Fjalë ilire, fjalë ilirike, fjalë para-ilire, fjalë stërgjyshore, mikrotoponime, formula ezoterike, emra xhindesh, fjalë pa etimologji, fjalë të diskutueshme, fjalë që i mbanin për të humbura, fjalë të diskredituara, fjalë të lëna forcërisht jashtë fjalorit, fjalë të internuara, toskizma, fjalë të gjymtuara, fjalë të par(e)alizuara, fjalë që nuk janë lejuar të hyjnë, emra profesionesh pabukse, slang hajdutësh, fjalë të vjedhura, fjalë të papërdorshme, fjalë të dala boje, fjalë të nënshtruara, huazime të reja nga gjuhë të vdekura, fjalë mbishkrimesh pellazgjike, fjalë mbishkrimesh afgane, fjalë me embriomorfe, fjalë të zhvlerësuara, turqizma që nuk i ka turqishtja, fjalë të rehabilitueshme, fjalë të përgënjeshtruara, fjalë të tradhtuara, fjalë të parimueshme, emra lugetërish, fjalëkalime, fjalë të rralla fjalëkryqesh, emra fustanellash, fjalë që nuk kanë përkufizim, fjalë të lëshuara nga zinxhiri, fjalë të çliruara nga tabuja, fjalë që mund të shqiptohen pa i lëvizur buzët, emra reptilësh djepi, fjalë të leksikut të shpellave, fjalë uji, emra ngjyrash të rralla, rënkime, fjalë rakie, fjalë të përndjekura, përemra jo-binarë, fjalë të përftuara nga tatuazhi, fjalë të mbetura në mure burgu, fjalë që nuk kanë lënë gjurmë, fjalë të komunitetit rom, fjalë që nuk mund të përdoren si mbiemra, fjalë të paidentifikuara, onomatopé ultratingullore, fjalë ekstatike, fjalë të leksikut mikroborgjez, fjalë të zhargonit ekstra-parlamentar, fjalë pa kredenciale, fjalë që kanë dosje, fjalë që u ka humbur dosja, nënshkrime analfabetësh, fjalë të transkriptuara nga ekzorcistët, fjalë të ëmbla, fjalë të pabëra, fjalë alkaline, fjalë vjeshte, fjalë të rikuperuara nga spastrimet gjuhësore, fjalë të pastandardizueshme, forma virale të drejtshkrimit të shtrembër, pseudonime të shkurtra, fjalë aksidentale, fjalë që i atribuohen gabimisht Asdrenit, fjalë prostituta poetësh, belbëzime, fjalë të qëmtuara nga buzët e kufomave, fjalë të ngecura mes dhëmbëve, fjalë të ngjitura në gjuhë, fjalë të mbytura në një pikë uji, fjalë të shkruara në rërë, fjalë të zbuluara në biopsi, emra përkëdhelës për lopën, fjalë të palexueshme, fjalë të brejtura prej minjve, fjalë plagjiatura, fjalë që një fjalor ia ka përvetësuar tjetrit, fjalë të padeklaruara në doganë, eufemizma për dhëmbë të prishur, emra kafshimesh, emra pickimesh, fjalë që nyjëtohen nga të damllosurit, fjalë që lexohen në petët e bakllavasë, fjalë që nuk nxirren nga goja, fjalë që të lënë me barrë, epitete kasapësh, emra kartëmonedhash të fuqishme, fjalë ari, fjalë që janë mbledhur në nevojtoret publike, fjalë të detyruara, fjalë të përthyera, fjalë që nuk na i duan, fjalë që edhe mund t’i përkasin sanskritishtes, fjalë me pullë të kuqe, emra turshish të rralla/të rralluara, kushtrime, fjalë të ripërdorura, fjalë të falsifikuara, fjalë të maskuara, fjalë të shkishëruara, fjalë të sheqerosura, fjalë të zgjeruara, fjalë me lulëzim të parakohshëm, lapërdhi, fjalë të papërsëritshme, fjalë fluturake, fjalë furacake, fjalë të pazëshme, piskama, fjalë zbatharake, fjalë të marra me qira, fjalë parazitare, fjalë që u ka humbur theksi, emra elementësh transuranikë, emra vetëtimash, fjalë inkurajuese, miklime, fjalë të shpëlara, dokrra hini, fjalë me dy kuptime, fjalë të verdha, fjalë të penguara, fjalë që meritojnë një shans të tretë, fjalë të varfra, fjalë të puthitura, fjalë veresie, fjalë të gjetura, fjalë që nuk u ka dalë pronari, fjalë të dyfishta, pseudo-neologjizma, rrënjë jo-indoeuropiane, fjalë të ngjitura me pështymë, fjalë konsonantike, fjalë që i mungojnë serbishtes, fjalë të farkëtuara, fjalë imzot fjalë, fjalë me boshllëqe, fjalë të rrëshqitura, fjalë të rrumbullakosura, fjalë të paintegruara, fjalë të zëvendësuara, fjalë që nuk i përfshin kjo listë, nofka perëndish trake, fjalë të mposhtura, komanda shahu, emra numrash primë, fjalë ariane, fjalë të sforcuara, fjalë që i pëlqen Kosova, emra flakësh, mbishkrime në formë plasaritjesh, fjalë të fjalëformuara, fjalë që i kanë marrë për fjalë të tjera, sharje për (ar)mikun, fjalë të zbehta, fjalë që nuk e dinim që i dinim, fjalë që na i vlerëson bota, emra shenjtorësh paganë, cicërima zogjsh, fjalë që thuhen në gjumë, fjalë kuaj Troje, fjalë që nuk t’i pranon gramatika, fjalë të pagatuara, fjalë të pështyra, fjalë të pabluara, fjalë që i thuhen maçokut, fjalë burrash, fjalë që nuk i ka mbajtur kush, fjalë që kanë mbetur rrugës, fjalë që nuk fluturojnë dot, fjalë të papërkthyeshme, fjalë të papërkulshme, fjalë për të zbutur hardhucat, fjalë që janë përhapur kot, fjalë ujë i tepërt, fjalë pa adresë. I paguajmë cash prurësit me të parë.

© © 2022 Allish-Verish dhe Peizazhe të fjalës™. Të gjitha të drejtat të rezervuara.