Belfjore Qose është pedagoge në Departamentin e Letërsisë, Universiteti i Tiranës. Është doktore shkencash në studime letrare, autore e një sërë punimesh shkencore në fushë të studimeve për letërsinë shqipe dhe atë botërore, për autorë si K. Trebeshina, M. Camaj, I. Kadare, M. Bullgakov, D. H. Lawrence, N. Kazantzaki etj. Krijimtaria letrare zë një pjesë të rëndësishme të veprimtarisë se saj, ku veçojmë librat “Aurat e natës” dhe “Dritë”.
