katundari nga Liqenasi? Ose me sakte, pse e mbeshtet ti kete levizje te administrates Berisha?

              1. Sepse ka ardhur aty ku nuk mban me me abuzime mediatike, qe fantazojne shifra bazuar ne regjistrimet e Zogut, para 80 vjetesh. Une them ate qe thone edhe shume te tjere ketu, qe te jemi serioze e te kujdesshem me hartimin e pyetesoreve dhe me perpunimin e te dhenave.

  6. Është gjuhë e keqe, gjuhë e rëndë kjo e Xhufit, por ka argument politik shumë të qëndrueshëm brenda.

    Është gjuhë emotive, përpiqet të ndezë gjakrat, të trazojë ujrat, dhe po, është mënyra mbase e vetme që Xhufit t’i dëgjohen argumentat.

    Megjithatë trajta argumentuese brenda kësaj gjuhe është shumë më lart dhe larg gjuhës së kundërshtarit me epitetet “ti je i tredhur”, “motra jote në motele”, “me vrimë”, etj etj.

    Kjo duhet të dallohet.

    Dhe duhet të dallohet në këtë prizëm: Gjuha e përdorur e Berishës në rastet më lart, tek pjesa e parë e artikullit “Gjuhë e keqe” ISHTE vetë problemi.

    Këtu, problemi i madh është TJETËR. Ndërsa gjuha e Xhufit, është problem dytësor.

    Për të dalluar këtë gjë, po sjell edhe intervistën e Godos këtu: //www.youtube.com/watch?v=JrMiC8Vmlx0

    Do të shikoni se përmban të njëjtat argumente me Xhufin, të njëjtën frikë, të njëjtët komponentë, të njëjtat rreziqe, vetëm i shpreh ato më butë.

    Sa larg është kjo shprehje e Godos: “(rregjistrimi) Rrjedhimisht, kërcënon drejtpërdrejt tërësinë tokësore të shtetit shqiptar” Nga pjesët e theksuara me bold të Xhufit?

    Xhufi nga ana tjetër, nuk mund të drejtohet në gjykatë, sepse kjo nismë e regjistrimit të popullsisë nuk është antiligjore, as antikushtetuese, po kjo se bën regjistrimin të mos shndërrohet kundër interesave kombëtare dhe kohezionit social. Këtu ka një kleçkë të madhe… ndodhemi tani pas 20 vjetësh tranzicion në një pozitë të tillë ku të trëmbemi sesi shtetasit shqiptarë do të deklarojnë tjetër kombësi nga çfarë realisht kanë. Është shumë i vërtetë shqetësimi. Qëndron realisht, Xhaxha.

    1. Jam shumë dakord me ty, J.; shqetësimi është i drejtë (unë vetë kam shkruar disa herë për këtë rrezik, madje vite më parë). Por mua më shqetëson edhe fakti që, një shqetësim i drejtë, kur ngrihet keq dhe me gjuhë të keqe, rrezikon të përfundojë si pjesë e arsenalit të cic-miceve politike në Tiranë. Me fjalë të tjera, unë dua të përcjell idenë se gjuha që kanë zgjedhur për të komunikuar njerëz si Xhufi, të cilët kanë se çfarë të thonë, ua dëmton mesazhin, ose qëllimin e mesazhit që kërkojnë të kalojnë.

      Prandaj kundërshtarët e këtij regjistrimi, në mënyrën si do të bëhet, mund të kishin kërkuar një komision ekspertësh, që të vendoste për pyetësorin. Ka shumë mënyra si mund të hartohen pyetjet, në varësi edhe të problemeve që parashikohen të dalin. Nëse problemi është vërtet se shumë shqiptarë mund të deklarohen grekë vetëm e vetëm për të përfituar diçka (siç e formulojnë kundërshtarët më të zëshëm të regjistrimit), atëherë të gjendet një mënyrë për ta kapërcyer këtë problem. Gjithashtu, qeverisë mund t’i kërkohej që ta përgatiste regjistrimin, por të kërkonte ngrirjen e tij, derisa Shqipëria të pranohej në Bashkimin Europian; ose të paktën derisa të hiqeshin vizat për qytetarët shqiptarë. Ose, para se të kryhej regjistrimi, të kërkoheshin të dhëna nga institucionet fetare anembanë, në lidhje me numrin e besimtarëve; pastaj këto të dhëna t’i nënshtroheshin diskutimit publik. Ose, të botoheshin të dhëna konkrete për ata qytetarë shqiptarë që marrin pensione nga shteti grek ose nga diaspora greke… Por unë nuk dua ta diskutoj këtë çështje, sepse deri tani, në mediat e Tiranës, kam parë 99% retorikë dhe 1% përmbajtje informative për çështjen.

      Rëndësi, për mua, ka që të kapërcehet sa më shpejt fryma e konfrontimit ekstrem; sepse kjo frymë ia dëmton fatet Shqipërisë më shumë se njëqind qarqe shoviniste greke të mbledhura bashkë. Nëse sot Shqipëria është vrima e fundit e kavallit në Europë, për këtë e kanë fajin para së gjithash paritë politike, të cilat nuk kanë gjetur dot gjuhë të përbashkët, por u kanë dhënë përparësi interesave të tyre të ngushta.

      1. Sigurisht që të gjitha ato masa që përmendni, mund të aplikohen. Po për këtë nuk lë shumë rrugë deklarata e Berishës kur thotë se “në kundërshtim me propozimet e ndërkombëtarëve unë do të realizoj regjistrimin”.

        Në rast se do të kishte problem të rëndësishëm, të denjë për debat shumëpalësh (ndërpartiak, mbi partiak, ekspertësh etj) do të ishte pikërisht kjo temë e regjistrimit. Unë deklaratën e kreut të ekzekutivit e shikoj edhe si përjashtuese për debat. Nuk e di nëse ju duket njësoj?

        Bie shumë dakort me paragrafin e fundit tuaj, madje problemi në fjalë ekziston pikërisht për shkak të papërgjegjshmërisë të gjithë klasës politike shqiptare gjatë këtyre viteve. Për mua, regjistrimi duhej bërë me kohë, përpara se të fillonte loja e ndërrimit të kombësisë. Dhe arsyeja pse nuk është bërë, sipas meje është se kjo klasë politike nuk ka qënë e interesuar për transparencë, për shifra të hapura dhe të drejta. Ndryshe nuk do mund të bëheshin as manipulime zgjedhjesh, as manipulime të politikave sociale (që kanë të bëjnë me regjistrimin e papunësisë, të ardhurave etj etj). Dhe të gjitha këto nuk janë bërë, sepse kështu mund të përfitohej më lehtë.

        Kjo që po ndodh nuk është gjë tjetër veç çmimi i papërgjegjshmërisë që tani po na duhet të paguajmë të gjithë.

        Për mendimin tim gjithashtu, qoftë ky në një farë mënyre politik, nuk besoj se elita e tanishme mund të ndërrojë qëndrim, elita duhet të ndërrohet.
        Sa e mundur është që të njëjtët njerëz që e kanë çuar dialogun deri në këtë pikë kaq të ulët, të munden më pas të ndryshojnë qëndrim pa marrë parasysh koston politike të këtij ndryshimi? Madje madje, guxoj të them se kjo lloj gjuhe është ganxha e fundit, e detyrueshme për të mbajtur me dhëmbë pushtetin. Në rast se nuk do ta shikonin veten të rrezikuar kaq shumë, nuk do përdornin këtë gjuhë.

  7. Ti atehere nuk e lexon te gjithe medien ose nuk e lexon ate ne vijimesi.
    Ky Xhufi ka se cfare te thote – thote ketu dikush. Une mund te them me bindje se vetem ne politike ky njeri nuk ka se cfare te thote. Ato cfare ai argumenton ketu ne kete interviste, i ka bindje te vetat dhe nuk synon te ngreje gjakra, pasi i jane ngritur vete.
    E zeme se kapercehet ky problem – shtyhet regjistrimi i popullsise per me vone. Keta te 400 mije qe kane ndryshuar te gjitha gjeneralitetet cfare jane dhe cfare do jene me vone ? Kjo eshte logjike lypesi; te presim ne sa te hyjme ne BE se aty na e shpeton bythen Evropa.
    Ketu eshte mire te kujtojne te gjithe se Regjistrimi eshte vetem pasoje dhe nuk duhet pare si shkak; 400 mije jane shqiptare ose vllehe qe nuk duan me te shfaqen si shqiptare ose si vllehe. NUK DUAN. NUK DUAN, duan vetem leke dhe dokumente.
    E dyta; ky Xhufi qe eshte i kenduar, duhet te na thote nje zgjidhje per problemin e Himares, sepse aty do zhvillohet skeci me interesant. Sepse aty rreh edhe synimi i supozuar, se nuk do ngrihen nga Athina e te kerkojne Tepelenen a derebardhe.

    1. Në të vërtetë, Xhufi është historian i kompletuar, i specializuar në historinë e mesjetës dhe veçanërisht të Bizantit; gjithashtu me eksperiencë në diplomaci, meqë ka qenë zv. ministër i Jashtëm dhe ambasador për një kohë relativisht të gjatë në Itali – prandaj duhet besuar se e njeh edhe të drejtën ndërkombëtare. Prandaj problemi këtu nuk është se Xhufi nuk ka çfarë të thotë; por se ato që Xhufi i thotë mirë, mbyten në retorikën pamfletiste leniniste, të asgjësimit verbal të kundërshtarit.

      Sa për regjistrimin vetë, mua më duket e kotë që të diskutojmë këtu, meqë më duket se informacioni mungon. Por në parim, meqë Shqipëria gjendet në një situatë delikate, ose ende jashtë Europës dhe privilegjeve përkatëse edhe pse e rrethuar nga vende ku jetohet më mirë dhe më lehtë se në Shqipëri (ndoshta me përjashtim të Kosovës), atëherë kanë pa dyshim të drejtë të gjithë ata që shqetësohen se, në këto rrethana, të gjithë ata qytetarë shqiptarë me identitete etnike dhe kulturore kufitare (p.sh. vllehët) mund të vendosin të ndërrojnë identitet, për arsye praktike.

      1. Thua :

        “atëherë kanë pa dyshim të drejtë të gjithë ata që shqetësohen se, në këto rrethana, të gjithë ata qytetarë shqiptarë me identitete etnike dhe kulturore kufitare (p.sh. vllehët) mund të vendosin të ndërrojnë identitet, për arsye praktike”

        Vllehet jane nje pike ne raport me Vorio Epirotet fringo nga Skrapari, Berati, Tepelena, por edhe Puka, Lezha etj. Nje shifer zyrtare: deri me tani emigrante shqiptare qe kane marre kartat e homogjenit, pra jane Vorio Epirote jane 150 mije. Na iku Atdheu nga shalet.

        Per t’u perqendruar te tema juaj qe lidhet me ate sesi Xhufi e komunikon shqetesimin e tij. Une mendoj se ashtu si e sheh ai problemin, sepse ai ne raport me greket eshte gati patologjik, nuk e ka keq. Si kanal mediatik shfrytezon Shekullin, pararojen e PS dhe organin mediatik qe lexohet nga kategori te tilla si ish-ushtaraket, pensionisto – veteranet et. Pra ketu synimi ka nje qitje politike qe i intereson edhe dikujt tjeter, pavaresisht se jam 2mld % i bindur se edhe kesaj radhe do deshtoje ai. Pra duhet te sqarohemi se Xhufi nuk i bie kembanes per ty, por per dike tjeter. A eshte kjo nje gjuhe e keqe ? Per mua fare, aq me shume qe ai eshte i sinqerte.
        Ne vitet 99-2000 mos gaboj, eshte botuar Atlasi i Popullsise me udheheqes Arqile Berxholin. Fitoi cmim ne Potsdam te Gjermanise si nje nga punimet me te mira (sa per te plotesuar retoriken e gazetarit). Iu versulen Arqilese, cfare nuk i keputen asokohe.
        Sipas ketyre te dhenave ne Shqiperi ekzistojne 91 fshatra te minoritetit grek, me regjistrim te bazuar ne pyetje te lira. E dhena mbi etnine vertet i lihet shtetasit, por sikurse thuhet ajo eshte Ceshtje e Faktit. Dua te them kur nje organ shteteror ngre studime me shifra konkrete dhe ato shperfillen, atehere kush e ka fajin per kete zhurme qe sepse nis keshtu nga hici. Pse ka rendesi kjo qe theksoj une tani ?
        Sepse qe prej vitit 2000 eshte kerkuar ky regjistrim mbi keto baza dhe kritere. Nje hap i pare u be me amendimin e ligjit mbi Gjendjen Civile, iniciuar nga dyshja minoritare por me perkatesi politike ne PS, Tavo – Cipa. Keta kerkuan shenimin per fene dhe etnine ne regjistra. Pra asnje krah i politikes nuk kapet ne befasi ketu. Thjesht kjo loje nuk shtyhet dot me tutje.
        Ti thua se ata kane te drejte te shqetesohen per ate qe mund te ndodhe.
        Une them : na plasi trapi se shqetesohet politika. Ku ishin keta kur njerezit iknin malit, apo me gomone, kur prisnin si idiote te poshteruar radheve neper ambasada dhe konsullata ? Ku ishin keta kur shqiptaret e bere tanime greke i rrasnin neper qeli apo u benin eksperimente cinike ne kufi ? Por me thjeshte fare; une kam lindur dhe jam rritur ne nje qytet kufitar qe eshte ndertuar me te ardhur mbi konceptin e pastertise ne biografi. Sa here shkoj aty degjoj se nje shumice jane gati te nderrojne pasaporte, pa asnje siklet. Dhe nuk eshte nje qytet me probleme ekonomike. Si ta shpjegojme kete ?
        Nga ana tjeter si jane bere keta njerez keshtu valle ?
        E thjeshte; shkon ne GjC dhe kerkon certifikate me emer te ndryshuar plotesisht, apo e kerkon kete me vendim te Bashkise. Mandej me ca leke apo me ndonje firme kryeplaku merr nje kombesi tjeter, ndryshim i cili serish ESHTE VULOSUR NGA SHTETI YNE. Mandej greku ka vazhduar me te veten. Pra Athina legalizon punen e nisur ne Shqiperi. Prandaj Let it be or ti tha let it be.

        Me i sinqerte eshte Shpetim Idrizi. Tha dje te Klani: “Une per 3 muaj i regjistroj camet e mi”.

        E marrim se asgje nga keto nuk ndodh. Si do zgjidhet problemi i Himares, per te cilen qe ne vitin 2004, Papandreu asokohe funksionar i larte ne organizmat e BE deklaroi se : “Eshte e qarte se ne Himare ka nje pakice te qendrueshme dhe te identifikueshme greke”. Pra ne kete drejtim eshte hedhur nje hap politik dhe jo ndonje shellire qarqesh gjithfaresh qe enderrojne kot me se koti. Dua te them; shko kur te duash ti ne Himare edhe pas 5 vjetesh, pyeti dhe te shohesh si dalin shifrat.

        Se fundi une e kuptoj shume mire te gjithe shqetesimin. Por ky qendrim eshte nje mjerim i vertet. Do paguajme te gjithe nje dite per zullumet dhe mendjelehtesine. Nese identiteti qenka variabel i privilegjit apo i burses se momentit, atehere nuk shoh probleme te verteta. Ky lloj individi nuk eshte i lidhur asnjehere me asnje gje, pervecse xhepit.

        Xhufi nuk ka se cfare te thote o Zoteri ne politike, sepse nuk parashtron alternativa, por konstaton me gjak te ngrire gjemen qe na kapi more vellezer mor amani.
        Ah se harrova; para nje muaji agjencite bullgare njoftonin se priten 50 mije aplikime nga Shqiperia per pasaporte. A erdhem me pushtuesit ne ketu, ashtu edhe po ikim.

    2. Me bindje mund të thuash gjithçka. Madje ka politikanë që shumë vjet po “bindin” një pjesë goxha të mirë shqiptarësh.

      Puna është të argumentosh.

      Situata ku ndodhemi tani si shtet, me thënë të drejtën, më bën edhe mua pesimist. Madje jo vetëm situata por edhe dinamika e saj; dmth drita e ndryshimit në fund të tunelit, duket e largët.

      Për mendimin tim, ajo çka është vonuar të kuptojë elita e tanishme, qëndron në faktin se përballë fqinjëve jemi në konkurrencë të drejtpërdrejtë si formacion politik shtetëror. Këtë konkurencë e kemi humbur dhe po e humbim. Normalisht shteti shqiptar do të duhej që të interesohej më shumë për politikat sociale të shtetasve të vet, duke e pasur detyrë kryesore tu sigurojë atyre nivelin minimal të mirëqënies, stabilitetit politik dhe sigurisë. Përderisa ka dështuar në këtë aspekt, regjistrimi është vërtet pasojë dhe jo shkak. Gjithsesi nuk është pasojë fatale (dua të besoj).

      400.000 njerëz, janë një kapital i paçmueshëm, sipas Marksit, kapitali më i çmuar është njeriu. Këta, nuk humbasin vetëm nëpërmjet ndryshimit të gjeneraliteteve. Përmes politikave të duhura, mund “të kthehen pas” nëse situata ekonomiko-politike i favorizon ta bëjnë një gjë të tillë. (E kundërta i bëri të ikin). Në rast se një emigranti i ofroheshin kushte më të mira për të investuar në vend, lehtësoheshin procedurat, minimalizohej burokracia dhe korrupsioni, atëherë do të kishte kthim.
      Unë parashikoj në të ardhmen se midis dy shteteve do të ketë “luftë” politikash fiskale për kushte favorizuese për biznesin. Sepse, pas këtij eksodi (unë e quaj fakt të kryer tashmë, qeveria shqiptare nuk është palë, sepse ndodhet përpara faktit të kryer, megjithatë mund të minimizojë fenomenin), pyetja e madhe që do shtrohet është: Cilit shteti do i paguajnë këta njerëz taksat e tyre? Cilit shteti do i mbushin arkat? Tek cili shtet do kontribojnë më shumë? Kjo dilemë e së ardhmes nuk duhet anashkaluar.

      Ajo vërtet mund të quhet lypje, po të drejtën për ta quajtur të tillë nuk e ka Greqia, e cila, tamam sot e dëgjova si lajm: mori një borxh qindramilionë eurosh prej Evropës, për të përballuar gjendjen e keqe ekonomike të vendit. Madje shumë projekte të mëdha në Greqi, janë ndërtuar me financimet e Evropës.

      Me shaka mandej, mund të themi se hyrja në Evropë do të na bënte lypës me liçencë…

      Nga ana tjetër, kjo situatë nuk duhet parë kaq ngushtë, sepse nuk është kuptuar që kërkesa e regjistrimit vjen nga jashtë, si kusht që duhet kryer. Normalisht, sinqeriteti, guximi dhe drejtësia e politikanëve do të reflektonte edhe një rrugë të ndryshme nga ajo e së ardhmes evropiane. Mirëpo reklamimi i flamujve, retorikës dhe karameles evropiane, prej të njëjtëve poltikanë, nuk ua bën atyre të mundur një gjë të tillë.

      Unë nuk besoj se Athina kërkon Himarën si të tillë. Athina kërkon tregje për tu hapur. Në rast se tregun do e gjejë në Tepelenë, një filial banke, do ta hapë edhe aty.

  8. [T]ë gjithë ata qytetarë shqiptarë me identitete etnike dhe kulturore kufitare (p.sh. vllehët) mund të vendosin të ndërrojnë identitet, për arsye praktike.

    Për hir të argumentit le të themi se bëhet kështu. Pra se vllehët deklarohen grekë gjatë regjistrimit. Nga rezulton se këta do kenë ndonjë përfitim nga qeveria greke pastaj? Regjistrimi është anonim, dhe nuk të pajis me ndonjë dëftesë ku të thuhet se ti filani deklarove se je grek, dhe sigurisht nuk mund të zëvëndësojë dokumentat nga gjendja civile.

    1. …”While the census provides a useful way of obtaining statistical information about a population, such information can sometimes lead to abuses, political or otherwise, made possible by the linking of individuals’ identities to anonymous census data.[3] This consideration is particularly important when individuals’ census responses are made available in microdata form, but even aggregate-level data can result in privacy breaches when dealing with small areas and/or rare subpopulations…”

      … ndersa censusi ofron nje menyre te dobishme per te marre te dhena statistikore mbi nje popullsi, te dhena te tilla ndodh qe mund te cojne ne abuzime, politike ose te tjera, te cilat behen te mundeshme duke lidhur identitetet e individeve me te dhenat anonime te censusit. Kjo konsiderate eshte vecanerisht e rendesishme kur pergjigjet individuale te censusit ofrohen ne nje format “microdata”, por edhe te dhenat ne format agregat mund te resultojne ne shkelje te te drejtave personale, kur ato kane te bejne me zona te vogla dhe/ose me nen grupe te rralla te popullsise…

      Duke ditur si behen punet ne Shqiperi, shqetesimi se formati i perdorur per te bere censusin (“Cesar + Pape” – tks to Qafir’s definition) mund te perdoret vecse per keq e per asgje tjeter, mua me duket me vend.

  9. Xhufi eshte rasti tipik i nje fenomeni te njohur: nuk eshte e thene qe nje profesionist i mire te jete edhe politikan i mire. Kur ndodhi akti me interesant ne ecurine 20 vjetare politike shqiptare, pra bashkepunimi PD-LSI, pra kur filluan shenja te nje politike me pak konfliktuale dhe kur u pranua per here te pare qe nje force politike te ndaje pushtetin (me hir a pahir) i fundit qe nuk e kuptoi dhe qe u terbua nga marazi ishte Xhufi. Edhe aty ai foli per tradheti te …. idealeve te Lsi.
    Nuk e themi si ane negative, ose nuk eshte kjo qe e ben negativ aktin politik te Xhufit, por ai e urren Berishen si ai demi qe i nxjerrin nje beze te kuqe perpara. Kjo eshte puna e tij por puna e elektoratit eshte ta nxjerre nga politika e te shkoje e te gjeje tradhetare ne arkivat e shtetit. Politika kerkon te ngrihesh mbi marazin tend personal dhe te shohesh interesin e vendit. Xhufi nuk eshte i afte per nje gje te tille. ai do qe interesi vendit (pra rritja e frikes se elektoratit se ketu ka tradheti o burra) ti shebeje Xhufit te mbetet i pranishem ne faqet e shtypit, tani qe ka vetedale nga politika.

  10. Për hir të argumentit le të themi se bëhet kështu. Pra se vllehët deklarohen grekë gjatë regjistrimit. Nga rezulton se këta do kenë ndonjë përfitim nga qeveria greke pastaj?

    Qeveria Greke po ballafaqohet me nje deficit buxhetor qe mendohet te jete 15%, me nje borxh total qe kalon prodhimin e brendshem, dhe me mundesi reale qe te dale nga Eurozona (vendet qe perdorin Euron). Besoj se do ti duhet ti ktheje ata 150,000 ‘epirote’ me karte nga kane ardhur. Pra ceshtja nuk eshte c’perfiton kanditati per Grek, por c’perfiton ekonomia Greke. Nuk eshte hera pare qe faturat politikave ekonomike te Greqise i shlyen Shqiperia.

    P.S. Meqe po flasim per gjuhen, a ka mundesi te mos cilesohet Republika e Shqiperise si ‘shteti shqiptar’?

  11. Qe thua ti qafir, meqe jemi tek gjuha do ishte mire qe qytetaret e Shqiperise te dalloheshin ne shqiptare dhe shqiperitare, ku qytetar shqiptar eshte ai me kombesi shqiptare ndersa shqiperi-tar eshte nenshtetasi i Shqiperise, i cili mund te jete me kombesi shqiptare ose jo.

    Se eshte krejt jashte logjike qe te quhet qytetar shqiptar nje grek, meqe ai eshte qytetar i Shqiperise por jo shqiptar, dmth te qenit qytetar i Shqiperise varet nga koncepti ‘Shqiperi’ dhe jo nga shqip, prej te ciles vjen shqiptar.

    Do ishte mire te thuhej se J. eshte edhe shqiptar (kombesi) edhe shqiperitar (nenshtetas), kurse Tanhauser eshte vetem shqiperitar (nenshtetas).

    Te pakten ne debate specifike, mos te biem ne absurditete te tilla, si edhe J. edhe Tannhauser jane shqiptare meqe nenshtetas te Shqiperise.

    Te jesh nenshtetas i Shqiperise nuk te ben shqiptar, te ben shqiperi-tar.
    Nderkaq, shteti i Shqiperise patjeter eshte shtet shqiptar sepse eshte shteti i shqiptareve,i dashur me force prej shqiptareve dhe i realizuar prej shqiptareve, pastaj ky shtet kujdeset edhe per joshqiptaret te cilet aksidentet historike i sollen mes shqiptareve.

    Gjithsesi kjo pune sido qe te veje, nuk e perjashton faktin qe heret a vone me greket do shihemi jashte mjediseve te dialogut.

    1. Edhe shipetaret e Jugut, apo nje pjese te tij, qe sot preferojne pasaporten greke, shume mire mund te quhen jo si Greke, por Helene. Pra nje rrafsh kulturo me perfshires, qe e klasifikon si dytesore etnine. Pra nje person nga Bregu kulturalisht eshte me afer me nje nga Shqiperia e Mesme, apo me nje nga Korfuzi ? Pra nese nuk ka greqizim te stimuluar permes regjistrimit, atehere ka Helenizim qe eshte me i pranueshem dhe me i dashur per shumekend.
      Pastaj le te quaje si te dije Xhufi, tradhetare apo dicka tjeter. Eshte i qete njeriu po qe se i rastis te mos kete asnje ngjashmeri me kete person.

      1. Minoritaret greke me origjine ne Shqiperi, nje pjese e madhe e te cileve u zhvendos ne Greqi gjate viteve ’90, edhe mbas 15-20 vjetesh akoma nuk kane marrre shtetesine greke.
        Per marrjen e saj autoritetet greke kerkojne nje numer dokumentash mbeshtetese te leshuara nga shteti shqiptar.
        Lehtesia e te paguarit te pensioneve per ata minoritar greke qe jetojne ne Shqiperi, nuk perputhet me procesin shume te ngadalte burokratik per dhenien e shtetesise.

        1. Po e di ti legjenden mo qe thuret pas kesaj zvarritjeje? Ta thom une qe te mos dukemi leshko ne ketu.
          Peshperitet prej kohesh se minoritareve nuk u jepet nenshtetesia, sepse ata duhet te rrine aty ku jane, ne Shqiperi dhe jo te ikin, se pastaj c’u kuptua. Pra i duhen Atdheut ketu ku jane.
          Puna eshte se ne shqiptaret jemi me te djallezuar nga djallezia, ca pocaqi te felliqura qe mendojme se keshtu do ja hedhim gjithmone ne politike.
          Diksutohet tani per regjistrimin dhe dalin ne media dhe shprehen keshtu keta si puna e Xhufit qe jane te lecitur dhe te kenduar. Dhe te tille duhet te jene se kur i njeh personalisht njerezit edhe ke ndonje detyrim per te thene ndonje fjale te mire. Pra shprehen pak a shume keshtu:

          Te mos behet regjistrimi sepse SHUME SHQIPTARE PER SHKAK TE KUSHTEVE TE VESHTIRA MUND TE DEKLAROHEN GREKE.
          Dhe pastaj: Me kete mase GREQIA KERKON TE VERE NE ZBATIM SYNIMET E SAJ.

          Po mire se ketu eshte te ulerasesh sa te pelcasin bulcite: Ku eshte faji i minoritareve ketu? KU? Se dua ta mesoj dhe te qep gojen. Ata greke ishin e greke mbeten sipas te gjitha dokumenteve. Halene e kemi gatuar ne vete, vetem se nuk na pelqen ta pranojme ore jo. Po pse c’a ka xhanem qe edhe pension te marresh nga Greqia, edhe te punosh atje, te jetosh, t’ia dredhesh perkufizimeve rilindase dhe pastaj hopa nje dredhi te fundit edhe ndaj te gjitheve. Pension andej, shqiptare ketej.

          Nje miku im minoritar kur iku ne Greqi dhe u kthye pas ca kohesh thoshte:

          Jam ketu me thone : Greku i mutit (shaka). Shkoj atje me thone ik ore shqiptar i mutit (asnje cik shaka). Varja fare do punoj dhe kaq.
          Ky te pakten edhe e vriste mendjen pse ndodh keshtu kurse shoket tane jane bucko fare shiko si sillen: Ndryshojne dokumentet plotesisht dhe andej as qe flasin shqip (me perpara) dhe kur vijne ketu: Greku eshte qe t’ia numerosh.
          Une jam i bidnur dhe duket se keshtu do shkoje, se asgje nga ato qe brrockullit pseudopolitikani Xhufi nuk ka per te ndodhur. Vetem se edhe njehere ne deshmojme se nuk na plas fare per nje fije Dinjiteti, mjafton ta hedhim edhe njehere lumin.
          E nenshkruam marreveshjen e Ujerave dhe dje me rezultat 9 me 0 Gjykata Kushtetuese e rrezon, po pse ? Per motive Proceduriale. Komedia treashanike vazhdon: Thote vendimi: Pas debatesh te forta ????????, Gjykata vendosi UNANIMISHT ta rrezoje dhe ta dergoje per rinegocim. Me fal shkaqet proceduriale e cenojne thelbin teknik ? Jo, por nje fitore u arrit, kupthet nga te gjithe me mbeshtetjen e rruges se Elbasanit, se po te jete per ne, i kemi ulur breket dhe as qe duam ti ngreme.

          Se me ka pyetur ketu dikush me nje ton prej autoritari nacionalo-etniko etj : Mos je gje minoritar?

          Nga origjina me pyet ? Po jo mo jo, a derebardhe jo. E them kete se u tremba meqe do dalim nga mjediset e dialogut dhe ja si Shqiptar po e dredh edhe une.
          Nuk me intereson nacionalizmi i shprehur me emocionet e nje ndeshjeje futbolli.

  12. regjistrimi i popullsisë sipas parimeve “bizantino-otomane” paraqet probleme reale, dhe Pëllumb Xhufi i analizon ato shumë saktë në intervistën ekskluzive tek Shekulli

    Ky eshte problemi qe kam me kete rregjistrim, gje qe me ben te justifikoj si normale ‘gjuhen e keqe’ te perdorur nga Xhufi.

  13. Kam frike se argumenti i zhvilluar nga Xhufi eshte i pabaze dhe vecse i sherben interesit te klanit te tij politik (Hoxhatet). Duke qene kunder qeverise se LSI-se dh duke patur Berisha reputacion kombetarist ne popull (objektivisht apo subjektivisht) Xhufi synon qe nepermjet “pergatitjes” se tij te flase si ekspert per nje gje qe nuk e di ose ben sikur nuk e d. Regjistrimi behet me vetedeklarim, por duke u verifikuar me ane te regjistrit kombetar elektronik i cili doli shume i sakte per zgjedhjet. Pra, nese vllehet apo minoritaret deklarohen si Irakene kane te drejte ta bejne por nuk regjistrohen dot si te tille. Ose nese vllehet e Korces bie fjala, duan te deklarohen greke duhet te gjejne nje dokument te shtetit shqiptar qe i provon si te tille. Pak e veshtire me duket. Xhufi ben politike e jo histori. Dhe po ky kombetarist i flakte sic na e kujton edhe Xh2 ishte zv minister i jashtem ne kohen e qeverisjes socialiste te “rilindjes se dashurise greko shqiptare” kur bankat, telefonia celulare, dhe pothuaj i gjithe shteti u shiten per hicgje (dmth ryshfet pushtetareve) kompanive shteterore greke. Nuk shqetesohej shume per kombin atehere sepse e kishte nje karrike.

  14. sado që unë mendoj se regjistrimi i popullsisë sipas përkatësisë etnike dhe fetare mund të krijojë probleme taktike, por përndryshe nuk përbën asnjë shkelje të së drejtave të njeriut

    Me duket se Republika e Shqiperise nuk eshte krijuar si republike per njerez por per c’shqiptare mbeten jashte ekuacionit ne 1912. Keshtu qe pervec te drejtave te njeriut, jane edhe te drejtat e Shqiptarit njera prej te cilave eshte: mos-cenimi i perkufizimit te Shqiptarit sic na eshte dhene nga Rilindasit.

    Ne rastin konkret, kemi te bejme me probleme ‘strategjike’ dhe jo ‘taktike’. Psh pavaresisht nga trashegimia bizantine shqiptari nuk eshte bizantin (ose le te themi cezaro-papist), dhe perdorimi i nje parimi bizantin-osman per nje census rezultatet e te cilit informojne veprimet e shtetit, eshte nje levizje ‘strategjike’ kunder shtetit.

    Veshtruar ne kete prizem insistoj qe gjuha e P.Xhufit eshte me se e justifikueshme (madje aspak ‘e keqe’)

    1. QA, çfarë ke parasysh me këtë përkufizim të shqiptarit që “na është dhënë” nga Rilindasit?

      1. Po mendoj keshtu: nje census ‘bizantin’ kerkon 2 inputs: ‘kombesi’ dhe ‘fe’. Nje census ‘jo-bizantin’ kerkon ose kombesi ose fe, por kurrsesi te dyja pernjehere.

        Kombesia ne shtetet korporatiste ku kam jetuar une, kerkohet per te matur disa te dhena mbi efektivitetin e programit te emigracionit. Feja nuk pyetet (te pakten ne Kanada).

        Shtetet kombetariste pyesin per kombesine ne menyre qe te informohen mbi minoritetet kombetare dhe si mund ti menaxhojne ato.

        Ndersa nje shtet bizantin/osman ben census me parimin ‘qezaro-papist’ (nga vjen edhe sistemi i ‘miletit’ osman) dhe kerkon informacion si per fe ashtu dhe kombesi.

        Besoj se eshte e qarte qe prej 1912, Shqiptaret nuk kane qene aq te dashuruar pas ‘qezaro-papizmit’. Athere pse behet ky census ne kete fryme?

        Ne rastin e Shqiperise nje opcion censusi vertet informativ do te ishte ‘ose’/’ose’ por jo ‘edhe/edhe’. Opsioni ‘edhe/edhe’ jep informacion te rreme, me pasoja politike te medha, dhe ndoshta eshte informacion-genjeshter qe paraqet rrezik per sigurine kombetare.

        Besoj se je dakord qe Rilindasit nuk e shihnin qytetarin e Shqiperise te ardhshme ne prizmin ‘qezaro-papist’. O cesari, o Papa. Por jo te dy bashke.

  15. Drejtoresha e INSTAT, ne nje interviste dhene GSH, thote “regjistrimi i popullsise dhe banesave 2011 ka si qëllim në vetvete të masë popullsinë, lëvizjet migratore, vendbanimin dhe elemente të tjera siç janë punësimi, arsimi, niveli jetesës etj. Këto janë pyetje thelbësore (core topics) dhe janë qëllimi në vetvete i bërjes së regjistrimit, pasi disa lloj informacionesh nuk mund të maten në formë tjetër apo më mirë sesa me regjistrim të përgjithshëm. Por për qëllime statistikore mund të maten dhe të dhëna të cilat kanë të bëjnë me fenë, grupin etnik etj.”

    Regjistrime te tilla ben gjithe bota e qyteteruar. Disa jane me te hollesishme, disa me te pergjithshme, ne varesi te qellimit. Kam shume veshtiresi te kuptoj se perse duhet veshur me teorira konspirative regjistrimi i popullsise. Nuk kam asnje dyshim qe ka elemente greke apo serbe a ku di une c’tjeter qe akoma enderrojne per “grabitje” popullsie dhe territoresh. Por, nuk me duket se realisht kane ndonje mundesi juridike/diplomatike etj. per te arritur ndonje lloj synimi.

    Mos harrojme se edhe kaq Shqiperi sa kemi, nuk eshte se e kemi nga zotesia jone, apo e drejta jone. E kemi se nuk ju ka dale asnjehere hesapi i ndarjes Italise e Greqise. Dhe sigurisht sa me shume kalon koha, aq me e veshtire behet situata per te realizuar ndonje qellim. Tani eshte thjesht lufte per influence e per pazare ekonomike.

    Qe te kthehemi tek regjistrimi dhe “rreziku” i tij. Ja po e zeme se do dalin ca shqiptare dhe do vete-deklarohen greke apo serbe apo vllehe. Po pastaj? Ma merr mendja se pyetsoret qe do perdoren per regjistrim do lejojne qe te jete i ndare qarte vendi i origjines nga vendbanimi nga shtetesia. Por edhe sikur te anashkalohen filtrat e pyetsorit dhe regjistrimit, dhe te dalim nja 200 mije shqiptare mangut si perfundim. C’eshte gjithe ky qamet anti-kombetar qe do ndodhka?

    Nese ata qe deklarohen jo shqiptare e ndjejne veten te tille ose mendojne se ju leverdis te deklarohen te tille, kush jemi ne te tjeret qe t’ju themi “jeni shqiptare se s’ben.” Fundja me ne fund, shteti shqiptar ka regjistrat themeltare ku ka te regjistruar gjithe shqiptaret e lindur brenda territorit, dhe ky regjister nuk ndryshon. Nuk eshte se do merren pyetsoret ne dore dhe do ju hyjme te ndryshojme ndonje gje. Thjesht, kur te behen studime e raportime, kur te behen buxhetet do perdoren shifrat e regjistrimit per te shperndare fonde e sherbime.

    Justifikimi qe te mos bejme regjistrim te popullsise deri sa te marri veten Shqiperia dhe qytetaret e saj te mos gjykojne se ju leverdis me shume te deklarohen greke sesa shqiptare, eshte i vajtueshem. Sado te ecim e sado te zhvillohemi, bota do eci edhe ajo, se nuk do na presi neve sa te barazohemi. Gjithnje do kete me shume avantazhe se Shqiperia, gjithnje do gjenden “atdhetaret” me justifikime per armiq e synime grabitqare. I bije te mos bejme kurre regjistrim.

    Keto pozat patriotike jane bere shume te ballajdisura. Nuk besoj se dikush ka me shume tager morale se nje tjeter qe te marre flamurin e atdhedashurise e patriotizmit. Ndryshimi qendron vetem ne podiumet. Dikush del e ulerin e rreh gjoksin neper media, dikush tjeter vazhdon jeten normalisht, pa ndjere nevojen ti rrefeje kerkujt se sa shume e do atdheun.

    1. LG, regjistrimi do behet sic thua ti. Atje ku ndahemi une dhe ti (dhe te tjere) eshte pasoja. 200,000 ‘shqiptare’ te humbur, do te thote 200,000 myslimane me shume, dhe 200,000 ‘raja’ me shume (dhe jam i sigurt qe nuk ja uron askujt statusin ‘raja’). Une per vete e du at vend, parimisht, ashtu si e lashe..jo te Libanizuar.

  16. ””’E nenshkruam marreveshjen e Ujerave dhe dje me rezultat 9 me 0 Gjykata Kushtetuese e rrezon, po pse ? Per motive Proceduriale. Komedia treashanike vazhdon: Thote vendimi: Pas debatesh te forta ????????, Gjykata vendosi UNANIMISHT ta rrezoje dhe ta dergoje per rinegocim. Me fal shkaqet proceduriale e cenojne thelbin teknik ? Jo, ….””

    Ne fakt trashanik eshte interpretimi yt, sepse motivet ishin procedurale dhe substanciale e jo vetem procedurale.
    Ndermjetesit tane nuk ishin ‘te plotfuqishem’, cka vetem mjafton te quhet ‘nul’ cdo perfundim. Kjo eshte ana procedurale, formale.

    Thelbi teknik eshte ana substanciale, permbajtese, ku sic u fol gjere e gjate nga ata qe nuk e paten me pertese te kerkonin ne google, pra qe ishte fare e thjeshte, eshte se parimi i duhur eshte i barazlargesise dhe jo i barazise, qe do te thote se ndiqet parimi, kontinenti e sundon detin dhe rrjedhimisht ishullin, parim qe menjanon efektet tepruese te barazise, te cilat lejojne nje ishull dosido ti marre frymen kontinetit.

    ”””Se me ka pyetur ketu dikush me nje ton prej autoritari nacionalo-etniko etj : Mos je gje minoritar?

    Nga origjina me pyet ? Po jo mo jo, a derebardhe jo. E them kete se u tremba meqe do dalim nga mjediset e dialogut dhe ja si Shqiptar po e dredh edhe une.””’

    E sheh zoteri se heret a vone pyetjes duhet ti pergjigjesh, pikerisht atehere kur te duhet te vendosesh me ke ane do rrish.
    Ke hallin e mjediseve te dialogut ?; mos valle kujton se dialogu krijon apo ruan shtete ?!
    Shteti eshte produkt i fuqise shqeto, dmth fuqise ushtarake, nuk eshte produkt i dialogut filantrop e paqedashes. Nuk kam pare ndonjehere ndonje shtet te linde apo zhduket si pasoje e nje dialogu filantrop e paqedashes.
    Ky lloj dialogu eshte per ‘plakat llafazane te Frankfurtit’ (Bismarku per parlamentaret) ose per intelektualizmin filantrop, per bijte e luleve, meshkujt flutura, qytetaret e botes etj, qe ska asnje lidhje me realitetin e marredhenieve mes shteteve, ku shteti me i fuqishem eshte shteti me fuqine me te madhe ushtarake.

    Si tha Obama dje, Irani ka shkuar drejt ‘te keqes se skajshme’; tha edhe te subvencionojme sipermarrjet amerikane qe hapin vende pune ne Amerike, jo ato qe hapin vende pune jashte Amerikes.

    Une e di qe zotrote e kupton fare mire si shkojne gjerat,cili eshte rendi i gjerave, por nuk e kuptoj pse me ben si pseudo-racional.
    Po arrijme ne absurdin, qe brenda bashkesise shqiptare sillemi me pragmatizem te rrepte, biles jemi te eger me njeri-tjetrin, ndersa ne marredheniet me jashte jemi idealiste, ‘flutualiste’, fluturojme mbi presh.

    Thote Amanda, bije e luleve:

    ””’Ketu kemi te bejme tamam me ceshtje zgjedhjeje, nje zgjedhje qe bazohet ne elementin me te rendesishem te etnicitetit, qe eshte veteidentifikimi …………….. fjala akulturim do te thote pikerisht kete, qe etniciteti eshte identitet kulturor i ndryshueshem””’

    Dmth femija na dalkesh normalisht i nje etniciteti tjeter nga prinderit, se ashtu i do qejfi.
    Po pse ca eshte etniciteti, nje pale breke firmato ? Etniciteti eshte dicka ku individi identifikohet dhe ku bashkesia e pranon individin, sepse etniciteti nuk eshte karakteristike e natyrshme e individit, por karakteristike qe individi e fiton fale bashkesise, qe do te thote se do perballet me te tjeret e bashkesise dhe ata do e pranojne si pjese e saj.
    Pranohet vetvetiu fale lindjes prej nje anetari te bashkesise dhe fale nje procesi pranues kur hyn nga jashte.

    Po pse, ma dha truri mua te vetidentifikohem si kinez apo amerikan, dhe u bera kinez apo amerikan. Duhet te me pranojne kinezet ose amerikanet perndryshe ngela ky qe jam.

    Pse bota e sotme ka kaq shume dokrra ne qarkullim ?

    1. Na mo na, na, se na mbertheve me perforcim argumentesh. Te duket se ke krijuar frontin nacionalist ? Me keq, kujton se e ke pasuruar kete front me logjike faktesh ?

      Se pari lidhur me marreveshjen, qe pas debateve shume te ashpra firmoset per t’u rrezuar me konsenus unanim, pra 9 me 0. C’do te thote kjo ? Debate te ashpra dhe firme unanime !!!
      Teknikisht marreveshja eshte bere nul, pra ajo kthehet per rinegocim. Politikisht opozita duke marre nje kosto publike per nje incident diplomatik me Greqine e ka shkarkuar qeverine nga barra e nje ceshtjeje qe u njollos nga debatet e rruges. Pra nje Gjykate ku ka kontroll edhe Saliu vendos te thote Jo, c’ka detyrimisht e ben te qarte se ne kete qendrim ka gisht edhe shumica ne pushtet. Marreveshja do te rinegociohet, por a do te ndryshojne termat teknike ? Kam frike se jo. Por deri atehere do te presim. Ne fund te fundit kjo Ceshtje tanime ne Shqiperi pushoi se qeni Ceshtje publike, pse e konsumoi debatin qe i takon. Firmosja tani eshte nje formalitet, qe do te varet nga problemet e brendshme greke.

      Shkruan per aspektin teknik. Pse nxitohesh xhanem ? Ç’ke ? Ti jeton edhe ne Oksident, pritet me shume nga ju.

      Thua : “parimi i duhur eshte i barazlargesise dhe jo i barazise, qe do te thote se ndiqet parimi, kontinenti e sundon detin dhe rrjedhimisht ishullin, parim qe menjanon efektet tepruese te barazise, te cilat lejojne nje ishull dosido ti marre frymen kontinetit”

      Pikerisht parimi i Barazlargesise eshte perdorur ne kete Marreveshje dhe jo i ai i Barazise. Prandaj merr gomen dhe fshije nga mendja kete lapsus.
      Po te sjell tani ketu te riprodhuar ate cfare deklaroi dje z. Pashaj, qe me vetedijen se ka njollosur keq dhe pa te drejte koleget e vet dje kontestoi edhe z. Xhufi, kete personazh te dashuruar me pozicionin e te Dytit (Si renditje, jo si i Dyte nga mendja):

      Pashaj : Parimi i Barazlargesise eshte zbatuar nga ekspertet shqiptare me rigorozitetin me te madh. Por pikerisht ky eshte gabimi, sepse nuk eshte i pershtatshem ky Parim, por ai i Paanesise, qe njihet nga Konventa e Detit si “Equitable Solution”. (me fal per drejtshkrimin anglisht). Do te duhej ky parim ne rastin ne fjale, sepse parimi i Barazlargesise nxjerr Shqiperine te humbur.
      E nderpret Xhufi me inat…

      Xhufi: Te lutem, Gjykata ka folur per shkelje substanciale prandaj le te mos kontestojme kete vendim te mencur…

      (Debat ne televizionin patriotiko – italo – antigrek News 24)

      Domethene, parimi i zgjedhur eshte ne perputhje me Konventen, por ne duhet te zgjidhnim nje parim tjeter. Tani eshte shume e qarte se ne kete logjike te Dekonsipruar nga z. Pashaj, nuk behet me fjale per Shkelje Substanciale, por per “Keqnegocim” sipas kuptimeve patriotike. Por kjo nuk eshte pune e Gjykates. Juridikisht vendimi i Gjykates, po te heqim menjane shkeljet proceduriale, ne kete aspekt na shfaqet si nje akt i mbeshtetur vetem nga POLITIKA. Serish po te them dhe e nenvizoj; nje sjellje e tille e Shqiperise shihet vetem ne planin politik te cilin e ndajme ne dy plane per lehtesi analize. Te brendshem dhe te jashtem
      Ne planin e Brendshem, mazhoranca me ndihmen e nje opozite tutkune e nxori veten nga belaja e nje imazhi te keq, duke e shtyre nje ceshtje qe do te mbartte diskutime. Ne vendimin 9 me 0 Saliu ka dore dhe kjo nuk ka diskutim. Me tutje, vendimi i Gjykates dhe pranimi i atyperatyshem i qeverise, terheq vemendjen ne funksionimin e Shtetit Ligjor ne Shqiperi, qe me shume sesa i tille eshte nje argument formal ne luften politike. Pra vendimet e Gjykatave jane te pavaruara dhe duhen njohur si te tilla. Pse opozita nuk njeh vendimin e Kolegjit Zgjedhor ? Pse kur i intereson Gjykatat veprojne mire dhe kur nuk i intereson i sulmon ato ?

      Ne panin e Jashtem, opozita e idiotizuar i ka sherbyer Saliut qe intervisten e fundit per 2009 e dha ku….te News 24.
      Qe dje socialistet greke, shpresa e Rames ne BE akuzuan direkt PS per veprime ekstremiste dhe demtim te marredhenieve. Pra Saliu tek shtyn Paktin dhe flet te News 24 me miqte e rinj italiane, i gezohet shfajesimeve qe faktohen falas nga budallalleqet e opozites. E shikoni se kush e ka fajin ? Prandaj me mirekuptoni.
      Ne nje iniciative politike cdo force llogarit interesin e vet, kuptohet kur e di se kush eshte ky interes.
      Teknikisht, po te them edhe njehere se asnje pale ne Shqiperi nuk ka per te nxjerre dot nje marreveshje me te balancuar, sepse perndryshe do te kishim te benim me krize reciproke. Por keto do zbulohen rruges.
      E rendesishme eshte qe te jemi serzioe dhe jo me dy variante perhere. P.sh ne Shqiperi cdo sport ka dy federata, ka dy mise; mis Shqiperia dhe mis Albania. Nuk mund t’i lejojme vetes te jemi kaq kreative kudo, p.sh te kemi dy shtete brenda, se te jesh kaq gjenialisht budalla demton rende proceset cerebrale.

      Tani lidhur me kete perkatesine time.

      Une po te duash te jap edhe emrin edhe adresen dhe ti vazhdo shenoji me lap te kuq.
      Kur une pergjigjem per kete gje, e bej sepse e shoh qe edhe blogu i ketushem mblodhi patriotet qe me shume sesa argumentojne ndertojne paragjykime. Dhe nje nga keta je ti. (une paragjykimet i kam krahinariste)
      Per korrektese, por edhe per nje kunderveprim neutralizues nga barazimet qe ben ti ne entropine perveluese te inatit nacionalist, pra minoritar= antinolist, etj. Me cilen ane u bera une mund te ma thuash pak ?
      Te konfidova origjinen, nje pjesore e identitetit, mendimet i ke marre vesh, cili eshte perfundimi ? Cila eshte pra ana ime se me sa di une ate e zgjedh vete ? Po jam shqiptar, por deri sa te jem ne Tirane vetem emigrant do jem. Shpirterisht flas, sepse ketu ka me shumice ca si puna jote qe te thone sesi duhet ta duash vendin, kur, ku dhe per cfare.

    2. Ne radhe te pare, e kam aRmanda emrin.
      Ne radhe te dyte, kaq te veshtire e ka nje mashkull shqiptar qe te komunikoje me nje person te gjinise tjeter pa perdorur nje gjuhe paternaliste dhe tallese te tipit bijez e luleve-karafile-trendafile; si dhe pa perdorur njehere fjalen breke (firmato per me teper)? Nuk mund te thoje dot, sic do t’i thoje dikujt tjeter te gjinise tende se etniciteti nuk eshte placke qe hiqet e xhvishet sipas qejfit?
      Se treti, me ke nxjerre krejt nga konteksti, se une e kam sqaruar me shembuj se per cfare zgjedhje behet fjale. Po ndoshta edhe ajo ceshtja e kinezeve duhet pare se ka aq shume ne Shqiperi saqe duhet ditur edhe shifra. Megjithate une e kam thene se nuk behet fjale per deshira te tipit dua te jem Italian apo amerikan, por per ata njerez qe lindin nga martesa mikse, apo qe i perkasin nje etniciteti te ndryshem nga grupi ku jetojne, le te kete mundesi zgjedhjeje. Sikurse e thote edhe theollogos, me te cilin jam shume dakord, le te thote nje nga Puka se eshte grek, por ka regjistra per kete pune.
      Ajo qe ti thua se njerezit e marrin etnicitetin nga bashkesia ku jetojne eshte pikerisht ajo qe une them, se etniciteti eshte kulturor. E thashe njehere e po e perseris: nese nje boshnjak i Shqiperise se mesme kerkon te shpalle veten boshnjak, duhet te jete i lire ta beje kete. Por nese nje boshnjak, pavaresisht se e do dhe respekton origjinen e tij, e konsideron veten shqiptar, per shkak se jeton prej kater brezash ne Shqiperi, dhe sepse tashme e ka humbur gjuhen, dhe e ndjen veten me shume shqiptar, atehere pse te mos e beje kete?
      Ksenofobia ju ka errur syte, por me shume shance ka qe minoritare te deklarohen shqiptare, e jo e kunderta pasi ne shtetin Shqiptar jetojne. nese ndodh e kunderta atehere faji eshte YNI, sepse tregon qe jo vetem minoritarit ia kemi hequr cdo deshire per t’u akulturuar, por edhe shqiptarit deshiren per te qene i tille. Atehere le te mos i mbyllim syte perballe realitetit, por perpara se ta bejme kete, le ta njohim se deri ku kane shkuar punet, e per kete duhet regjistrimi.
      E fundit, une Armanda, kam dale ketu me emrin tim te vertete, dhe e kam deklaruar cfare pune bej. Ndaj ti nuk ke asnje te drejte te tallesh me emrin tim, OK?
      Ti mund te vazhdosh te fshihesh nen pseudonimin tend, se edhe kjo ceshtje zgjedhjeje qenka….

      1. Se treti, me ke nxjerre krejt nga konteksti

        Konstatoj qe ke dale vete. Ky kuantifikim budallepseje ballkanike qe mbeshtet, do infektoje gjithe popullaten, edhe mu m’hiken ‘retirement’ prej shalesh.

  17. Qe dje socialistet greke, shpresa e Rames ne BE akuzuan direkt PS per veprime ekstremiste dhe demtim te marredhenieve.

    Dora Bakojanis, akuzatorja, eshte e Nea Demokracia-s jo e Pasok-ut.

    Sidqofte, le te mos largohemi nga tema e gjuhes ‘te keqe’ te Xhufit te shkaktuar nga ideja fantazmagorike e Kryeministrit per nje census bizantin.

    1. E kisha per zevendes ministrin e Jashtem Plotesues Dimitris Droutsas.

      Meqe nuk do qe te largohemi ketej nga kjo teme si mendon ti qe te pyeten vetem per etnine dhe jo per fene ? Ose vetem per fene dhe jo per etnine ? Po pse shtetas te mire dhe patriote na ben mosregjistrimi ? Ose me ndryshe? Po qe se behet regjistrimi provokohet nervi yne ?

      Aty ne formular eshte edhe opsioni “Preferoj te mos pergjigjem”. Nga ana tjeter me pyesin mua ta zeme: etnia ?
      Formulari parashikon opsionet; shqiptar, grek, arumun, serb, rom, bullgar, maqedonas dhe preferoj te mos pergjigjem.

      Une them Rom. Habitet ai se une nuk ngja fare si i tille. Normalisht do beje verifikime. Ne puke thote dikush: grek, normalisht do behen verifikime ne baze te dokumentacionit qe ka ne sirtar karroceria e ngrate e Republikes.

      “200,000 ’shqiptare’ te humbur ” – thua ti. Po ku humbasin keta ore aman ? Se xhepat i kane mbushur.

  18. Meqe nuk do qe te largohemi ketej nga kjo teme si mendon ti qe te pyeten vetem per etnine dhe jo per fene ? Ose vetem per fene dhe jo per etnine ?

    Une mejtonj qe informacioni te jete sa me informativ. Te mpleksesh fe dhe etni bashke nuk eshte informacion eshte DISinformacion. Thjesht numrat nuk kane kuptim! Thjesht krijohet nje ‘tymnaje’ ne sherbim te nje klase politike qe kerkon mjergull.

    1. Shqiperia perbehet nga nje popullsi me 70 % myslimane, 20% orthodokse dhe 10% katolike.

      Kjo e dhene eshte Informuese apo Disinformuese ?

      Lidhur me kete proces sot ne shtypin shqiptar spikasnin dy tituj; i pari i gazetes Standard qe citonte qendrimin e Komuniteteve Fetare ne vend sipas te cilave regjistrimi duke marre parasysh edhe besimin fetar nuk perben ndonje problem; i dyti nje koment i Ardian Klosit te Shekulli sipas te cilit pikerisht ky regjistrim Cenon Jeten Private.
      Madje Klosi kishte zbuluar edhe zgjuaresine e shqiptareve qe do t’u thone “tutje” te derguarve te qeverise.
      Tani perderisa jane krijuar dy “opinione” eshte e qarte se debati do te vijoje. Por eshte me interes te theksohet edhe se ky debat ka ne dispozicion 6 muaj kohe, pra perkon me vendimin e pritshem ne vere per liberalizimin e vizave. Praktikisht nisja e procesit i gjen shqiptaret me dyer te hapura, prandaj edhe frika e shprehur eshte e pajustifikuar. Po a do te dije Xhufi per logjike ? Sepse nese disa qarqe te fqinjit jetojne ne Bizant, ky me siguri ka zgjedhur Perandorine Otomane. Por sigurisht ai njeri nuk vlen kaq debatim.

      Ajo qe thote Tannhauser lidhet me nje procedure privilegjimi relativ ne raport me shtetin. Pra ne vitet ’90 e mbrapa me e lehte ishte rruga drejt Greqise, nese ishe orthodoks apo grek, sesa emigrant mysliman. Dhe jo se po te thoshe orthodoks nenkuptoheshe si grek.
      Konfuzioni i supozuar eshte vetem iluzion. Aq me shume qe frika e vertete politike nuk qendron ne shtimin e numrit te ortodokseve, por ne identifikimin zyrtar te nje numri shume te madh Ateistesh. (Ne nje bisede me Berxholin me ka thene se ky kontigjent eshte shume here me i madh sesa kujtohet).
      Imagjinoni tani nje statistike qe percjell me perqindje dy shifrore Ateizmin e nje popullate. Si do shiheshim nga Evropa ? Se ne jemi dhe evropiane qe ne sabah ?

      1. Po a do te dije Xhufi per logjike ? Sepse nese disa qarqe te fqinjit jetojne ne Bizant, ky me siguri ka zgjedhur Perandorine Otomane.

        1. Perandoria Osmane = Bizant (ne forma te tjera)
        2. Shqiptari eshte jashte ketyre strukturave me siper, ortodoksi dhe muslimani eshte brenda (numero keto 2 te fundit dhe rrotulloje mbrapa rroten e historise)
        3. Gjuha e Xhufit eshte nje e keqe e domosdoshme.

      2. Po më ngjall jashtë mase kureshtjen me problemin e supozuar që po shpreh. Problem përqindja e ateistëve?

        Që kur kështu?

        1. Qekur ? Qekur sjellja jone sot eshte dokumenti me autentik i nderrimit te xhaketave ne cdo stuhi. Por edhe A. Klosi ne artikullin e tij te Shekulli e cekte kete ceshtje, e cila te pakten do “pergenjeshtroje” titullin e librit te Nathalie Clayer, “Fillimet e nacionalizmit shqiptar. Lindja e nje kombi me shumice muslimane ne Evrope”.

          1. Në rast se të kuptoj drejt, kur e identifikon si problem përqindjen e lartë ateiste, atëherë këtë e quan si dukuri negative?

            Arsyen e kësaj se gjej dot. Mua më duket gafë shumë e madhe të aludohet se do deklarohen shumë ateistë për t’i pëlqyer Evropës.

            Ndofta nga nick që mban, mbase e pritshme, por përsëri…

            Ke ndonjë bazë argumentuese për këtë?

            1. Per mua nuk ka ndonje dukuri negative, mjafton qe njeriu te jete i lire. Une nenvizova nje fakt qe po percillet ne Tirane nga disa zera. Pra nenkuptohet se regjistrimi do permbyse shifrat statistikore per raportet fetare, nderkohe qe neglizhohet perqindja e ateisteve, e cila eshte nder te parat ne vend. Kjo eshte pritmeria te pakten, e bazuar edhe ne sondazhet paraprake. Dikush nga politika u shpreh se kjo perqindje ateiste ndoshta nuk do pritet mire ne disa qarqe ne Evrope, keshtu qe me mire te mos behet regjistrimi. Ne fakt kur diskutohej nenshkrimi i Marreveshjes se Stabilizim Asociimit me BE, tre eurodeputete britanike u prononcua ne Tv Klan per faktin se Shqiperia aderon ne Konferencen Islamike. “Shqiperia duhet te zgjedhe”, – ishte nje prej deklaratave te tyre.

              Nga ana tjeter ne nje fjalim te mbajtur ne nentor 2008, me rastin e konferences “Çfare eshte Kultura evropiane”, sekretari i Pergjithshem i Konferences Islamike, prof. PROF. Ekmelddin Ihsanoglu do te shprehej:

              “the fact remains that very large numbers of the Muslims in Europe are considered to be indigenous Europeans if we take into consideration the population of some European sovereign States like Albania, Bosnia, the Russian Federation and add to them Kosovo, the Caucuses as well as those who live in the periphery of Euro-Asian countries. How can one categorises these, Muslim intruders or genuine citizens of Europe. And for them is Europe a host country or a home country?”

              Perkthej amatorisht :

              “… mbetet fakti se nje numer shume i madh myslimanesh ne Evrope gjeresisht konsiderohen si evropiane vendas nes marrim ne konsiderate popullsine e disa shteteve sovrane si Shqiperia, Bosnja, Federata Ruse dhe karahas tyre Kosova, Kaukazi ashtu sikurse ata qe jetojne ne vendet ne periferi te Aizse Qendrore.
              Si do te mund te klasifikoje dikush keta; si muslimane te bezdisshem (?) apo qytetare te vertete te Evropes ? Dhe per ta Evropa eshte nje vend armiqesor apo nje vend mikprites ??” .
              Doja te thosha qe nese njihemi si shumice muslimane, kjo shifer e re do e pergenjeshtroje kete opinion. A eshte e mire kjo apo e keqe ? As qe me intereson, por nisur nga gjykimi tradicional, ku si shembull solla librin ne fjale, eshte e pritshme qe disa klishe te lekunden ne pozitat e veta. Si baze per kete solla Berxholin, por edhe Klosin qe e sillte kete argument si nje fakt ende te pazyrtarizuar.

              Natyrisht per nje mendim shtese une mendoj se feja ne Shqiperi nuk lidhet me besimin sesa me politiken dhe rreshtimin qe ajo kerkon. Ne vetvete ky tipar qe ne rastin tone me ateizimin e pritshem flet per nje status kufitari te perjetshem, ka rendesi dhe citimet qe solla ndoshta mjaftojne.
              Me shume rendesi ka doktrina neo – otomane e ministrit te Jashtem turk, Ahmet Davutoglu, i cili per te gjitha librat e tij qe perkthehen shqip, nuk harron qe te beje nje parathenie te posacme. Pra fetarisht jemi me te rendesishem nga Jashte sesa per se brendshmi.

              Pra Ateizmi ketu eshte intuitizuar nga Konferenca Islamike perpara te gjitheve.

      3. Imagjinoni tani nje statistike qe percjell me perqindje dy shifrore Ateizmin e nje popullate. Si do shiheshim nga Evropa ?

        Do shihemi ashtu sic jemi: Greke:) (por jo si keta te sotmit, po si ato te lashtit) Po flas per mentalitet klasik Grek: konsumerizem, shenjteri e bukurise, e jo bukuri e shenjterise , lakuriqesi pa shume kokecarje etj etj

        Sidoqofte me hidhesh prap neper dege te tjera, dhe ende je evaziv. C’eshte vlera e informacionit mbi fene? Jo per gje po une pres qe ‘fetaret’ ne Evrope brenda nje te ardhme te afert do perfundojne sapun per rroba. Dmth c’na duhet ky muhabet? Apo te pelqen soda kaustike?

        1. Pyete se c’eshte vlera e informacionit mbi fene ? Eshte nder te tjera edhe nje celes planfikimi per industrine e sapunit.

          Shteti ka ndermend te beje regjistrimin e popullsise. Do behet mbi bazen e vetedeklarimit dhe te krahasimit me te dhenat ekzistuese (etnine). Ti je i qarte se cfare do thuash kur te te vijne te dera (nese do ishe ketu) lidhur me perkatesine fetare dhe etnike ? Me sa duket je. Thashe parashikohet opsioni : Preferoj te mos pergjigjem.

          Tani nese ti dhe patriotet jane te qarte pse e quani kaq kriminale qe edhe te tjeret te shprehen ? Pse ? Do shprehen njerezit me vullnet te lire dhe kaq.

          Te pyes edhe njehere; Shqiperia ka 70 % muslimane, 20 % ortodokse dhe 10 % katolike.
          Te gjithe e marrin kete si statistike, por dikur edhe kjo eshte bazuar ne nje regjistrim dhe hataja nuk ka ndodhur. A eshte e vertet kjo gje, ky informacion?
          Nuk e di o zoteri, ndoshta ju dini me shume, por kur te flasesh edhe ti do duhet te na japesh disa shifra, se perndryshe nuk te merr njeri seriozisht.

          Nga ana tjeter shtrohet pyetja: Kujt besimi i perkisni ?

          Pergjigja: Asnje besimi. Une nuk besoj, por nga prinderit jam bektashi.

          Ky individ sipas tradites se perkufizimit perllogaritet si jo besimtar, rrjedhimisht Ateist, meqe konceptin e tij per boten nuk ia beson nje force siperore.

          Por a zberthehet kjo keshtu ne Shqiperi ? Mendoj se jo. Pasi ne Shqiperi njerezit jane te lidhur me ceremonialin dhe jo me doktrinen (nje shumice e konsiderueshme). Kjo mund te vihet re nga festimi masiv i Krishtlindjeve dhe i pagezimeve si pa te keq te dikujt qe mund te jete nga trashegimia musliman. Historiani Ajet Shahu ka dhene nje interviste sot te Shekulli ku trajton kete dukuri. (per te sjelle nje emer tjeter).
          Prandaj edhe kalimet e lehta nga nje fe ne tjetren praktikisht cojne ne identifikimin e nje besimtari qe rreshtohet jo per shkak besimi, por kulture apo pushteti. Por a eshte besimtar ne te vertete ky njeri ? Dhe ketu eshte ankthi qe ka mberthyer te gjithe dhe aspak se ra nga froni MUhamedi dhe na hipi Krishti.

          1. Shprehu n’mejtep ose n’mejhane, por jo n’hyqymet. S’i duhet hyqymetit fare, po hic fare, se c’religjion ka qytetari.

            Tani nese ti dhe patriotet jane te qarte pse e quani kaq kriminale qe edhe te tjeret te shprehen ? Pse ? Do shprehen njerezit me vullnet te lire dhe kaq.

            1. Po e marr si dhunti tuajen.
              Ja qe i duhet hyqyemtit se c’ben qytetar hallexhiu dhe nuk i kris fare se c’keput verdalle bejtexhiu.

  19. Lexoj disa postime që flasin për bizantinizëm, osmanizëm apo milete dhe habitem. Ndarja në fé e shqiptarëve nuk është një karakteristikë eksogjenike, e ushtruar nga jashtë apo një parametër artificial i krijuar nga qeveria. Ndarja fetare ekziston nga momenti që çdonjeri nga ne ësht i lirë të praktikojë besimin e vet. Midis nesh, në Shqipëri, nuk dimë kush është myslimani apo kush është i krishteri? E vetmia arsye që mund që gjej për reagime të tilla është mungesa e regjistrimeve dhe e statistikave për një perjudhe njëzet vjeçare që ka sjellë një alienizim të popullsisë me proçedura përndryshe rutine. Në këtë perjudhë, pra nga 1989 deri më sot, një afat kohor i aftë për të paktën dy regjistrime, nuk është kryer një regjistrim i plotë. Të dhënat mbi nxirren me metoda tërthoraze.

    Po ta shikojmë në kuadrin historik, edhe shteti komunist me aparaturën e tij gjigande (ish Drejtoria e Statistikës), kryente regjistrime me të gjitha të dhënat e mundshme mbi popullsinë, përfshi fenë (deri në regjistrimin e 1969) dhe kombësinë (deri në regjistrimin e 1989). Para shtetit komunist regjistrimi i fundit që përmbante edhe këto kritere (fenë dhe kombin) ishin kryer nga italianët më 1942. Për perjudhën e Zogut apo më përpara nuk kam të dhëna. Pra në qoftë se kërkojmë edhe një bazë historike mbi censusin ajo ekziston.

    Në një farë mënyre argumenti se gjoja kriteri i fesë mund të krijojë përçarje, ndarje, dallime është edhe pak qesharak se të njëjten gjë mund të thonë feministët për ndarjen gjinore. Po dolën sipas censusit 55% e popullsisë meshkuj, mos është gjë diskriminim ndaj femrave? Apo sikurë të dali se 40% e popullisë banon në qytete mos është gjë diskriminim apo ndarje krahinore? Siç thashë edhe më lartë, censusi nuk ka sesi të cënojë ndonjë liri personale nga momenti që është anonim dhe nuk të pajis me ndonjë dokument ku të thuhet se çfarë ke deklaruar. Nuk është si karta e identitetit apo passaporta që me të drejtë mund të ngrejë diskutime për njoftimet që mund të përmbajë.

    Dua të them edhe disa gjera në lidhje me Xhufin. Nuk është as paternalizmi Xhufit që më shqetëson, as antigreqizmi i tij ekstrem (në kufij të paranojës), por banalizimi dhe stërthjeshimi i disa çështeve komplekse. Duke dëgjuar (apo lexuar) Xhufin, apo Godon të krijohet ideja (dhe nuk janë pakë ata që u është krijuar kjo idé) se po shkove në Greqi dhe deklarove se je grek dhe ortodoks automatikisht gjen dyer të hapura, buzëqeshje, punë, bukë, gra, dolli, tralala apo ku di unë. Realiteti është ndryshe. Realiteti kërkon të përballesh me një perbindësh burokratizmi të sapodalë nga romanet e Kafkës, i cili është i pamposhtur. Po sjell një shembull tipik. Qe të jetë një çertifikatë familjare e vlefshme në Greqi duhet të jetë e firmosur nga bashkia e fshatit/ qytetit në Shqipëri, e firmosur nga prefekrura e rrethit, e firmosur nga konsullata greke, e firmosur nga Ministria e Punëve të Jashtme Shqiptare, e firmosur nga Ambasada Shqipare në Athinë, e përkthyer bga Ministria e Punëve të Jashtme të Greqisë apo noter i autorizuar dhe e firmosur nga një avokat grek.

    Pas gjithë këtij zbori e meriton jo vetëm grek të bëhesh por llogaritar në bankë zviceriane, apo personazh në tregim të Maks Gjerazit.

    1. Tannhauser:

      Duke dëgjuar (apo lexuar) Xhufin, apo Godon të krijohet ideja (dhe nuk janë pakë ata që u është krijuar kjo idé) se po shkove në Greqi dhe deklarove se je grek dhe ortodoks automatikisht gjen dyer të hapura, buzëqeshje, punë, bukë, gra, dolli, tralala apo ku di unë.

      Në fakt, disave jo vetëm që do t’u krijohet kjo ide, por edhe do ta eksperimentojnë në praktikë, duke prodhuar ndofta rezultate që janë pikërisht ato të “paralajmëruarat” prej kombëtaristëve.

      Kjo të bën të mendosh. Pikësëpari, që një nga synimet e këtyre shpëtimtarëve të kombit shqiptar (dhe të detit përkatës) është purifikimi, ose mënjanimi i diversitetit. Por sidomos edhe që këta politikanë kanë nevojë jetike për ekstremizmin e palës tjetër, ose kalin që kanë shaluar.

      Ky është një paralajmërim që e prodhon rrezikun (self-fulfilled prophecy); dhe e prodhon, sepse tek ai rrezik e ka kapitalin e vet politik.

      Vëreni edhe konfuzionin që bëhet, me qëllim, midis deklarimit të etnisë dhe deklarimit të fesë në regjistrimin e popullatës. Deri dje, e dinim që ky farë konfuzioni e vinte nga disa qarqe shoviniste të fqinjit jugor, të cilat ende jetonin mendërisht në Bizant; por tani, krejt papritur, po na vjen edhe prej tanëve!

      Ç’u përmbys kështu?

      Vërtet minoritarët grekë në Shqipëri janë të fesë ortodokse, por kjo nuk do të thotë që të deklaruarit si të fesë ortodokse në Shqipëri janë minoritarë grekë…

    2. A duhet të mbledhë shteti dhe të bëjë publike të dhëna për përkatësinë fetare të qytetarëve të vet?

      Në diskutimet e ndryshme kam parë që jo të gjitha shtetet e bëjnë këtë; prandaj Shqipëria nuk është se do të thyente ndonjë parim të gjithëpranuar, po ta shpërfillte gjithashtu.

      Dakord. Po si i bëhet që ta shkulësh edhe klishenë e harmonisë fetare në Shqipëri, të bashkëjetesës paqësore, të shembullit unik që i ofrojmë botës dhe të tjera histori përlotëse të mitit kombëtarist?

      Duam ta themi këtë apo nuk duam?

      Se në qoftë se duam ta themi, dhe në qoftë se e themi sa herë që bie fjala, madje edhe kur nuk bie; në qoftë se e përdorim si argument magjik në të gjithë bisedat dhe shkëmbimet që bëjmë me të huajt, aq sa edhe e kemi futur në kodin gjenetik të kombit tonë, atëherë duhet edhe ta mbështetim me të dhëna të reja, që të mos jenë ato që mblodhi Zogu këtu e 80 vjet të shkuara.

      Feja është çështje private e gjithkujt? Ah, po atëherë ashtu le ta trajtojmë! Sakën se thotë kush, sot e tutje, që Buzuku ka qenë i fesë katolike… dhe që Noli ka qenë peshkop ortodoks… dhe Kristoforidhi protestant…

      Po sikur të ngrihet nesër një mysliman e të thotë se po ia cenojmë të drejtën e tij për të qenë njëkohësisht shqiptar i mirë dhe fetar i mirë, duke ia trumbetuar me të madhe se shqipja e shkruar nis me Formulën e Pagëzimit?

      Po sikur të ngrihet nesër një historian i mirë, e të argumentojë se unitetin popullit shqiptar ia ka siguruar [edhe] përkatësia në fenë islame? Do të fyhen të krishterët vallë?

      Të gjithë të fyer jemi e fyer kemi.

      Përçarjen shqiptarëve nuk do t’ua sjellë regjistrimi; shqiptarët janë vetvetiu të përçarë në fe të ndryshme. Shenja të kësaj përçarjeje janë kudo, të hapura për disa, të kamufluara për disa të tjerë.

      Përçarjen shqiptarëve nuk do t’ua sjellë regjistrimi; sepse po ua sjell që tani fjala me helm e atyre që e akuzojnë regjistrimin për përçarje.

  20. edhe shteti komunist me aparaturën e tij gjigande (ish Drejtoria e Statistikës), kryente regjistrime me të gjitha të dhënat e mundshme mbi popullsinë, përfshi fenë (deri në regjistrimin e 1969) dhe kombësinë (deri në regjistrimin e 1989)

    Si shpjegohet atehere qe media citon censuse te vitit 30 kur paska pasur te dhena 40 vjet me te reja?

    1. Shqiperia duhet te marre nga shembujt me te mire qe i ofrohen. S`ka nevoje te shpike rroten.

      …”Ethnic groups:
      population: Greek 93%, other (foreign citizens) 7% (2001 census)
      note: percents represent citizenship, since Greece does not collect data on ethnicity…”

  21. “Po dolën sipas censusit 55% e popullsisë meshkuj, mos është gjë diskriminim ndaj femrave?”

    Varet. Po qe se ka ndonje ent te quajtur “Hapesira Jetike”, i cili kerkon te justifikoje ndonje sulm te armatosur ndaj Malit te Zi per te rrembyer gra, qe gjoja te balancohen pishinat hormonale ne vend (kujto ketu rrembimin e Tanushes se Bardhe nga Halili), mund te shperndahen instruksione dhe bakshishe qe gra patriote e burreresha, nga ato qe nuk i kane munguar kurre kesaj toke, te deklarohen burra.

    Ose imagjino edhe nje situate te kundert: ke ne kufi nje shtet feminist fondamentalist qe quhet Amazonia, i cili shperndan pensione e benefice mensuale, te cilat nuk i kane munguar kurre kesaj toke te vojtur, me qellim qe burrat te nderrojne seksin-minimumi te lyejne buzet me te kuq kur te vijne regjistruesit gjinore tek dera.

  22. Deri dje, e dinim që ky farë konfuzioni e vinte nga disa qarqe shoviniste të fqinjit jugor, të cilat ende jetonin mendërisht në Bizant; por tani, krejt papritur, po na vjen edhe prej tanëve!

    Atehere, a justifikohet ‘gjuha e keqe’ e bizantinologut Xhufi?

  23. Disa koka të nxehta duhej t’i kishin vënë madje paguar të luanin ndonjë videolojë fantazie, si “Byzantium”, me shpenzime të shtetit, në ndonjë azil të përshtatshëm. Kushedi, në lojë e sipër, mund ta kishin shtrirë despotatin e Epirit deri në Trapezundë, për gëzimin e madh të të gjithë shqiptarisë virtuale.

  24. Mungesa e një rregjistrimi të rregullt dhe të dhënave mbi besimin dhe kombësinë e banorëve të Shqipërisë, në këto 20 vjet, ka qënë e shoqëruar me vullnetin politik mjeran për të mos patur regjistrime të rregullta (për përfitime xhonglerësh në makinën e votimeve).
    Për mendimin tim, me gjithë nevojën për të patur një kuadër të qartë të situatës së përbërjes së popullsisë, shteti, si shtet LAIK, nuk duhej të merrej me këtë problem deri në nivele qeveritare.
    Për të bërë këtë regjistrim mund të delegoheshin organizma apo organizata joqeveritare që mund ta bënin fare mirë (siç u delegua nga ana e qeverisë operacioni i shpërndarjes së pashaportave të reja…. ku, me këtë rast, mund t’ju jepte dhe 5 lek të tjera atij organi që merrej me pashaportat dhe që, në momentin e dhënies së pasaportave të bënte dhe “intervistën” ku të përfshiheshin argumentet në diskutim).

  25. Pjesa me e madhe e popullsise akoma po ta pyesesh se cfare je? mysliman apo i krishtere te pergjigjet :jam musliman apo i krishtere nga ana e babait
    ose je Topojan apo Gjirokastrit ,varet ca origjine ke baben
    Kshu qe kulturalisht shumica e popullsise seshte ne gjendje te pakten per fene te deklarohet me mendjen e vet
    Kshu qe te pakten nqs “na duhet te deklarojme fene” duhet te pritet nja 20 vjet te tjera kur secili te ndergjegjesohet qe feja eshte individuale dhe nuk trashegohet,se ska anjelloj kuptimi
    Ne kushtet e shqiperise nje regjistrim fetar. Per efekt informacioni do ishte fallc edhe jo informues
    Kishat apo xhamiat mudn te pyeten se sa besimtare kane ,kishat besoj i mbajne shenim ata qe pagezohen edhe xhamite besoj se mbajne ndonje rregjister te tyret,shteti me mire te pyese keto institucione se sa vetdeklarim ku tjetri po te pyetet do thote nga ana babes krishter nga ana nomes muslimone i bi qe te jep i krishtere (pau pagezuar ndonjehere)

  26. ””’Pikerisht parimi i Barazlargesise eshte perdorur ne kete Marreveshje dhe jo i ai i Barazise. Prandaj merr gomen dhe fshije nga mendja kete lapsus.””’

    Ok, e mora gomen dhe e fshiva lapsusin, sidoqofte besoj se ti e ke fare te qarte mendimin tim, meqe e kemi debatuar kete pike me imtesi perpara.

    ””’Xhufi: Te lutem, Gjykata ka folur per shkelje substanciale prandaj le te mos kontestojme kete vendim te mencur…””’

    Ne fakt ti je dalluar per prurje tendencioze (perfshire kete teme), keshtu qe me duhet ta konfirmoj kete pohim kaq trashanik nga ana e Xhufit.

    ””’Domethene, parimi i zgjedhur eshte ne perputhje me Konventen, por ne duhet te zgjidhnim nje parim tjeter.”””

    Me fal po a thote Pashaj :

    ””’Por pikerisht ky eshte gabimi, sepse nuk eshte i pershtatshem ky Parim, por ai i Paanesise, qe njihet nga Konventa e Detit si “Equitable Solution”.””’

    Pra kemi 2 parime, nje qe i heq territore Shqiperise dhe nje qe nuk ja heq, tani sipas teje qe ke nje gjykim shume racional, Kushtetuta e Shqiperise bie dakort apo bie ndesh me humbjen e territoreve nga ana e Shqiperise ?

    ””’Te konfidova origjinen, nje pjesore e identitetit, mendimet i ke marre vesh, cili eshte perfundimi ? Cila eshte pra ana ime se me sa di une ate e zgjedh vete ?””’

    Nuk e zgjedh dot vete, eshte zgjedhje e detyruar.

    1. O Zoteri i nderuar !

      Ku i ke pare ti prurjet tendencioze, apo e ngre kete gjykim mbi faktin se je komentues i vjeter ne kete blog. Cfare eshte tendencioze, ajo qe nuk perputhet me ate qe i pelqen shumices ? Por kjo nuk ka shume rendesi, as ironia juaj per pjesen racionale (qe nuk qendron logjikisht po te mbash ne konsiderate faktin se une “kam shkruar me shume nga te gjithe”).

      Ne fakt askush ne Shqiperi, as edhe ish-shefat e Shtabit te Ushtrise, as juristet e shkelqyer me nga dy tre mballoma universitare dhe askush tjeter nuk do pipetinte per kete marreveshje, po te mos ishte interesi politik. Por ne sherbim te Partise fillojne e mbijne si kerpudhat pas shiut te gjithe.

      Une nenvizoj serish se nuk eshte thelbi i marreveshjes ai qe perben problemin e vertet, por fakti se kunderpale ketu eshte Greqia. Prandaj ky pakt, per dike aty ku jeton ti ne Itali ishte i parakohshem dhe me kete rast u sponsorizua ajo qe e pame te gjithe. Nje fitore e vockel, sic jane edhe fitoret e perjetshme te atyre aty.

      “Pra kemi 2 parime, nje qe i heq territore Shqiperise dhe nje qe nuk ja heq, tani sipas teje qe ke nje gjykim shume racional, Kushtetuta e Shqiperise bie dakort apo bie ndesh me humbjen e territoreve nga ana e Shqiperise ?”

      Nuk eshte aspak keshtu, sepse perndryshe vete Konventa qe i permban keto parime do te ishte antikushtetuese. Parandaj ky eshte nje argument shtese qe e zbulon Gjykaten si nje pjese orkestre te politikes.

      Kur Gjykata jep nje vendim ajo intepreton perputhshmerine e ligjeve me Kushtetuten. Pra kemi aspektin kushtetues. Kur pranojme se pala jone ka negociuar nje marreveshje, ku jane mbajtur parasysh parimet baze, ligjshmeria e te cilave sanksionohet nga vete akti i ratifkimit te Konventave nderkombetare, atehere eshte teresisht e pakuptimte juridikisht qe te japesh gjykime mbi vlefshmerine e nje parimi apo te nje tjetri. Pra ke ratifikuar Konventen, i ke dhene fuqi kushtetuese edhe parimeve te saj. Te thuash sot se ky parim nuk ben kurse ai tjetri po, politikisht je korrekt. Po si mund te flase Gjykata keshtu ??? Ajo mund te jape gjykime mbi menyren si eshte zbatuar Konventa e per pasoje Kushtetuta, por jo se parimi qe eshte vene ne perdorim nuk eshte i vlefshem. Por te thuash kete gje nuk i pelqen Xhufit, sepse keshtu zbulohet fakti i vertete se teknikisht Marreveshja eshte ne rregull. Eshte koniunktura qe po e shtyn Greqine ne periferi te zhvillimeve shqiptare. Ne kete pike sjellja jone eshte shume joserioze, ca capacule qe edhe kesaj radhe na mbrojti dikush tjeter. Na mbrojti – theksoj ky eshte iluzioni i krijuar ne opinion. Koordinatata do vijne serish te njejta, por na duhet edhe nje ferkim dhe per kete
      sherbejne keta budallenjte, shqiptaret.

      Eshte zgjedhje e detyruar thua ?
      Arvanitasit sipas asaj qe gjykojme ne ketu jane shqiptare. Ne fakt ata e quajne veten vetem Arvanitas dhe jo shqiptar. Fol ti sa te duash ata jane vetem arvanitas dhe per kete kuptim identitar ata jane shume te qarte. Dhe dine se kujt i sherbejne. Prandaj mos u krekos shume te na tregosh detyrimet, se ne kete jete detyrimi merr kuptim nga perftimi praktik i kontributeve. Edhe At Arthur Liolin eshte shqiptar, por ja qe sepse nuk i hyn njeriu shume ne pune ky lloj identiteti. Si thua ti ?
      Keshtu edhe himariotet. Une jam rritur me shume prej tyre, sepse jane vertet me shume grek ata sesa shqiptare. Dhe kete e vura re sidomos (edhe per veten) kur erdha ne Tirane, ne metropolin e pare te qofterise evropiane.

  27. ””Ne radhe te pare, e kam aRmanda emrin.””

    Ta gezosh emrin Armanda, nuk ta shtremberova qellimisht .

    ””’Ne radhe te dyte, kaq te veshtire e ka nje mashkull shqiptar qe te komunikoje me nje person te gjinise tjeter pa perdorur nje gjuhe paternaliste dhe tallese te tipit bijez e luleve-karafile-trendafile; si dhe pa perdorur njehere fjalen breke (firmato per me teper)? Nuk mund te thoje dot, sic do t’i thoje dikujt tjeter te gjinise tende se etniciteti nuk eshte placke qe hiqet e xhvishet sipas qejfit?””’

    Ke shkuar pertej me fantazine e dashur; eshte pjese e repertorit tim kur fus ca ‘pathos’, pavaresisht gjinise se tjetrit dhe pikerisht tek ky baraztrajtim shihet e kunderta e asaj qe the. Po te lexosh shkrimet ku i kundervihem pseudo-racionalizmit, do gjesh gjate patosit pak eufemizma e shume krahasime e metafora te ngjashme me keto qe permende.

    ””’Ajo qe ti thua se njerezit e marrin etnicitetin nga bashkesia ku jetojne eshte pikerisht ajo qe une them, se etniciteti eshte kulturor.””’

    Tani une e kam marre etnicitetin nga gjaku, meqe prinderit jane shqiptare, dhe nuk kam pritur te shkoj 18 vjec, qe te kem te drejten e zgjedhjes (meqe i pjekur), per te qene shqiptar.
    Etniciteti domosdoshmerisht kalon nga gjaku, eshte thelbesore qe femija i sapolindur te kete etnicitet dhe te llogaritet si pjese perberese e etnise, sepse etnia riprodhohet nepermjet femijeve jo nepermjet shkrirjes se te huajve ne te. Keta jane efekt anesor qe nuk percaktojne dinamiken e riprodhimit te etnise.
    Nje nacion pa etni, jane amerikanet, sepse nuk ka pasur ndonje etni amerikane qe i ka dhene jete nacionit amerikan.

    Etnia eshte permbajtja e kombit, ndersa ndergjegja kombetare eshte forma.
    Amerikanet jane komb pa permbajtje, por vetem me forme, pavaresisht perpjekjeve te vazhdueshme per ti dhene formes permbajtje.
    Etnia e ka thelbesore linjen e gjakut. Kjo sdo te thote qe gjaku eshte i vetmi , sepse pa gjuhen veshtire se shkon gjekundi, po ashtu feja ka qene thelbesore(shiko hebrejte, hebraishten e mesuan 50 vjetet e fundit, e perseri ishin etni fale fese) dhe sigurisht kultura, mendesia, zakonet, e drejta, pra elementet e tjere shpirterore (gjuha edhe pse element kulturor e shpirteror perben njesi te vecante per shkak te peshes se madhe qe ka).

    Tani ndergjegja kombetare quhet ndergjegje, pikerisht sepse nenkupton aftesine e gjykimit racional mbi vetveten.
    Te jesh i ndergjegjshem per dicka do te thote te kuptosh realitetin, te kuptosh ate qe eshte e ne rastin tone ate qe je.
    Pra ndergjegja qe sjell identifikimin, nuk eshte zgjedhje por kuptimi i asaj qe je dhe lidhjet qe ke me te tjeret.
    Ketu jemi ne nje fushe teresisht racionale ku ndjesite skane pune fare sepse jane emotive.
    Se cfare ndjehesh eshte problematike emotive, qe ska lidhje me konceptin e ndergjegjesimit.

    Etnia eshte produkt racional i historise, racional sepse universal dhe e ka te domosdoshme permasen historike, pasi vetem aty shohim ne kemi vertet nje etni, produkt racional, apo nje grumbullim aksidental njerezish.

    Nje qytet kozmopolit eshte nje grumbullim aksidental njerezish, kurse nje etni eshte ‘e shkruar’ ne evolucionin shoqeror.
    Ndergjegjesimi, qe eshte krykeput nje proces racional , nuk le vend per zgjedhje dhe ndjeshmeri .

  28. Sepse e nisa komentin e meparshem si pergjigje. Meqe del jashte temes se shkrimit kryesor, do e mirekuptoja edhe nje fshirje, sinqerisht. Falemnderit.

  29. ‘Gjuhë e keqe’ apo ‘Gojë të liga’?

    Mund të diskutojmë pafundësisht për formën (gjuhën) e paraqitjes së mendimeve të dikujt, por, nëse nuk hyjmë edhe në meritën e asaj ç’ka thuhet, vështirë se do të mund të thoshim se kemi prekur thelbin e muhabetit.

    Mund të themi sa të duam se Xhufi përdor Gjuhë të keqe apo nuk është elgant në paraqitjen e mendimit të tij, ashtu siç mund të themi që A.Klosi përdor një Gjuhë të përsosur dhe është mjaft elegant, por, janë ca “hala” që shumkujt i mbesin në fyt dhe nuk gëlltiten edhe kur thuhen me “gjuhë të përsosur”

  30. ””’Cfare eshte tendencioze, ajo qe nuk perputhet me ate qe i pelqen shumices ?””’

    Jo tendencioze eshte kjo:
    Gjykata Kushtetuese e rrezon, po pse ? Per motive Proceduriale…… Me fal shkaqet proceduriale e cenojne thelbin teknik ? Jo, ….

    ””Une nenvizoj serish se nuk eshte thelbi i marreveshjes ai qe perben problemin e vertet, por fakti se kunderpale ketu eshte Greqia.””

    Ky eshte perfundim kot sa per zhurme. Gjykata Kushtetuese e vendosi fare qarte se cili eshte problemi i vertete. Problemi i vertete eshte se Greqise i jepen ujra qe ne i kemi ne zoterim prej koheve qe s’mbahen mend.
    Mua me fal per shprehjen, do me kish zene kapslleku sikur ne ti merrnim Greqise 350 km2 me marreveshje por Gjykata Supreme e Greqise te dilte kunder.
    Ty te ka zene kapslleku per te kunderten, pse Greqia smerr 350 km2 shqiptare.

    ””’Nuk eshte aspak keshtu, sepse perndryshe vete Konventa qe i permban keto parime do te ishte antikushtetuese. Parandaj ky eshte nje argument shtese qe e zbulon Gjykaten si nje pjese orkestre te politikes.””

    Ue sa gdhe qe je per Zotin. E drejta nderkombetare eshte zakonore, me zokonore se e drejta anglo-saksone. Qe do te thote se ska kode absolute si e drejta romano-gjermanike (kontinentale), por mund te thirren parime apo analogji si te para 200 vjeteve ashtu edhe te para 10 vjeteve.
    Parimi i baraslargesise eshte ende sot i vlefshem kur ndahet deti midis 2 zonave kontinentale dhe do jete i vlefshem edhe pas 200 vjeteve me siguri.
    Ndersa parimi i barazise, perdoret posacerisht kur ka edhe ishuj e arkipelage.

    Ky parim lindi sepse ishte kontradiktore qe te zbatohej parimi: toka sundon detin , dhe nga ana tjeter ishujt qe ndodhen ne det te vleresoheshin njesoj si kontinenti dhe nje ishull rrembythje i pabanuar te kishte vleren e kontinentit.
    Nje ishull i tille rrembythje ishte ishulli Barketa, krejt pa zot i cili i duhej Greqise per ta perfshire ne matje dhe ti jepte nje justifikim tradhtareve para popullit.

    ””’Fol ti sa te duash ata jane vetem arvanitas dhe per kete kuptim identitar ata jane shume te qarte. Dhe dine se kujt i sherbejne.””

    Ata u genjyen prej grekeve,u ndodhen mes grekeve, nuk kane ditur kurre cfare jane, ne fakt ata jane viktima te formalizmit nacional grek dhe viktima te historise, dhe pikerisht pse jane viktima pothuaj jane zhdukur.

    Historia nuk i fal grupimet idiote.

    1. Shkruaj per ndonje gje kur je i informuar te pakten dhe meqe je komentues i rangut te larte ne kete blog, te kerkohet nje gjuhe me elokuente edhe kur sulmon dike. Perndryshe do mendoj se ke ndermend te kandidosh dhe po stervit gjuhen ketu, para se ti adresohesh turmes me te cilen ke lidhje organike. Por te sugjeroj qe te pakten njohurite e tua per kapsllekun t’i mbash si karte rezerve.

      Ti flet per tradhetare ashtu si idiotet e tjere ne Tirane. Une them se nuk ka tradheti, por mundesi alternative negocimi, te cilat nuk sjellin perfitime teknike.
      Nese do te ekzistonte nje tradheti ajo nuk do te provokonte debate, as do ndante opinionin ne mes. Sepse tradhetia i le vetem nje rruge vetes; denoncimin unanim.

      Se tani mora vesh edhe kete punen numrave dhe kuotimit te komenteve. Sikur nuk ke shume vleresime ti qe flet me gjuhen e nje tribuni te bere tape.

  31. Kam mendimin se greku i ka bere hesapet e veta me popullsine shqiptare; behet apo s’behet me kritere etnike censusi. Nga momenti qe ata kane marre letra greke, qeveria greke e di atehere sa koke ka regjistruar dhe me e keqja, nuk mund ti themi dhe gje xhanem se nuk i regjistroi me pahir.

    Do thote Papandreu se une kam te regjistruar kaq minoritare, ju andej sa keni? Kaq edhe ne. Shto tek keta edhe ata bandilla qe do numerohen dy here, nje nga greku e nje nga ne edhe pastaj qaje jugun.

  32. Ja edhe kontributi i Ministrisë së Jashtme të Republikës së Shqipërisë në diskutimin me temë “Gjuhë e Keqe (II)”. Faleminderit.

    Pyetje: Z. Meta, Gjykata Kushtetuese ka rrëzuar para disa ditësh marrëveshjen e detit me Greqinë, dhe besoj se ka qenë edhe pjesë e takimeve tuaja me Ministrin grek Droucas. Në kohën kur ajo u kundërshtua nga disa media dhe opozita, ju deklaruat se grupe ekstremiste po dilnin kundër kësaj marrëveshjeje. Çfarë ndodhi z. Meta? Këto grupe ekstremiste patën ndikimin e tyre edhe në Gjykatën Kushtetuese, apo vërtet jeni të bindur se ka patur probleme kjo marrëveshje?

    Z. Meta: …Por, unë si Ministër i Punëve të Jashtme të Shqipërisë nuk mund të mbyll sytë dhe nuk mund të hesht kur elementë ekstremistë, e theksoj, në politikën shqiptare, që për fat të mirë janë në pakicë e të izoluar nga shoqëria jonë, përpiqen të helmojnë marrëdhëniet mes dy vendeve dhe midis dy popujve vazhdimisht, me qëndrime të ndryshme të cilat nuk i shërbejnë askujt, përveç atyre grupeve që kërkojnë t’i kthejnë marrëdhëniet prapa në të kaluarën. Ndërkohë që angazhimi kryesor i Shqipërisë është anëtarësimi e saj në Bashkimin Evropian. Greqia është një nga mbështetësit kryesore të Shqipërisë dhe të Ballkanit Perëndimor për t’u anëtarësuar në BE dhe për liberalizimin e vizave me zonën Shengen. Unë në këtë drejtim nuk mundem dot të hesht. Por vendimi i Gjykatës, siç e kemi thënë që në fillim, është tjetër çështje dhe ne do t’i respektojmë gjithnjë vendimet e gjykatave, edhe atëherë kur na pëlqen, por edhe atëherë kur mund të mos na pëlqejë. Ky është dallimi me përfaqësuesit e Partisë Socialiste.


    Pyetje: Z. Meta, kur flisni për grupe ekstremiste, i referoheni grupeve politike apo individëve jashtë politikës?

    Z. Meta: Më duket se jam shumë i qartë. Shikoni ata që tërë ditën rrinë e merren me krijimin e mosbesimit dhe të urrejtjes midis dy popujve, kur ne në Greqi kemi gati 1 milion shqiptarë dhe kur dihet që Greqia është një nga mbështetëset kryesore të integrimit evropian të Shqipërisë, të liberalizimit të vizave për të gjithë shqiptarët ashtu sikurse edhe Greqia ka qenë një mbështetëse shumë e fortë për anëtarësimin e Shqipërisë në NATO. Nuk e di se kujt i shërbejnë qëndrime dhe politika të tilla? Në rast se ka një problem me Qeverinë e Shqipërisë, kjo është çështje tjetër, dhe secili ka mënyra të ndryshme dhe rrugën për të ngritur një çështje që nuk shkon me mënyrën se si vepron Qeveria shqiptare. Por askush nuk ka të drejtë të helmojë marrëdhëniet mes dy vendeve dhe dy popujve se nuk janë marrëdhënie ndërmjet dy qeverive.

  33. ””Nese do te ekzistonte nje tradheti ajo nuk do te provokonte debate, as do ndante opinionin ne mes. Sepse tradhetia i le vetem nje rruge vetes; denoncimin unanim.””

    Esat Pashen kur planifikonte ndarjen e Shqiperise e donte pothuaj gjithe Shqiperia e mesme, Zogun kur falte Shen Naumin e donte gjysma e Gegerise, keshtu qe edhe Sala i gjen tifozet e vet, ku kesaj radhe pervec ‘femijeve’ qe e shohin Salen si Babai i Kombit, shtohen edhe tosket e shkombetarizuar, si puna tende dhe ndonje tosk kokemish si Ilir Meta, qe me kete muhabet u be krejt harram.

    ””Se tani mora vesh edhe kete punen numrave dhe kuotimit te komenteve. Sikur nuk ke shume vleresime ti qe flet me gjuhen e nje tribuni te bere tape.””

    Une luaj ne fushen e kundershtarit, dmth ne fushen tende, po deshe te luash ne fushen time, duhet te heqesh dore nga barazimi dinakeri-inteligjence, ne fushen time Kalit te Trojes i vihet zjarri.

    1. Kur Esat Pasha planifikonte keto qe tua ti, shumica e shqiptareve nuk kishin ndergjegjen e shtetit. Zogu nuk ka hyre ne histori si tradhetar, ne mendjen tende ndoshta. Per sa i perket Saliut nuk me intereson, thjesht flas ne baze te atyre qe komunikohen publikisht. Nese do te kishim te benim me tradheti, e rithem se denoncimi do te bashkonte shumicen e njerezve. Si ka mundesi qe edhe ne denoncimin e nje fakti flagrant argumentimi mbetet mjeran ?

      Se fundi per etiketimet personale. Une e di shume mire se patriotet e tipit tuaj kane nje regjim psikik te paqendrueshem, por ja qe natyra e gjerave dikton durim. Durim dhe me shume hapje, sepse ne fund te fundit kur dike e braktis arsyeja e vet, apo i shterron baza argumentuese, ai vetem sa thekson dobesine e vet. Me etiketon si dinak. Une mendoj se te pakten ne kete blog kam folur hapur, ate cfare mendoj. Megjithate mua me nderon serish edhe rritja progresive e mases krahasuese qe ti perdor, packa se ti edhe ketu sheh kundershtare.

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: