GJETHE E RE FIKU

Po vërej një shkallëzim të ngadalshëm, edhe pse sistematik, të retorikës së diskursit publik nga regjistri thjesht politik me tone juridike drejt regjistrit patriotik, të cilin të gjithë ne e zotërojmë virtuozisht.

Kështu, sot po flitet për veprimin heroik dhe solemn të gardistit Amaraldo Izeiri, i cili e paska mbrojtur flamurin kombëtar gjatë manifestimeve, për t’ia dorëzuar atë më pas simbolikisht kryeministrit.

Tha kryeministri [citoj verbatim nga Panorama]:

Në një moment të caktuar, një horr, rrugac, bandit që flamurin kombëtar e kishte për lecke ia vërviti atij te këmbët, por ai e mori dhe e mbrojti atë. Flamuri ynë është flamuri me të cilin prehen të gjithë ata që kanë luftuar për Shqipërinë, është flamuri që në dallim nga kombet e tjera ky flamur edhe himnin e kombit e ka të qëndisur rreth tij.

Si mund të lexohet e gjithë kjo, përveçse në optikën e një fushë-beteje, ku Garda, njëlloj si pretorianët e Skënderbeut, mbron kështjellën e Kryeministrisë nga sulmet e “hordhisë” së huaj; nën komandën e të Parit?

Shto këtu edhe këtë deklaratë që ia ka bërë kryeministri gazetës italiane La Repubblica në një intervistë sot [theksimi im]:

Kam folur me ministrin italian Fratini. I kam kërkuar ndihmë, i kam shpjeguar çfarë po ndodh. I kam thënë se do të mbroj me të gjitha fuqitë e mia lirinë e Shqipërisë.

[Gjithsesi, aty Berisha zgjodhi të flasë me një italishte të pasigurt dhe përmendja e lirisë së Shqipërisë mund të përligjet edhe me vështirësinë për t’u shprehur saktë. Tjetër video këtu.]

Paraqitja e situatës para Kryeministrisë si fushë-beteje dhe jo si problem i rendit publik, e rikornizon çështjen e të vrarëve – meqë aty ku ka beteja do të ketë edhe të vrarë, në një kohë që problemet e rendit publik zgjidhen si rregull me arrestime dhe kontroll të turmës, jo me likuidimin fizik të personave të implikuar.

Unë vetëm kështu mund ta kuptoj paragrafin e mëposhtëm, nxjerrë nga fjala e Berishës me efektivët e forcave të armatosura të republikës [theksimi im]:

Ju jeni ushtarakë, dhe ju e dini që ushtari, gardisti urdhrin e ka nga rregullorja, ka një rregullore që ai zbaton. I thotë dhe komandanti i vet këtyre se kanë qëlluar me fishekë manovre dhe mund të kenë qëlluar dhe me fishekë manovre, kanë qëlluar me fishekë reale, këto të gjitha janë çështje hetimi.  Janë vrarë nga të tjetër? Këto të gjitha janë për hetim, gjithçka është për hetim, por një gjë është e sigurt, në atë oborr ai që shkel apo guxon të shkelë, në rast se nuk largohet me të shtëna paralajmëruese nuk do të mund të largohet kurrë me këmbët e tij më.  Ky është rregulli i çdo vendi demokratik.  Shko ti shtyja portën një institucioni të huaj dhe do shohësh cili është reagimi, cila është përgjigjja që merr.

Në fakt, përgjigjja që do të merrja unë dhe kushdo tjetër është paralajmërimi, pastaj arrestimi; jo ekzekutimi me armë zjarri, sidomos sa kohë që unë jam i pa-armatosur. Çfarëdo që të ketë ndodhur atë ditë para Kryeministrisë, nuk mund ta përligjë vrasjen e njerëzve që as ishin futur në territorin e mbrojtur!

Temën e flamurit e dëgjova ta përmendë i pari I. Meta në Kuvend të dielën; kur u përpoq, patetikisht, t’ia jepte konfliktit politik ngjyra kombëtariste; meqë ashtu edhe publiku do ta kishte më të lehtë për t’u rreshtuar këtej ose andej – me “shqiptarët” ose me “ata të tjerët”.

Absurditetin e këtyre përpjekje për ta përdorur flamurin kombëtar si gjethe fiku do ta kundërshtoja me një foto të vetme, nxjerrë nga e njëjta diaporamë e BBC-së, që e solli në këtë blog Politicus pak ditë më parë:

Nuk ka komente

  1. Merrni nje grup idiotesh qe nuk dine ckerkojne dhe thuajini te gjuajne me gura Shtepine e Bardhe, te djegin dhe te gjithe makinat qe jane aty rrotull; pastaj vazhdoni me tutje, shqyeni deren e Shtepise se Bardhe dhe futuni brenda ne oborr, bertisni si te marre ne nje dore flamurin amerikan dhe ne tjetren gurat, pastaj prisni se do te arrestoheni me shume butesi, jam plotesisht i sigurt, jo vetem kaq por do’tju servirin edhe caj dhe do t’ju ulin ne tryeze per diskutime te paqme fare, tamam si ato ne” Guantanamo”.
    Nuk di nese jam ne realitet apo halucinoj kur them se” Ku je on Enver”? Se nje psikopat dhe nje delir madh po prishin mend nje komb te tere. Nuk jam dot ne gjendje te kuptoj se kush ka interes te mbaje, te krijoje vazhdimisht situata te tilla. Mbase duhet te mbahet si front lufte Shqiperia qe te ndahet ne disa pjese dhe te marre fund njehere e pergjithmone, te zhduket nga harta, te pakten te dy “udheheqesit”, pozita dhe opozita po luajne kete rol., dhe me bejne te besoj qe nuk kane qellime te sinqerta, peredrisa njeri flet qellimisht percart ne parlament, dhe tjetri ngre njerzit te shakterrojne, te djegin e te vriten pa ditur pse. Kush del i fituar ne kete mes?

    1. Ne Itali studentet dhe te papunet sulmuan senatin, u hyne ne dru dhe kaq. Per ne Tirane pastaj pamjet televizive jane te qarta: kush po i hynte SB ne zyre?! Personi qe u vra dhe qe eshte filmuar as po hidhte gure, as ishte brenda territorit te kryeministrise, as po fliste ndoshta. Me sa kam pare ne televizor policia i kishte me pare qe te gjitha mundesite dhe mjetet qe ta ndalonte turmen: policet ishin te pajisur me te gjitha mjetet dhe demonstruesit po i godisnin me çadra dhe me gure. para se te flasim per ligj, garde, pergjegjesi morale e politike, te pranojme se perdorimi i armeve te zjarrit ishte nje shtazeri. Perdorimi i armeve dhe vrasja e manifestuesve, edhe pse pati dhune, edhe pse dhuna ishte dypaleshe, nuk justifikohet, nuk ka ligj qe e mban, nuk ka ligj qe per nje manifestim ne shesh te parashikoje denimin me vdekje. Vazhdoj te habitem si vete koleget e PD te SB ne qeveri e parlament i pranojne vrasjet e SB dhe te klanit te tij; se si bashkesia nderkombetare nuk e braktis haptazi, se si githe shqiptaret nuk e etikotojne si veprim kriminel vrasjen dhe si individe kriminele te gjithe ata qe vazhdojne te mos e denojne ate. Habitem se si sindikatat shqiptare nuk shpallin greve te pergjithshme te vazhdueshme qe ta paralizojne te gjithe vendin; habitem se si deputetet socialiste nuk i futen greves se urise; pres qe te gjithe shqiptaret, edhe ata qe jane perkrahes te PD, te denojne vrasjen, se ndryshe keshtu justifikojne vrasjen e tyre neser kur ne pushtet te jete Ps-ja.

  2. Idiotesi eshte te besh paralele mes Shtepise se Bardhe dhe nje godine te zaptuar perves votave te vjedhura!

  3. “Paraqitja e situatës para Kryeministrisë si fushë-beteje dhe jo si problem i rendit publik, e rikornizon çështjen e të vrarëve – meqë aty ku ka beteja do të ketë edhe të vrarë, në një kohë që problemet e rendit publik zgjidhen si rregull me arrestime dhe kontroll të turmës, jo me likuidimin fizik të personave të implikuar.”

    Ajo ishte dhe mbetet ne fakt fushe-beteje, per pushtet.

    A kemi akoma alibi qe Rama nuk kishte gisht ne gatimin e dhunes se 21 janarit, dhe qe Berisha nuk kishte gisht ne gatimin e kunderpergjigjes (perfshi dhe vrasjet)? A nuk ndodh cdo aksion dhe kunder-aksion tjeter politik nen dirigjimin dhe direktivat e tyre? Pse kjo dite do ishte ndryshe?

    Sic thote dhe Lubonja ne artikullin e tij:

    “Kësisoj beteja tek Kryeminstria më shumë sesa një sulm serioz për ta detyruar Berishën të linte vendin sipas një shembulli tunizian dhe një mbrojtjeje serioze nga krahu tjetër, i shëmbëllente një demostrimi force – nën regjistrimin dhe transmetimin direkt të telekamerave…”

    http://perpjekja.blogspot.com/2011/01/ku-po-shkojme-cduhet-te-bejme.html

  4. Po e filloj si axha. Po verej prej ca ditesh qe xhaxhai po i bjen te njejtes qemone. E me kujtoi nje axh tjeter, rahmet paste, nje axhe qe na boni lanet si komb kohe me pare. He mo se te gjithe e njohin. E kam fjalen per Curcillin more, Curcillin. Burr i madh.E ka lene ai nje amanet

    Now this is not the end.
    It is not even the beginning of the end.
    But it is, perhaps, the end of the beginning.

    E thelle he.

    Xhaxha po e tjerr si gjate kete muhabetin e ngjarjeve te Tiranes, tjerr e tjerr. Mbreti eshte lakuriq, ka kohe qe eshte i zhveshur, te gjithe e shohim. Por nuk eshte e veshtire te diktosh ku anojne simpatite e tua, e ngjan teper e veshtire, te luash rolin e analistit kur te merr gjithmone ana.

    Shkruaje se dikush duhet ta keshilloje kryeministrin. Kryeministrit te Shqiperise besoj se nuk i kane mungur njerezit e rrethit te ngushte qe e kane keshilluar gjithmone te veshe nje kostum te ri politik. Tashme ai eshte nje politikan i konsumuar, eksentrik, por akoma i afte te tribloje te gjithe te tjeret nga te dyja krahet.

    Nuk na shkon me te veshim kostumin e idealistit, te asnjeanesit. Po ty a te ka keshilluar njeri se e ke futur veten ne nje terren mocalor kur merresh e ben analiza te tilla, sidomos kur e asocion veten me Muc Nanon, qe hedh te zezen ne te bardhe me perbuzjen e njerit qe e ka pare Shqiperine nga ekzotizmi i Cerovodes. E ke vizituar ndonjehere Cerovoden? Andej jane maloket tane te jugut. Vend i mbyllur, poshte, pa dalje, pak e sheh dielli gjate dites, mes malesh.

    Nje shembull i fresket i mungeses te ndershmerise gazetareske te tij jane dy artikuj te adaptuar nga NY Times te postuar ne saidin e tij ku vendos edhe emrin e autorit. Por Muci sic thote vete i perdor shkrimet si paranteza. Ai nuk e di se cfare implikon paranteza, por e perdor per te bere akrobacira cerevodiane e lidhje pa lidhje me situatat ne Shqiperi sipas oreksit te Mucit. Ndershmeriija e Mucit ndalon atje kur dikush ia ve ne dukje mungesen e ndershmerise e pastaj fillon te shan.

    Ti je rritur e edukuar ne Tirane, je ngjitur besoj ne mal te Dajtit e ke pasur mundesi te shohesh ne horizont edhe blune Adriatikut prej lartesise te tarraces te Dajtit. Muci e ka pare shume vone blune e Adriatikut.

    Sigurisht Tirana eshte kryeqyteti i vendit. Nje shprehje anglisht thote … small places,small people, big places, big people. Nano eshte pjese e small people in big places.

    Qofsh i nderuar

    1. Nuk e marr vesh me çfarë po të bezdis, zotëri.

      Unë kam një cep timin në Internet, ku dua t’i bëj muhabetet lirshëm me miqtë e mi, kolegët dhe njerëz të tjerë që u bie rruga këtu.

      Tani për tani, çfarë ndodh në Shqipëri nuk na lë indiferentë; duke biseduar, edhe e kuptojmë më mirë.

      Sikur pushtetarët në Tiranë të kishin folur më shumë mes tyre dhe më shtruar – p.sh. duke më lënë mua t’ua moderoj shkëmbimet – të siguroj se shteti shqiptar nuk do të ishte katandisur kështu si është sot.

      Natyrisht unë s’jam asnjanës, as kam qenë ndonjëherë. I pavarur, por jo asnjanës. Unë që kur ka nisur kjo zallahi e kam theksuar se përgjegjësia kryesore i mbetet Berishës, sepse ai është kryeministri, ai ka edhe gurin edhe arrën.

      Sipas profilit që kam, merrem më shumë me ligjërimin politik; njëlloj prej kohësh kam vërejtur se ligjërimi politik i Berishës, veçanërisht sulmet personale që i ka bërë kundërshtarit të vet dhe shefit të opozitës, e kanë helmuar politikën shqiptare.

      Ato mjedise institucionale, të cilat në një shtet demokratik u shërbejnë palëve për të komunikuar mes tyre dhe për t’u marrë vesh, Berisha i ka shndërruar në platforma për të goditur Ramën me të gjitha mjetet e mundshme.

      Edhe një herë, këto gjëra mund të ishin shmangur, ndoshta edhe duke dëgjuar këshilla të të tjerëve në momentet më kritike. Ne jemi mesdhetarë, jemi gjaknxehtë, jemi shumë emocionalë; dhe kur na pushtojnë emocionet bëjmë gabime të mëdha. Një këshilltar i mirë, jurist ose konstitucionalist, nuk do ta kish lënë Berishën të kthente mbrapsht urdhër-arrestet e Prokurorisë dhe ta fuste vendin në krizë institucionale. Po të kish ndodhur kjo në Itali, do ta kishin quajtur “golpe bianco”, ose grusht shteti i bardhë (ndryshim i formës kushtetuese të shtetit me mjete që nuk lejohen nga kushtetuta).

      Me termin “grusht shteti” (dhe sinonimin “puç”) po abuzohet shumë këto ditë. Nëse ka pasur vërtet orvatje për një të tillë të premten, këtë mund ta nxjerrin në dritë hetimet – por jo hetimet e komisionit parlamentar të sapo-krijuar, sepse ky nuk e ka autoritetin që të jep paanshmëria; as hetimet e Prokurorisë, sepse kjo është damkosur tani, prej kryeministrit vetë, si “e implikuar”.

      Megjithatë, Gjykata Kushtetuese është praktikisht e detyruar të hetojë incidentin e rëndë të konfliktit mes Ekzekutivit dhe Gjyqësorit, në të cilin presidenti Topi preferoi të mos ndërhynte, duke ia deleguar rolin e vet ambasadorit amerikan në Tiranë – me kusht që dikush të kujtohet dhe t’ia kërkojë.

      Këto janë zhvillime të jashtëzakonshme, ku e ku më të rëndësishme se qëndrimi që mbaj unë dhe ndoshta ti ndaj tyre; nuk mund të rrimë indiferentë, as ta dënojmë klasën politike en bloc; jo sepse nuk e meriton, por sepse nuk është momenti për ta bërë këtë. Ajo klasë e shkaktoi krizën, ajo klasë do të ofrojë edhe zgjidhjen – çdo alternativë tjetër është alarmante, me përkufizim.

      Tani, sa për Muç Nanon, unë vërtet bashkëpunoj me të, por ai nuk më pyet mua se çfarë shkruan dhe çfarë boton në ResPublica. Nëse ti ke probleme me të, mund të shkosh dhe t’ia thuash atje, meqë kam parë që ai s’e ka shumë problem t’i lejojë shkrimet kritike ndaj sajtit dhe atij vetë.

      Por ti do të biesh dakord me mua, shpresoj, se raportet e mia me Nanon janë pa kurrfarë rëndësie në këtë mes dhe sidomos në këtë kontekst, apo jo?

  5. Nuk pyet me njeri ne Tirane se çthote Lubonja, Xhib – i tha nje anonim ne internet nje anonimi tjeter.
    😀

    Lubonja eshte nga te paktet njerez qe nuk ben pjese ne llogoret politiko-mafioze, nuk eshte mercenar si shume opinioniste te tjere, as i budallallepsur nga abrakadabrat e politikaneve, dhe as nuk ngurron ti thote gjerat si jane persa i perket gjendjes politike ne Shqiperi.

    Normal kjo eshet ceshtje opinionesh, por pertej ca mendojne a s’mendojne njerzit per Lubonjen, ja vlen te theksohet qe ai s’eshte protagonisti i ngjarjeve, vec po i komenton ato.

    Arsyeja pse shume syresh si ty nxiten ta diskreditojne Lubonjen ne kesi rastesh, ka te beje me shume me juve vete, sesa me Lubonjen. Kshu mendoj.

    “Ti nuk ke pse frike, nuk ke bere ndonje te keqe te madhe, nuk e ka njeri me ty…”

    shyqyr qe me hoqe friken, se s’po me zinte gjumi sot dhe u ngrita te shikoja mos kishte ndonje koment kurajues ketu.

    nejse, sic thashe ne nje koment tjeter, keto pjese komentesh si puna e ketij citatit te dyte per friken time e lesh te tjera me qime me stil dridhje like per corape e trike, vetem sa e ndyjne kete blog, po fundja per kete e kane pergjegjsine ata qe miratojne keto komentet….kshu qe po e mbyll duke te falenderuar prap per kurajon. 😀

  6. Jo pa qellim ne mesazhin time solla thenien e Curcillit … the end of the beginning. Perse mendon se jam i bezdisur? Postiqja jote e internetit eshte nje cep, por me xhamllik. Cdo kalimtar mund te hedh nje sy e te shoh cfare eshte ekzpozuar. A duhet te ndjehem i bezdisur sepse ti ke ekspozuar mallra qe ndoshta nuk i shkojne shijes sime? Une kam shijen, opinion tim. Browsing eshte sport si edhe per ty edhe per mua.

    Te tingelloj polemist? Elementet qe permende, si studiues i ligjerimin politik, i pavarur, por nderkohe jo i paanshem konfliktojne. Duket se sapo pohon se qendron ne njeren ane te gardhit. Po a mund te mbetesh i pavarur? Kjo varet se c’kupton ti me fjalen e pavarur. Shpresoj se ashtu si edhe une kuptoj, kupton edhe ti qe te qenurit i pavarur nuk shkon me te qenurit i njeanshem. Ideologjikisht duhet te kesh edhe ti nje vije ndarese. Apo njeanshmeria ndryshon sipas rastit, bazuar ne nje moral holistik qe qendron mbi ideologjine?

    Te gjithe qe merren me studimin e ligjerimit politik flasin nga pozitat e ideologjise me te cilen jane ushqyer e besojne. A nuk eshte kjo dicka e pranueshme dhe e respektueshme? Akademistet jane te lidhura me fije te padukeshme me ideologjine. Duhet te jete po keshtu edhe per ty me ideologjine tende?

    Persa i perket bashkepunimit me Mucin, kjo eshte si i thone your choice, por ekziston nje term qe nuk ka peshe juridike, ligjore; gilt(y) by association. Njerezit jane ne gjendje te gjykojne se ne mullirin e kujt con uje Respublica e Mucit e kush eshte mullixhiu.

    Persa i perket kurrajos se Mucit per te pranuar kritiken, te solla shembujt, kur Muci fshiu postimin qe mund t’i kishte kaluar e ku i vente ne dukje mungesen e profesionalizmit gazetaresk. Mbreti mbeti lakuriq perseri.

    Mos i permend flete-arrestet se ngjajne me gozhden e Nastradinit. Jane thjesht pjese e Power and war Games. Ti je shahist me sa di une, e di se cdo te thote te te lene pa mbrojtje…

    A mund te leshoj letra bakeri nje prokurore pa hetuar e ne nje hark kohor me pak se 24 ore? Si dolen ashtu fajtoret..

    Naten e mire.

    1. Kjo që shkruan ti nuk është logjike. Pse detyrimisht dikush do të duhej të ishte në njërën anë apo në tjetrën?

      Pse përjashtohet mundësia, që dikush të ketë një problem me njërën palë apo të dyja palët e një konfliktit pa u bërë vetë palë?

      Pse kjo ndarje e detyruar në fronte?

      A nuk është kjo logjikë enveriste?

      Je gjë enverist i dashur?

      Përdor një stil shkrimi të kultivuar, që të tregon qe ke një formim qytetar elitar, por pret pakuptueshmërisht, që të heshtet kur flet Berisha.

      De si flet Berisha së fundi!

      E ke dëgjuar?

      A nuk të është dukur edhe ty një ndotje eklatante verbale e hapësirës publike?

      E hapësirës publike time dhe tënde?

      Sugjeron gjë ti, se duhet jetuar në këtë hapësirë pa u revoltuar?

      Po pse?

      Pse u dashka jetuar detyrimisht në mes të mbetjeve të tilla toksike, që kryeministri i vendit prej disa vitesh i dergj ku të mundet?

      E di ti i dashur, se mamaja ime është me tension dhe nuk i bën mirë dhuna verbale e pushtetmbajtësve të sotëm?

      (Po ta kursej gjendjen e vështirë ekonomike të pensionistëve shqiptarë që nuk kanë mjaftueshëm të hanë, sepse edhe vetë nuk dua të bëhem patetik.)

      Pastaj, pse këto aludime për njerëz të paguar, që shkruakan për interes të një grupimi politik?

      Ç’të ka ndodhur, që nuk përfytyron dot, se dikush mund të shkruaj nga pasioni i lindur nga kultura qytetare që ka, nga dëshira për një shoqëri të pastër, pa demagogë arrogantë në pushtet, që pasurohen ilegalisht duke nëpërkëmbur interesat e përgjithshme të popullsisë?

      E dallon dot se sa vanitoz që je kur pret që të heshtet?

      Apo të pozicionohet partiakçe?

      Nuk e ndjen se se ka një nevojë për kthesë?

      Nuk e shikon, se nuk po mban kush anën e Ramës apo të Berishës, por vetëm se po shqetësohet, se mos prishet shteti?

      Se mos prishet konsensusi kushtetues?

      E di se ç’është patrotizmi kushtetues?

      Shkrova edhe më lart, dukesh i kultivuar, por pa ndërgjegje juridike të zhvilluar në atë masë, që të kuptosh nevojën e pavarësisë së gjyqësorit.

      Mangësi e madhe.

      Nuk dua të të fyej.

      Por mos gjyko gjyqësorin.

      Të diskualifikon intelektualisht.

  7. Edhe nje regjisor i nje vatre kulturete nje humbetire do kishte bere nje regji me te mire se ajo skene e mjere dhe qesharake e djeshme.

  8. ””Arsyeja pse shume syresh si ty nxiten ta diskreditojne Lubonjen ne kesi rastesh, ka te beje me shume me juve vete, sesa me Lubonjen.””’

    Xhibo, Lubonjes ja mblodhi nje anonim, te cilin po e citoj dhe lexoje mire, mos i kalo vertikalisht:

    – Une cuditem qe ju nuk shikoni si problemin me akut vleren qe ka jeta e njeriut qofte ky edhe protestues i dhunshem. Deri dje ankoheshit qe ne shqiperi nuk revoltohen njerzit, nuk ka fryme “revolucionare”, ska te rinj etj etj. Sot ju edhe “intelektual” te tjere percmojne protestuesit si injorante kokepalare e ku ta di une. A e kuptoni se sa te pandershem qe jeni dhe ju??? Pse ne vendet demokratike kush eshte ne balle te demostrates???
    Ku e dini ju more se une u perlesha per Edi Ramen?? Une u perlesha me mburojen e nje pushteti banditesh dhe do perleshem edhe neser kunder policeve te Edi Rames.
    ___________

    Ky eshte populli qe ben diferencen, ky individ eshte ai qe legjitimon protesten e dhunshme, e ben protesten popullore, jo socialiste a majtiste a ku di une.
    Lubonjes i duket qe meqe ai shan Berishen e Ramen, te gjithe ata qe i shajne te dy, duhet te ngrohin kolltukun e Klanit e te shtepise, se kjo eshte pune e ramisteve dhe berishianeve.
    Jo mor xhib, Lubonjes i ka ardhur vetja ne qejf, i duket se perfaqeson ate mase te madhe te popullsise qe nuk voton se i duken te gjithe hajdute e hajvane, po nuk eshte aspak ashtu.

    Ne, ne ndryshim nga vendet perendimore, nuk e kemi ne kulturen politike protesten e dhunshme, tek ne protesta e dhunshme paraprin pushken, i bejme protestat paqesore derisa vjen ajo e dhunshmja, por kur vjen e dhunshmja nuk eshte si ne Perendim, qe pastaj bihen gjerat ne qetesi, nuk e njohim kete zakon, po pati proteste te dhunshme, prite te kercase si qemotit.

    S’mbaj mend ne keto 20 vjet qe te kete plasur protesta e dhunshme e pastaj te jete mbyllur me aq.
    Te jete kjo hera e pare, qe do mbyllet me kaq ? S’ma ha mendja, ku ke pare sherr mes shqiptaresh qe zgjidhet ne gjykate, o do zgjidhet me fajtorin qe kerkon falje dhe pranon shpagimin o dikush iken per lesh.

    Tani, Sala po e ben si ne 97, sa me shume njerez dalin ne shesh aq me shume ai ben te fortin, do ju bej kete do ju bej ate, po aq me shume njerezia irritohet e aq me shume del ne shesh.
    Nga ana e tij, luan fakti qe njerezia nuk e do ’97, qe te shumte s’kane besim tek Rama, ndryshe nga atehere qe kishin besim tek Tosi, aq sa PS-ja fitoi ne menyre plebishitare,veri-jug-lindje-perendim, po ama kete karte politike ai po e shperdoron, se po luan me nervat e popullit.

    Nderkombetaret, Presidenti, Prokurorja dhe shqiptaret qe jetojne me iluzione, kujtojne se me gjetjen e shkaktareve te vrasjeve, do e haje edhe Sala e po i meshojne formaliteteve institucionalo-ligjore, po ku pjerdh Sala per ligje e shtet ligjor, pushteti i Sales qe prej 21 Janarit eshte si pushteti popullor i xhaxhit, ka lindur nga gryka e pushkes.
    Deri ne 21 janar pushteti i tij buronte nga vota te diskutueshme, ka 5 dite qe pushteti i tij buron nga gryka e pushkes, prandaj or xhib, s’eshte me çeshtje socialistesh, po e te gjithe atyre qe nuk duan nje pushtet qe buron nga gryka e pushkes, qe duan te rivendoset nje pushtet qe buron nga vota e lire.

    Sala as qe mund ta enderroje te mbaje nje pushtet qe buron nga gryka e pushkes deri ne qershor 2013, ai hecen me kete enderr, po endrrat se kane jeten e gjate.

    Qe te rikthehemi tek Lubonja, çfare kerkon ky tip ?

    Ky s’kerkon asgje, s’thote asgje, s’ka asnje zgjidhje, i vjen anes e anes pa perfunduar asgje, se nuk i ka kembet ne toke, ky fluturon me presh ne mendere, konkretesia zero.
    Ky eshte si ata qe ne kohe lufte, ngrohen e shtriqen prane oxhakut si macja dhe japin leksione paqeje e dashurie.
    Pale po deri dje cyste rinine te emulonte te rinjte greke.
    Po pse çfare kerkon ky o nje rini anarko-komuniste o hiç fare ? Cfare kerkon ky, o te luftoje rinia per komunizmin o hiç fare ?

    Une shpresoj qe nderkombetaret te dine çfare po bejne, po s’ma ha buza fare ate kulaç, gjeja e fundit qe pres ne kete bote eshte qe Sala te jape doreheqje meqe gardistet shkelen ligjin duke qelluar mbi turmen ne shesh, kjo eshte utopi, ai ne 97, ngriti avionet ushtarake kunder turmes, paçka se pilotet s’qene aq idiote sa te mitralonin e bombardonin popullin e i zbrazen armatimet neper kodra.

    Gjithsesi te presim kete gurin e fundit, kete shpikje juridiko-politike qe u ka ngelur ne dore nderkombetareve, qe te mos thuhet pastaj qe s’u provuan te gjitha mjetet politike.

    1. “Gjithsesi te presim kete gurin e fundit, kete shpikje juridiko-politike qe u ka ngelur ne dore nderkombetareve, qe te mos thuhet pastaj qe s’u provuan te gjitha mjetet politike.”

      Po pra, këtë them dhe unë. Për të tjera bie dakord në çka ke thënë më sipër.

      Madje të them edhe tjetrën, që e ka përmendur Muçi tek site i vet:

      “”Nëse Rama bie dakord të pranojë zgjedhjet me kusht që të harrojë viktimat e datës 21 (ka rrezik ta bëjë; në intervistën e djeshme tek televizioni Neës24 foli prapë për zgjedhje të parakohshme, por jo për hetim), atëherë do na duhet të themi, se e gjithë ajo që ndodhi ishte një punë maskarenjsh. Kjo do të thotë se as zgjedhjet s’kanë rëndësi. Ai që vret nuk është më i keq se ai që thotë “më jep pushtetin, por s’prish punë”.””””

      http://respublica.al/mat.php?idm=543&idr=8&lang=1

      Bie shumë dakord me këtë më sipër. Nëse Rama merr pushtetin duke mënjanuar hetimin, atëherë e deklaroj maskara.

      ***

      Ndërkohë Berisha duhet ndaluar të terrorizojë prokurorinë. Nuk ka dalje që bën, të mos tejkalojë kompetencat e tij si KM. Udhëzon prokuroren si duhet të hetojë, çfarë duhet “të pranojë” etj.

      Duhet që dikush të deklarojë se kjo që bën, është pengesë dhe futje hundësh në punët e një institucioni tjetër.

      Duket gjithashtu se të jashtmit nuk e “kanë kapur” këtë faull që po bën Berisha.

  9. ”’Bie shumë dakord me këtë më sipër. Nëse Rama merr pushtetin duke mënjanuar hetimin, atëherë e deklaroj maskara. ”’

    Sa te tjere e kane deklaruar maskara ate , nuk e sheh ti po i prishet gjiza, po pse s’po votohet gjeresisht ai qe mendohet maskarai me pak maskara ?
    Po nuk eshte çeshtja tek maskaralleku, Muçi po flet si e ema e Zeqos n’maje te thanes, se premisa e tij eshte Berisha e hengri tani, keshtu qe nuk ngelet gje tjeter veçse te synohet maksimumi, Muci flet si triumfator dhe Berishen e sheh sikur ka kapitulluar pa kushte, me pak fjale peshku ne det, tigani ne zjarr.

    Mund te jete qe Muçi ka lajme e ka pare gjera qe ne te vdekshmit as qe mund ti perfytyrojme, po nese edhe ai perdor logjiken mbi ç’ka ne tryeze deri tani, atehere po flet si pasneser. E paraqit Berishes si te dorezuar, sikur Anija po mbytet, mirepo s’po shohim minj qe ja mbathin nga syte-kembet.

    Gjeja me e mundshme, nese gjithçka varet nga hetimet eshte qe Berisha i dergon te dyshuarit ne ishujt Maldive me nga nje çante me dollare, hetimet deshtojne dhe Berishen e ke mbi krye, per me teper rrezik ata kthehen pas 1 viti pushimesh fantastike.

    Nuk i di kompetencat e gjykatave civile ne rastin tone, po sikur te jete qe keta duhet te gjykohen ne radhe te pare nga nje gjykate ushtarake dhe ajo i nxjerr te pafajshem ?
    Se jo per gje po akuza permend ne radhe te pare kodin ushtarak e shkeljen e detyres, supozoj qe do pergjigjen para gjyqit ushtarak.
    C’ndodh ne rast se gjykata ushtarake i nxjerr te pafajshem ? Me aq pak sa di une ne keto pune, gjykata ushtarake s’e begenis fare gjykaten civile, ndoshta pyet vetem per gjykaten kushtetuese.

    Nejse pertej hamendjeve, dua te them se te varurit e çeshtjes nga hetimi, eshte nje pune aq e gjate me variabile te panumerta, saqe s’ka logjike formale qe jep dot nje pergjigje.
    Per mua hetimi dhe protestat duhet te hecin krahas njera-tjetres, derisa Sala te bjere nga fiku, nderkaq drejtesia vonon por nuk harron (kot sa per te mbajtur shpresen gjalle).

    1. Muçi ngazëllehet, po e vërtetë.

      Edhe unë kam shumë dyshime në punën e paqme të prokurorisë por si institucion, duhet përkrahur dhe mbështetur, dhe i duhet hequr kafshës nga kthetrat.

      Sa herë del në tv e sulmon! Këtë duhet ta artikulojë patjetër një institucion i lartë! Avokati i Popullit, apo dikush tjetër. Qoftë dhe vetë opozita. Nuk e di madje, mbase e kanë bërë.

      Shpresat pastaj tek prokuroria janë të vakëta. Të mos them se janë aq të holla sa flokët e bjondes. Por duhet konsumuar si mundësi dhe protestat të mos rreshtin.

  10. Kur shteti shtiret, edhe gjyqesori shtiret bashke me te.
    Kur gjyqesorit i teket te behet serioz, nuk e shoh dot se si ai mund t`ia nderroje drejtimin gjithe asaj makine te madhe. Do t`i kete te gjitha pjeset e tjera levizese te saj ne kahje te kundert.

    Si gjithe makina/aparatura shtetore, drejtesia jone shkon nga hajduteria drejt e ne budallalleek, duke kaluar neper injorance dhe perseri mbrapsh.

    Ne lidhje me cfare ndodhi ne Jan. 21, situata te tilla te ngjashme, kane ndodhur jo shume kohe me pare edhe ne vende te tjera me sisteme tejet te zhvilluara.

    Ne Angli , para disa vjetesh, nje emigrant brazilian e ekzekutuan ne mes te publikut ne metrone e Londres. U hetua ngjarja ne nivele te ndryshme, u gjet dhe u shpernda faji, por nuk coi njeri flet arresti per ndonje ne Scotlandyard.
    Po ne Angli, para dy vjetesh, ne nje proteste kunder efekteve te ngrohjes se natyres, nje kalimtar i cili s`ishte pjese e protestes, u perplas per vdekje nga policia, me koke ne trotuar. U hetua ngjarja ne nivele te ndryshme, u gjet dhe u shpernda faji, por nuk i coi njeri flete arresti kryetarit te bashkise se Londres apo shefit te MET.
    Ne Itali, ne Genova, dy nga demostruesit e G20 u vrane nga karabinieret italian ne nje distance fare te shkurtert, thuajse si ekzekutim. U hetua ngjarja ne nivele te ndryshme, u gjet dhe u shpernda faji, por nuk kerkoi kush arrestimin e gjeneraleve te policise ushtarake.

    Perpjekja per arrestimin e drejtuesve te Gardes Kombetare te Shqiperise ne nje menyre aq spektakolare eshte nje paradoks shqiptar qe ben vetem dem dhe nuk sjell as edhe nje te mire ne cfaredo lloj plani, kushdo qofte motivi i aktoreve.

    Per mendimin tim, si ne qendrimin e kryeministrit, si ne ate prokurorise, si ne ate te gardistit qe dha urdherat apo qe terhoqi kembezen, si ne ate te aktoreve politike, e madje edhe ne ate te demonstruesve, mbisundon ajo ideja e imperium infinitum, pushtetit te pakufishem. Brenda katroreve te tyre te veprimit, keta aktore e konsiderojne veten zoter absolute, dhe mendimet e verprimet e tyre e reflektojen kete, sepse ne to nuk sheh asnje lloj ndergjegjesimi qe ata jane pjese e nje dickaje me te madhe se sa vetja. Si pasoje, kontradiktat burokratike, administrative, shteterore, politike, juridike, retorike qe krijohen, jane shpesh ne antipode kaq ekstreme, sa po te mos kishin pasoja kaq tragjike, do te ishin per tu qeshur, tallur, e treguar me gisht.

    Dhe si perfundim, palet e interesuara shqiptare, duke u sjellur si nje familje jevgjish, shkojne me vrap dhe ankohen per te afermit e tyre tek fqinjet, qe t`ua qajne hallin ( s`ishte vetem Berisha qe doli tek Repubblica, por edhe Rama , tek Corriere Della Sera, qe i “qortonte” italianet se pse e duronin akoma ate lloj shteti shqiptar).

    Turp dhe faqja e zeze.
    Por te na rrojne, thuaj, drejtesia shqiptare, me rosinantet e dhe donkishotet e tyre.

  11. Ja edhe Tom Kantrimen ne VOA. Me sa duket ca gjera i paska thene tamam MB-ja. Keta i thone Berishes burre shteti e Rames “po ben gabim”, ndersa zgjedhjet e parakohshme cilesohen thate si “jozgjidhje”. Si shpjegohet ligjerisht kjo o Pifto dhe Ena? Se diplomatikisht ua them une qe tregon qe Rama humbet edhe kete beteje politike. Spo me vjen fort keq per te se edhe kaq sa ka marre nuk e meriton, e as per ata qe perdoren per te mbushur opinionin me dokrra te painformuara me apo pa vetedije. E as per ata qe vetedijen nuk e kane patur kurre se nuk kane patur kush tua mesoje si koncept.
    Po nje pyetje e madhe mbetet per te gjithe ata qe u hodhen ne trenin Rama menjehere pas ngjarjeve. Pertej fajeve te Berishes ( te cilat i keni ster diskutuar dhe i diskutojme prape sepse nuk eshte se nuk ekzistojne) ky qe vazhdon me demostrata kur ka deklaruar qe “nuk e permbajme dot popullin” teresisht i kulluar eshte? Thonte dikur nje aktor fierak batuten madheshtore: po ai qe e vodhi e, ska faj fare eeee? Lexim te mbare.

    **********************************************

    Për Seksionin Shqip të Zërit të Amerikës

    VOA: Z.Countryman, qysh prej herës së fundit që jemi takuar, situata në Shqipëri është përshkallëzuar. Si e sheh qeveria e SH.B.A situatën tani? Sa të shqetësuar jeni?

    ZV/NS Kantrimen: E premtja e 21 Janarit ishte një ditë e trishtueshme për të gjithë shqiptarët dhe sidomos sepse tre njerëz humbën jetën e tyre në dhunën politike. Nuk ka fitues në këtë situatë. Ka vetëm humbës midis udhëheqësve politikë, popullit shqiptar, dhe imazhit të Shqipërisë në Bashkimin Europian, ku ajo po përpiqet të anëtarësohet. Përpjekja e vazhdueshme për ta kthyer një situatë humbëse në një situatë fituese thjesht rrezikon më shumë dhunë.

    Shtetet e Bashkuara, si një mik i mirë i Shqipërisë, ndajnë thellësisht shqetësimet që ne kemi sot për dhunën dhe rrezikun e përsëritjes se dhunës në Shqipëri. Për këtë arsye Ambasadori Arvizu, me mbështetjen e plotë të Departamentit të Shtetit, ka punuar ngushtë me Bashkimin Europian dhe OSBE-në, për t’iu dhënë partive mundësinë për t’u tërhequr, për të marrë frymë thellë, për të rivlerësuar situatën dhe për të qetësuar situatën.

    Lidhur me veçantitë e situatës aktuale, ajo që do të thoja së pari është të përsëris ato çka Ambasadori Arvizu tha sot në konferencën e tij për shtyp që, me kërkesën e Prokurorisë, ne jemi të përgatitur të ofrojmë ndihmë teknike për një hetim të drejtuar nga shqiptarët por me ndihmë teknike nga Shtetet e Bashkuara dhe të tjerë, në mënyrë që përgjegjësia për dhunën, për vdekjet e së premtes, mund të përballohet në mënyrë ligjore dhe që përmbush standardet europiane. Idealisht, kjo i jep secilës parti një mundësi për të thënë se shqetësimet e tyre për atë dhunë po trajtohen në mënyrë të paanshme dhe të pavarur.

    Meqënëse e përmenda, kjo është e rëndësishme jo vetëm për situatën aktuale politike, por edhe për zhvillimin e mëtejshëm të institucioneve shqiptare. Është me rëndësi jetike që një institucion i pavarur si Prokuroria të jetë në gjendje të bëjë punën e saj, të ketë mundësinë e kryerjes së një hetimi të besueshëm mbi atë që ndodhi të premten e kaluar. Së dyti, ne e përshëndesim vendimin e Kryeministrit për të anuluar demostratën që Partia Demokratike kishte programuar për këtë të shtunë. Pasi Ambasadori Arvizu dhe Assistenti i Sekretares së Shtetit Philip Gordon folën me të sot, ai arriti në një vendim që unë mendoj se është në përputhje me atë që nevojitet sot për të qetësuar situatën, shmangia e rritjes së tensionit. Prandaj ne e mirëpresim këtë vendim prej burri shteti.

    Me sa kam kuptuar, gjatë orëve të fundit, kryetari i Partisë Socialiste, Z.Rama, ka deklaruar qëllimin për të mbajtur demostratën paqësore të së premtes. Unë kam respekt të plotë për Z.Rama, por dua ta them hapur, ky është një gabim. Ajo që mbizotëron në Shqipëri tani është një atmosferë shumë e ngarkuar, ndaj edhe me qëllimet më të mira, edhe me synimin për të mbajtur një protestë paqësore të premten e kaluar, pati dhunë. Është e vështirë për këdo udheheqës politik që të premtojë se do të ketë protestë paqësore kur planifikohet për t’u zhvilluar në një klimë kaq të ngarkuar dhe të nxehtë. Unë e di që protesta ka për qëllim nderimin e njerëzve që u vdiqën javën e kaluar. Jam shumë i shqetësuar që me vazhdimin e këtyre protestave, nëse ka dhunë, në vend që të nderohen viktimat, do të ishte një çnderim për ta viktimat e dhunës javën e kaluar.

    VOA: Le të përqëndrohemi pak në hetimin e të gjithë procesit. Ka shumë teori sesi Shqipëria arriti në këtë pikë, por situata është kjo që është, ndaj dhe hetimi është shumë i rëndësishëm në këtë moment. Të dyja anët citojnë zyrën e Prokurorisë, por a mendoni ju se Prokuroria ka një mjedis të përshtatshëm për të punuar e për të kryer hetimin e duhur?

    ZV/NS Kantrimen: Së pari ne jemi të kënaqur që Prokuroria e Përgjithshme e bëri atë kërkesë, dhe që ne mund t’i përgjigjemi pozitivisht, ndonëse duhet të kuptoni se hollësitë e asaj çka do të ofrojmë nuk janë ende përfundimtare. Ne jemi të kënaqur që Kryeministri e mirëpriti përgjigjen tonë pozitive ndaj kërkesës, që udhëheqësi i opozitës e mirëpriti përgjigjen tonë ndaj kërkesës. Unë mendoj se të gjitha partitë, të gjithë aktorët e rëndësishëm në Shqipëri, e kuptojnë se një hetim i paanshëm, me ndihmë teknike nga jashtë, është një pjesë kyçe e zgjidhjes së dilemës politike aktuale. Dhe, për sa kohë partitë politike janë dakord me këtë gjë, dhe e lejojnë Prokurorinë që të vazhdojë punën e saj, mendoj se do të kemi një përgjigje që do të ndihmojë në qetësimin e situatës e do të nxjerrë në pah llojin e dialogut dhe kompromisit për të cilin kemi nevojë.

    VOA: A mendoni se në një atmosferë kaq të ngarkuar, pas gjithë sulmeve midis Ramës dhe Berishës, të cilat janë bërë pothuajse personale, këta dy udhëheqës mund të ulen dhe të negociojnë me njëri tjetrin? A është kjo e mundur?

    ZV/NS Kantrimen: Do të thoja që në politikë çdo gjë është e mundur. Mendoj se ndaj me pjesën më të madhe të shqiptarëve zhgënjimin që politika është bërë personale dhe e egër, jo mbi ide, jo mbi një garë midis dy partive që e bëjnë të qartë qëndrimin e tyre, por për sulme dhe kundërsulme. Në njëfarë mënyre, kjo nuk pasqyron llojin e shtetit europian që Shqipëria dëshiron të jetë. Nga ana tjetër, unë kam parë armiq, me një të kaluar më të tmerrshme sesa ajo e këtyre dy partive, të ulen së bashku dhe të bëjnë kompromis në të mirë të popullit të tyre. Dhe kjo është ajo që ne do donim të shihnim tani. Më e rëndësishme se sa ajo që Shtetet e Bashkuara dhe Bashkimi Europian do donin të shihnin, më e rëndësishme se kjo, është ajo që shqiptarët duan të shohin. Jam i bindur që nuk duan të shohin më shumë dhunë. Nuk duan të shohim fyerje të mëtejshme. Ata duan të shohin udheheqës që kanë forcën e mjaftueshme personale për të folur me njëri tjetrin dhe për të bërë kompromise.

    VOA: Opozita ka kërkuar zgjedhje të parakohshme. Mendoni se zgjedhjet e parakohshme janë në ndonjë mënyrë zgjidhja e problemit?

    ZV/NS Kantrimen: Jo.

    VOA: Si ndikon në imazhin e Shqipërisë fakti që një vend anëtar i NATO-s dhe që aspiron për anëtarësim në Bashkimin Europian, nuk kryen dot një hetim të thjeshtë? Po i referohem këtu videos, videos së skandalit mbi korrupsionin por edhe protestën?

    ZV/NS Kantrimen: Këtu ka dy çështje. Mendoj se e thatë drejtë që nuk është diçka e mirë për imazhin e Shqipërisë dhe kjo është arsyeja përse unë e thashë që në fillim që ka vetëm humbës. Askush nuk ka dalë fitues. Dhe përpjekja e njërës palë apo tjetrës për të gjetur fitoren në humbjen e përgjithshme është në fakt një hap prapa.

    Por lidhur me aftësinë e institucioneve shqiptare për të kryer një hetim, unë jam pozitiv në këtë pikë. Unë mendoj se institucionet e pavarura në Shqipëri janë të afta për të kryer një hetim të besueshëm. Ajo që duhet është që politikanët të ndalojnë së përdoruri përpjekjet e Prokurorisë si një mjet politik. Kjo çështje është ligjore. Kjo është një çështje mbi llojin e shtetit që Shqipëria dëshiron të bëhet. Nuk është një mjet që një parti të godasë tjetrën. Partitë duhet të hapin rrugën, të bashkëpunojnë me Prokurorinë dhe të lejojnë vazhdimin e hetimit.

    VOA: Cilin shihni si hapin e radhës për vendin, për Shqipërinë?

    ZV/NS Kantrimen: Mendoj që hapi tjetër duhet të jetë qetësimi i klimës. Jo më demostrata, më pak retorikë. Në të njëjtën kohë, një hap i rëndësishëm është që të lejohet Prokuroria që të bëjë punën e saj dhe të përcaktojë faktet. Përtej kësaj, është e nevojshme që të dyja partitë të angazhohen për të pasur një fushatë elektorale të pastër, të ndershme dhe transparente për zgjedhjet vendore të majit. Dhe kjo varet jo vetëm nga dy partitë, por varet nga të gjitha partitë në Shqipëri dhe gjithashtu varet edhe nga qytetarët shqiptarë. Jua thashe edhe më parë se nëse qytetarët vendosin që këto zgjedhje i përkasin popullit dhe jo partive, dhe nëse vëzhgojnë zgjedhjet në mënyrë që ato të jenë të pastra dhe të drejta, ata do të bëjnë një hap të madh përpara zgjidhjes së krizës politike dhe do të tregojnë atë që unë e di që është e vërtetë, që Shqipëria është plotësisht e aftë për të qenë një anëtare moderne e Bashkimit Europian.

    VOA: Shqiptarët i shohin Shtetet e Bashkuara dhe Bashkimin Europian si zgjidhjen e problemeve të tyre. Çfarë tjetër mund të bëjnë Shtetet e Bashkuara për të zgjidhur situatën?

    ZV/NS Kantrimen: Në një plan afatgjatë, gjëja më e rëndësishme që Shtetet e Bashkuara mund të bëjnë në Shqipëri është që të bindin shqiptarët të ndalojnë së shikuari Shtetet e Bashkuara dhe Bashkimin Europian si zgjidhjen e problemeve të tyre. Këto janë çështje që në një vend demokratik europian dhe anëtar të NATO-s duhet të jetë në gjendje t’i zgjidhe brenda sistemit të vet politik. Është thelbësore që qytetarët shqiptarë të kërkojnë nga udhëheqësit e tyre kompromis paqësor, zgjidhje të qendrës. Por kjo nuk arrihet menjëherë.

    Është diçka fatkeqe, por unë e kuptoj se është e vërtetë që në situatën aktuale të zhvillimeve politike, Shqipëria varet më shumë se ç’duhet nga Shtetet e Bashkuara për të trajtuar probleme që duhet të gjejë një mënyrë t’i trajtojë vetë. Në të ardhmen e afërt ne do të ndihmojmë me këtë hetim, ne do të vazhdojmë të flasim me të dyja partitë, do të vazhdojmë të flasim për uljen e klimës së nxehtë dhe do të punojmë me të gjitha partitë, me organizatat qytetare, me OJQ-të dhe me Organizatën për Siguri dhe Bashkëpunim në Europë, për të ndihmuar që zgjedhjet lokale të majit të jenë të pastra, të jenë transparante dhe t’i përkasin popullit shqiptar.

    VOA: Z. Countryman, shumë faleminderit!

    ZV/NS Kantrimen: Ju faleminderit edhe juve për kohën tuaj!

    1. Nga ana ligjore Politicus, po mjaftohem te te kujtoj se deklaratat e trupit diplomatik, nuk kane asnje force juridike ne sistemin tone te se drejtes. (mund te ta trajtoja me gjate kete, por e lodhur shume jam edhe komplekse lidhur me stilin e te shkruarit -per te cilin ky blog eshte i shquar- kam, ndaj po ja le Piftos, apo kujdo tjeter, kete pjese).
      Ky eshte edhe shkaku pse une personalisht, kurre nuk entuziazmohem apo trishtohem ne varesi te deklaratave te ketyre funksionareve; per ta ilustruar, te kujtoj qe nuk kam patuar asnje ndjesi kur paraardhesi i Arvizu-se, shpallte “burre shteti” kryetarin e opozites (ty te kujtohet, ishte reagimi post Gerdec) apo kur kritikoi ashper rrezimin e dy kandidateve per anetare te Gjykates Kushtetuese, perkatesisht asaj te Larte (dy emra te njohur ne rrethin e juristeve), apo raste te tjera te ngjashme.

      Ndersa politikisht Politicus, me duket e tepert te te tregoj ty arsyet e ketyre deklaratave; por jo per shkak se riskoj qe ti te me etiketosh si naive.
      Besoj e ke ndjekur po sot, deklaraten e ambasades amerikane kundrejt masave te mara nga Mubarak ndaj tubimeve.
      A ma shpjegon dot ti, si me i mprehte politikisht, ceshte ky trajtim i ndryshem i dy ceshtjeve identike? Ne ne fushen tone, ne raste te tilla zbatojme nje parim te vjeter sa vete bota: ubi eadem est ratio, eadem est solutio.

      Nderkohe, une vazhdoj te jem teper e trishtuar kur shoh cdo dite shkeljen e parimeve themelore mbi te cilat mbeshtet shteti ligjor, e nuk po shtoj ketu shtetin e se drejtes. E ne caste si keto, te kam shume zili si ty, ashtu edhe ndonje tjeter ketu qe ju mungonai minimum i domosdoshem ndergjegjes juridike te nevojshme per te kuptuar humneren ku po zhvendosemi. Me beso sinqerisht, kete te fundit nuk e kam as me ironi, e aq me pak me mllef.

      1. @ Ena
        Besoj se perseri e kupton gabim nderhyrjen time,

        une nuk po them qe meqe e thane amerikanet u kry puna. Po te them qe ka nje kendveshtrim tjeter te nje perfaqesuesi te nje kombi te qyteteruar i cili nuk eshte per tu injoruar ashtu si e injorojne disa. (pifto nuk quhet se ai eshte anti-globalist e per rrjedhoje edhe anti-amerikan).

        Ne se ambasadori quan Berishen burre shteti, dhe te siguroj qe ai i kupton ato qe shtroi Hyllini ne komentin e tij mbi burrecerine apo fytyren e vertete te liderave tane, ai dicka di pertej asaj qe dime ne. Mund te jete ajo qe thote MB apo dicka e ngjashme, ka pak rendesi detaji. Per mua ja vlen te terhiqemi pak nga llogoret e te shohim se e keqja nuk na vjen VETEM nga njeri krah. Ne rast te kundert rrezikojme te jemi thjesht partizane.
        Qe Berisha po e shkel me te dyja kembet shtetin ligjor nuk na duhet Piftoja per ta shpjeguar. Gjithashtu nuk na nevojiten shpjegimet e MB per te konstatuar qe protesta nuk kishte qellime paqesore sepse 1) kur deshi PS-ja i pati shume paqesore protestat dhe 2) Rama e deklaroi paraprakisht qe nuk e mbaj dot popullin. Kush ka veshe te degjoje.
        Nga ana tjeter nuk me duket qe njera ane ka kapitalin moral sic thote Hyllini, perkundrazi me duket se me manipulimet e panevojshme dhe me keto pozicionime qartesisht politike e jo parimore po e humbet ngadale ngadale edhe ate kapital qe e ka apriori si opozite kunder pushtetit (i cili ka ne dore edhe gurin edhe arren). Deklarata e SHBA-ve me duket se e perforcon kete ndjesi. Edhe nje here, kjo nuk shfajeson qeverine per dobesine e dukshme te shtetit, e as Berishen per stilin atakues ndaj institucioneve. Por te mos bejme sikur nuk e kuptojme qe te gjitha palet (perfshi edhe institucionet e pavarura) jane pjese e pandashme e nje politike qe koopton gjithshka e gjithkend, e si pasoje asnje veprim nuk eshte pa qellime te caktuara nga te gjitha palet. Pikerisht ky eshte problemi qe nuk ka institucione te pavarura, madje me tej nuk ka institucione. Ka Berishe dhe Rame dhe ndjekes te tyre. Asnjeri nuk eshte pa faj ( Arvizu-ka faj boll per te gjithe).

        Dhe e fundit, largimi i Berishes nga politika do te ishte qartesisht nje hap pozitiv drejt demokratizimit te Pd-se e jo detyrimisht te sistemit. Mjafton te shohim sa e demokratizuar eshte PS-ja qe kur iku Nano (ndryshe nga disa te tjere une nuk kam ndryshuar mendim per Nanon e as per Meten, jane ata qe ishin nga 97ta e ketej). Nderkohe, largimi i Berishes eshte i vlefshem per demokratizimin VETEM NESE nuk i sherben nje rotacioni per te sjelle ne pushtet te njejtin handrak me flamur tjeter. Une jam i bindur se nga ana tjeter e barrikades (ata qe do zevendesojne Berishen ne pushtet) jane te pakten aq handrak ne mos shume me teper se sa pushteti aktual.
        Megjithate, nese protestat do te kishin karakter popullor e jo organizim partiak, nese do ishin te drejtuara kunder kultit te individit e jo vetem nje individi, une do isha i pari qe do u dilja ne krah pertej metodave te perdorura. Por ne fakt, edhe reagimi nderkombetar deri me tani tregon se nuk eshte keshtu, packa se me vazhdimin e protestave dhe me gjase pershkallezimin e tyre, ky qendrim mund te ndryshoje. Nese ndodh do e sjell ketu per informacion me te njejtin zell.
        Edhe nje te fundit fare, protestat e PS-se mund edhe te deshtojne ne qellimin e tyre per ti ruajtur karriken Rames, por kane po aq gjase te dalin me sukses sepse u tregua qe me dyqind petrita shtetin tone e hedh ne toke. Madje me frikesimin qe po i behet se fundmi, ndoshta nuk do kete as nevoje per ta, se garda do e hapi vete deren. Legjitimiteti i shtetit po dihet qe eshte ne minimum ( jo vetem tani po historikisht gjate tranzicionit). Nuk me duket se ka vend per tu hedhur perpjete nga gezimi per demokracine ne kete rast. Apo jo i dashur Hyllin?

  12. Amerika po thote jo zgjedhje te parakoshme, jo dhune politike (lexoni me vemendje se si e ka cilesuar, pikerisht dhune politike), jo protesta, qofte edhe paqesore per momentin.

    Berisha kaq dakordim me miqte nderkombetare nuk e ka pasur edhe ne ditet me te mira.

    Rama u damkos si lider qe ka si alternative edhe dhunen.

    Berisha u paraqit si njeri i detyres dhe mbrojtes i ligjit. I vendosur te mos thyhet para shantazheve te tilla.

    Institucionet qe levizen bishtin tani jane me te ekspozuara se kurre si te njeanshme (nuk po flasim per njeanshmeri te shkarravitesve te gazetave apo te internetit, por per institucione qe nuk ju lejohet kjo).

    Hetimi “gjitheperfshires dhe i plote” i dhunes se 21 Janarit, eshte ajo qe kerkon Berisha, qe mbeshtesin nderkombetaret dhe qe rrezikon prangat per ndonje drejtues politik te PS qe mund te jete kapur mat, ne urdhra dhe thirrje antikushtetuese.

    Prisni se do dalin edhe pergjime.

    Hetimi per viktimat eshte ne interesin se pari te Berishes dhe Bashes, qe nuk mund te shkoje drejt perballjes elektorale per bashkine e Tiranes, ky i fundit, me nje barre te tille. As Basha e as Berisha nuk jane aq budallenje te japin urdher per te qelluar ne kundershtim me ligjin protestuesit. Edhe kur shkelet ligji, garda qellon ne zbatim te ligjit nuk ka nevoje per urdhera, as nga komandati i saj dhe aq me pak nga nje drejtues politik.

    Si perfundim nga gjithe kjo, Berisha dhe PD dalin me te forte, PS ka pune te rikuperoje demin qe i eshte shkaktuar si parti me alternative dhunen.

    Sigurisht qe imazhi i Shqiperise eshte demtuar ndjeshem dhe kete e vuajme te gjithe..

    Faleminderit zoti Rama!

    1. Imazhi i Shqipërisë është dëmtuar rëndë (dhe ndjeshëm) shpeshherë këto 20 vjetët e fundit… ku, protagonisti kryesor, i të gjitha ngjarjeve, është po i njëjti.

      Pasi keni 20 vjet që po trumbetoni demokracinë që triumfoi mbi dhunën që kryhej “Në emër të popullit”, tani po na dilni partizanë të justifikimit të dhunës për mbrojtjen e institucioneve.
      Ju që nuk kishit problem të bënit marrveshje për “një copë det”(mijëra km/katrore), tani na paskeni zbuluar shenjtërinë e territorit të 200metravekatrore në mes të Tiranës.

  13. Deshiroj te mirekuptohem e Piftoja me vuri perpara duke hedhur ne ere te gjitha kredencialet e mundeshme qe aspiron te kete secili nga ne. Eshte se tepermi demoralizuese per te dhene nje kontribut modest ne diskorsin e PF.

    Nje qytetari e kultivuar nuk me ndihmokerka aspak te kapercej kete liste kualitetesh e mangesise qe automatikisht me skualifikojne. Nuk e kuptoj se si te qenurit i kultivuar te asocion me kaq lehtesi me enverizem, partiakizmin, mungesen e llogjikes, mungesen e ndergjegjes juridike e ne fund skualifikimin nga intelektiualizmi. Kjo e fundit gjithmone me ka ngaterruar.

    Nu ka prishaqefje, une jam i interesuar ne diskorsin si nje funksion i gjuhes qe eshte nje skele e shkallezuar e antaresimit brenda kulturave, grupeve e institucioneve.

    Secili nga ne eshte anetar i diskorseve te ndryshme. Le te eksplorojme, eksperimentojme kete mundesi, mos te mbetemi vetem tek diskorsi i prokururit e te akuzuarit, per me teper, mos te permendim diskorsin e hetuesit.

    Te akuzosh eshte kollaj, kete e kane profesion prokuroret.

    Do te ishte me interes te krahasoheshin diskorset politike te udheheqesve tane. Berisha e ka nje linje te veten, di ta mbaje gjalle diskorsin politik, qofte ate si antikomunist(qellon veten ne thember), qofte nacionalist(e besoj), qofte djathtist(???????), etj. Ai ka aftesi te ndrroje korsine.

    Po Rama, qe nuk ofron asnje lloj diskorsi politik e udheheq krahun me te politizuar te Shqiperise.

    Mendoj se kjo eshte nje mangesi, kur zeri stonon, nuk intonohet, nuk ka kadencen qe duhet, e nuk je ne gjendje te degjosh nje ligjerim pa stunts, nderpreje e ngrirje mendimi ne pjesen e dyte te cdo fjalije. Nuk e di a eshte mungese per t’i dhene nje mbyllje mendimit, per te bere nje zinxhir, apo mungese oratorije?

    1. Read me,

      nëse ti mendon, se Berisha mban gjallë ndonjë lloj “diskorsi” politik, kam frikë se jemi duke folur për gjëra të ndryshme.

      Ti u mundove të frenoje një mendim që kultivohet në këtë faqe, pa e kuptuar dot, se shqetësimi i shumëkujt prej nesh nuk buron nga përkatësia në ndonjë nga grupet politike shqiptare, që për arsye meskine e banale luftojnë për pushtet, por nga shqetësimi i zakonshëm qytetar, për gjëra që po shkojnë për ditë e më tepër për ibret në shoqërinë shqiptare.

      As për interesa personale.

      Për mendimin tim gjithkush është enverist, që detyrimisht ndan në “ne” dhe “ata”.

      Për mendimin tim gjithkush është intelektualisht i rrezikuar nga ndonjë lloj skualifikimi, kur refuzon të marrë në konsideratë disa gjëra thelbësore, si pavarësia dhe barazia kushtetuese e pushteteve.

      Në këtë kuptim të shkrova pak a shumë.

  14. Politicus, atë barcoletën e kujtove bukur, por interpretimi yt mu duk i gabuar. Nëse me lopën do të kuptojmë tre njerëzit e vrarë në bulevardin “Dëshmorët e Kombit” nga garda e Republikës, hajduti i bie të jetë Berisha. Pra, që ta kuptosh, nëse Rama e solli lopen për ta kullotur tek lulishtja rreth piramidës dhe pastaj e zuri gjumi, Sali-u e pa nga dritaria pa të zotin dhe e rëmbeu.

  15. “Thonte dikur nje aktor fierak batuten madheshtore: po ai qe e vodhi e, ska faj fare eeee? Lexim te mbare.”

    E drejte. Por kur ke nje kryeminister qe thote: fajin e ka Rama, Prokuroria, Shishi, kokpalaret, cakallet, por qe nuk ben cudi edhe te thoshte Presidenti sikur ta kishte hapur gojen ky, atehere edhe ka efekt batuta. Por keshtu eshte, kur i atribuohen edhe batutat qe i shkojne Berishes atij tjetrit, eshte kollaj te thuash se jane njesoj, pastaj. Dhe jo, nuk ka asnje pike kuptimi te merremi me Ramen perderisa Berisha e te vetet jane ngujuar ne kryeministri e nuk na lejon te merremi me te.

  16. ”’Po nje pyetje e madhe mbetet per te gjithe ata qe u hodhen ne trenin Rama menjehere pas ngjarjeve. Pertej fajeve te Berishes ( te cilat i keni ster diskutuar dhe i diskutojme prape sepse nuk eshte se nuk ekzistojne) ky qe vazhdon me demostrata kur ka deklaruar qe “nuk e permbajme dot popullin” teresisht i kulluar eshte?”’

    Shenjtori duhet te jete teresisht i kulluar, po ka shenjtore qe kane vrare me dhjetra mijera njerez.
    Me duket se e thame para 21 Janarit qe Rama ka bere ‘all in’, nuk eshte me ai qe ka ne dore levizje, i vetmi qe ka gure per te levizur eshte Berisha, psh te jape doreheqjen e t’ja kaloje kryeministrine nje tjetri brenda maxhorances, votat i ka.

    Keshtu gjendja qetesohet, hetimet zhvillohen dhe vazhdon maxhoranca deri ne zgjedhjet lokale, ku nese fiton PD-ja apo jane aty-aty, Berisha mund ta rimarre pa problem kryeministrine, perndryshe zgjedhje te parakohshme se sovrani flet edhe me ane te zgjedhjeve lokale, sidomos pas trazirave zgjedhjet lokale jane jetike per te degjuar sovranin kur flet.

    Kjo eshte sjellje prej burri shteti ne demokraci, sjelljet e tjera jane prej burreci shteti.

    Nderkaq Rama nuk ka me thjesht lidership politik, ka lidership moral, pasi politikisht ai nuk eshte ne gjendje te perfaqesoje masat e ndryshme te mbledhura kunder Berishes, kurse moralisht po, pasi eshte vendosur diametralisht kunder Berishes dhe sherben si pike referimi per anti-berishizmin e çdo flamuri partiak apo ideologjik.

    Ne çasin qe humbet lidershipin moral, te cilin e fitoi menjehere kur tha qe protestat do vazhdojne deri ne ikjen e Sales, atij i ngelet vetem ai politik, çka ja dobeson poziten.
    Nese Sala jep doreheqjen e ne vend te tij behet kryeminister ta zeme Patozi, Rama humbet vetvetiu lidershipin moral, s’ka me Berishe qe duhet te largohet, keshtu qe i ngelen vetem socialistet.

    Largimi i Sales nuk eshte thjesht fitore politike e ketij apo atij, eshte fitore e madhe morale e popullit shqiptar ne rrugen per demokratizimin e vendit., eshte edhe te pakten teorikisht fitore e pedeistit, se nje qe quhet demokratik duhet te kete me per zemer fatet e demokracise dhe jo te Sales.
    Te flasim seriozisht, Sala ne demokraci eshte si veshka mes dhjamit, vetem ne autoritarizem populli akuzohet si rebel e puçist, s’kam pare ne ndonje demokraci te akuzohet barkthari si rebel e puçist, çfare nuk i thuhet, po kurrsesi rebel apo puçist.
    Ishte ne proteste, nga me te dhunshmit, besoj e mban mend mire, nje i merdhifur qe per me teper kishte nje krah te thyer, ti thuash atij puçist te vret Zoti.
    Keto pehlivanlleqe i perdori Enveri e te ngjashmit e tij, por kurrsesi nuk i lejohen nje burre shteti ne demokraci.

    Persa i perket Amerikes, ajo eshte ende shume larg njohjes se kokes se shqiptarit, nuk na njeh as 1% te asaj qe na njohu turku.
    Shqiptaret se kane per gje ti dalin kunder Perandorise, kur kjo u kercenon zakonet e vjetra dhe privilegjet qe vete shqiptaret u njohin bajraktareve te tyre.
    Amerika se ka hapur ende thesin me kripe, qe i duhet te haje me shqiptaret, kujton se jemi subjekt qe kaperdihet lehte.

  17. Po iku Sali Berisha tani, iku i mbaroi mandati, detyra, urdheri, i mbaroi cdo gje. Iu mbyll dosja. Do iki me cdo kusht, ose ne Shqiperi nuk dihet se cfare ndodh me. Kur nje kryeminister del dhe deklaron para policise dhe gardes se “Ju garantoj se ata që flasin për ngjarje bulevardi nuk janë gjë tjetër, më falni për shprehjen, veçse horra e lavire bulevardi, tregojnë se janë hienat e prapaskenës së puçit të rrugës, për të cilin duhet të merreshin jetët e burrave, fëmijëve e vëllezërve tuaj”, nuk mbetet tjeter vecse ta quash me e mira nje ndyresire e felliqur ndersa me e keqja nje qelbesire e jargavitur pas fleteve te ngjitura te nje dosjeje qe po i vjen kapitulli i fundit. Nje vrases, nje rrugac kryeminister, nje frikacak tragjik te cilit prej vitesh nuk i pushon djersitja e ndergjegjes se paqete. Kaq. Shqiperia e tij eshte bere me e vogel se kurre, ajo nuk ka vend per te gjithe. Idiotizmi dhe poshterisa jane arna qe grisen shpejt, ai vjen nga nje rruge e cila po i ngushton fytin. Me kujtohet ngahere publicisti kosovar Spahiu: shume kokeforte per te qene demokrat i vertete dhe shume i paafte per te qene diktator i vertet. Une i shtoj kesaj se ai eshte thjesht nje malok mercenar, nje coban dhish me fat te jashtezakonshem.

    Deklaroi sot Policia e familjes Berisha: Nuk garantojme protesten e opozites. Te garantojne veten dhe rroben qe mbajne veshur.

  18. Pifto,

    Megjithese me akuzon padrejtesisht si dikush qe po perpiqet te ndaloje kete shkembim ideshe mes njerezish te preokupuar per mbarvajtjen e shtetit, une te garantoj se nuk kam asnje fuqi, per te bere nje gje te tille. Une jam ne dore te dashamiresise te xhaxhait qe me poston komentet. Ai eshte the gatekeeper i ketij blogu.

    Megjithate po shtoj dicka qe e kam huazuar nga miqte e mi te mire, filozofe te spektrit te majte, nga leximet e mija te te ndjerit Jean Baudrillard.

    Etienne de la Boétie, nje filozof i Rilindjes ne nje pamflet te famshem shkruan se si eshte e mundur qe kaq shume njerez, fshatra, qytete ndonjehere vuajne nen nje tiran te vetem, i cili nuk ka pushtet tjeter pervecse pushtetit qe vet ata i japin atij.

    Si eshte e mundur qe njerezit te kene humbur kujtesen e te qenurit te lire dhe deshiren per ta rifituar ate? Pergjigja e tij ishte se ata e humbin lirine prej vet verberise te tyre. Deshira per t’i sherbyer tiranit eshte e deshiruar prej vet atyre. Eshte pikerisht ky moment kur fillon Historia. Dominimi i mases merr formen e Sovranit apo Shtetit.
    Nje antropologjist Pierre Clastres shkruan se shoqerite primitive jane shoqeri sklleverish, sepse dashuria e subjekteve per te Zotin ndikon ne te njejten mase per te denatyralizuar marredheniet midis subjekteve. Dashuria e popullit ndaj nenshtrimin eshte sekreti me i ruajtur i dominimit te tyre. Vet natyra e pushtetit eshte shtypese, pavarsisht se kush, nje tiran mizor apo bamires, e merr fuqine.

    Claude Lévi-Straus ne Tristes Tropique popullarizon idene e innocent savages te korruptuar nga civilizimi perendimor. Nje civilizim i tille nuk i ndaloi njerezit primitive nga praktika e tortures e kurbanit njerezor, biles me te sofistiuar e me me shije ne ekspertizen e tortures se sa xhahilet e Sovranit, kur eksperimentojne me zjarr e me squfur mbi mishin e atyre qe ngrejne koken. Rituale te tilla mbi trupat e tribaleve percojne vecse nje ide, se te gjithe pa perjashtim duhet t’i binden ligjit tribal. Kujtesa kolektive e krijuar nepermjet dhunes e vdekjes nuk eshte e varrosur thelle brenda tyre, por shfaqet lehtesisht, ajo eshte e ekspozuar ne lekuren e tyre per ta pare te gjithe. Per kete mjafton nje pakenaqesi apo nje shkak i vogel.
    Vjen nje kohe, kur dikush nga brenda, e ka pjekur brenda veten, se korruptimi i popullsise me idete e civilizimit perendimor mund te jete utilitar, mund te hyje ne pune per ambicjet e tij. Ky lloj njeriu eshte ndryshe nga te tjeret, me i djallezuar e me sharlatan. Ai e di se duke qene i tille eshte i gatshem te marre pushtetin me ndihmen e nje fuqije e ardhur prej jashte grupimit tribal. Ai brenda vetes nuk del nga orbita e tribalizmit ku eshte rritur, e perdor kodin e te pareve te tij per te shtypur cdo disent te mundeshem.

    Shoqerite primitive punojne shume, duke perdorur dhunen, per te ruajtur kodin e tyre, i cili i rreziston cdo ndryshimi e cdo dominimi. Keto lloj shoqerish i nenshtrohen ne menyre ciklike shenjave makabre te dhunes, e ne kete menyre perpiqen te pengojne lindjen e nje monstre te ftohte, pa gjak, pa shpirt, sic eshte Shteti. Cila eshte origjina e kesaj perpjekje te vazhdueshme per te ndaluar stabilizimin e shtetit eshte nje pikpyetje e madhe? Por ky lloj mekanizmi i nje katrahure permanente ka dhene rezultate. Shoqeri te tilla primitive vazhdimisht jane te perfshira ne luftera, grindje te vazhdueshme mes krahinash e fisesh tribale, dhe gjithmone i mbajne te ndara pushtetet civile, fetare e ushtarake. Ato vazhdimisht angazhon ne grindje, luftera e shkaterrimin e pasurive te ndertuara. Duan te sigurohen qe rezultati gjithmone mbetet barazi ekonomike, qe eshte e barazvlefshme me rezultanten zero, apo e thene ndryshe, shkaterrim total. Sigurohen qe kush fiton pushtetin mbetet pa asgje, biles duke humbur edhe jeten. Ata qe i mbijetojne betejes ne kete menyre fitojne me prestigj.

    Claude Lévi-Straus pershkruan edhe nje lloj tjeter shoqerije primitive ku kryetari i fisit, nuk ka kurrfare autoriteti. Fuqia e vetme e tij ne zoterim qendron tek palabra, ne aftesine e tyre oratorike, fjalimeve, per te ruajtur ekuilibrin brenda grupimit. Ata vazhdimisht perserisin me ze te larte, si nje mantra, gjenealogjine e fisit e tradites, nderkohe qe asnjeri nuk ia ve veshin. Kryetare te tille nuk kane pushtet te marrin jete njerezish, aq me teper qe te marrin nen zoterimin e tyre pjese nga pasuria e grupit. Ne fakt ata kane zhveshur veten nga cdo gje qe zoterojne, tolerojne plackitjen e vazhdueshme qe i behet pasurise te anetareve te tjere. Varen prej gjithe te tjereve. Nje zemergjeresi e tille e imponuar nga rrethanat, nuk eshte vetem nje obligim, por edhe nje sherbim i pavullnetshem qe i sherben ketij lloj kryetarlleku.

    1. kur eksperimentojne me zjarr e me squfur mbi mishin e atyre qe ngrejne koken. Rituale te tilla mbi trupat e tribaleve percojne vecse nje ide, se te gjithe pa perjashtim duhet t’i binden ligjit tribal

      Besoj se ketu jeni gabim (se bashku me CL Straus). Ai i ‘egri i pafajshem’ i xhungles nuk ben rituale mutilacioni trupor ne funksion te ndonje ligji, por sepse e ka bindjen qe ne prani te nje organgutangu pa lesh mund ta ngaterrojne si orangutang e mund t’ja kepusin ndonje shigjete kokes. Shkurt, ai i ‘egjri’ e di dhe E SHPALL qe eshte NJERI nepermjet ritualit qe kryen.

      GJegjesisht, le te behet rituali neser ne Tirane qe ata qe e dine qe jane njerez te SHPALLIN qe jane njerez. Te tjeret mbeten (fatkeqsisht) orangutange (ose le ti quajm ‘les innocentes sauvage’ qe t’ja u bejme qefin ne ‘frongjisht’)

  19. …”ai eshte thjesht nje malok …”

    A mos eshte kjo nyja e famshme qe po kerkohet te pritet?
    “Ghost in machine” kind of thing?

    1. Une besoj se kjo Shqiperi nuk funksionon. Ty te lumte goja, do jetojme te qete. Fundja historia jone e perbashket politike eshte e re, vetem 100 vjet. Kemi jetuar edhe pa njeri-tjetrin. Edhe njehere fjala jote ne vesh te Perendise!

  20. Theollogos.

    Duke shpresuar te mos keqkuptohem.

    Dmth, e gjithe retorika discursive e sotme ne jeten sociale e politike te vendit, mendon se eshte siperfaqesiresh benigne?
    Them siperfaqesisht benigne, sepse nese ndjesimi yt ndaj situates eshte i vertete, atehere ajo retorike nuk ka te beje aspak me realitetin?

  21. ”’Madje me frikesimin qe po i behet se fundmi, ndoshta nuk do kete as nevoje per ta, se garda do e hapi vete deren. Legjitimiteti i shtetit po dihet qe eshte ne minimum ( jo vetem tani po historikisht gjate tranzicionit). Nuk me duket se ka vend per tu hedhur perpjete nga gezimi per demokracine ne kete rast. Apo jo i dashur Hyllin?”’

    Mendoj se nese çeshtja shtrohet, Garda mbrojtese e demokracise dhe ajo mase e stermadhe njerezish, armike e demokracise, ketu nuk vemi asgjekundi.
    Pse ? Per faktin e thjeshte qe si ti edhe une edhe Sala e dime fare mire qe nese do te beheshin zgjedhjet brenda nje afati te shkurter kohor, ajo mase do perfaqesonte maxhorancen e parlamentit.
    Atehere ç’kuptim ka Garda qe mbron demokracine nga shumica de facto ?
    I vetmi kuptim eshte i anes formale, qe ka edhe peshe, te pakten ne parim ka peshe te madhe, po meqe ajo shumice nuk eshte ne gjendje te shprehet me vota, ketu duket qe anen formale eshte dikush tjeter qe po e pengon te perftohet.
    Ky dikush eshte Sali Berisha, qe mbi anen formale po mban nje pushtet te zbrazur nga esenca demokratike.

    Elementit fiziologjik qe dobeson mbeshtetjen ndaj qeverive, i cili lidhet me sasine e larte te premtimeve boshe, ne Shqiperi i shtohet maxhoranca e dobet e perftuar me vota te majta dhe skandalet e renda, ku me e renda eshte vrasja e njerezve me duar ne xhepa.
    S’ka analist politik ne univers qe nuk do vinte bast shtepine e kalamajve qe me zgjedhje te lira Sala sot humb.

    Nderkaq çe ben te parekuperueshme humbjen e kapitalit politik eshte fakti qe Sala sukseset i ka prapa dhe deri ne fund te mandatit nuk ka asnje sukses te mundshem qe mund ta ktheje kete gjendje inferioriteti, ndoshta perveç ndonje lufte fitimtare me ndonje fqinj, po nuk eshte rasti yne.

    Pra ai e ka humbur shumicen de facto, njehere e pergjithmone, atehere ç’kuptim ka mbajtja e pushtetit me dhune, per hir te anes formale e cila gjithsesi vuan nga ceni i parregullsive ne votim ?

    Nje kryeminister qe ka tmerr nga zgjedhjet e parakohshme, ka tmerr nga zeri i sovranit, atehere ku eshte demokracia ne kete mes ?

    Rama nuk eshte me mire thua, dakort, ne shume aspekte ka argumente legjitime kjo teze, por mua me duket e lehte me qene me demokratik se Sala, pasi askush s’ka vrare, rrahur e burgosur sa Sala ne keto 20 vjet.
    Sala eshte i vetmi qe maxhorancat de facto i ka cilesuar njehere si rebele dhe te dyten here si puçiste.

    Ne vendet demokratike mjaftojne sondazhet qe te tronditen poltronat qeveritare, ne Shqiperi duhet çuar muhabeti tek dhuna qe te luhaten. Kjo tregon vetem nje gje, qe ne Shqiperi, nuk pjerdhin per popullin, e çojne ne deshperim aq sa ai detyrohet te revoltohet.

    Nje kryeminister qe i thote maxhorances de facto, ju jeni puçiste, do t’ju shtyp koken, gjendet vetem ne manualet e diktatures.
    C’ngelet ti pergjigjesh ? O do largohesh si i dhjere o do ja besh vertet puçin se rruge tjeter s’ka.
    Keshtu e beri edhe radhen e pare, ju jeni rebele do t’ju shtyp koken, si perfundim e hengri nga rebelimi.
    Mos e thirr te paudhin se te mbin tek dera, kam degjuar dikur, vetem Zoti nuk duket ta rruaje shume kur e therret.

error: Vini re: Materiali është i mbrojtur me të drejta autori. Nëse keni nevojë për tekstin, lutemi lidhuni me një administrator të faqes!
Këtë e pëlqejnë %d blogues: