FUSHËBETEJA NË MEDIAT

Mediat dhe opinioni publik anembanë botës nuk duket ta kenë pritur mirë shpalljen e Pavarësisë nga Kosova. Një pjesë e mirë e kritikave lidhet me frikën e shumë elitave në pushtet se zhvillime të ngjashme me këtë pavarësi mund të ndodhin edhe në shtetet e kontrolluara prej tyre; të tjerë analistë i druhen prishjes së drejtpeshimit gjeopolitik global ose parimit të mosndryshimit jokonsensual të kufijve; të shumtë janë ata që e kundërshtojnë pavarësinë sepse duan të kundërshtojnë Amerikën dhe veçanërisht Bushin. Më në fund, një rol në këtë fushatë negative dhe tepër kritike do ta ketë luajtur edhe Serbia vetë, ose njerëz të shtyrë ose të frymëzuar prej interesave serbe. Për fat të keq, pala shqiptare praktikisht e ka humbur këtë luftë mediatike, megjithë përkrahjen që i ka ardhur nga disa pena të fuqishme e me gjithë të drejtën morale që Kosova e ka pasur pa dyshim me vete.

Cilat janë argumentet e palëve kritike dhe sa i qëndrojnë ato vetë kritikës? Në vijim po ndalem shkurt në disa prej tyre, duke i shoqëruar me vërejtjet që kam unë vetë ndaj logjikës së autorëve. E di që jam duke i predikuar korit dhe se shumë lexues i njohin këto çështje, por edhe heshtja e përgjithshme e mediave shqiptare, ose mania për të tundur flamujt e për të ulëritur “s’ka mo shki” më bën ndonjëherë të dyshoj.

1. A pati genocid serb në Kosovë para ndërhyrjes ushtarake të NATO-s?

Hipoteza që po qarkullon gjithnjë e më dendur në artikujt “alternativë”, ose “anti-establishment” është se Serbia ndërhyri në Kosovë ushtarakisht për të shtypur lëvizjen separatiste të UÇK-së, jo për të bërë genocid; dhe se të dhënat për masakra serbe kundër shqiptarëve ishin fabrikim i propagandës kosovare dhe/ose amerikane dhe/ose antiserbe. Sipas së njëjtës hipotezë, ekzodi kosovar drejt Shqipërisë u shkaktua prej vetë bombardimeve të NATO-s, ose u nxit prej UÇK-së për ta precipituar situatën. Kjo hipotezë vuan nga një kontradiktë logjike – sepse qëllimi i ndërhyrjes së NATO-s ishte pikërisht të ndërpriste genocidin, prandaj nuk ka shumë kuptim të thuash që genocidi nuk ndodhi. Nuk ndodhi, sepse nuk e lanë të ndodhte! Unë nuk i di me hollësi të dhënat që jepen për të vrarët, të masakruarit, të përdhunuarit e të djegurit në Kosovë; por di që edhe një shtëpi e djegur ose një fëmijë që ia kanë vrarë nënën para syve mjafton për ta përligjur moralisht ndërhyrjen. Di edhe që, nga pikëpamja e strategjisë serbe, dëbimi masiv i kosovarëve drejt Shqipërisë ishte zgjidhje më e pranueshme e më komode sesa vrasja ose masakrimi i tyre. Në të dy rastet, NATO-ja ndreqi një padrejtësi të madhe që po kryhej kundër kosovarëve prej dekadash.

2. A i takon(te) Kosova juridikisht Serbisë?

Këtë duhet ta ftillojnë, dhe një ditë do ta ftillojnë juristët dhe specialistët e së drejtës ndërkombëtare. Marrëdhëniet midis njësive federative në Jugosllavinë e Titos ishin të tilla që, nëse Kosova i takonte juridikisht Serbisë, edhe Serbia i takonte juridikisht Kosovës. Nga ana tjetër, regjimi i sotëm në Beograd e ka humbur të drejtën për të pretenduar jurisdiksion mbi Kosovën – sepse ia keqtrajtoi popullin asaj krahine. Sot, në vendet e zhvilluara, shteti ta merr deri edhe fëmijën e ta heq të drejtën për ta rritur, po të dijë se e keqtrajton; aq më tepër në rastin kosovar, kur populli i atjeshëm ishte i vendosur me vetëdije që të shkëputej prej Sërbisë përfundimisht.

3. A kanë bazë pretendimet historike për Kosovën si djepi i kombit serb?

Manastiret ortodokse në Kosovë kanë vërtet rëndësi për historinë e popullit dhe të shtetit serb; por nuk mund të ekstrapolohet deri aty sa të thuhet se, për këtë arsye, Kosova e sotme i përket Serbisë; meqë Kosova e sotme u përket atyre që jetojnë atje, që e quajnë tokën e tyre dhe e duan dhe janë gati të vdesin për ta mbrojtur. Aq më tepër që, kur u shfaqën serbët në Ballkan, nuk e sollën Kosovën me vete në shpinë të kuajve e të buajve, por e gjetën aty, të populluar – prej dardanëve që ishin një fis, pas gjase ilir; pastaj një popullsie të romanizuar, paraardhësit e vllehëve të sotëm; dhe protoshqiptarëve vetë, emrat e të cilëve dalin në dokumentet e kohës si pronarë e banorë të trojeve të atjeshme krahas sllavëve, latinëve e ndonjë greku të rastit. Është e vërtetë që elementi shqiptar u favorizua dhe u përhap nën pushtetin osman, por kjo nuk e bën automatikisht Kosovën djep të Serbisë, as i jep Serbisë ndonjë të drejtë historike ndaj Kosovës.

4. A i ekspozohet Kosova e pavarur fondamentalizmit islamik?

Natyrisht, por jo më shumë se ç’i ekspozohet Parisi, Londra ose Detroiti, e gjithsesi shumë më pak tani sesa kur vuante në shpinë dhunën policore të regjimit serb. Ekstremizmi, pavarësisht nga ngjyra që ka, është pjellë e dëshpërimit, jo e lirisë. Aq më tepër që Islami në Kosovë është fe e integruar prej kohësh në indin social, jo doktrinë e sjellë rishtaz dhe e pompuar si shpresë për shëlbesë e ringjallje; dhe aq më tepër që Islami në Ballkan e sidomos i shqiptarëve nuk është shquar kurrë për fanatizëm. Lexon shpesh që deri edhe Bin Laden-i mund ta ketë vizituar Kosovën gjatë viteve 1990; thua se ky argument ia hiqka kosovarëve të drejtën për pavarësi ndaj Serbisë. Thuhet edhe që shumë luftëtarë të UÇK-së qenkan stërvitur në po ato kampe ku stërviteshin dikur terroristët islamikë, e të tjerë dordolecë të tillë, për të trembur opinionin publik perëndimor. Në të vërtetë, pati një komponente të solidaritetit pan-islamik në Bosnje, ku muxhahidinët shkuan të luftojnë për të ndalur masakrimin e vëllezërve të tyre myslimanë ose për synime të tjera; por në Kosovë diçka e tillë nuk ndodhi. Bin Laden-i vërtet mund ta ketë vizituar Kosovën (who cares), por “faji” për këtë sakrilegj nuk ka pse t’u faturohet kosovarëve vetë, meqë Bin Laden-i nuk është se vajti ta marrë vizën për të shkuar atje nga Ibrahim Rugova. Më e bukura është se po këta që kinse shqetësohen për qokat e Bin Ladenit në Kosovë të thonë edhe se atentatet e 11 shtatorit nuk u kryen me urdhër të Bin Laden-it e të Al Kaedës, por të Mossad-it israelian; ose që Al Kaeda është organizatë e themeluar nga CIA amerikane, për të luftuar rusët në Afganistan; e të tjera teori të tilla komploti, të cilat rreken të neutralizojnë e të diskreditojnë pozicionet zyrtare amerikane në lidhje me “luftën kundër terrorit”.

5. Është e vërtetë se qeveritarët e sotëm të Kosovës janë të ngatërruar me krimin e organizuar?

Kudo në botë ka politikanë që ngatërrohen me krimin e organizuar; sepse krimi i organizuar është i interesuar të ketë njerëzit e vet në politikë dhe në qeveri, prandaj nuk i kursen shpenzimet dhe përpjekjet për ta arritur këtë qëllim. Kjo akuzë i ka burimin në çfarë ka ndodhur në Ballkan gjatë viteve 1990, kur Kosova u shndërrua në një territor të askujt, ku bandat kriminale të trafikut të drogës e të prostitucionit e kishin më të lehtë të qarkullonin e të pastronin paratë e pista. E ka burimin edhe në kohën kur UÇK-ja kish nevojë për financime e mbështetje gjithfarësh dhe në rrethanat e luftës kundër Beogradit, nuk mund të ndalej e t’u qëmtonte dosjet të gjithë atyre që i afroheshin për të bërë biznes me të. Megjithatë, organizmat dhe institucionet ndërkombëtare të luftës kundër krimit i kanë pasur gjithnjë duart të lira për të vepruar, ndaj të gjithë atyre politikanëve kosovarë që janë përzier në “afera” të dyshimta. Këtë e provon tërthorazi edhe fakti që, ndryshe nga Serbia, Kosova nuk fsheh kriminelë lufte e masakrues popullatash civile; madje deri edhe ish-kryeministrin e vet Haradinaj ia dorëzoi Gjyqit Ndërkombëtar të Hagës për t’u hetuar.

6. A u është lënë në dorë Kosova e sotme krerëve të UÇK-së, që ishte organizatë terroriste?

Një organizatë, që të jetë terroriste, duhet të ketë bërë terror. Në vitet 1990, kur për UÇK-në ende dihej shumë pak, zërat se mund të ishte fjala për një organizatë terroriste mund edhe të besoheshin; edhe pse akte terrori nuk ishin kryer ende. Sot, përkundrazi, këtë argument mund t’ua shesësh vetëm naivëve; si dhe viktimave të përdorimit të papërgjegjshëm që i ka bërë administrata amerikane fjalës “terrorist”, duke e reduktuar në kuptimin “cilido që nuk na pëlqen”. Vërtet, krerët e UÇK-së kanë luftuar, ndoshta kanë vrarë sikurse edhe janë vrarë; lufta është luftë, u bindet ligjeve të ndryshme nga ato që shkruhen e që miratohen në Bruksel.

7. Pse po ikin këto vite masivisht serbët nga Kosova? A nuk dëshmon kjo frymën e intolerancës etnike në krahinë?

Serbët po ikin nga Kosova kryesisht sepse nuk është e lehtë të jetosh sot në një vend me probleme të mëdha ekonomike si Kosova, aq më tepër kur ke shpresë se mund të sistemohesh tjetërkund e kur t’i kanë shpëlarë trutë me propagandë nacionaliste e t’i kanë paraqitur shqiptarët si gogolë. Ka edhe serbë që ikin nga Kosova sepse kanë frikë se kosovarët do të sillen ndaj tyre njëlloj siç do të ishin sjellë ata me kosovarët, po të kishin qenë të tjera rrethanat. Më në fund, shumë serbë nuk e tolerojnë shndërrimin nga shtresë e privilegjiuar në minoritet etnik…

8. A është Pavarësia e Kosovës një hap më tej drejt Shqipërisë së Madhe?

Zakonisht ky argument sillet nga disa kalemxhinj që e marrin të mirëqenë hipotezën se Shqipëria e Madhe do të ishte katastrofë për Ballkanin e për Europën, ndoshta krejt sistemin diellor. Mirë do të ishte që shqiptarët të jetonin së bashku, në një shtet të vetëm; por kjo nuk mund të realizohet sot për sot – madje logjika ta do që Pavarësia e Kosovës e largon mundësinë e Shqipërisë së Madhe në vend që ta afrojë, meqë shteti kosovar do të orientohet drejt Europës jo drejt Shqipërisë. Arsyeja për këtë është e thjeshtë: asnjë shtet, as i ri as i vjetër, nuk dëshiron të orientohet drejt Shqipërisë, meqë Shqipëria është për faqe të zezë, në çdo pikëpamje; dhe të tjerët i rrinë larg, si të ishte ndonjë i pastrehë në stacion të metrosë. Kalemxhinjtë që tundin e shkundin dordolecin e Shqipërisë së Madhe janë të vetëdijshëm se ndaj shqiptarëve në Ballkan, qëkur mori tatëpjetën Perandoria Osmane, janë bërë padrejtësi të mëdha – u janë marrë toka dhe prona, u janë rrëmbyer qytete, u janë dëbuar krahina të tëra. Fajtorët kanë frikë se një Shqipëri e Madhe mund t’ua ekspozojë krimet sërish – edhe pse sot për sot Shqipëria mezi po mbahet në këmbë e vogël dhe e sëmurë…

9. A është Pavarësia e Kosovës rezultat i ekspansionizmit demografik të shqiptarëve në Ballkan?

Nga të gjithë argumentet, ky është më i ndyri – shqiptarët pjellin shumë, si lepujt, ndryshe nga serbët e qytetëruar dhe të tjerët, që i bëjnë fëmijët pak e sak, si gjithë Europa. Qëllimi i argumentit është të kultivojë idenë se Kosova shtet i pavarur është mish i huaj në kontinent e nuk duhej lejuar të përftohej ose të dilte nga kontrolli i serbëve fisnikë; njëlloj sikurse nuk lejohet Turqia të futet në Bashkimin Europian… Është e vërtetë se, si rezultat i diferencave në ritmet e shtimit të popullsisë, raportet midis serbëve dhe shqiptarëve në Kosovë kanë ndryshuar dramatikisht; dhe se në ditët e sotme faktorin shqiptar në Ballkan të gjithë janë të detyruar ta mbajnë parasysh, qoftë edhe për arsye thjesht statistikore. Megjithatë, të shtohesh demografikisht nuk është faj, por argument!

10. A është njohja dhe legjitimimi i Kosovës së Pavarur orvatje in extremis e Amerikës për ta mbajtur Europën e Bashkuar në konflikt me Rusinë?

Kjo është teza e antiamerikanëve të përbetuar, ose të gjithë atyre që e shohin me dyshim gjithçka që bëjnë amerikanët. Në të vërtetë, implikimi amerikan në Ballkan nuk ka të bëjë me politikat e administratës Bush, të cilat kanë ngjallur irritim të madh kudo në botë; por me politikat e administratës Clinton, e cila udhëhiqej nga kritere të tjera në administrimin e marrëdhënieve ndërkombëtare. Nga pikëpamja tipologjike, Kosova nuk ka asgjë të përbashkët me ndërhyrjet e tjera ushtarake të amerikanëve sot në botë: Irakun dhe Afganistanin; nuk është e rastit që në Kosovë pavarësia u festua duke valëvitur pikërisht atë flamur amerikan që Bushi do të kish dashur aq shumë ta valëvitnin turmat në Bagdad e në Kabul – çka nuk ndodhi as do të ndodhë ndonjëherë. Prandaj mund të thuhej se njohja e pavarësisë së Kosovës është edhe një mënyrë që zgjodhi administrata amerikane për të shpëtuar shpirtin, pas gabimeve tragjike në Lindjen e Mesme; ose një gjest shembullor i një superfuqie që ka tashmë aq nevojë për të rimëkëmbur imazhin e vet.

Këto janë vetëm disa pak kundërargumente dhe kundërshtime; por pavarësia e Kosovës duhet mbrojtur, qoftë edhe ndaj padijes dhe naivitetit të viktimave të propagandës pro-serbe në mediat; sikurse duhet mbrojtur qoftë edhe ndaj përpjekjeve të të gjithë atyre që i shqiptojnë argumentet e tyre kundër, me shpresë se një ditë do t’u shndërrohen në profeci vetëplotësuese.

35 Komente

  1. Mixhe, t’lumte dora!

    Meqe Kosoves nuk po i lejohet me u thirre ne te drejten e popujve per vetevendosje, qe kish me qene argumenti ma i arsyeshem, kerkimi i argumenteve tjera asht shnderrue n’do probleme teknike qe as dreqi syn i merr vesh (dmth une s’po i kuptoj). Konkretisht, gjykata e Hages nuk e ka cilesue gjenocidal veprimin e Serbise; ajo qe ndodhi n’Kosove nuk ishte lufte, por konflikt; juridikisht ende nuk dihet se a i ka takue Kosova Serbise a jo; e si kto. Do media po e shqyrtojne pamvarsine e Kosoves si dizintegrim t’Jugoslavise, perderisa kjo ma teper asht shkeputje prej Serbise (apo anasjelltas).

    Tana t’mirat,
    Ardiani

  2. Konkretisht, gjykata e Hages nuk e ka cilesue gjenocidal veprimin e Serbise; ajo qe ndodhi n’Kosove nuk ishte lufte, por konflikt;

    10,000 te vdekur nuk konsiderohet gjenocid. Chomski thote “ta quash ate qe ndodhi ne Kosove gjenocid do te thote te fyesh rende viktimat e verteta te gjenocideve”. Nga ana tjeter nje Cifut tjeter, Bernard Lewis, argumenton bindshem qe ‘gjenocidi i Armeneve” nuk ishte gjenocid packa se mund te thote keshtu parlamenti francez (nen trysinine e 600,000 armeneve qe jetojne atje)

    Gjithashtu, nje komision nderkombetar juristesh vendosi qe nderhyrja e NATOs ne Kosove ‘nuk ishte legale, por ishte legjitime”. Pordhe me rigon dmth!!

    Nje gje eshte e sigurt qe opinioni global do te jete domosdoshmerisht i polarizuar, keshtu qe nuk di a ja vlen apo jo te shpenzosh energji te mbushesh mendjen atyre qe e kane te mbushur.

  3. Genocid nuk ndodhi sepse ndërhyri NATO-ja. Sikur të mos kish ndërhyrë NATO-ja, gjasat janë që popullsia shqiptare e Kosovës do të ishte dëbuar drejt Shqipërisë; siç e thashë më lart, kjo zgjidhje do të ishte më komode për Milosevicin, të cilët kishin ca kohë që e kishin hedhur në qarkullim tullumbacen e Kosovës “së populluar nga shqiptarë të ardhur prej Shqipërie”. Këta hipokritë të pashembullt, me Chomsky-n në krye, kinse refuzojnë ta kuptojnë se vende të qytetëruara si SHBA, Britania e Madhe, Gjermania, Franca e Italia nuk mund të rrinin e të bënin sehir sesi regjimi serb poshtëronte, dhunonte e bllokonte dy milionë shqiptarë, mu në zemër të Europës, pasi kish ndodhur tragjedia pak vjet më parë në Bosnje e frymëzuar dhe e ekzekutuar prej të njëjtëve kryqtarë të fantaksur. Srebrenica u rëndonte si gur në zemër të gjithë atyre që u kish mbetur një fije ndërgjegjeje në Perëndim; Sarajeva e masakruar me artileri nga shpellarët nacionalistë serbë njëfarësoj e shpëtoi Prishtinën nga shkatërrimi dhe djegia. Numri i të vdekurve nuk ka shumë rëndësi – 100, 1000, 10.000… këto nuk janë para, që vlejnë më shumë po të jenë më shumë. Askush nuk e di se çfarë katastrofe ndali ndërhyrja e NATO-s – ndoshta vetë Shqipëria do të ish detyruar të futej në luftë kundër Serbisë dhe do të ishte bërë shoshë; ndoshta do të kish ndodhur ndonjë krizë e paparë refugjatësh… Chomsky-n duhej ta merrje për zverku e ta çoje në kufirin shqiptaro-serb të atëhershëm, e le të guxonte t’ua përralliste të ikurve e të dyndurve prej Kosove këto gjepura që thotë tani për genocidin.

  4. XhaXha, te me falesh per kuvendimin pa nuance por: CHOMSKI ESHTE KOQE KANDARI! Thjesht e permenda per te ilustruar qe nuk ia vlen te merresh me njerez te seres te tij.

    Point in case: cifutet jane treg per ide fantastik pasi perfaqesoj ne nje mini-treg global opinioni ( ke rob si Chomski dhe si Lewis, ke rob si Stephen Schwarts dhe si Julia Gorin). Pra cifutet jane te dyzuar. Propaganda Shqiptare do jete efektive nqs Chomski nderron mendje..por nuk besoj

  5. Salman Rushdie ofron nje argument shume te thjeshte kunder dyshimeve qe ngre Chomsky mbi hipokrizine e nderhyrjes humaniste te administrates Klinton ne Kosove. Dakord, thote Rushdie qe Amerika nuk nderhyn ne Darfur, qe nuk nderhyn ne ceshtjen kurde, apo ne shume vende te tjera ku ka rrezik gjenocidi, dhe dakord qe kjo eshte gabim. Por nuk duhet kritikuar per kete arsye pse nderhyri ne gjenocidin qe mund te ndodhte ne Kosove, kjo nuk do te thote se kur nderhyri, beri gabim. Me mire nje i shpetuar, se sa asnje.

    6 milion cifute te vrare nga nazizmi duhen kujtuar me dhimbje, dhe nuk duhen harruar kurre. Nuk jam duke e marre per face value ate qe thote Qafiri, (dua link) por te thuash eshte ofendim ndaj genocidit cifut po te konsiderosh 10 mije shqiptare te vrare genocid, do te thote te ofendosh jo vetem ata 10 mije shqiptare, por edhe ata 6 milion cifute, se fundja c’beri 10 mije shqiptare e c’beri 6 milion cifut. Eshte papergjegjesi, do te thote te presesh deri sa te zhduken 6 milion shqiptare qe historia t’i therrasi mendjes prape, do te thote te hapesh krahet e t’i thuash genocidit shyqyr qe erdhe qe ne te fillojme e te flasim serish me terma hegeliane, te fillojme e te flasim prape per fundin e historise.

    Xhaxha, roli i perandorise amerikane eshte pa perjashtim sfida me e madhe ne opinionin publik ne lidhje me ceshtjen e Kosoves, dhe nderkohe qe mund te kete luajtur rol mbeshtetes ne pavaresine e Kosoves, duke bere pikerisht kete, luan rol negativ. Pyeta profesorin e historise se c’mendonte, dhe gjeja e pare qe me tha ishte pikerisht kjo: “kam shume miq leftiste (New School breed) qe kane shume dyshime per qellimet amerikane. Eshte per t’u habitur” tha “qe nuk ka nafte ne Kosove”.

    Po te shikosh me kujdes, penat me te forta qe jane ne mbrojtje te Pavaresise se Kosoves jane konservatore, me Hitchens ne krye, i cili fatkeqesisht eshte avokat i nderhyrjes ne Irak, konservatori i felliqur. E keqja e kesaj eshte se ne pergjithesi opinioni i elites intelektuale eshte ne pergjithesi nga e majta, dhe sic thote Qafiri tek ‘Populli i “zgjedhur”‘ shqiptaret shihen si kali i trojes se hegjemonizmit amerikan. I vetmi diskurs qe mund t’a perballi kete perceptim te kalit te trojes eshte diskursi i vetvendosjes, ne te cilin kolonizimi euro-amerikan nuk eshte me i mire se kolonizimi serb. Them se duhet perqafuar.

    Po, Amerika eshte evil. Po, Amerika ka kontribut te larte ne Pavaresine e Kosoves. Rrjedhimisht shqiptaret jane evil. Ky do jete argument qe duhet perballur ne menyre radikale, pasi do te perdoret pa fund nga Serbet, (te ndihmuar nga imazhi heroik i djegjes se flamurit amerikan) aq sa mund te na vije e keqja vetem nga kjo.

  6. Imagjinoni momentin kur nazizmi nuk kishte vrare me shume se 10 mije cifute. Dhe imagjinoni sikur ne kete moment te ngrihej nje historian me origjine te indianeve te amerikes (sikur keta te margjinalizuar te shkrete te kishin gojen qe cifutet kane sot) dhe te thoshte, “Pse gjenocid eshte ky? T’a quash gjenocid kete eshte ofendim ndaj popullit tone te shfarrosur nga evropianet”.

    Qe kur Chomsky eshte bere raison d’etre e Hugo Chavez, i ka humbur piket. Por njekohesisht edhe ka fituar nje pjese te madhe te opinionit publik.

  7. Lufta mediatike po mbaron tashme sepse fundja nuk zgjat me shume sesa dy-tre jave. Ne fakt nuk e di se si eshte puna ne Amerike por ne Gjermani dhe ne media te rendesishme si BBC reagimet mediatike kane qene kryesisht proshqiptare gjithsesi ne asnje menyre proserbe. Nese Kosova mbetet relativisht e qete lufta mediatike do te zhvendoset atje ku e ka vendin, neper librat e historise dhe punimet shkencore te ndryshme. Ketu kemi shanset me te mira per te fituar dhe fundja kjo lufte eshte ajo qe mbetet ne ndergjegjen e pergjithshme.

  8. @xha-
    ti tani e quan, se i’u je pergjigjur pyetjeve te shtruara me siper?
    nuk kupton se ato c’ka thua me kete lehtesi, jane te “ngjyrosura” me te kuqte e syzeve shqiptare qe ke veshur?
    nuk kupton se perrallat me mbret qe thua per shqiperine e madhe, jane llomotitje qe mund ti thote vetem nje sylesh?
    thua:
    “Serbët po ikin nga Kosova kryesisht sepse nuk është e lehtë të jetosh sot në një vend me probleme të mëdha ekonomike si Kosova…”
    je ne terezi? me te njejten llogjike pse nuk largohen edhe kosovaret?
    o njerez, nuk kuptoni se po perdoreni si “koke turku”, per lojrat e semura te amerikes ne europe?

    zgjohuni nga letargjia e mendimit, sa s’eshte vone e gjerat s’kane marre ende tatepjeten!

  9. me te njejten llogjike pse nuk largohen edhe kosovaret?

    Largohen edhe kosovaret, largohen. Nga vijne ato mijera kosovare neper Gjermani e Zvicer Por kur largohen kosovaret, kjo nuk perben lajm, sepse emigracioni nuk eshte lajm.
    Kur largohen serbet, KJO perben lajm (dhe ti e degjon) sepse largimi i serbeve eshte, keshtu te themi,
    vete- permbushje e profecise qe serbet po shtypen nga shqiptaret.

  10. Stërkalth, bëra një përpjekje. Ideja ime është për t’i diskutuar këto çështje, jo për të thënë fjalën e fundit. Ti më thua se ma err mendimin “të kuqtë e syzeve shqiptare që ke veshur”, por unë nuk është se kam veshur gjë (dhe në gjuhën shqipe syzet nuk vishen, por vihen), unë shqiptar jam, interesat e shqiptarëve në Ballkan e kudo gjetiu më interesojnë më shumë sesa, të themi, të pomakëve ose të vllehëve. Je i mirëpritur të sjellësh kundërargumente, sepse ashtu zhvillohet edhe debati. P.sh., e kundërshton një prej arsyeve të mia për largimin e serbëve nga Kosova duke pyetur: “je ne terezi? me te njejten llogjike pse nuk largohen edhe kosovaret?”. Po pse, o Sterkalth, pak kosovarë janë larguar për arsye ekonomike, kur nuk janë dëbuar? Pak statistika ka për këto gjëra? (Tani shoh se të njëjtin arsyetim e paska bërë edhe Tabakhone më lart, por i nxorëm komentet në të njëjtën kohë). Më thua: “perrallat me mbret qe thua per Shqiperine e madhe, jane llomotitje qe mund ti thote vetem nje sylesh?”. Ti më fyen këtu qëllimisht, sepse nuk të pëlqen arsyetimi im; ose sepse e kupton që arsyetimi im mund t’ua shpojë tullumbacen të gjithë atyre që kanë vënë kujën anembanë botës për rrezikun e “Shqipërisë së Madhe”; prandaj shpresa jote ndoshta është që unë ta braktis argumentin tim dhe të merrem me “pse ti pse unë”. Kush është syleshi këtu? Shkruan: “o njerez, nuk kuptoni se po perdoreni si “koke turku”, per lojrat e semura te amerikes ne Europe?” Të them se, në këtë moment të historisë, interesat e shqiptarëve dhe ato të Amerikës ndoshta koinciduan. Ndodh gjatë gjithë kohës në marrëdhëniet ndërkombëtare. Forcat politike në Kosovë do të lidheshin me ato fuqi të mëdha që ua përkrahnin interesat strategjike, ose shkëputjen e Kosovës nga Serbia, pavarësisht se për ç’arsye. Më në fund, një vërejtje për shprehjen “kokë turku” që përdor – historikisht, koka e turkut ka qenë një vizatim a shembëlltyrë e një asqeri turk që shërbente si shënjestër në parqet e dëfrimit në Europë (siç ka shërbyer për ne shqiptarët Brezhnjevi e Reagan-i më pas); sot shprehja përdoret për të shenjuar dikë që ndëshkohet rëndom në vend të një tjetri (angl. whipping boy, ose scapegoat). Ti thua “kokë turku”, por e ke fjalën për “mish për top”, shprehje tjetër. Shqipja është pak e vështirë, kërkon kohë për t’u mësuar mirë. Megjithatë t’i admiroj përpjekjet.

  11. Nje nga dilemat e rendesishme – une do thosha thelbesore – qe beri qe pavaresia e Kosoves te hasi ne kundershtim, eshte ajo nese rasti i Kosoves perben precedent per rajone te tjera apo jo. Administrata Amerikane dhe mbeshtetesit t tjere te pavaresise shprehen qe jo, por nuk duket keshtu po te lexosh arsyetimin qe i ben nje tjeter mbeshtetes i kesaj pavaresie Roger Cohen ketij rasti ketu ( http://www.iht.com/articles/2008/02/20/opinion/edcohen.php )
    Me sa duket Kosova megjithese nuk pranohet hapur nuk eshte nje rast i vecant, por eshte nje rast qe kerkon te ndryshoje ligjin boteror ne favor te te drejtave te njeriut. Kuptohet ky lloj rendi i ri boteror favorizon ata qe traditen e mbrojtjes se te drejtave te njeriut e kane me te forte. Dihet shume mire se kush nuk e ka kete tradite – por perkundrazi ka nje tradite per te bere te kunderten – dhe ky grup shtetesh jo rastesisht eshte kundershtar i kesaj nisme (perjashto raste si Spanja apo Qipro qe kane arsye te qenesishme pasi kane plage the konflikte te hapura).
    Problemi shtrohet se kush do ta ushtroje ligjin nderkombetar? OKB e ka provuar veten te paafte per te ushtruar c’do lloj ligji, ndaj barra u ka rene organizmave te tjere sic eshte NATO, EU, apo Tribunali i Hages, dhe FMN dhe BB ne nje nivel me ekonomik. Kuptohet se disa nga keto organizma ne syte e Comskit jane thjeshte vegla te Imperializmit Amerikan. Comski ne qendrimin e tij ka zvendesuar termin “revolucion” ne teorine e Marksit me termin “anarshi” – destabilizim i perhershem i rendit boteror kapitalist. Kuptohet se rasti i Kosoves ne syte e Comskit eshte pjese e ketij rendi, pa dashur te dije se kush eshte arsyeja morale e tij. Sic thote Qafiri, ai (edhe sera e tij) nuk kane per te ndryshuar mendje no matter what. Ky lloj atodestruksioni anarshist kuptohet qe behet qesharak ne nivel provincial sic mund te jete edhe rasti i Sterkalth.

  12. xha-xha

    syzet vishen; ashtu sikurse veshim edhe patriotizmin tutkun; edhe interesat meskine, te cilat nuk na lene te shohin pak me larg se hunda jone; ashtu sikurse vishet edhe injoranca historike, apo kitci etnik qe mbyt cdo mendim te lire e te thene ndryshe.

    thua:
    “…Ti më fyen këtu qëllimisht, sepse nuk të pëlqen arsyetimi im; ose sepse e kupton që arsyetimi im mund t’ua shpojë tullumbacen të gjithë atyre që kanë vënë kujën anembanë botës për rrezikun e “Shqipërisë së Madhe…”
    nuk kam per qellim te te fyej ty. mendimet e tua jane te pamatura, dhe me te tilla mendime, edhe tullumbacet e tua s’kane per te mbetur te fryra per kohe te gjate.

    kur shurron qiejt, je ti ai qe lagesh i pari.

    historia e ka treguar , se vendet qe u rreken pas lojrash te tilla ekonomiko-politiko-shoviniste , ne me te miren e rasteve kane thyer turinjte.

    nje analist si zotrote,( qe e ka kaluar fazen e mendimit adoleshent te te ziut ujk ) duhet te perpiqen te shohe pak me thelle gjerat, dhe jo te rreket pas mikro politikash shoviniste. cdo veprim ka edhe kunderveprim, dhe para se ti veme zjarrin botes duhet te mendojme se mund te digjemi edhe vete ne te.

    roli i cirakut, dhe te qenurit nen tutelen e superfuqise se vetme sot, asgje te mire s’sjell. te kujtoj kete rol e luante serbia, dhe jugosllavia, per vite me rralle. deri aty kur amerika “zbuloi” interesa te tjera, dhe e shkaterroi jugosllavine.
    mos harro edhe bin laden! kush e krijoi, dhe per c’lojera e perdori me vone.
    le te shpresojme qe asgje e tille s’do te ngjase me shqiperine!

    interesi i papare i amerikes per kosovaret dhe shqiptaret , vetem mosbesim ngjall…

    ku eshte kjo amerika demokratike, e cila “keputet” per te drejtat e kombeve qe luftojne per pamvaresi kombetare, ne rastin e kurdeve, te palestinezeve etj?!
    dhe pse organizimi i kosovareve te uck quhet patriotik, ndersa lufta e pkk se kurdeve, dhe e palestinezeve quhet terroriste?

    pra ketu nuk flitet per mbrojtje te popujve qe luftojne per vetvendosje, por per interesa politiko-ushtarako-ekonomike, te cilat “i forti i fshatit”, perkujdeset dhe mbron me kaq zjarr; po qe nevoja edhe me jete njerezish.

    nje njeri me mend sigurisht qe eshte kunder kesaj pamvaresie te kosoves, sepse ky akt i ndryshimit te kufijve coi ballkanin 50 vjet mbrapa, dhe futi ne qorrsokak marredheniet ndermjet popujve te ketij rajoni, duke riperterire shovizmat e harruar prej mese nje shekulli.
    prandaj kjo marrosje etnike qe ju ka kaperthyer, beni mire t’a kontrolloni, nese nuk doni qe gjerat te marrin tatepjeten.

    eshte koha te bashkejetojme, jo te vrasim njeri-tjetrin pas shpine.

    ujk
    provinciale dhe truthara jane flamujt e hicit dhe te mediokritetit etnik , te cilat valevit e predikon.

  13. “prandaj kjo marrosje etnike qe ju ka kaperthyer, beni mire t’a kontrolloni, nese nuk doni qe gjerat te marrin tatepjeten.”

    Varet ne cilen maj ke vendosur te ndenjuren, o Sterkalth!

  14. Sterkalth, me provincialen i referohesha raportit te Shqiperise ne diskursin global, atij diskursi ku pozicioni nga ku Chomski diskuton – ne zemer te “imperializmit” – merr rol qendror ne krahasim me ate te ketij blogu apo atij shqiptar ne pergjithesi. Vete ideja qe shqiptaret duhet te braktisin interesat te qenesishme te tyre ne emer te permbysjes se rendit global, mua me duket qesharake. Pra nuk ishte epitet i drejtuar tek ty personalisht, por tek provicialja qe percakton shkallezimin e nivelit te diskutimit. Sic tha edhe Xha Xhai shqipja eshte gjuhe e veshtire, por edhe ti ne vend ta lexoje ate fjale si shprehje te nje koncepti zgjodhe ta lexoje si sulm personal.

    Gjithashtu po te lexosh cfare shkruajta ne komentin me lart do shihje se une i referohaesha edhe te drejtave te njeriut (psh. kur behet fjale per genocid sic eshte ai Serb), argumenta qe ata te seres se Chomskit nuk duan ti degjojne; por me sa duket as ti.

  15. Salman Rushdie ofron nje argument shume te thjeshte kunder dyshimeve qe ngre Chomsky mbi hipokrizine e nderhyrjes humaniste te administrates Klinton ne Kosove.

    E di si eshte puna me Cifute si puna e Chomskit? Keta e kane pare e provuar vete ne kurriz qe “cmimi i universalitetit eshte hipokrizia”, prandaj nuk ja u mbante prapanica te praktikonin “Torah”-un dhe shkojne e behen humaniste.

    Por kur shohin qe, ndonese i iken universalitetit hebraik, perfunduan ne nje pellg me te madh universaliteti te cilit nuk i shpetojne dot, (tjeter gje eshte te lesh hebraizmin, tjeter gje eshte te lesh njerezimin…mqs Chomski ia ka dale mbane se me duket se eshte bere nga Pluto ..qe si per dreq e degraduan edhe si planet), behen si bisha dhe vetem lehin e kafshojne.

  16. Rasti me i perafert me Kosoven eshte ai i Timorit Lindor. Aty e gjithe situata u zgjidh nga UN dhe ne palet qe mund te kishin interesa te ngushta ishte vetem Australia, e cila e administroj situaten me paanesi. Pa cka se ditet e fundit ka patur probleme ne ate vend.

    Spanja dhe Qipro jane ku e ku me Kosoven dhe sidomos Spanja nuk ka ndonje problem dretjperdrejt nderkohe qe Qipro e ka dicka te dyaneshme. Problemi greko-turk dhe ndikimi ortodokso-mesjetar nga ana e Greqise kunder shqiptareve.

    Me siper ve re se “Sterkalth”, pervec opinioneve te ndryshme qe jane teresisht ne te mire apo ne te keq te tij, ne dy raste, qellimisht perdor fjalor te pa pershtatshem ne blog me mundsi shume me te medha duke thene me mire p.sh.:

    “Pallavra” per, “P_ _ _ _ _ _ me rigon”, dhe e dyta:

    “Po peshtyve perpjete te bije ne surrat” per, “kur sh_ _ _ _ _ qiejt, je ti ai qe lagesh i pari”.

    Duhet te respektoj etiken e blogut.

  17. Po pse, o Stërkalth, nuk duhet përkrahur Kosova, së cilës Serbia ka një shekull që ia merr shpirtin kinse në emër përrallash mesjetare të djepit me kokalla e të Knjaz Llazarit? Kush e bëri lëmsh Ballkanin në vitet 1990, pa më thuaj? Vallë Ibrahim Rugova? Serbia e humbi Kosovën vetë – praktikisht duke i detyruar kosovarët të kërkonin pavarësinë. Kombet sëmuren njëlloj si njerëzit, dhe serbët në këtë moment kanë nevojë të mjekohen, që të vijnë në vete; dhe shkëputja e Kosovës mund të vlejë edhe ashtu, që t’i sjellë në vete. Por kam frikë prapa gjithë këtij irritimi për pavarësinë e shqiptarëve të Kosovës fshihet paragjykimi i vjetër që shqiptarët në Ballkan janë popull i kategorisë së dytë, popull që tolerohet por që nuk lejohet të ulet në sofër me të tjerët, sepse i mbajnë erë këmbët. Tani, shqiptarët kanë kusuret e tyre, të cilat i kemi diskutuar në këtë blog dhe gjithnjë do t’u kthehemi; por ndoshta kjo që ndodhi në Kosovë do t’i ndihmojë edhe shqiptarët vetë të qytetërohen më shpejt se ç’kanë bërë deri tani.

  18. Pastaj. Sikur Kosova te ishte krahine autonome e Rusise dhe jo e Serbise, sot, do ishte mevehtesuar ne ate menyre se si e ka trajtuar ate Serbia. Serbia i katandisi vete punet ne kete dite. Nuk ju ka faj njeri. Ju dha arme me duart e saj kombeve dhe kombesive te ish Jugosllavise per tu shkeputur.

  19. “ku eshte kjo amerika demokratike, e cila “keputet” per te drejtat e kombeve qe luftojne per pamvaresi kombetare, ne rastin e kurdeve, te palestinezeve etj?!
    dhe pse organizimi i kosovareve te uck quhet patriotik, ndersa lufta e pkk se kurdeve, dhe e palestinezeve quhet terroriste?

    pra ketu nuk flitet per mbrojtje te popujve qe luftojne per vetvendosje, por per interesa politiko-ushtarako-ekonomike, te cilat “i forti i fshatit”, perkujdeset dhe mbron me kaq zjarr; po qe nevoja edhe me jete njerezish.”

    Sterkalth, ky eshte argumenti i Chomsky-t per te cilin po flasim. Argument qe ka apel, natyrisht, pasi demaskon hipokrizine amerikane. Por, degjo me kujdes, pavaresisht agjentit qe eshte Amerika dhe interesave te saj, jo vetem fale hipokrizise amerikane, por edhe per inat te kesaj hipokrizie, zgjidhja e ceshtjes se Kosoves sic i eshte dhene eshte e drejte dhe ishte imperative morale qe t’i jepej e tille. Kjo kokerr qepe qe fali amerika mund te mos ia shpetoje shpirtin, por kjo nuk do te thote se kokrra e qepes nuk duhej dhene. Argumenti moral nuk i perket Amerikes, por kushteve qe solli regjimi fashist i Miloshevicit ne te gjithe rajonin. Ti, dhe Chomsky, dhe kushdo qe ofron argumentin qe kam cituar me larte prej teje, apo kushdo qe e perdor argumentin moral per te mbrojtur apo sulmuar Ameriken, duhet te kuptoni edhe kete pjesen e dyte te argumentit moral, qe t’a perseris, nuk i perket Amerikes ky argument.

    “eshte koha te bashkejetojme, jo te vrasim njeri-tjetrin pas shpine.”

    Me kete te fundit, me ben te mendoj se nuk dike te lexosh, pasi nuk ka predikuar asnje ne kete blog te vrasim njeri tjetrin pas shpine. Flamurin beshtyje, shurroje, fshi bythen me te po deshe, (sic edhe mendoj se eshte liria e kujtdo ne qofte se deshiron), por kjo nuk te jep te drejten qe ata qe nuk bejne si ty ti etiketosh si vrases pas shpine. Mos e ngaterro muhabetin me komplotin, se te merr muhabeti per paranoiak pastaj.

  20. @ xha-

    thua:
    “…Por kam frikë prapa gjithë këtij irritimi për pavarësinë e shqiptarëve të Kosovës fshihet paragjykimi i vjetër që shqiptarët në Ballkan janë popull i kategorisë së dytë, popull që tolerohet por që nuk lejohet të ulet në sofër me të tjerët, sepse i mbajnë erë këmbët…”

    eshte pikerisht e kunderta e ketyre qe thua. rasti i kosoves , si edhe thirrjet e tua , apo te atyre bisedave te tipit te kafeneve, (te cilat ndesh ne forumet apo blogjet shqiptare), per shqiperine e madhe, nxjerr ne pah mendjehollesi te mendimit, dhe te vezhgimit te botes.
    te kujton teorine e dominose, e cila mund te kredhi jo vetem ballkanin, apo evropen, por edhe boten ne gjak.

    me te njejten lehtesi dhe papjekuri qe ju predikoni shqiperine e madhe , mund te flasim per nje sere fenomenesh (zinxhir), per te cilat askush s’mund te na garantoj rezultatet.

    me vjen keq, sepse 90% e shkrimeve trutrasha(shoviniste e nacionaliste), vijne nga njerez qe jetojne ne amerike apo kanada.
    ne nje kohe kur bota bashkohet, ithtaret e “shqiptarizmes”, me thika nder duar( dhe nen hijen e “te fortit” te fshatit), kane dale te lajne hesapet me historine, duke deshmuar edhe nje here se ketij vendi i mungon kaq shume ekzistenca e “intelektualeve”, dhe e mendimit te thelle, e cila do te terheqi kete popull, e do t’a coj ate perpara…….

    eshte fatkeqesi te degjosh te fliten brockulla, nga njerez qe vrasin kohen ne internet. nga njerez qe flasin edhe per poezine, edhe per historine, edhe per matematiken apo kimine, edhe per filozofine, apo juridiken me te njejtin sy siperfaqesor, adoleshent , e ne te shumten e rasteve gafaxhi.

    shqiperia dhe shqiptaret, duhet te perpiqen te “zgjidhin”, zinxhiret e shovinizmit te cilet po i marrin frymen; dhe te shohin si do te ecin perpara, ne nje bote e cila s’na perket, dhe tek e cila jemi te perkohshem….

    duhet te shkallmojme muret, jo te ngrejme te rinj, duhet te vrasim fantazmat mesjetare te cilat na perqarken, duke na bere qesharak ne syte e te tjereve…

  21. Kur te kesh pozicion prioritar Sterkalth ne nje ngjarje mund te justifikosh bidshem tolerancen e rrezimit dhe jo ngritjen e mureve, toleranc delire jotja e ka kufirin deri tek pasioni individual teorik, se ti nuk shikone ate fare muri kalaje ndertuar rreth shqipetareve dhe gjitoneve qe ti bene per autor shqiptaret per te, me siguri te ngaterrojne dy kunguj ne nje sqtull, njeri kungull eshte shqiptar dhe tjetri e di ti qe te dhimset e ngatrron ate cik kulture e dashuri te mbledhur me aq durim si i urt i botes, qe po i hoqe muret ti na del pa poturre, e gjej brim te futesh.

  22. Sterkalth, je vizitor i rastesishem ne keto ane, por nuk ta fal dot bagazhin me paragjykime qe sjell. Nese blogu te duket si cerdhe nacionalistesh e gafaxhinjsh, te bej ftese per nje xhiro dhe ne temat te tjera ketu per te kuptuar qe nje dore e mire e atyre qe thua nuk qendrojne kur i drejtohesh kesaj hapesire. Te siguroj qe Peizazhe te Fjales eshte nje hapesire qe ka marre formen e blogut, por qe ne asnje rast nuk vepron ne te njejtat parime si forumet qe ke ndermend dhe mbi te gjitha nuk eshte aspak siperfaqesore.

  23. Stërkalth, nuk kuptohet pasioni yt për të fyer shkruesit e këtij bllogu. Ndoshta duhet të ndërgjegjësohesh më herët se nuk arrin asgjë dukë sharë e cilësuar të tjerët si „kokëtrashë“, „syzekuq“, „kokëturq“ sepse sinqerisht që askush nuk është ekspozuar këtu për të mirëpritur harbutërinë spontane të kalimtarëve virtualë. Pastaj edhe zgjidhjet metaforike që bën bën janë të dobëta dhe nuk bien gjë ndonjë kontribut përsa i përket zhvillimit të komunikimit. Si truhollë që e mban veten ndoshta ia arrin dot të kuptosh që njerëzit janë mbledhur këtu për shkëmbyer mendimet e tyre dhe ti deri tani je akoma borxhli, pasi një opinion i yti deri tani nuk është ende i evidentueshëm dot. Pa dashur të harxhoj më kohë me ty për të të thënë, „ose-ke-gjë-për-të-thënë-;-ose-qepe-;-madje-më-mirë-akoma-:-thyeje“ do të ftoja ndoshta t’i afroheshe përfytyrimit së Shqipërisë se Madhe si një hapësirë kultorore ndërshqiptare, në të cilat kufijtë adminstrativë nuk luajnë ndonjë rol. Pra nuk ka rëndësi nëse të gjitha hapësirat shqipfolëse janë të bashkuara në një njësi administrative të përbashkët; unë përsonalisht do të kisha thënë se mbase edhe Shqipëria e sotme mund të kishte funksionuar më mirë duke u konfederatizuar (Toskëri, Gegëri, Republika Autonome Mikrosocialekonomike e Mokrës etj.); me Shqipëri të Madhe në planin kulturor unë do të kisha thënë që qarqet letrare, kulturore, teatrale, muzikore, kërkimore shkencore në fushën e shkencave shoqërore, kritikat gazetareske, filmi, abetaret, studimet rajonale ekonomike, pra të gjitha gjerat që shqiptarët i bejnë për momentin vec e vec në fushën kulturore t’i bëjnë bashkarisht; që një teatër nga Tetova në mënyrë të vetkuptueshmë të shfaqet në Elbasan dhe anasjelltas, që në një film shqiptar të përzihen rolet, që të gjitha marrëdhëniet njerëzore të gjejnë nje emërues të përbashkët, që të unifikohen praktikisht dhe llogjikisht praktikat juridike kryesisht në fushën civile, që si Shqipëria dhe Kosova të kenë një sistem analog të të drejtës civile, të sistemit të sigurimeve, të lidhjeve telefonike, të aplikimit të tarifave për shkëmbimin e valutës dhe arit, të shpërndarjes së gjobave për kundravajtjet administrative në fushën e transportit automobilistik. Pra ajo që mund të jetë Shqipëria e Madhe (prej të cilës ti paske frikë) është ajo hapësirë, në të cilën 7 milionë anëtarët e tij nuk mundohen ta zbulojnë secili veç e veç rrotën, por e delegojnë një gjë të tillë në forume të përbashkëta. Në këtë mënyrë grupi shqipfolës gjeneron një mendim intelektual të përbashkët ne mënyrë më efikase. Ndoshta kush jeton në hapsirën anglishtfolëse e kupton më mirë se cfarë dua të them, se sa komode janë disa gjëra kur ato në llogjikën e tyre janë të unifikuara. Praktika juridike p.sh. Ku ka gjë më të mirë, se ta unifikosh atë mendim shumë të komplikuar të praktikës juridike të gjeneruar nga gjyqtarë e gjykata profesioniste aq të zotë për një grup edhe më të madh njerëzish. Kjo stimulon komunikimin e njerëzve, transportin e mallrave, rrit prodhimin e ekonmik, shkurton rrugët internacionale burokratike; me nje fjalë LIDH, NGJIZ, MPIKS GRUPIN, anëtarët e tij kanë një jetë më të qetë dhe më të lumtur dhe më pak të stresuar. Thjesht rrojnë më gjatë. Thjesht duan jo vetëm veten, por edhe njëri–tjetrin më shumë. Në një farë mënyrë kjo do të ishte Shqipëria e madhe, për themelimin e të cilës nuk ka nevojë kush të presë deri sa Kosova të ketë vëndin e vet ne OKB apo EU apo NATO apo përsëri mbrapsht në Sërbi. Me një gjë të tillë fillohet dot që nesër. Dhe e di se ku fillohet? Aspak atje sipër, por atje poshtë, në rrugë, tek unifikimi i vijave të bardha, sinkronizimi i semaforëve, unifikimi i librave të diturisë së natyrës, katalogizimi pan-shqiptar i barërave të këqia e kështu me rradhë.
    Se fola sipër për hapsirën anglishtfolëse (të cilën e njoh pak dhe përciptazi) por në hapsirën gjermanishtfolëse një gjë e tillë funksionon shkëlqyeshëm. Hap gazetën në Berlin apo Mynih dhe lexon në mënyrë të vetëkuptueshme për një koncert në Zyrih apo Vjenë, sikur ky të ishte shfaqur në Frankfurt apo Këln. Merr një vendim gjyqësor zgjidhje martese të një gjykate komunale austriake dhe orientohesh dot menjëherë në përmbajtjen e tij, kupton pa problem mekanizmin llogjik të formulimit të tij dhe je menjëherë substancialisht i familiarizuar me të nesë ke studiuar në Gjermani. Pse nuk do të duhej shqiptarët ta ngrenë një pretendim të tillë, Sykaltër, apo si në dreq e ke emrin?
    Më bëj një nder dhe mos më shkruaj asgjë personalisht. Sic të shkrova „hape-vetëm-po-pate-ç’të-thuash-përndryshë-qepe“.

    Hajt shnet

    p.S. Këtu gjeta një shkrim interesant për Kosoven:

    http://www.guardian.co.uk/world/2008/feb/26/kosovo.serbia

  24. gh

    “je aty”, kur pretendon se lexon ato cfare them e shkruaj me lart? apo je perhumbur diku mes kallupeve nacionalo-morale, tek te cilat kane ndrydhur mendimin tend?

    qendrimi syzekuq, koketrashe, apo dhe te qenurit nje koke turku, “nje loder” e hegjemonise amerikane ne evrope, s’jane fyerje personale; jane nje pershkrim i permbajtur i realitetit shqiptar (e kryesisht e mediave te shkruara dhe atyre elekronike).

    ne nje debat, nuk mund te kontribosh kur bashkebiseduesi yt , i ka veshet te zena nga marmelata nacionaliste, mesjetare, e revanshiste.

    mua nuk me intereson shqiptari i izoluar mes mureve etnik, por si nje bashkebisedues i denje i cilivizimit te vertete evropian.

    me intereson shqiptari, qe me te njejtin humanitet sheh edhe jevgun ,edhe vllahun, edhe italianian, edhe serbin, edhe gjermanin.

    qendrimi trutrashe , egocenrik, dhe mjeran, i ndarjeve raciale, eshte nje semundje qe duhet t’a shikoni sa eshte heret. ne rast te kunder do te thyheni hundet si hitleri, sllobodani, e plot te tjere.

    gh, edhe une s’dua te harxhoj minutat e mia te vyera, me njerez te kallepit tend. por , eshte tmerresisht e veshtire, te te prishin harmonine shpirterore gjinkallat e mediokritetit, dhe te mos ndjesh nevojen te shkundesh paksa pemen ne te cilen jane kacavarur….

    ti qe njeh realitetin gjerman, duhet te kuptosh se getja apo betoveni nuk jane bashkebisedues te hitlerit, apo gebelit; por te shekspirit, dhe te verdit, te homerit dhe te gojes, te kamyse dhe te xhon lenon.

    shoqerite e pastra etnike jane krimba mesjetar, qe kane ndersyer boten tone; dhe kush s’i vret ( keta krimba) por i mbareshton, rron te pakten ne nje realitet te semure psiqik, dhe meditativ….

  25. GH e sqaroi bukur konceptin e Shqipërisë së Madhe jo si stacion modern ndërzimi të racës shqiptare (makthi i Stërkalthit), por si hapësirë ku shqiptarët të mund të komunikojnë lirisht dhe të realizojnë potencialin e tyre si kulturë kombëtare, përtej gardheve që u kanë imponuar forcërisht të tjerët.
    Këtu dua vetëm të shtoj se, nga pikëpamja gjeopolitike, Shqipëria e Madhe do të mund të realizohej vetëm në qoftë se Shqipëria e sotme do të luante dot rolin e katalizatorit – si shtet kompakt, dinjitoz, eficient dhe i respektuar në rajon dhe gjetiu në botë. Tani, siç e thashë në një koment tjetër më lart, Shqipëria nuk gëzon asnjë nga këto cilësi, përkundrazi. Asnjë shqiptar në rajon nuk dëshiron të ngatërrohet me filistinët rondokopë që qeverisin në Tiranë…
    Mirëpo sikur të ishte Shqipëria e sotme shtet kompakt, dinjitoz, eficient dhe i respektuar në rajon dhe gjetiu në botë, do të ishte pranuar me kohë në Bashkimin Europian! Dhe një Shqipëri anëtare e Bashkimit Europian vetëm sa do të përpiqej për t’i integruar në Europë edhe trojet e tjera të shqiptarëve në Ballkan, sepse ajo do të ishte edhe mënyra më komode, njerëzore dhe diplomatikisht e dëshirueshme për të realizuar atë hapësirën ndërshqiptare, për të cilën po flasim.
    Prandaj të flasësh sot për Shqipërinë e Madhe ose është njëlloj si të flasësh për integrimin formal të të gjitha trojeve shqiptare, duke përfshirë edhe Shqipërinë, në Europë; ose është interpretim ritual rapsodish kombëtariste ngushëlluese por të padëmshme, në dhoma miqsh të katundeve.

  26. Me cudisin ata njerez qe fillojne e cirren jo po nacionalizmi shqiptar, Shqiperia e madhe etj etj. Nderkohe serbet, ata qe brenda nje 10-vjecari nisen 4 luftra nacionaliste me qindra mijera vrasje e perdhunime me kampe perqendrimi e miliona refugjate jane ne rregull. Ah po, ata nuk jane te pafe si shqiptaret.

    Si mund te flasesh per nacionalizem shqiptar kur nderhyrja e NATO-s shpetoi nga duart e paramilitareve serb (bemat e te cileve njihen mire) dy milione njerez. Kurse shoqeria serbe akoma sot as nuk e merr mundimin te nise nje process vetereflektues per pergjegjesite qe ka e partia radikale ne zgjedhjet e fundit del partia me e fuqishme. I ndjeri Xhinxhic qe u mundua te niste nje proces “de-nazifikimi” ne Serbi u vra, dhe sot atje ka nje kryeminister qe ka kohe qe mund ta ngaterrosh lehte me Miloshevicin.

    Kur flitet per nacionalizem shqiptar e Shqiperi e madhe duhet bere njehere nje krahasim me fqinjet dhe mund te shihet qarte qe nuk jane shqiptaret ata qe vuajne nga mitet nacinaliste.

    Dhe nje lutje per administratoret e blogut. Njerez qe i nisin diskutimet me fyerje personale nuk kane vend ketu pra nuk do te benit gabim nese ja hiqni shkrimet derisa te mesojne si shkruhet e argumentohet.

  27. shoqerite e pastra etnike jane krimba mesjetar, qe kane ndersyer boten tone; dhe kush s’i vret ( keta krimba) por i mbareshton, rron te pakten ne nje realitet te semure psiqik, dhe meditativ….

    Me demek u dashka te pallohemi me fqinjet. Mos si merak sterkalth edhe ne kete aspekt jemi shume para tyre: Berisha ka per grua Sllobodanken, Agim Ceku ka per grua Dragicen.

    Kush nga lideret Shkizmatikeve mund te thote nje gje te tille?

  28. O sterkalth, You’re preaching to the choir. Nuk ka asnje njeri ketu qe te jete nacionalist i terbuar ashtu si i portretizon ti. Te pakten keshtu me duket mua. Pothuajse te gjithe i dime rreziqet e nacionalizmit, dhe Xhaxhai i ka shprehur ne tema te tjera keto rreziqe, ne qofte se me kujtohet mire. I kemi thene keto qe po thua ti. A nuk mund te flasim tani per marredhenie ndershteterore institucionale ndermjet dy popullatave qe kane te njejten gjuhe, te njejten filozofi, etj, pak a shume ne te njejtat terma qe i vendosi GH, mbi te gjitha pa u keqkuptuar mes njeri tjetrit? Perpara se te vazhdosh serish te thuash te njejten gje, do te lutesha t’i pergjigjeshe kesaj pyetje.

  29. Te vjen keq se po merremi me shume me Sterkalth se me ceshtjen, nderkohe qe nuk po u kushtojme vemendjen e duhur komenteve qe e bejne debatin konstruktiv. Me pelqeu shume ajo perqasja e GH-se. Nderkohe ajo ideja se Amerika paska interesa imperialiste ne zone dhe po perdor shqiptaret per ti arritur ato, me shume vjen nga moskuptimi i problematikes se c’eshtjes se ish-Jugosllavise dhe te Kosoves ne vecanti, dhe mardhenieve Amerike – BE sesa ndonje gjykim rracional. Eshte qesharake qe ata qe i sulen Amerikes ne emer te multikulturalizmit dhe qe medemek prkraheka shovinizmin harrojne qe Amerika eshte nga vendet me multikulturore. Dhe kur flasin per ekspansion ekonomik perseri harrojne se ky ekspansion ka qene faktori numer nje i multikulturalizmit – gje te cilen e kemi trajtuar edhe ne nje teme tjeter ne kete blog. Po te flitet per interesa Amerikane duhet thene se Shqiperia dhe Kosova kane me pak investime amerikane nga te gjitha vendet e rajonit. Por sigurisht ne katastrofen e Ballkanit disa e kane te veshtire ta gjejne te keqen tek vetja. Une nuk di ndonje vend te rajonit te kete me shume investime nga fqinjet, dhe me pak nga ato multinacionalet se Shqiperia, qe mire do bente t’i kishte keto investime ashtu sic i kane edhe fqinjet. Megjithate ajo qe desha te them eshte se pikerisht integrimi ekonomik do t’u japi shqiptareve edhe rajonit nje mundesi tjeter komunikimi dhe integrimi, sepse expansioni ekonomik nuk njeh kufije dhe etni, qofte ky amerikan, anglez, francez apo GazPromi Rus.

  30. Duke parafrazuar Volterin, shovinizmi shqiptar edhe sikur të mos ekzistonte, do ta kishin shpikur shovinistët fqinjë. Nuk e vë në dyshim që ka shqiptarë të dehur me kombëtarizëm, të cilët ndonjëherë bëjnë zhurmë nëpër forumet, i bien gjoksit dhe bëjnë thirrje për spastrime, rivendikime, ripërtëritje, zhvarrime e të tjera si këto; nuk kalon ditë pa ardhur ndonjë prej këtyre të shajë e të akuzojë autorët edhe në këtë blog. Megjithatë, ndryshe nga vende të tjera të Ballkanit, veçanërisht Serbia dhe Greqia, këta nacionalistë të fantaksur shoqëria shqiptare ndoshta i toleron, por vetëm siç mund të tolerohet një i dehur që i këndon natën këngë dashurie statujës së Nënë Terezës. Ligjërimi shovinist ndër shqiptarët nuk është bërë dot mainstream, ka mbetur në rrëzat e ligjërimit publik, i përzier me folklorin dhe gotën e rakisë; më tepër ritualistik sesa efektiv; më tepër liturgjik sesa shpirtëror. Mirëpo, po ta shohësh çështjen nga pozitat e shovinistëve të mirëfilltë, atëherë nuk është e vështirë të kuptohet se këta kanë nevojë të ngutshme për shovinizmin shqiptar agresiv që ta përdorin për të përligjur shovinizmin e tyre. Se po të jenë tolerante elitat politike shqiptare si në Shqipëri si në Kosovë si gjetiu e të shprehen për bashkëpunim paqësor, hapje kufijsh e shkëmbime të lira ekonomike, kulturore dhe institucionale me fqinjët e me pakicat kombëtare, atëherë ç’u mbetet më për të bërë këtyre zgërbove? Si do t’i përligjin thirrjet paranoide për luftë, rrezik, kërcënim, fondamentalizëm shqiptar, fondamentalizëm islamik e të tilla të ngjashme, me të cilat i fitojnë votat dhe i mbajnë turmat pas vetes?

  31. Kjo puna e nacionalizmit shqiptar si punët e tjera të shqiptarëve që janë popull i zjarrtë por jo eficient: dëshira nuk mungon, por firon gjatë rrugës. Është nacionalizëm i dobët jo sepse shqipot janë burra më të mirë, por sepse nuk i bëjnë gjërat dhe aq mirë, kur u hyjnë bashkarisht. Kujtojnë se ua hedhin të tjerëve, mbeten në fund me gisht në gojë. Ideali i elitave shqiptare, gjatë shekullit 20, ka qenë që t’i mbajnë të huajt me rroga, për arsye çfarëdo. Nuk bëhet nacionalizmi me rrogat e Italisë, Belgradit, Athinës, Londrës, Vashingtonit, Moskovit, Brukselit.

  32. Korrigjim: jo elitat shqiptare por ‘te Shqiperise’

    Ideali i elitave shqiptare, gjatë shekullit 20, ka qenë që t’i mbajnë të huajt me rroga, për arsye çfarëdo.

Lini një përgjigje

Zbuloni më tepër nga Peizazhe të fjalës

Pajtohuni tani, që të vazhdoni të lexoni dhe të përfitoni hyrjen te arkivi i plotë.

Vazhdoni leximin