ARMIKU QË DUAM

Në ligjëratën e vet të mbajtur në Ditën Ndërkombëtare të Paqes në Prishtinë, botuar sot në MAPO, Albert P. Nikolla, antropolog dhe drejtor i Caritas-it shqiptar thoshte ndër të tjera:

[N]jë politikë shqiptare, që të jetë e suksesshme dhe me të ardhme e vizion të qartë duhet të jetë e ndërtuar mbi konceptin “Pro” dhe jo “Kundër”. Ka parti politike në spektrin politik kosovar dhe shqiptar që thelbin ideologjik e kanë ndërtuar mbi urrejtjen për serbët dhe grekët. Mendoj se parti të tilla janë pa të ardhme, sepse vetëm partitë politike që janë “Pro” shqiptarëve, që janë për zgjidhjen e halleve të tyre, që janë për politika që kërkojnë zhdukjen e mjerimit akoma të pranishëm ndër ne, që janë për respektimin e dinjitetin të secilit shtetas, vetëm ato parti do të kenë të ardhme.

Duke vënë në dukje, me të drejtë, se nuk mund të ngrihet politika mbi themele negative – qofshin këto të urrejtjes, të përçmimit, të përjashtimit, të racizmit e kështu me radhë; dhe se, gjithsesi, një politikë e tillë nuk u shërben interesave të shqiptarëve.

Në vijim të këtij argumenti, Nikolla pyeste:

Çfarë do të bëjnë “partitë e urrejtjes” kur “armiku” të mos ekzistojë më?

Duke e lënë përgjigjen të hapur; edhe pse me nënkuptimin se ideologji të tilla kundër nuk janë të ardhme.

Për fat të keq, përgjigjja e pyetjes që bën Nikolla mund t’i jepet lehtë: ato parti dhe grupe politike, në atë masë që kanë mbështetje në publik dhe përkrahje nga fuqi të jashtme, gjithnjë do të kujdesen që ta mbajnë armikun gjallë e shëndoshë; sepse atij armiku ia detyrojnë ekzistencën, popullaritetin dhe suksesin.

Parti të tilla jo vetëm themelohen mbi urrejtjen, por edhe bëjnë të pamundurën, që kjo urrejtje të riprodhohet përditë, sipas rastit edhe duke e provokuar.

Kjo që them nuk kufizohet gjë vetëm me shqiptarët, as vetëm me Ballkanin; por është dukuri e mbarëbotshme.

Përfundonte Nikolla mesazhin e vet paqedashës dhe të denjë për një funksionar të Caritas-it:

Një mundësi e madhe historike na është dhënë ne shqiptarëve: të duam edhe “armiqtë”. Siç e përmenda më lart, krimet nuk harrohen, por përballë këtyre krimeve ne mund të dëshmojmë se jemi për faljen dhe miqësinë, në respekt të së vërtetës historike.

Nën dritën e kundërargumentit tim, “dashuria” për armikun, të paktën në gjirin e këtyre vatrave të kundërvënies, karshillëkut dhe urrejtjes, mund të shprehet, dhe do të shprehet, si këmbëngulje për ta mbajtur armikun gjallë; ose për të kultivuar në distancë, tek armiku, imazhi i tij ose fantazma e tij, ato tipare që përligjin, pikërisht, urrejtjen.

Dukuria është e dyanshme; sikurse është i dyanshëm edhe admirimi i heshtur.

Nuk ka komente

  1. Meshira kristiane ka frymezuar shume shpirtra dhe mendje te medha;ka frymezuar ose ka qene pjese e rendesishme edhe e levizjeve te medha emancipuese e qyteteruese ne perendim, duke filluar me Humanizmin.
    Por, nga ana tjeter, edhe eshte abuzuar e spekuluar shume me te.

    Nqs myslymanet e kane obligim angazhimin publik(dmth edhe politik) nga vete libri i tyre Kurani, dhe ky cilesohet, dhe eshte ne fakt , problemi i madh i tyre,perkundrazi te krishteret e kane rreptesisht te ndaluar nga Bibla , bile nga zoti dora vete, nga krishti.

    Zoti A.Nikolla flet nga i ashtuquajturi pozicion katolikocentrist;cdo zhvillim a veprim , ne shqiperi e kudo, e shikon si i tille.Natyrisht, priten kontribute me shume vlere nga cdo lloj kendveshtrimi, por risku i spekulimeve eshte perhere prezent, here-here i larte.

    Kuptohet se per cilat parti e ka fjalen i nderuari Nikolla kur thote:” Ka parti politike ne spektrin politik …”, por duhet ta faktoje kete.Ato dihet qe jane parti nacionalsite, por ka nacionalizem e nacionalizem , dhe nuk eshte e thene qe ky nacionalizem te jete i ngritur mbi urrejtje;bile eshte krejt ndryshe;eshte nacionalizem qe ngrihet dhe mbahet pas te drejtash, madje edhe pas atyre te drejtave universale qe profesohen nga vete Bibla.

    Ne kontekstin shqiptare dhe ballkanik, kjo ceshtja e nacionalizmit eshte nje kurth fatkeq per shume intelektuale mendjehapur, te cilet disa te drejta krejtesisht elementare, universale , jane te detyruar ti shperfillin ne emer te nje kozmoplitizmi abstrakt, te nje antinacionalizmi te modes dhe krejt te paargumentuar.

  2. TRILUSSA
    Armiku

    Një Qen Ujk, që e kishin vënë rojë
    n’kangjellat e një vile, sapo binte
    nata veç kur ia niste me gam-gum.
    Bile edhe kur rruga s’pipëtinte
    se nuk kalonte shpirt i gjallë: njësoj!
    nuk dinte tjetër punë!

    E pyeti një Kone e vilës ngjitur:
    – Po pse, xhanëm, e vë tellallin kot
    dhe zgjon njerëzinë për hiçmosgjë? – I thotë:
    – E bëj mos humbas vendin si papritur.
    Le që, moj bukuroshe,
    armiku shpesh është hija që krijohet
    një Ide të mos rrëzohet:
    t’jetë apo jo pastaj është punë boshe.

  3. Nje fjale e urte popullore thote: dy zagare e hane nje ujk!
    Frika nga ujku eshte e kote , sidomos po te kihet parasysh, se ka shume zagare qe enden lart e poshte, bile qe vijne te ndersyer edhe pertej sinoreve!

  4. Armiku eshte pjese esenciale e politikes, urrejtja po ashtu, biles po te kishim vetem dashamiresi e miq, s’do kishim fare politike.
    Ketu çeshtja eshte, kush eshte armiku dhe ku duhet drejtuar urrejtja.
    Shqiptaret ne politike fillojne e trajtojne kundershtarin si armik dhe drejtojne urrejtjen kah tij.
    Nuk e di se çfare ka parasysh zoteria, por ne historine politike te Shqiperise, serbe, greke e te huajt ne pergjithesi, jane armiq vetem ne fazen fillestare, me tej shqiptaret hahen e vriten mesvedi.
    Te fundit qe e ilustrojne jane partite e Kosoves, te gjitha ato me te rendesishmet me rrenje nacionaliste, ndaç LDD-ja, ndaç LDK-ja, ndaç AAK-ja e ndaç VV-ja.
    Ku ta gjejme ate parti qe eshte si thote zoteria, mbase s’urrehemi e vritemi mes shqiptaresh, si kemi 100 vjet nga kjo ane e Morines dhe nja 14 vjet nga ana tjeter.

  5. Ja pra ku dalim tek urtesia shekullore:Nje njeri qe nuk do njerezit e vet, nuk ka si te doje e te respektoje fqinjin.
    Shqiptaret , perpara se te thurin idile per fqinjet , duhet te duan veten e tyre, gjindjen e tyre.Ka paragjykime te medha per shqiptaret e Kosoves, por me shume per ata te Maqedonise;paragjykime ne nivelet me te larta intelektuale(se kam fjalen asnjehere per paragjykimet e njerezve te thjeshte sepse ato jane krejtesisht normale).

    Keto paragjykime kane nje baze reale: ndroja , frika, nga ndonje bashkim i mundshem i tyre me Shqiperine .Dhe kur shqiptaret e Kosoves dhe Maqedonise kritikohen apo qortohen per nacionalizem, ata qortohen ne fakt sepse duan pikerisht bashkimin me Shqiperine!!Frika se pas nje bashkimi te mundshem shtohen votuesit nga veriu eshte e madhe dhe deri diku e kuptueshme.
    (Tag:veriore,maloke, shpellare;president verior, kryeminister verior;tmerr, ububu, na mbyten maloket etj).

    1. Oskeola, pse nuk jeni të sinqertë ju veriorët? Kryeministri, që me gjithë çfarë ka bërë e meriton titullin MALOK, shkon edhe ofendon, dhe ju heshtni. Ai shkon edhe vret, dhe ju heshtni.

      Po ndodhin vrasje dhe krime të përditshme, dhe ju përsëri heshtni.
      Kjo heshtje sipas skeçit “mos fol se vdes”, ofrohet më pas si alternativë, Kosova do bashkohet me Shqipërinë. Ti nuk arrin t’a kuptosh se kjo heshtje dhe kjo “alternativë” ka si nëntekst DO BASHKOHEMI DHE DO JU VRASIM. Se po mbështet tashmë – me heshtje një kryeministër që vret.

      Thua diku: bashkimi me Kosovën do e zgjidhte problemin e minoritarëve, si do e zgjidhte a ma shpjegon një çikë? Ai vret ti hesht, pastaj më thua do e zgjidh, domethënë – do i vras! Apo do i dëboj. Edhe ai birboja që flet më lart, që më është neveritur si njeri, doli edhe e tha një ditë: A e di unë ça doni ju, t’u sjellim ca veriorë në jug. Këto keni për të na ofruar ju?

      Cila pra është oferta juaj ideologjike për bashkëjetesë? A keni ndonjë parim? Bashkimi NUK është parim.

      Ju po të donit bashkim të sinqertë dhe real, do kishit qenë të parët që të reagonit kundër çdo afere për korrupsion, kundër çdo ushtrimi dhune, kundër çdo vrasjeje, kundër çdo lloj atentati ndaj kohezionit social.

      Po pse kjo hedhje sysh ndaj fqinjëve? Po ja ta shpjegoj unë pse… Në Greqi ndodhën mijëra trazira sociale, qindra protesta që nga vjet, u mbush Athina plot me njerëz dhe ASNJË nuk u ekzekutua si të ishte qen rrugësh. Asnjë. Asnjë i vetëm. Sedër ndonjëçikë nuk keni? Pse grekët i duan të ngjashmit e tyre, dhe ju lejoni të vriten e të poshtërohen shqiptarë? Po serbët? Po njësoj, zgjodhën një alternativë politike të ndryshme nga ajo që kishin, ndodhi rotacioni, u respektua vullneti i popullit, pozita u bë opozitë pa derdhur pikë gjak.

      Ke muaj rresht vërdallë këtu,që hedh poshtë çfarëdolloj argumenti që të jepet, që bën sikur nuk shikon, që bën sikur nuk dëgjon, që shpërfill, që mohon çfarë të thonë, që refuzon të kuptosh, zotëri i nderuar, nuk kemi lindur dje. Kapet nënteksti dhe nënkuptimi i kësaj sjelljeje lehtë fare; kush sillet kështu, ka gjithnjë një axhendë të fshehtë, ka mungesë sinqeriteti në sjelljen e vet.

      1. O derezi po beji nje vrime tjeter fyellit, se shton variacionit e notave. S’po them beje klarinete apo flaut po te pakten fyell me dy vrima, se me nje vrime duket si bilbil. Nuk te them nderro vegel, po thjesht permiresoje.
        Edhe na hape barkun me Greqine, ne çdo postim nga nje referim per Greqine.

      2. J nëse ti je edhe Julius po sjell dy fjali; njërën nga shkrimi Ballkani me një përmasë me autor Julius:
        “Pothuaj askund nuk kam parë në shqip një analizë të thellë të tipareve të kësaj krize, dhe mundësinë e paralelizimit të saj me gjendjen në Shqipëri.”
        tjetrën nga komenti i J këtu:
        “Në Greqi ndodhën mijëra trazira sociale, qindra protesta që nga vjet, u mbush Athina plot me njerëz dhe ASNJË nuk u ekzekutua si të ishte qen rrugësh.”
        Nëse je i njëjti person dhe të intereson vërtet, ke një çështje të hapur, për të cilën brenda mundësive unë do të dëshiroja të lexoja prej teje si autor. Pa dhënë paraprakisht më shumë se sa ku shoh pikëtakimet.
        6 Dhjetor 2008. Alexandros Grigoropoulos u vra nga dy policë në Athinë.
        12 Dhjetor 2008. Diferenca e bondeve gjermane me bonot (s’e di si quhen) greke u thellua edhe me 230 pikë bazë (2.3%).
        Lidhjet shkak-pasojë, kahet e drejtimit, dhe me patjetër paralelizmi me 21 Janarin e 2011, për të cilin në PtF është shkruar.

        1. Nuk je në pozitë të më kërkosh gjë, CD. Jo ti, sidomos.

          Kur flisja për tiparet, e kisha fjalën për ato sociologjike. Madje i kisha premtuar Xha xhait një temë me pikërisht këtë titull: Disa tipare sociologjike të krizës greke.

          Për vrasjen e A. Grigoropoulos, je me fat, se e kam trajtuar një herë, vjet: http://busulla.blogspot.gr/2011/02/ministria-per-mbrojtjen-e-qytetarit.html

          Shumë, shumë, shumë cinike nga ana jote, krahasimi i trazirave me bonot. E vrazhdë tentativa, dhe jo-humane. Tek linku më sipër i gjen edhe arsyet pse…

          Për më tepër nuk ka kuptim të flasësh për atë gjë, kur në Shqipëri gëlon informaliteti që është kancer i ekonomisë standarde: http://www.peshkupauje.com/2012/09/blogosfera/informaliteti-dhe-evazioni-fiskal-mbajne-drynin-e

          Informalitetin si rrjedhojë të tipareve sociologjike e kam trajtuar, sigurisht. E gjen tek “Fraku dhe Fustanella II”.

  6. I nderuar J.

    Nje intelektual(ndoshta i vetmi ne vendin tone ne tere kuptimin e fjales) , Fatos Lubonja, thote pak a shume se klasa politika shqiptare dominohet nga nje bande hajdutesh.Zoti Lubonja fut edhe opoziten ketu, gje per te cilen nuk jam dakord, sepse paragjykohet(kur te vije ne pushtet edhe ajo do veproje keshtu!).
    Dua te them se jam po aq i indinjuar sa cdokush tjeter per te gjithe kete zullum te padurueshem te pushtetit te sotem.

    Nga ana tjeter, vete fakti qe jam i detyruar(e ndjej si te tille) t’ju jap shpjegim per nje gje qe e kam shprehur disa here ne komentet e mia, deshmon per ato paragjykime per te cilat kam komentuar me siper.

    I permend keto paragjykime , sepse nuk jane paragjykime njerezish te paditur, por paragjykime qe vijne pikerisht nga njohje gjysmake ne rastin me te mire, apo te servirura enkas si te tilla ne rastin e keq.

    Une nuk kam thene e nuk kam per te thene kurre “ne verioret” dhe “ju jugoret”, ju po thoni nje gje te tille, dhe pikerisht per kete gje e kisha fjalen.Ju ,dmth ti ne kete rast po e deshmon vete nje gje te tille.

    Une nuk kam thene se bashkimi me Kosoven zgjidh problemin e minoritareve, perkundrazi e kam theksuar se minoritaret i perjashtoj nga komentet e mia, pikerisht per te shmangur te tilla keqkuptime.

    Mllefi , pervec te tjerash , eshte i sinqerte;dhe eshte ky sinqeritet i juaji, e perseris, qe verteton pike per pike te gjitha paragjykimet, psikozat per te cilat komentoj.

    PS:Eshte hera e pare ne jeten time qe komentoj ne nje blog. Kam hyre ketu para pak kohe . Eshte ,me te vertete, per te qeshur me te madhe se ku ju paska shkuar mendja…
    Nuk kam paragjykuar asnje nga komentuesit ketu, kam folur ne pergjithesi, kurse zoteria juaj po me sulmoni personalisht per …. diversion!!

    1. Po e pashë intelekualin e madh Lubonjë më 21 Janar. Që krrunte kokën e nuk dinte ku të futej kur mori vesh se kishin qëlluar me plumba të vërtetë, në studion e Klanit kështu. E pashë edhe kur tha që “njëri i vrau, tjetri i çoi për të vrarë”. Ti po bie dakord me këtë, nuk kemi se çfarë të themi më, Oskeola.

      Nga ana tjetër, nuk e ke fshehur që je verior, e ke shpallur vetë madje. Ti po thua se është “frika që bën të mendojnë”… do vijnë veriorët, malokët etj. Po me gjasë cilët nënkupton kur thua që “kanë frikë”? Cilët janë të predispozuar të kenë frikë?

      Shiko, të jetosh në një shtet të ngjashëm, po pakëz më të përparuar se Shqipëria, disa gjëra kuptohen me hundë. Ti nuk i identifikon drejtpërdrejt, por i “fotografon” i thonë grekët, dmth lë të kuptosh se për kë e ke. Edhe unë të them, thuaje hapur o njeri, çfarë sikleti ke?

      Për çfarë paragjykimesh të flasim, kur ke FAKTE nga e kaluara që ka ndodhur një përplasje e tillë. Vetë viti 97′ me rropullitë e veta, është FAKT jo paragjykim. Po dhe nga vetë Lubonja a nuk është faktuar se po gjatë atij viti ishte shumë në modë denigrimi i “sllavo-komunisto-ortodoksëve”? Po këto nuk janë fakte?

      Mirë nga njëra anë e pallanxës “paragjykimet”, po si ndodh që shumë veriorë janë të thekshëm antigrekë, kur me grekët as kanë patur as kanë marrëdhënie? Me këtë duan të fshehin se janë anti-ortodoksë. Thjesht grrici pak edhe kështu dalin. E kam provuar vetë nga eksperienca. Edhe këto janë fakte, i nderuar, nuk është çështje paragjykimi.

      Nuk kalohen këto me “hë mo se s’ka gjë”, kjo vetëm thellon distancën.

    2. Jam që jam, të të them edhe një fakt tjetër, të patundshëm. Fakti që një person që ka vrarë njerëz është akoma kryeministër, është KËRCËNIM I PËRDITSHËM, Oskeola.

      Lëre më nëse dëshifron ato që thotë, ai KËRCËNON përditë!

  7. I nderuar J.
    Kam pershtypjen se me ke keqkuptuar nga fillimi deri ne fund.
    Une nuk paragjykoj askend, vetem sa ve ne pah paragjykimet dhe psikozat e ndryshme qe ekzistojne.Mendoj se kjo eshte nje menyre emancipimi(clirimi prej tyre).

    Thua:”Me kete duan te fshehin se jane anti-ortodokse”,
    E do mendimin tim? -Urrejtja fetare ekziston vetem ne mes komuniteteve fetare(natyrisht kjo nuk perfshin domosdosmerisht te tere besimtaret), dmth mes atyre qe jane ne kuptimin fetar myslyman, ortodokse apo katolike, pra qe jane te vetedijshem e aktiv ne besimin e tyre.
    Harmonia fetare ne Shqiperi i detyrohet , ne fakt per paradoks,pjeses jofetare,dikush i quan agnostike, kjo plus ateistet.
    As nuk mund te imagjinohet toleranca apo harmonia fetare pa kete pjese te popullsise.Te tjerat jane perralla, dhe keto perralla i rrefejne: kleriket e te gjitha paleve, hileqaret e medhenj (politikanet),enderruesit naive,idiotet dhe per ti vene kapakun kesaj hipokrizie totale… shume intelektuale ateiste!!

    Ka perpjekje nga ane te ndryshme( pa paragjykuar) , qe te krijohet nje lloj atmosfere, nje lloj mjedisi fertil per ndasite fetare. Prandaj, eshte mire qe te flitet per gjera te tilla sa me shume dhe pa pasur ndrojen e paragjykimeve.

    PS: Fatos Lubonja eshte intelektual ne kuptimin e mirefillte te fjales: ai eshte i cliruar nga paragjykimet e cdo lloji qofshin , ose mundohet tu rrije larg ketyre viruseve fatale per mendimin e lire e ta pavarur.Eshte gje tjeter pastaj , sesa te drejte mund te kete ne ceshtje te caktuara, por te pakten nuk ka bllushtra ne koke.

  8. Per J.

    Ne nje nga artikujt shume te mire qe keni ndare me ne ketu, keni shkruar:

    “(K)arakterizimi i tjetrit negativisht, është forma më banale, dhe më e keqe e ngjizjes së solidaritetit të grupit. Këto mangësi të gjitha që përshkruhen më sipër, janë të pamundura të ndreqen, guxoj të them, prej frikës ekzistenciale që kemi si komunitet. Në kushtet e një rrënimi të gjithanshëm social, ekonomik, politik, e vetmja vlerë e përbashkët që na ka ngelur dhe që na bën të mbetemi shqiptarë, është se i urrejmë fqinjët, si grekët, ashtu serbët dhe maqedonët. Bishti i dardhës në këtë kontekst, qëndron se nëse këtë metodë e ushtrojmë me të përjashtshmin e të qenit shqiptar, po të njëjtën gjë bëjmë dhe me pjesën e veçantë që nuk na përket të shqiptarit brenda nesh”.

    Pastaj, si komentator, sot, i keni lejuar vetes t’i drejtoheni me “ju verioret” dikujt ketu qe quhet vetem ‘oskeola’, duke i ngarkuar ne shpine verioret dhe pasinqeritetin e tyre, fill pasi ketyre verioreve u keni ngarkuar mbi shpine edhe urrejtjen e pasinqerte per greket (ne fakt per ortodokset shqiptare), mbeshtetjen e Berishes, e keshtu edhe masakren e 21 janarit tek “Deshmoret e Kombit”.

    Keni patjeter lirine te ndryshoni mendim dhe qendrim sa here te doni; keni edhe te drejten t’u bashkoheni solidariteteve negative – po atyre qe keni stigmatizuar – sa here perdorni fjale si MALOK; keni liri te shumefishoni deri ne dy-tre milione banore ndonje bashkebisedues “verior” qe rastis para jush, e t’u mvishni ketyre pastaj aspirata te tipit: DO BASHKOHEMI DHE DO JU VRASIM; por nuk keni te drejte te beni asnje nga keto ne emer te MALOKEVE (meqe ju pelqen ne kapitale kjo) Hekuran Deda apo Aleks Nika. Une, ne librin tim, jua kam hequr qe tani kete te drejte.

    1. Dale, dale një herë. Unë atij që është (fatkeqësisht) kryeministër i thashë MALOK. Nuk i thashë Oskeolës malok. As i shumëfishova që t’i bëj “shumë malokë”.

      Ke të drejtë për kritikën, mesazhin ndaj Oskeolës e kam shkruar në stil pedant, i turbulluar ngaqë sot që flasim doli lajmi se forcat e policisë së MALOKUT, kishin masakruar një shofer autobuzi.

      Thelbit të asaj që kam thënë, i qëndroj veç. Po e riformuloj… Së pari, të njihemi me situatën, ndodhemi një vit e gjysëm pas 21 Janarit, një masakre shtetërore ndaj qytetarëve protestues. Kjo shoqëria jonë përmban disa karaktere tipike njerëzish. Një ndër syresh që më ka rënë rasti të dalloj, është ai i veriorit që shpërfill se çfarë ndodh e çfarë sheh, shpërfill vjedhjet, vrasjet, mungesën e kohezionit social në shoqëri, POR është shumë i zellshëm dhe pro ndaj bashkimit kombëtar. Sipas precedentit të mëparshëm, kur i njëjti kryeministër ishte po atëherë i tillë, dhe vendi shkoi gati në luftë civile, u thellua ndarja veri-jug, dhe ndaj këtij tipizimi dhe precedenti dëshifrohet nënteksti më lart: do bashkohemi dhe do ju vrasim.

      A jemi në rregull deri këtu?

      Vijmë në pikën tjetër: Po gjithashtu, më ka rënë rasti të dalloj, përsëri, ndaj disa individëve veriorë një zell shumë të madh antigrek, të cilin, përsëri e gjej të dëshifruar si antiortodoks. Dhe po të jap përsëri precedentin e 97′, denigrimin e një pjese të shoqërisë si “sllavo-komunisto-ortodokse”.

      A jemi në rregull dhe këtu?

      A ke gjë për të më thënë për këto më lart? Apo mjaftohesh të më heqësh të drejtën të marr përsipër dhe të solidarizohem me Aleks Nikën dhe Hekuran Dedën?

      1. Pervec ngercit personal qe kam me pergjithesimet, edhe nje verejtje per skemen mbi verioret qe ndonese nuk kane kontakt fare me greket, i sulmojne keta me urrejtje, per te goditur keshtu, ne fakt, ortodokset vendas.

        Mos harro te lutem se ne Shqiperi jeton nje minoritet grek ne rritje te vazhdueshme, te mjafte per te perligjur pervoja provinciale tipizimesh qesim per grekun dhe esencat e tij te posacme. Por shume me fort se kaq, mos harro te lutem qindra-mijera “veriore” qe kane kaptuar malet nga halli keto 20 vjet, per t’u ballafaquar me grekun si pronar e si polic, e jo rralle edhe si racist apo fondamentalist fetar. Meqe kerkove kontakte popullore qe shpien ne folklor urrjejtje, t’i permenda sa kam mundesi, po jo se eshte nevoja per to per te prodhuar urrejtje, sa kohe qe ka edhe nje histori te re e te vjeter marredheniesh shqiptaro-greke (nuk po i futem analizes “e ka kush e ka” fajin) qe mund te riciklohet pa problem ne urrejtje helenofobe. Urrejtja skuthe per ortodokset vendas, e maskuar si helenofobi, patjeter qe vetem sa mund t’i shtohet llumit, po jo se kemi nevoje ta amplifikojme kete si fenomen, kur e kemi ende me hamendje, dhe kur ndershmerisht gjejme lehte goxha kronike, perdite e prej dekadash, mbushur me kontakte deri ne ferkim me greket, te tilla qe te justifikojne epshin: urrejtës apo dashurues e c’ka midis.

        Sa per MALOK, nuk te akuzova se i the keshtu ‘oskeoles’, bile as ‘kryeministrit’: me mjaftoi vetem permendja te ndihem keq, ose i tepert. Me beso se keshtu ndihem edhe kur qellon qe e perdor vete kete shprehje, ne nerva e siper, ne muhabet me ndonje shok te afert, ne prani te te cilit harrohem e cimbis ndoshta edhe vrimat e hundes me gishterinj – si nuk do guxoja te beja ne prani te tjera. Ka nje sforcim ne qyteterim (qe nuk me vjen turp edhe po e quajti kush hipokrizi), ne te jetuarit bashke, ku askush nuk ta ka per borxh qe te fyhet nga menyra e dyshimte si je edukuar, si i ke koleksionuar konceptet e pervojat; prandaj edhe fjale qesendie a fyerjeje per grupe njerezish, te cilat perhere bartin, tejcojne, mirembajne potenciale dhune, mbahen larg nga hapesirat e perbashketa – mua ashtu si shtypim gazrat neper rropulli, deri sa gjeme kendin e ndyre ku mund t’i leshojme pa u felliqur dhe aq.

        ps: Sa per emrat e viktimave te shtetit ne Shqiperi, te lutem permendi sa me shume, dhe nxit te permenden sa me shume qe askush te mos harroje se c’ngjet ne nje vend ku krimi shteteror vetem sa trimerohet e shtohet duke mos u ndeshkuar, dekade pas dekade. Vetem desha te te siguroj se po i pafajeson pa dashur vrasesit duke i perfshire ne te njejten fyeje, te cilen shume prej nesh vertisin neper dhembe per Hekuranet dhe Alekset.

        1. Bie dakord përgjithësisht me qëndrimin tënd, gjithashtu të them se nuk ka arsye kush ta amplifikojë fenomenin të cilin unë përmend, përveçse ta vërë në dukje. Unë mund të jem më i ndjeshëm ndaj kësaj, se më prek personalisht. Dhe për më tepër, kur dhuna është sheshit këto kohë, të tërheqim pak vëmendjen për t’i paraprirë ndonjë llagëmizimi të pakëndshëm të saj. Nga ana tjetër, ky ambjent që flasim nuk e lejon amplifikimin, po as niveli i civilizimit ku ndodhemi. Është njësoj si trajtimi i mikrobeve në një dhomë të sterilizuar. Mikrobet këtu trajtohen si të tilla dhe nuk ka rrezik shpërndarje epidemie.

          Në fakt atë fjalë që përmend, e përdor si kryeshenjë, se nuk mund të vijë dikush e të më thotë, pse i thua ti malok, pa marrë përsipër të sqarojë qëndrimin e vet rreth Sali Berishës. Një vrasës, uzurpues dhe hajdut, nuk meriton asnjë lloj justifikimi. Po këtu qëndron dhe hipokrizia. Sepse kjo shoqërohet me apati të përgjithshme dhe mungesë vullneti për kritikë të çka ky njeri po bën, çka lë dhe shije të hidhur. Edhe i bën njerëzit që mllefin ndaj tij ta nxjerrin nëpër dhëmbë, edhe duke i përdorur nëpër shkrime dialektin. Një mënyrë për të parë mungesën e moralit në shoqërinë tonë, është kjo lloj heshtjeje. Ata që nuk njohin autoritet të lartë hyjnor – si puna ime, kanë nevojë për një “echo” (jehonë) prej ambjentit si formë vërtetimi. I Kur nuk e shohin, e provokojnë.

          Interneti, ndër të tjera ofron mundësi të paskajshme të gjenerimit të moralit të përbashkët. Është shans për tu shfrytëzuar. Nëpërmjet zbulimit të vetes dhe tjetrit, zbulohen dhe vlerat e idetë e përbashkëta që një masë njerëzish mund të kenë. E për më shumë mund t’i mprehin këto vlera dhe ide e të reagojnë në bazë të tyre.

          Të përshëndes.

          1. Te kuptoj mire J.

            Sa i perket diskutimit mbi termat, besoj se ka shprehje te tjera shume me specifike sesa maloku per te pershkruar apo shpjeguar monstruozitetet e Sali Berishes. Vazhdoj te besoj se nje nga sherbimet me te medha qe i behet Berishes dhe status quo-se politike ne vend, eshte cilesimi i tij me shprehje qe i mundesojne te mbijetoje si tribun i verioreve te stigmatizuar a rrezikuar (“div drago’ i Dragobise”). Nese neser njerezia do pushoje se thirruri Berishen ‘malok’, ‘shpellar’ e ku e di une, vete ky ka per te punesuar njerez ta bejne kete – nese nuk po e ben qe prej vitesh tashme. Ne kete menyre, i reduktuar ne verior, apo “malok”, Berisha nuk ka nevoje per asgje tjeter qe te mbijetoje politikisht. Aureola e tij si mbrojtes i te persekutuarve e te shpronesuarve a nacionalisteve i ka rene prej kohesh; tani nuk i mbetet asnje mburoje tjeter, vec te pretendoje te jete mburoje e verioreve te kercenuar e te poshteruar. E rendesishme eshte qe dikush te vazhdoje t’i bjere legenit nga ana tjeter, qe populli pertej mburojes te shtrengoje rradhet rreth Tij.

            Pershendetje e gjithe te mirat edhe nga une!

  9. J.
    thua:”Kjo shoqeria jone permban disa lloje tipike njerezish.Nje nder syresh qe me ka rene rasti eshte ai i veriorit qe…”.
    Cfare mund te thuhet per kete?!A ka vlere te flitet per paragjykime me?
    Kjo eshte per te vene duart ne koke!
    Nuk e di se cfare te komentoj me tutje se me duket krejt e kote.Megjithate:

    “…nje zell shume te madh antigrek, te cilin, perseri e gjej te deshifruar si antiortodoks”. Jo jo jo , i nderuar mos i ngaterro gjerat.Te flasesh per autoqefaline e kishes ortodokse(se kjo eshte thembra e Akilit ne kete rast) , nuk do te thote aspak te jesh antiortodoks.Jo vetem ne veri te Shqiperise, por sidomos ne Kosove, ka pafund emra rrugesh e shkollash me emrat e ortodokseve te medhenj shqiptare(rilindasve), bile ne Kosove ata adhurohen me shume se ne Shqiperi.Per te mos folur per me te madhin e orodoksise shqiptare Fan Nolin ,i cili adhurohet tej mase.

    Ah , ndryshon puna nese ceshtja e autoqefalise nuk i perket shqiptareve ,por klerit grek dhe politikes greke!!Po kush e beson kete marrrezi se?!

    Ajo qe eshte me te vertete e ububushme , ne rastin zullumit qeveritar dhe pushtetor, qendron ne faktin se e keqja shihet ,dhe me keq akoma sugjerohet te shihet tek origjina e kryeministrit!
    Te dyja palet (politike) kane luajtur me karten e paragjykimeve;Berisha sidomos ka luajtur fort dikur , kurse tani me duket se ka hequr dore perfundimisht nga kjo gje;perkundrazi, tani atij i eshte kthyer si bumerang nga pala tjeter, sepse nuk lihet rast pa ia permendur shpellen e tij!!
    Mirepo, paragjykimi nuk do te kishte ndonje peshe , nese do te kufizohej vetem tek ky njeri, ai eshte me i shtrire.
    Por kjo ka edhe anen e vet komike.Ky komizem shihet tek sikleti i shume historianeve apo intelektualeve ,te cilet jane te detyruar(nga faktet) qe Zogun ,beun e Burgajetit(malokun, fshatarin!) , ta paraqesin ne nje drite me te mire se diktatorin komunist nga Gjirokastra(qytetarin me maniera, me shije te holle e kulture oksidentale) !!

    I nderuar J.
    kur lexon shkrimet dhe komentet tuaja plot pasion e dashuri e dhembshuri e perdellim per fqinjin tone te nderuar,ky mllefi i papritur dhe kaq i madh per sivellezerit e tu , me duket si dush me uje te akullt.Me te vertete me vjen keq, sepse ngado qe ti sillesh e mbeshtillesh mllefi nuk eshte racional;nuk ka asgje racionale ketu.

  10. 21 janari, eshte permendur disa here ne komentet si shembulli tipik i zullumit te ketij pushteti .
    Mirepo harrohet me qellim, se cili ishte shkaku, qe qytetaret iu pergjigjen thirrjes se opozites per proteste .Ishte videoja e famshme, ku protagonist eshte simboli i korrupsionit qeveritar, fytyra me e shemtuar e ketij korrupsioni;eshte ai qe di te gatuaje mire ngjalat!

    Disa analiste shume te njohur , i sugjerojne opozites qe te beje aleance edhe me djallin, vetem e vetem per te rrezuar…djallin tjeter!
    Po kush eshte ky djalli?-Djalli eshte po ai qe di te gatuaje ngjala!!

    Kam pershtypjen se keto kohet e fundit, ne rrethet e ndryshme gazetareske dhe me gjere, eshte rikthyer togfjaleshi i famshem:”eshte toni”!
    ” He mos se eshte toni, beri cberi me malokun, prapseprape eshte toni”, prape eshte fjala per fytyren me te ndyre dhe te shemtuar te korrupsionit!

Lini një përgjigje

Zbuloni më tepër nga Peizazhe të fjalës

Pajtohuni tani, që të vazhdoni të lexoni dhe të përfitoni hyrjen te arkivi i plotë.

Vazhdoni leximin